سويتي حادث تعالي قولي لنا المواقف وشلون تصرفتي مع الناس ؟؟

[أريد حلا]

بسم الله الرحمن الرحيم




بنات ودي هالموضوع ينطرح علشان كلنا نستفيد


اذا سويتي حادث بعيد الشر عنكم طبعا بس قضاء وقدر

المهم اذا كان الشخص الاخر مصر ان انتي غلطانه وطبعا هالشيء وارد

شنو تسوين ؟؟؟


وشنو المواقف اللي تعرضتوا لها وشنو الاجراءات اللي لازم البنت

تسويها لمن يصير معاها جذي

اذا كانت الدعمه مشتركه بين الطرفين وبسيطه نوعا ما ؟؟؟؟؟؟؟؟



بالنسبه لي مر علي موقف بصراحه مادري شلون بس تحسفت

اني امشي الناس مفروض على طول ادق على العمليات

حسبت ان الدوريات بنروح مخفر بنفس الوقت طلع عادي اي وقت

وصحيح يفضل حل ودي

بس مشكله اذا المخ قفل اللي معاج خاصه اذا بنت وتحنج عليج

هههه حسبالها تبين تصلحين سيارتها

لان في اختراع اسمه تأمين سياره :eh_s(16):




المايك لكم ،،،،،،،،،،،،،،،،،،​

 

[شلة بنات وبس]

أسامح والمسامح كريم والعافين عن الناس ربنا ذكرهم بالقرآن​

 

[سكارلت]

اسؤء شيء لما اللي تدعمج بنت مو رجال بصراحة
في نوعيات مو متربية منهم على سلوم الحمايل وعادات العرب
وعادي عندها لو تفصخ هدومها بالشارع !!

في وحدة مجنونة أمس دعمت سيارتنا وقعدت
تصارخ على أخوي المسكين وهو ياقلبي قلبه يحاول
يهديها وهي بس تصارخ وتلعلع بصوتها جدام الله
وخلقه لاحيا ولا مستحى ولاخوف من الرياجيل
هذا وهي الغلطانة مو أخوي أجل لو حنا اللي
غلطانين وداعمينها شتسوي!!!!!!
ماعليها شرهة كاولية خايسة شيعرفها بالأدب
انا والله أستحيت من سواتها وغطيت وجهي
من الفشلة هذا وأنا ساكتة وقاعدة بالسيارة ومالي خص
وهي عادي عندها ونازلة تصارخ وتلم العالم
قطع هكرة..

 

[أريد حلا]

^^

هههه حياتي فديتج ليش تصارخ تحسب بتقولون لها صلحي سيارتي لووول

بنات نفس الشيء صارلي من اسبوع امبيه البنت تبي تصليح

يعني لو داقه عالدوريات بيجي يشوف دعمه مشتركه دام معاي

ليسن و تامين شامل مالها شيء عندي

يوم فهموني هالشيء لمن رديت البيت تحسفت اني ما جبت لها دورية

تقول لاهلها من يصلح سيارتي هي يوم قالت جذي قلت شنو ما يصرفون عليها كسرت خاطري

قلت اصلح لج ههههه بس الوالد شرشحني مالج حق تحطين الغلط عليج والخ

ترى السياره باسمي لان هذي اول مره من سقت ودعمت قبلها شكثر بس محد سوا معاي جذي

ويييييع بنت كويتية طبعا

فشلونا ،،،

اللي قبل يدعمون ويهربون طبعا الهروب لو تروحين المخفر تتسجل قضيتين دعمه وهروب

بس ناس ما تستحي


ننطر الباقي​

 

[سكارلت]

تولي بس تلقين أهلها مثلها وأردى !! هالأشكال
يبون الفلوس بأي طريقة حتى لو بالحرام والظلم والفضايح
ولا بنات القبايل والعوايل المحترمة مايسوون
هالسواة أبد .! البنت المحترمة تدق على أخوها او رجالها
يجي يتفاهم مع الطرف الثاني بالحادث مو تنزل وتصارخ
بأعلى صوتها !!!

على طاري الحوادث اسؤء شي لما تصير تجمعات حول
مكان الحادث عيب والله خصوصا لاكانوا
الضحايا بنات والمشكلة تلقين بعضهم يصور !!

 

[أريد حلا]

^^^^

صح كلامج قلة ادب يقعدون يصورون خاصه اذا الدعمه بعد عند الاشاره يستلمون الشخص اذكر مره

شفت جدامي الشباب تداعموا ومر جمبهم واحد ويرفع نقال ويصورهم وقااااحه يتراوالي لو خبر خير

ما نشره ولا صوره بس لانه سوء يحبون يتشمتون استغفرالله​

 

[ام سعود ديكسون]

يستحسن تاخذينهم باسلوب حلو عشان كافي خرعة الحادث
و خطاج السو

اول ما الواحد ينزل يقول بالحديد ولا بالناس خطاكم السو مو لازم يتهاوش عشان يأخذ حقه

واذا انتوا حريم كل وحدة تدق علي ريلها اخوها أبوها
قبل لا تدق علي الدورية >> إحنا حريم ش عرفنا بالتأمين و الكراجات و دخلة اماكن الرياييل

واذا احد زفني و اهو غلطان ارد افشله
بس طبعا مو بالشارع انطر الوقت المناسب
ذيك المرة زفني واحد يهالووو ما يستحي واهو الغلطان
قاعد يغازل و يفتر لين صار الحادث من استهتاره
نطرت لين سألتنا الدورية اشلون صار الحادث
جان ارد عليه أقوله ترا عيب إحنا حريم شكبرنا
نازل علي اولك تصارخ بدال ما تقول سلامات
محنا يهال عندك بعدين انت السبب مو مركز !!!
يداااام الرياييل ماله حس سكت و انجعم

>>> بعد شيقول الواحد
حادث وصار
قدر الله و ما شاء فعل
حمدوا ربكم اكو حوادث حتي لو بسيطة
تموت من عقبها ناس و الله اعرف ناس عيالهم شباب راحوا بغمضة عين
لا تهولون الامور واهي بسيطة