سويت تحليل الحمل الهرموني بسسسس..!!

[احب المنتدى]

رد : سويت تحليل الحمل الهرموني بسسسس..!!

الله كريم الله يرزقج الدريه الصالحه
انا نزلت علي الدوره8-7وسويت تلقيح ولي امس وانا اسوي تحليل ويطلعلي مافي الحمل والحمدلله على كل حال

واي عورتي قلبي
الله يرزقج
سويتي تلقيح مجهري عند منو؟؟؟؟

الله يرزقج يارب


كويتيه الله يرزقج بالحمال يارب

 

[..كويتيه..]

احب المنتدى

انا من زمان اتابع تبويضي ومره من المرات الدكتوره قالت لي ماقدر اقيس البيوضات لانه حيل صغار

ومره قالت لي في تبويض زين

واعراض ضعف التبويض كلها فيني اولها تتلخبط الدورة والدوره يكون دمها خفيف وايد وايد

وكنت اسوي سونار داخلي بعد


وسويت تحليل هرمون البرجسترون مره وطلع اقل من وااااااااااحد يعني وايد نازل والحمدلله على كل حال


المهم


انا تابعت هالشهر ورحت تاريخ 12 من الدورة وكانت البويضه حجمها 12 وبعدين قالت الدكتورة انتي الظاهر تبويضج متأخر قالت تعالي بعد خمس ايام

ورحت بعد خمس ايام وكانت البويضه منفجره من روحها وقاست الماي اللي كان بمكان البويضه وقالت كان حجم البويضه 19 الحمدلله


وقالت خل يصير جماع بنفس اليوم وبعده بعد

يعني تبويضي صار بيوم 17 من الدورة وبعد استخدمت جهاز تحليل التبويض بالبيت وطلع فيه تبويض واول مره يطلع معاي تحليل التبويض خطين واضحين


يعني تبويضي كان متأخر



والله كريم

 

[احب المنتدى]

رد : سويت تحليل الحمل الهرموني بسسسس..!!

اهااااااا


لكن قبل اي علاج و قبل الكلوميد بالذات لازم الدوره تنتظم علشان تقدرين تاخذين كلوميد


شوفي انا بقولج
انا الحمد لله عندي عيال
و لمن بغيت احمل ماحملت و كانت الدوره تتاخر بس بالكثير اسبوع و تنزل
فرحت للدكتوره و قالت اول شي لازم اول ماتييج الدوره نسوي تحليل هرمون الحليب و سويته و ياليتني ماسويته طلع مرتفع و قالت مايصير مع هرمون الحليب تاخذين منشطات و عطتني حبوب تنشفه لي
و شافت التبويض لقته يعني مو ذاك الزود بحدود11 حجمها
و قالت سوي البروجستروم يوم21 و سويته و طلع نااااااااااازل

تضااايقت و بجيت و انجنيت بعد
ليش انا ماكان فيني شي ليش صار فيني جذي مع ان الحمدلله عندي عيال الف حمد و شكر لك يارب

بعدين قالت الشهر الي يجي ناخذ منشطات و فعلن اخذت كلوميد من ثاني يوم و شفت التبويض و كان زين و اخذت الابره التفجيريه و كل شي تمام و توقعت اني حامل لكن نزلت الدوره و الشهر الي عقبه نفس الحاله و الي بعده نفس الحاله يعني 3شهور و التبويض اوكي و اخذ ابره تفجيريه بعد و تنزل الدوره

بعد 3شهور قالت الدكتوره لازم تريحين من الكلوميد و خليها على الله شهرين او 3 شهوراحسن و تاثير الكلوميد يكون بالجسم موجود
و ريحت و شنو صار فيني تكيسات على المبايض و سبتها الكلوميد
استخفيت و تاخرت الدوره فوق الشهر و اخذت حبوب تنزلها يعني ماساااااااااااااااااات ما كان يعلم بحالي غير رب العالمين

و بعدها قالت لي الدكتوره عيدي هرمون الحليب و لقيته نزل و استانست و انا من نفسي خذيت كلوميد و رحت سوتلي سونار تبويض و قالت صغاااار مراح تحملين
طلعت ابجي منها و قالت الشهر الياي اذا يتج الدوره لازم ابر
و قالت لازم زوجج يسوي تحليل و طلع عنده قلة حركه و عدد و عطتني له فيتامينات
و قالت عادي اي شخص لازم جسمه يصير فيه خمول و المبايض مو على طول شغاله تاخذ لها فتره تريح فيها

و بعدين حملت و قالت لااازم مثبتتات لان حملتي على منشطات


بس شوفي انتي لازم تسوين تحليل الحليب اخاف مرتفع لاسمح الله
و ان شاء الله ما كو الا العافيه

بس و انا الحين بعد اعالج ودي الله يرزقني و نفس الحاله بس مابي كلوميد
لانه اذا خليتيه يخربط الدوره
و الله كريم ان شاء الله و يرزقني و يرزقج ياااااااااااااااارب العالمين

انزين اقول


خلي زوجج يسوي تحليل السائل المنوي سعره ب10دنانير يمكن السبب فيه يعني انتي استجاب جسمج للمنشطات يمكن الخلل منه اهوا؟؟؟؟؟؟؟؟؟؟

 

[..كويتيه..]

احب المنتدى

الله يرزقنا ويرزقج حبيبتي

انا سويت هرمون الحليب قبل 3 شهور تقريبا وكان طبيعي


وسويت تحليل الغده والحمدلله كان زين



انزين الابر زينه ؟


وشلون طريقتها ؟


شرايج انطر بعد اكمل واخذ الكلوميد ثاني مره ولا لأ ؟


والدكتوره قالت اذا ما صار حمل بعد فتره بنسوي تحاليل لزوجج


عسى ربي يكتب لنا الحمل بأقرب وقت ويرزقنا بالطفل السليم ويجعله من الذرية الصالحه

 

[احب المنتدى]

رد : سويت تحليل الحمل الهرموني بسسسس..!!

ابي

انتي تتكلمين جنج انا

ياااااااااااااااااااااااارب ترزقني انا و اختي كويتيه بالحمل السليم التام هالشهر يااااااااااااااارب

الابر انا شنو سويت رحت للمستشفى و سويت سونار غيرت دكتورتي و كانت 6يوم الدوره و قالي فيج تكيسات بسبة الكلوميد و لازم ابر و انا الخبله رحت و طقيتهم انتي تشترينهم من الصيدليه و تعطينهم السستر و تخلطهم مع بعض و ثاني يوم بطني عورني و رحت الدكتورتي
و زفتني زفه
هههههههههه

ما انساها قالت ليش تروحين انا موقلت لج ريحي لازم تريحين من المنشطات بس انا كنت متضايقه وودي احمل بسرعه و قالت لي الابر وايد قويه هذي عليج بس مايصير توقفينها هالشهر لازم تكملين الثانيه و اخذتها و لخبطه على كيف كيفج

شوفي انتي دام دكتورتج شافتج على الكلوميد اوكي عيل استمري معاها بعد دورتين و ريحي و خلي زوجج يسوي التحليل بسرعه ليش تنطرين؟؟؟؟؟؟؟؟؟؟

خو كلها عينه

خناضحكج اشوي بدال هالغم
انا لمن زوجي سوا التحليل قالهم مايصير اسويه بالبيت و ارده لكم
هههههههههههه

زفني زف كله منج و انتي و انتي بس فعلن طلع فيه قلة بالحركه مع ان عندنا عيال من قبل

الابر طريقتهم تاخذين منهم ثنتين بالدوره و وحده بعدها بس ترى تحرق و تعور لانها بالعضل


ان شاء الله مانحتاجها ياااااااااارب لا انا و لا انتي و كل بنات تاخر الانجاب قولي امين


تظنين زوجج يرضى يسوي او لا؟؟؟؟ ما ادري هالرياييل عليهم تخلف موطبيعي

كلشي عيب و لا

 

[جبنة بيضة]

الله يرزقج يارب

 

[om^5o5a]

ماعندي فكرة بس الله يرزقج يارب

 

[..كويتيه..]

جبنه بيضه

مشكوره عالرد يزاج الله خير ما قصرتي




om^5o5a

الله يعطيج العافيه يزاج الله خير على ردج اختي






احب المنتدى


دكتورتي قالت لي ما اقول حق زوجي عن التحاليل اللي يسونها الرياييل لان بعضهم ما يرضون ويعصبون

بس انا قلت له وما كان عنده مانع بس طبعا بعد ما يضبط تبويضي وان شاء الله رب العالمين ما يخيب تعبنا ويرزقنا حبيبتي

انا الحين احس بعوار بصدري خفييييييييييف الظاهر الدورة قربت!!!!

ان شاء الله ما تتلخبط نفس قبل وتتأخر

يا رب تنزل بموعدها وتتضبط هرموناتي وتبويضي

 

[غلا عيوني]

رد : سويت تحليل الحمل الهرموني بسسسس..!!

الله يرزقج ااااااااااااااان شالله

 

[احب المنتدى]

رد : سويت تحليل الحمل الهرموني بسسسس..!!

الله لا يخسر التعب يااااااااااااارب

زين انه رضا

بعدين ليش تنطرين خلاص ضبط التبويض
ان شاء الله ماتتاخر الدوره بس تو الناس عليها
حللي بعد يومين و شوفي ارتفع الهرمون او لا؟؟؟؟؟؟؟؟؟؟

بشرينا مو تنسين



الله يرزقج و يرزقني ياااااااااااااااااااااااااااااااااااااااااااااااااارب

 

[..كويتيه..]

غلا عيوني

مشكوره عالرد يزاج الله خير حبيبتي



احب المنتدى

زوجي مو مستعيل يقول اني انا اللي مستعيله



انا توني اول شهر كلوميد والحمدلله صار تبويض بس ما صار حمل والحمدلله على كل حال


عسى ربي يرزقنا الحمل الشهر الياي يالغالية

 

[..كويتيه..]

الحمدلله على كل حال نزلت الدورة اليوم


والله كريم ويرزقنا الشهر الياي بقدرته


مشكورين كل اللي شاركو بموضوعي واللي دعولي

 

[مشتاقة الى الله]

يا الشيخة الله يفرجها علينا يارب وينظم لنا امورنا ان شاء الله ويرزق باولاد ولا احسن عنهم في هالدنيا

اللهم لا سهل الا ما جعلته سهل فسهل علينا امورنا الحمال يا حبيبي يا الله

لك الحمد والشكر يا رب على كل حال اللهم لا إعتراض في أمرك

والنعم بك

 

[..كويتيه..]

مشتاقة الى الله

يزاج الله خير حبيبتي

عسى ربي يفرحج بالحمل بأقرب وقت ويرزقج بالذرية الصالحة


انا نزلت علي نقطه بنيه ووقفت والله كريم

الله يرزقنا ويرزق كل البنات

ان شاء الله تبشريني بحملج بأقرب وقت

 

[احب المنتدى]

رد : سويت تحليل الحمل الهرموني بسسسس..!!

هلا كويتيه

انزلت الدوره و وقفت او شنو مافهمت؟؟؟؟؟؟؟؟؟

يعني بس نقطه بنيه؟؟؟؟؟؟؟؟؟؟


روحي حللي يمكن حاااااااااااااامل و بشرينا