سويت خشمى وابى استشارتكم

[Om ToOoTa]

السلام عليكم .. \\\

شلونكم

انا يوم السبت سويت خشمى تجميل يعنى من 5 ايام

وخشمى لى الحين ملفوف ومتفوخ حيل

بس ويهي ما زرق كلش الحمدلله

بس خشمى غير وغير فتحاته ومتفوخ حيل ؟؟؟؟؟

امس كانت مراجعتى وشال لى الخيوط الى بره لما قتله مو عاجبنى قال اهو الحين متفوخ ومايبين

بس انا اشوف انه قبل كان اصغر

...؟؟\\

تتوقعون اهو من العمليه متفوخ ولا العمليه ماانجحت

خايفه

العمليه سويتها فى طيبه كلنك عند الدكتور هاشم عايد واحمد البرجى \

كلفتنى 1300 دينار

على فكره انا آكل واضحك وايد واسولف وايد تتوقعون يأثر .. \\

ياريت الى مسويه تفيدنى

 

[أم الطيب]

سلاااااااااااااااامات حبيبتي
وصج يبيلها وقت
نطري شوي وبشرينا بالنتائج

 

[Om ToOoTa]

ان شاءالله حبوبه\\\


تسلمين حبوبه

 

[أم منصور]

الحدلله على سلامتك

واقري باب عمليات التجميل موجود بنفس الصفحة في بنات مسوين عندالدكتور . الحربي وحاطين تعليمات الدكتور بعد العملية


صبري لا تستعجلين النتيجة

:tek: وما تشوفين شر

 

[Om ToOoTa]

الله يسلمج حبوبه

الشر ماييج

الحمدلله اليوم خف شوى التفاخ بس مازل فتحاته غير وغير

والله احاتى وايد

ع العموم مشكورة حبوبه

:

نورتى

 

[حبيبته آنا]

اول شي الحمدلله على سلامتج
ثاني شي عادي الانتفاخ وطبيعي جدا انج تشوفينه كبير وايد لانه راح يفش بعدين وتبين النتيجه النهائيه

 

[Om ToOoTa]

ان شاءالله يارب

الله يسمع منج

بس تتوقعون احتاج ابرة ؟


ابره جمال الحربى بجم ؟؟

تعور ولا لأ

 

[vogue grl]

واي وناسه مبروووووووووك على عمليه انشالله الفال لي ادعيلي
انا الي اعرفه انا بعد عمليه شي طبيعي انه الخشم ينتفخ بس انا دكتور قالي انه راح يبين الخشم بعد شهرين مادري اذا قالج دكتور نفس الحجي؟
انا الي قالي جمال الحربي

 

[irresistible]

شوفي لا تخترعين النتيجة ما راح تبين الحين اي عملية ما راح تبين نتائجها خلال 6 شهور و الانتفاخ شي طبيعي لااااااااااااااااااااااااا تحاتين

 

[كويتيه مذهله 87]

هلا يا اوخيتي


ليش ماتروحين عند جمال الحربي مو احسن من هالمصري يمكن يقص عليييييييج

 

[كويتيه مذهله 87]

هلا يا اوخيتي


ليش ماتروحين عند جمال الحربي مو احسن من هالمصري يمكن يقص عليييييييج

 

[sanyoreta]

مبروووووووووك على عمليه انشالله الفال لي
نتائجها خلال 6 شهور و الانتفاخ شي طبيعي

 

[sanyoreta]

اكثر دكتورين الطلب عليهم
الحربي
والصبيح

 

[Om ToOoTa]

مشكورين بعد قلبى على ردودكم فرحتنى وطمنتتى

,,,

كويتيه لووووووووووووووووووووول ايه والله

بس الحمدلله تعدل امس رحت له وشال الحديده وتعدل يقول الحديده ضاغطه من جهه وجهه لا فصاير عوي

بس لما نظفه صار احسن وعدل بس لى الحين متفوخـ

...

ننطر بعد شهرين شنسوي

...

 

[ii DareeN ii]

الحمدالله على سلامتج عادي حتى الشفط ماتبين نتايجه مبجر لازم ينتفخ عمليه وشق و وقص اكيد بيتهيج الجلد نطري وبشرينا

 

[Om ToOoTa]

ان شاء الله حبوبه

تسلمين حياتى ع المرور والرد

 

[noty]

ماتشوفين شر قلبي


سوي مساج حقه بالكريم على شكل دائري

و خطي ثلج اتوقع بعد افيد


و شنو الابره مالت الحربي ؟؟ شنو اتسوي


و الحديده مالت الخشم ليش ؟؟؟


سوري قلبي على الاسئله بس احب اعرف

 

[*ستايل*]

الحمد لله على السلامه حبيبتي

 

[أم حمـــــودي]

الحمدلله على سلامتج أم الغدير وىنا من الناس اللي يشجعون هالعمليات حييييييييييل لأن آنا سويت هالعمليه والكل قالي خشمج رووووووووووووووعه وطبيعي حيل بس آنا أستغرب لما قلتي ( إبره ـ حديده ـ وبعد شهرين )ليش كل هذا آنا ما صار فيني جذي بقولج عن عمليتي اوكي؟ (( آنا سويت العمليه سنة 2001 وثاني يوم الصبح طلعت من المستشفى وبعد 4 أيام فجولي الغرز اشوي اشوي ليما تقريبا اسبوع والغرز كلها انشالت وماحطولي حديده ولا هالخرابيط انا حطولي مثل بلاستيك متين مدة اسبوع وبعدها شاله لي الدكتور وقاليماله داعي البلاستك انتي الحين اوكي ولا احتجت ابر ولا انعوى خشمي والحمدلله حملت بعدها 3 مرات ولا انتفخ ولا قالها الله ترا عموما انتو ماتسمعون النصيحه ديرتنا مافيها الشاطر اللي يسوي هالعمليات بس الوحده شتقووووووووووووووول ماتسمعووووووووون شسوي ؟ عموما الف لاباس عليج .

 

[Om ToOoTa]

ماتشوفين شر قلبي


سوي مساج حقه بالكريم على شكل دائري

و خطي ثلج اتوقع بعد افيد


و شنو الابره مالت الحربي ؟؟ شنو اتسوي


و الحديده مالت الخشم ليش ؟؟؟


سوري قلبي على الاسئله بس احب اعرف

الشر ماييج

الثلج مااحبه يعور عينى

الابرة مالت الحربى تفش التفاخ بس الحربى الحين غير مكانه ولى الحين ماعنده مكان مستقر فيه علشان اروح له

لا بشوف دكتورى اهو يمكن يعطينى ابرة ؟؟

والحديده مثل قطعه بلاستر بس على شكل حديده يحطها بالخشم من بره علشان تثبت العظام

لا عادى حبوبه مافي اطاله اخذى راحتج