تم بحمد الله وخلصت عملية خشمي انا دشيت المنتدى وكنت استفسر بس ما حد رد علي .... بس مو مشكلة حبيت اعرض تجربتي وان شا الله يكون فيها الاستفادة ...
طبعا حجزت انا وزوجي على طهران يوم 22.04.2011 ورحنا الفندق لكن يوم ودانا مبعوت السفارة لعند دكتور اسمه فرح واش صراحة عيادته شيك والسكرتيرة بروحها موديل لعمليات الانف مسوية خشمها هو رهيب بس مبالغ فيه المهم دشينا على الدكتور ما تطمنت له وكان غالي بعد خبركم يسمعون الخليج يرفعون السعر ...المهم شفنا دكتور ثاني شافني وقالي فعلا جزار اللي سوالج خشنج قبل المهم السعر كان 10000درهم وعطاني موعد اليوم الثاني وصورتني السيستر من كل الجوانب. طبعا انا ماكنت انام وحاطة ايدي على قلبي لين اخلص المهم صباح اليوم التالي سويت اشعة بس استغربت ؟؟؟نوموني على بطني ودخلوني في الة كانو يصورون الانف من ورا....والتحاليل طبعا وبعدها توجهنا للمستشفى عطوني ملابس العملية وطلبوا مني اشيل طلاء الاظافر والوقت طبعا مر علي كانو الدهر ودتني السيستر لغرفة العمليات وشفت الدكتور وانسدحت طبعا على السرير وقام الدكتور يقوللي هذا دكتور البنج اشطر دكتور عندنا (وانا طبعا ادري كلها سوالف عشان ما احس بغز ابرة البنج) بس والله لفيت عند دكتور البنج وقتله ستارت دكتور قال ايه وشوي شوي احس فيني رقاد وقمت على زوجي والسيستر وحاطين لي ثلج على عيوني ما تحملته ...بالاختصار مرت اصعب يومين علي كنت اتنفس من فمي ومدوخة بس بعد ما شال الشاش من داخل كان اريح ...وظلت الجبيرة بعد 11 يوم بطليتها هني بالامارات بمستشفى حكومي بس ما شا الله خشمي شي خيال وبس يخف الورم ان شا الله بحط لكم صورته.
بس عندي مشكلة من الفرحة نسيت اطلب من الدكتور الايراني اللصقات اللي ينحطوا بعد شل الجبيرة واختكم الحين مو بحاطة شي فهل ضروري هاللصقات احطهم ولا
0
طبعا حجزت انا وزوجي على طهران يوم 22.04.2011 ورحنا الفندق لكن يوم ودانا مبعوت السفارة لعند دكتور اسمه فرح واش صراحة عيادته شيك والسكرتيرة بروحها موديل لعمليات الانف مسوية خشمها هو رهيب بس مبالغ فيه المهم دشينا على الدكتور ما تطمنت له وكان غالي بعد خبركم يسمعون الخليج يرفعون السعر ...المهم شفنا دكتور ثاني شافني وقالي فعلا جزار اللي سوالج خشنج قبل المهم السعر كان 10000درهم وعطاني موعد اليوم الثاني وصورتني السيستر من كل الجوانب. طبعا انا ماكنت انام وحاطة ايدي على قلبي لين اخلص المهم صباح اليوم التالي سويت اشعة بس استغربت ؟؟؟نوموني على بطني ودخلوني في الة كانو يصورون الانف من ورا....والتحاليل طبعا وبعدها توجهنا للمستشفى عطوني ملابس العملية وطلبوا مني اشيل طلاء الاظافر والوقت طبعا مر علي كانو الدهر ودتني السيستر لغرفة العمليات وشفت الدكتور وانسدحت طبعا على السرير وقام الدكتور يقوللي هذا دكتور البنج اشطر دكتور عندنا (وانا طبعا ادري كلها سوالف عشان ما احس بغز ابرة البنج) بس والله لفيت عند دكتور البنج وقتله ستارت دكتور قال ايه وشوي شوي احس فيني رقاد وقمت على زوجي والسيستر وحاطين لي ثلج على عيوني ما تحملته ...بالاختصار مرت اصعب يومين علي كنت اتنفس من فمي ومدوخة بس بعد ما شال الشاش من داخل كان اريح ...وظلت الجبيرة بعد 11 يوم بطليتها هني بالامارات بمستشفى حكومي بس ما شا الله خشمي شي خيال وبس يخف الورم ان شا الله بحط لكم صورته.
بس عندي مشكلة من الفرحة نسيت اطلب من الدكتور الايراني اللصقات اللي ينحطوا بعد شل الجبيرة واختكم الحين مو بحاطة شي فهل ضروري هاللصقات احطهم ولا
0
بس ياربي إيران بهالفتره تخرع كلش الأوضاع مو مستقره وعداوه مع دول الخليج وسحب دبلوماسيين ولووويه صراحه أحس الواحد يخاف يروح الحمدلله ربي سلم ورجعتي بالسلامه بس انا مستحيييل أفكر بإيران خصوصا بهالوقت لبنان أرحم s:
