سويت عملية شد ذراعين و بطن عند الدكتور اشرف عبد القادر

[اميره1980]

مبرووووووووووووووووووووووووووووووووووك والحمدالله على سلامتك

وياارب يسر خاطرك وتتهنييييييييين بجسمك وحياااااااااااااااااااااااااااتك
ويرزقك باللي تتمنينه ياحي ياقيووم


انا فاااقدتك لي فتره وماصرت اشوفك
بس الحمدالله فرحتيني وطمنتيني عليك

الله يسلمج حبيبه قلبي و الحمدلله خطوة خطوة و بالصبر ان شاء الله اوصل للي ابيه

 

[اميره1980]

مشكورين كل البنات اليي تحمدولي بالسلامة و هنوني
لو أعرف انزل صور بالمنتدى كنت نزلتها بس للحين غشيمة ما اعرف

 

[futooosh]

مبروك والحمدلله عالسلامه

 

[.hinata.]

الحمد الله على سلامتج اختي وبالتوفيق..
بغيت اسألج بالنسبه لشد الذراعين شلونج معاه الحين شكل ذراعج صار احلى ؟؟ والجرح يكون من عند الزند او الاباط؟؟
بليز الرد بسرعه ماقدرت ارسلج خاص لان مشاركاتي قليله

 

[اميره1980]

الحمد الله على سلامتج اختي وبالتوفيق..
بغيت اسألج بالنسبه لشد الذراعين شلونج معاه الحين شكل ذراعج صار احلى ؟؟ والجرح يكون من عند الزند او الاباط؟؟
بليز الرد بسرعه ماقدرت ارسلج خاص لان مشاركاتي قليله

الله يسلمج حبيبتي
انا توني مسويه العملية من 10 ايام و للحين ما اقدر اقول النتيجه النهائية
بس ذراعي خيل فرق وياي ما شاء الله مشدودة بس الغرز للحين موجودة ما شلتهم
بالنسبه للجرح يكون من فوق الكوع بشوي إلى جنب صدري لان عندي الترهل شديد جدا و أباطي كان طايح من الترهل الشديد و الجرح صاير على ذراعي من على جنب و مخفي تقريبا
ان شاء الله اكون عرفت اوصلج المعلومة و للاسف لو كنت اعرف انزل صور بالمنتدى اكون حطيت الصور بس ما اعرف

 

[.hinata.]

ياعمري تسلمييين والله وان شاء الله تحصلين النتيجه الي تتمنينها... بس عندي اسأله كثيره والله ابي اعرف هل يترك اثر او لا وابي اعرف هل فعلا في تاتو ينحط على مكان الجرح ويختفي يصير لونه مثل الجلد بليز ابي الاخبار اول بأول والتمنى اشوف تطوراتج ياااااارب وانتي بالف عافيه ...واذا تبيني اعلمج انا مستعده اعلمج شلون تنزلين الصور

 

[اميره1980]

ياعمري تسلمييين والله وان شاء الله تحصلين النتيجه الي تتمنينها... بس عندي اسأله كثيره والله ابي اعرف هل يترك اثر او لا وابي اعرف هل فعلا في تاتو ينحط على مكان الجرح ويختفي يصير لونه مثل الجلد بليز ابي الاخبار اول بأول والتمنى اشوف تطوراتج ياااااارب وانتي بالف عافيه ...واذا تبيني اعلمج انا مستعده اعلمج شلون تنزلين الصور

بالنسبه للاثر أكيد فيه بس على شطارة الدكتور يعني في أثر الخط ضعيف و في دكاترة يخلونه عريض وواضح و انا للحين ما اقدر احكم على العملية توني مسويتها
بالنسبه للتاتو اول مره اسمع عنه و التاتو اصلا حرام يعني ما ينفع نسويه

 

[سـما]

شلونج الحين حبيلتي اميرة
ان شاء الله احسن
طمنينا عليج

 

[لوولووة]

شجعتيني اسويها انا امسويه تكميم 10-10-2011
كان وزني 168 الحين 102 ابي ارجع النادي واسوي دايت ابي انزل 20 كيلو بس ابي امره اول موفقه ومبرو اللوك

 

[أأأميرة الورد]

الحمدالله على سلاااااامتج والله يتمم عليج يارب

ممكن سؤال حبيبتي جم صار وزنج من بعد عملية التكميم
وجم صار لج من التكميم علشان سويتي عملية الشد

والبطن والزنود ماتروح بالرياضة ؟؟؟؟؟؟؟؟

 

[اميره1980]

شلونج الحين حبيلتي اميرة
ان شاء الله احسن
طمنينا عليج

الحمدلله بخير الله يسلمج
الدكتور شال اللزقات و تقريبا قمت امارس حياتي الطبيعية بس للحين الخياط موجود

 

[اميره1980]

شجعتيني اسويها انا امسويه تكميم 10-10-2011
كان وزني 168 الحين 102 ابي ارجع النادي واسوي دايت ابي انزل 20 كيلو بس ابي امره اول موفقه ومبرو اللوك

ان شاء الله تنزلين وزنج بصحة و عافية يا رب
انتي جم طولج ؟؟
اعتقد انج للحين في مرحلة السمنة و اذا قربتي لوزنج المثالي فكري بالشد تو الناس تسوينها
موفقة حبيبتي

 

[اميره1980]

الحمدالله على سلاااااامتج والله يتمم عليج يارب

ممكن سؤال حبيبتي جم صار وزنج من بعد عملية التكميم
وجم صار لج من التكميم علشان سويتي عملية الشد

والبطن والزنود ماتروح بالرياضة ؟؟؟؟؟؟؟؟

الله يسلمج حبيبتي
انا سويت التكميم من سنة و شهر و كان وزني ما شاء الله 140 و الحين وزني 69 وان شاء الله بطيح من وزني بعد 4 كيلوات علشان الوزن المثالي

بالنسبه للرياضة لترهلات الزنود و البطن ما ينفع لجسمي لاني كنت وايد متينة و جسمي ترهل و انا طبيعة جلدي ما يشد بالرياضة
انا عندي فخوذي بعد حيل مترهلة و ان شاء الله بسوي شد لهم بس برتاح شوي من عمليتي هذي و ابلش بالفخوذ بعدين

 

[misslady]

حمدلله على سلامتج والله يوفقج

 

[اميره1980]

حمدلله على سلامتج والله يوفقج

مشكورة حبيبتي و الله يسلمج من كل شر يا رب

 

[ام فهد وناصر]

الحمد لله على سلامتج يا أميرة الذوق حبيتج وانا ماعرفج الا من المنتدى لكن الكتاب مبين من عنوانه وغدى الشر وننتظر أخبارج اول باول

 

[أأأميرة الورد]

الله يوفقج اميره ويسهل اموووورج

ويحقق لج كل اللي تتمنين

 

[لوولووة]

ان شاء الله تنزلين وزنج بصحة و عافية يا رب
انتي جم طولج ؟؟
اعتقد انج للحين في مرحلة السمنة و اذا قربتي لوزنج المثالي فكري بالشد تو الناس تسوينها
موفقة حبيبتي

اي وزني وقف اكل كاكاو وطولي 167

 

[foshia girl]

الحمدلله على سلامتج

 

[اميره1980]

اي وزني وقف اكل كاكاو وطولي 167

لازم توقفين الككاو و الاكل الدسم
اذا اشتهيتي الككاو اكلي قطعة صغيرة و في بالجمعيات قسم للدايت و فيه ككاو
حرام تخربين العملية و ترجعين للسمنة اللي ما تجسب الا الامراض
موفقة يا رب