سيريلانكا

[قلب عشتار]

:68_asmilies-com:بنات منو جربت هالدوله اللى كنا ننهل منهم الخدم يقولون جنه الله بارضه انا متخوفه شوى ابى تشجيع للروحه لها
منوجربتها وعندها خبر عنها واماكنها السياحيه ؟
لاتبخلون باى معلومه حبوبات :gathering:

 

[maryam_q8]

والله ماعندي فكره ياريت اللي تعرف عنها اس شي واهم شي السوقة لاني راح اطب فيها ترانزيت

 

[$فزولها$]

والله يمدحوونها يقلوووون حلوه شوفيها فى منتدى المسافروون العرب تحصلين اللى تبينه

 

[M!$$.3NoNa]

اغلب البنات اهني مايمدحوونها حبيبتي !

يقولون بس الطيرااان مالهم زين وحلو بس الله لايراويج الاشكال الي فيه غير الريحه وغير اليهال الي عبالهم ياين حفله !!
وفي ناس نزلو فيها ترانزين وباتو فيهاااا !!

هههههههههههههههه يسبون ويلعنون فليها يقولون وسخه !

والعهده على الراوي لول

انتي شوفي بحثي عنهاا اكثر اهم شي شوفي الصور بعيونج ....

 

[maysoon]

انا سمعت قالوا عنها حلوه بس ما تصلح حق الي معاهم يهال لانها اغلبها مناظر طبيعية ما يستانسون اليهال

واكثر شي يحبون هالمناظر الكبار

 

[قلب عشتار]

مشكورة بنات عالردود بصراحه متردده قضينا سنه شطولها دراسه وامتحانات ومابى اجازتى تصير لوعه كل سنه سويسرا والنمسا نروح هالمره نخربها بسيلان ماادرى ؟؟؟؟ شنى بنهون عنها بوكت اونس بس يقول ريلى رطوبه وحر عليكم
thanks

 

[maadaa]

انا سمعت عنها وااايد و الكل يقول عنها حلوه و جنة

 

[عاشقة السفر]

بنات ..

أنا رحت السيلان سنة 2005 وصدقوني لو أقولكم إنها ديرة خايسة وتلوع الجبد وما فيها طبيعة حلوة , ولا فيها بحر حلو , ولا فيها ناس تفهم ومن ناحية الأسواق تلوع الجبد ومافيها شي كلش ف لحد بفكر يروح السيلان عموما أنا رحتلها ولي تبي تسأل شي عنها أنا حاضرة

 

[قلب عشتار]

عاشقه السفر انتى تمدحينها والباجى ما امدحوا ابد
على شان شذيه الواحد يحتار ويتأنى شوى موسهله بس تصلح للعوايل وجوها بهالوقت حلو والا رطوبه ؟

 

[maryam_q8]

بنات ..

أنا رحت السيلان سنة 2005 وصدقوني لو أقولكم إنها ديرة خايسة وتلوع الجبد وما فيها طبيعة حلوة , ولا فيها بحر حلو , ولا فيها ناس تفهم ومن ناحية الأسواق تلوع الجبد ومافيها شي كلش ف لحد بفكر يروح السيلان عموما أنا رحتلها ولي تبي تسأل شي عنها أنا حاضرة

احنا راح نطب ترانزيت يوم بس ماعندهم ولا سوق حلوو

 

[عاشقة السفر]

عاشقه السفر انتى تمدحينها والباجى ما امدحوا ابد
على شان شذيه الواحد يحتار ويتأنى شوى موسهله بس تصلح للعوايل وجوها بهالوقت حلو والا رطوبه ؟

حبيبتي أنا ذميتها أكثر من الكل !!!

 

[عاشقة السفر]

احنا راح نطب ترانزيت يوم بس ماعندهم ولا سوق حلوو

حبيبتي إنتي أي تاريخ بتكونين هناك .. ؟ ووين وجهتج الأصليه ؟

عندهم مجمع إسمه أودل هذا أحسن وأنظف واحد هناك بس هم ما أنصحج تروحين وتعبين حالج لأنه صغير وهو عبارة عن بيت إيي بييت قالبينه مجمع .. وفي عندهم سوق ثاني ولما تروحينه جنه رايحه المرقاب ومحلاته محلات المرقاب

 

[maryam_q8]

انا وجهتي ماليزيا 23-7 راح نمشي انشالله راح نطب ترانزيت دبي وبعدين سيلان

 

[maryam_q8]

حبيبتي إنتي أي تاريخ بتكونين هناك .. ؟ ووين وجهتج الأصليه ؟

عندهم مجمع إسمه أودل هذا أحسن وأنظف واحد هناك بس هم ما أنصحج تروحين وتعبين حالج لأنه صغير وهو عبارة عن بيت إيي بييت قالبينه مجمع .. وفي عندهم سوق ثاني ولما تروحينه جنه رايحه المرقاب ومحلاته محلات المرقاب

وااي لأ ضيم ليش بالبيت يعني ماحصل عندهم سوالف التراث الهندي

 

[عاشقة السفر]

وااي لأ ضيم ليش بالبيت يعني ماحصل عندهم سوالف التراث الهندي

تلقين بس شغلات مو إلي في بالج صدقيني لو تقعدين بالفندق أبركلج .. وبعدين خل أقولج شغله .. تره المسافة من المطار ليه كولومبو 100 كيلو يعني ساعة وشوية طريج بس في شغلة الديره كلها شارع واحد رايح وراد وزحمة يعني أنا ليما رحت من المطار ليه كولومبو علشان فندقي كان هناك قعدنا ساعتين بالطريج !! أنا ليما رحت السيلان كانت غلطة عمري ..

حبيبتي ممكن أعرف إنتي بالأساس وين رايحه عشان حبيت أعرف سعر التذكره وإذا تحبين ممكن أراسلج بالخاص

 

[maryam_q8]

تلقين بس شغلات مو إلي في بالج صدقيني لو تقعدين بالفندق أبركلج .. وبعدين خل أقولج شغله .. تره المسافة من المطار ليه كولومبو 100 كيلو يعني ساعة وشوية طريج بس في شغلة الديره كلها شارع واحد رايح وراد وزحمة يعني أنا ليما رحت من المطار ليه كولومبو علشان فندقي كان هناك قعدنا ساعتين بالطريج !! أنا ليما رحت السيلان كانت غلطة عمري ..

حبيبتي ممكن أعرف إنتي بالأساس وين رايحه عشان حبيت أعرف سعر التذكره وإذا تحبين ممكن أراسلج بالخاص

دزيتلج عالخاص

 

[maryam_q8]

لا عادي هنيه وم مشكلة حبيبتي

 

[قلب عشتار]

ياحليلكم شكلكم كيفتم مع بعض:dddds:عالعموم شكلها تكنسلت السفره موداشه مودى :tomato2:
كملوا حبوبات :ggdw:

 

[um khaled]

قوة ما عليك من اللي تقولك ان سيلان مو مالت سياحة
سيلان روعة وايد سياح فيها انا عن نفسي رحت ب 2004 واعرف ناس راحوا لها العام تهبل فيها اسوقة تهبل بس خمطي .
كنت قاعدة في فندق جالاداري وسمعت ان صاحبه سعودي وفيها منطقتين روعة (كاندي وسيغيريا ) وكل ما تبينه من ماركات عندهم ستوكات واسعارهم روعة وعندهم محلات ماركتهم من تصميمهم روعة جنها مانجو وزارا وفي مناطق عندهم تشوفين السيلانية الشمحوطة ام بدلة فوق الركبة راكبة جيب بي ام , والاغلبية هناك يعرفون عربي ..
موفقة حبيبتي

 

[قلب عشتار]

مشكوره ام خالد عالرد الحلو ونخدمك بالافراح