سين، جين، منو يسأل ومنو راح يجاوب

[noreez]

بجاوب على السؤالين

اول شي سؤال حناين بالنسيه حق اسراري عاد الله والاسرار لوووووول

نادر ما اتكلم باسراري لانه جم مره اتكلم ثاني يوم واصلني السر من وحده ثانيه شلون جذي ما ادري



وبالنسبه حق سؤال ام خدود ..

والله ما اعتقد فيها سفره وان ضبطت يمكن تركيااااااااااااااا


وسؤالي الي يطرح نفسه :: شنو الصفه الي تحبينها بشخصيتج ؟؟

 

[حناينq8]

اني اسم على مسمى ولله الحمد






رحتي العمره وشنو شعورج اول ما شفتي الكعبه؟؟

 

[noreez]

اكيد رحت

واول ماشفت الكعبه قلبي قام يرقع وما اقدر اوخر عيني عنها


منو اكثر شخص يفهمج بحياتج ؟؟؟

 

[قطوة@@]

بصرااحة محد يفهمني



تحبين تروحين مطاعم و اي مطعم تفضلين ؟

 

[غزلان]

وحده من خواتي احب اطلع معاها
واذا على المطاعم ميس الغانم استمتع فيه شهيتيني


سوالي اختاري شخص واحد يبقى معاج طول العمر ماتفارقينه منو اهو ؟؟؟

 

[noreez]

امي الله يطول بعمرها ....


احلى اغنيه سمعتيها ولو مهما تسمعينها ما تملين منها ؟؟؟

 

[حناينq8]

سرى حبك
وانا عموما احب اغاني محمد المسباح





شنو الاغنيه اللي تحبين ترقصين عليها بالعروس ؟؟

 

[خاشووقه]

ما احب ارقص بالعروس
نادر جدا جدا ما ارقص
عاد الله والرقص اتمشى والنفنوف اللي يرقص


لو كنتي بعالم معزول وقالوج بنعطيج 24 ساعه تردين العالم المسكون !! شنوو تسوين ؟

 

[حناينq8]

ممكن توضحين اكثر خاشوقه @@

 

[خاشووقه]

كنتي بعالم ما فيه احد وقالولج ردي الديره 24 ساعه
شنو بتسوين ب 24 ساعه وين تروحين ؟
شنوو تشترين ؟

شنوو تاخذين معاج للرحله الطويله

وجذيه

بس 24 ساعه

 

[حناينq8]

اخذ كل ذكرياتي وياي والاشياء اللي احبها والاب توب طبعا عشان اسولف وياكم لووووووووووووول





لو خيروج بين امتلاك شاليه ببنيدر او مزرعه بالوفره

شنو تختارين؟؟

 

[*^ *الليليم]

عندنا مزرعة بالوفرة
فأكيد شالية



شنو تسوييييييييين قبل ما تحطين راسج ع المخدة عشان تناميـن؟؟؟؟

 

[خاشووقه]

احط كريماتي وفازلين حق براطمي
واضبط المنبه

وذا طفيت الأبجوره اقرا 3 مرات الاخلاص === تعادل ختمة قران === وصيغة الاستغفار


تفضلين الانترنت ولا طلعه مع الأصدقاء ؟

 

[NoWay2know]

الانترنت، في اشياء مفيدة. والصديقات لهم وقتهم.



س : في شي يطفرج ؟

 

[خاشووقه]

اني التزم بالمواعيد والباجي يتاخرون
و اواعد اي شخص وافضي نفسي والشخص بكل برود ما اقدر اطلع لأني انشغلت :eh_s(14)::eh_s(14):



اشرايج بلبس البنات المتحجبات ؟ و حجاب بو رفعه ؟

 

[حناينq8]

الانسان اللي يصر على انه ما يفهم مع ان السالفه تكون واضحه ..اطفر منه






تحبين القهوه ؟؟

 

[خاشووقه]

بالمناسبات اشربها



شنوو المقبلات اللي تحبينها ؟

 

[حناينq8]

بميس الغانم عندهم طماط بالثوم احبه وايد
وحمص الكناري
والتبوله
وبابا غنوج
وسلطة الفلافل
وسلطة البيديان الحاره




بشنو تدهنين شعرج ؟؟

 

[خاشووقه]

نادر ما ادهنه

ومرات نادره جدا اهم شي النادره جدا
عقب الشور احطه بلسم شجر الزلوع عجيب


تحبين السنفره وسنفرة شنوو ؟ وذا جربتي خلطه شنوو الخلطه وبالطريج مقاديرها

 

[حناينq8]

سنفرة بدي شوب (الفراوله)
او اذا خلطه احط هرده وليمون على جسمي قبل الشاور
او جلسرين وماي ورد وشوي ليمون




على هالطاري

وين احسن حمام مغربي سويتيه؟