(( سيناريو وحوار معلمه مع اداره المدرسه والطالبات))

[اخت اخوانها]

صباااااح الخييييييرياأحلى قرووب

فراي تقصدين شنو الحوار اللي بيكون بينا وبين الادارة وبينا وبين الطالبات......؟

 

[بنات حواء2]

اخت اخوانه اي هذا الي تقصده

 

[بنات حواء2]

ريم ثينكيو كلامج يهبل و نصايحج حلوه انا اوافقج الراي


ام مريم
خهههههههههههههههههههههه
ذبحتيني ضحك

 

[fri2010]

اصلا انا اقول اني بعصب وجد

بس اعرف نفسي وقت الصجيه لووول

ايه اخت اخوانها يعني شنو الكلام اللي بتقولينه من اول يوم

 

[ذكريات عشاق]

انا راح اتصرف على طبيعتي بصراحه لان مااحب اعصب ومااحب اللي جدامي يكرهني عشان عصبية
ومابي يدعون علي
خو تذكرون قبل الابله العصبية شلون نكره الحصة وندعي عليها استغفر الله
والله انا بكون على طبيعتي اللي الكل يعرفني فيها
ووقت الدراسة والحصة اكون جدية مو معانته اعصب واصارخ لان بالنهاية انا بتعب مو اهما

 

[fri2010]

تصدقون عاد قبل كنت استانس على الابله الجديه والعصبيه

اهي اللي كانت تشجعني وتخليني ادرس واثبت لها اني قدها

بس الحين بنات هالوقت ما يحبون احد يكلمهم كلمه

 

[ذكريات عشاق]

عصبية بالوقت اللي يحتاج انج تعصبين
مو طول الوقت معصبة

عاد تدرين رفيجتي اهيا توظفت على شهر 1 اللي طاف
تقول بالكورس الثاني خلوني ادش على طول ادرس
وماعطوها مشاهده
وتقول اذا ماخلصتي درسج باليوم تسمعين لج كلمة مني ولا مناك من المدرسة الاولى
فحاولي تمشين على المنهج وتخلصين الدرس بيومه

 

[fri2010]

وييه عيل لما نخلص الثلاثا والبنات الاحد يدامون

ما يعطونا على الاقل 3 ايام مشاهده!

 

[ذكريات عشاق]

والله رفيجتي تقول كلش ماعطوني مشاهده ومن اول اسبوع دشت عليها المدرسة الاولــــى
وتقول بس المدرسات اللي معاها بالقسم ساعدوهاـآـآـآـآ


اي يمكن ما يعطونا مشاهده

وعندي لكم خخبر حححلو
بخصوص مواد الالختيارية تقول مايعطونها تخصص تاريخ
بس الفلسفة وعلم النفس والجغرافيا

ليش انه ماعندهم الا مادتين يدرسونه
اما التاريخ فعندنا 3 مواد
فمايعطوناـآـآـآـآ
مواد اختيارية
يعني لادستور...ولا صحه نفسية ولا شي
الحمدلله
احنا بس تعطي التاريخ ىوالوطن العربي


وتقول مليون بالمية يعطونا تاريخ اسلامي ووطن عربي

 

[fri2010]

ياللا نتساعد ونتدرب من جذي ابي صبوره

وامي مو راضيه تقول حق يومين وتقطينها

والله يبشرج بالخير على سالفه المواد الاختياريه

لان جد جد ما احب ادرس شي ما اعرف عنه شي

 

[ذكريات عشاق]

اي يا ارتحت انا بعد

لا مايحتاج صبورة
تدربي بينج وبين نفسج بغرفتج

 

[fri2010]

ما تضبط لازم صبوره واقلام لووول

لان بعد خطي ايينن عشان جذي هههههههه

 

[ذكريات عشاق]

ههههههههههههههههههههه

صدقيني مو احلى من خطي

رفيجتي تقول بالغصب اطول الصبورة واكتب العنوان
ههههههههههههههههههههههههههههههههههههههههههه

 

[fri2010]

هههههههههههههه

اي من جذي احتاجها

لوووووووووول

 

[ذكريات عشاق]

الالا صدقيني بالمدرسة الصبورة غير واكبر
ومايحتاج لان صح ماتسوى
المهم لاتنسون تشوفون الكتب
امس انا قعدت اقرى واقلب بكتاب عاشر الوطن العربي

 

[fri2010]

اي دام ان مو علينا الاختيار الحر

ما علي الا اقرا بكتاب الوطن العربي

الماده المتحسفه اني ما اخذتها واحسها ضروريه اهيا الدوله العثمانيه

 

[ذكريات عشاق]

انا خذيتها والله كانت حححلوة وممتعه
وترى وايد معلومات بالكتاب تلقين

 

[fri2010]

اي متحسفه اني ماخذيتها

والمصيبه اهم مخلينها ماده اختياريه مع انها ضروريه

 

[ذكريات عشاق]

اي انا خذيتها اختيارية


بس الدكتور كان يخخخرع..فيصل الكندري


تعالي فراي انتي قلتي انج شريتي دفتر تحضير
عاد شريتي اللي حق مادة الاجتماعيات
لان امس توني دريت انه لكل مادة دفتر معين

 

[fri2010]

ويييه فيصل الكندري ماخذه عنده اوربا معاصر

ويع ويع طلعت من المقرر بطلعت الروح


لا ما شريته ما عجبني وايد

بس مكتوب عليه اجتماعيات لووول عادي يعني والا لازم مكتوب عليه تاريخ << بدا الاستعباط هههه

اووله كل ماده لها دفتر تحضير!! والا كل صف!!

بس ترا لا تشترين شي بورقه الدورة مكتوب كل يوم عن شنو راح يتكلمون عنه وشنو راح يطلبون