سين وجيم عن الخدم ؟؟؟؟؟؟

[kitten-85]

ما احب جذي بصراحة شدعوة ما يقارنون اكيده يقارنون من ورانا انا كل يومين ازور بيت اهلي لان يمنا خطوتين بنفس المنطقة والقطعة واذا بطلع اودي ولدي مع الخدامة هناك ما احب اخليهم بروحهم بالشقة لو شنو والله .. المهم فخدم بيت اهلي 3 فلبينيات نفس جنسيتها حق القرقة وطبعا كل خميس زوارتنا ببيت يدي وحاطين لهم فوق غرفة كبيرة ومطبخ وحمام وتقريبا هما من 25 لي 30 خدامة بين فلبينيات واندونيسيات وجم وحده هندية حق الخراب والله ويتجابلون من الساعة 9 لي 12 او12 ونص حق الخراب وتنقل الحجي :lkmnkl::lkmnkl: بس شنسوي من يوم انا صغيرة وهذي حالتهم نقول حرام هذي طلعتهم خل يستانسون ويغيرون جو حتى ما نناديهم الا حق يشيلون العشى وينظفون عالسريع ويصعدون :dfgl: ... ومايبقى اعياد ميلاد وحفلات تنكرية ما يسونها :happybday: :jbdwjbd: والله كل خميس عندهم عيدميلاد فوق @@!!!! واذا صادف يوم الخميس وصار عندنا عرس ومحد راح تشوفون النطاقر والنفسية عشتو ....... :gr4uu:
خليها على الله ... انا اول مايبت مالتي عشتو متشكية قايلة حق خدم بيت اهلي ان تبي خدامة معاها تساعدها تبينا نحط خدامة ثانية تخيلوا نعم شكوا كلنا 3 اشخاص انا وريلي وولدي عمره سنتين ونص !!! ------> سامحوني قرقت وااااايد بس حبيت افضفض

سؤالي : اذا كسرت شي او حرقت شي او خربت شتسوين ؟؟

 

[ازعجهم هدوئي]

اقول حسبي اللة ونعم الوكيل انبها ماتكررة وتنتبة سؤالي تخلينها بروحها مع زوجك في البيت?

 

[الفنانه79]

مستحييييييييييييييييييييييل اخلي الخدامه بروحها بالبيت مع زوجي

لازم اعيالي يكونون موجودين ويكونون بعد بره الشقه يعني يبلعبون بالحوش واهي معاهم وماتلع الشقه الا اذا ريلي طلع

وهالشي انا ماخذته مبدأ وعلى العموم اعيالي وخدم اغلب الوقت معاي بس اذا طلعت بو نص ساعه اخليهم

اذا عندج خدامه طويله وجسمها حلو ومملوحه << بس زينه ؟؟ اتخلينها واشلون تتصرفين معاها

 

[ثلاثينية]

عموما كل الخدم البسهم لبس محتشم ,,, واكون عاديه معاها
سؤالي؟
اصلا من كثر ما انا لايعه جبدي من الخدم ماعندي سؤال

 

[kitten-85]

اذا كانت مملوحة وجسمها طويل وحلو مستحييييييييييييييل اخليها معني الحمدلله ما علي قاصر بس همن ما احب لو شنو اشوى ان خدامتي دقمة قصيرة ومتينة عادية ......

سؤالي : كل شكثر تشترين لها ملابس يديدة من ملابس طلعة وينيفورمات ؟؟

 

[يااسمينه]

ماعندي وقت معين حسب روحتي للمكان الي يتوفر لبس خاص للشغالات اذا لقيت ويجي مقاسها اشتري ولبس خاص للطلعات طبعا ما اشتري لها الا لبس الشغالات فقط ...لان اصلا اذا بنطلع تلبس عبايه وحنا بالسعوديه حتى اذا راحت احيانا معاي وفسخت العبايه البعض يتضايق مع ان لبسها محتشم واللبس الخاص بالخدم ...غير كذا لبس الجينزات مرفووض مو بس مني الا من الغير اذا شافوها بهاللبس لانها كانت تشتغل في الكويت واول ماجت عندي كلله لبسها جينز قبل لا اشتري لها ..وكان الاغلبيه يعلقون مو عاجبنهم وهي تقول عادي في الكويت هاللبس ؟؟
سؤالي : نفس السؤال السابق لكن ...اذا كسرت شي كاس مثلا وتكرر الموضو اكثر من مره تكسر طبعا ماتدري شنو تسوين معها ؟؟ وكذالك اذا اكثر من مره حرقت لبس وهي تكوي ؟؟؟؟؟

 

[@صاحبة السمو الملكـــي@]

بنااات ابي منكم طلب الله يعاافيكم اليوم وصلت خداامتي من كيرلااا وغبيه مااااااااااااتفهم بولااا شي وريحتهااا مستحييييييييييييييييييييييييييييييل تخيلوونها بغيت اعرف في مكان اوديلهم خداامتي ويسنعوونها يعني يذربوونها لانها شوي همجيه ما ادري شلون اوصفهاا بس حزينه لاني تعبانه وبشهري التااسع وماافيني حييل اعلم احد وهي مااتستووعب ولااكلمه بالعربي

بعدين بناات بسألكم ابيييييييييييه هذي شلوون اتفااهم معاهامافي لغه مفهوومه؟؟؟؟؟

 

[kitten-85]

هلا والله اختي للاسف ماعندي خبر ....
اذا عندج احد من اهلج عندهم خدم من نفس بلدتها ومنطقتها خل يحالولون يتفاهمون معاها ويعلمونها ووديها بي اهلج خل تتعلم الشغل من خدم اهلج ... وهمن تقدرين تتصلين عالمكتب الي يبتيها منه وتقولين لهم يترجمون لها ويتفاهمون معاها ... الله يكون بعونج والله

 

[الام المحبه]

حبيباتي
شرايكم بمكتب المطوع للعماله المنزلية ؟ اعتقد بحولي

 

[الصابرة المحتسبة]

ماعندي فكرة عن هالمكتب
أختي ياسمينة: تصدقين عاد ذاك اليوم حرقت قميص بنيتي مالبست إلا لبسة وحدة سكت لما طاف على السالفة جم يوم قلت لها إذا انتي ماتعرفين حق هالخام لا تكوينه
سؤالي: لي صار عندكم عزيمة تحبين تكون خدامتج رازة نفسها كل شوي ولا تعتمدين على نفسج أو بناتج بالتقديم والمجابل؟؟؟؟؟؟؟؟؟؟؟

 

[kitten-85]

لا طبعا ما اعتمد عليها كلش ... انا الي اجهز واقدم واسوي كل شي :weight_lift:

سؤالي : اذا انتقدج بشغلة تردين عليها تزفينها ؟؟ والا تطوفين ؟؟

 

[ياسمينا]

وانا حاطه حدود للخدم ولا تتجرأ تنتقد واذا ردت ازفها صدقوني الشده هي اللي تنفع مع الخدم لا شافتج متساهلة تتمادى اكثر
ولا اخليها تقدم لزوجي ولو كوب ماي مستحييييييييل
سؤاااااالي تركبين كاميرا مراقبه ولييييييييييش

 

[الام المحبه]

ودي اركب كاميرا مراقبة للخدم ولكن متردده لاني اخاف اشوف افعالها وانصدم واذبحها على طول
سؤال : منو وين تلاقون يونيفورمات انيقة وراقية للخدم ( رزة ) غير ام محمد وبيروت وسوق الجهره؟؟

 

[برونزية رشيقة]

رفع


شفيكم شنو خلصت الأسئلة ؟؟؟؟؟؟؟؟؟؟؟؟؟

 

[غلاي غير]

اذا وصلت خدامتج الجديده والخدامه القديمه بتروح تخلينهم يتقابلون والا مايشوفون بعض

 

[أغلى حبيبه]

ابددد مايشوف بعض لانه لما تسافر اطلب خدامه

احب اخذلي بريك شوي من الخدم


جم مره ودج تكفخينها باكبر ماعندج على غبااااائهاااا

 

[الصابرة المحتسبة]

ألحين وعقب 15سنة ما اعتقد أحتاج إني أكفخها
نفس السؤال؟؟؟

 

[يااسمينه]

انا كثييير رفعت ضغطي واتمنى ان مايجي يوم ارفع يدي عليها مااتوقع اسويها ,,,,لكن من كثر القهر حلمت اكثر من مره اني اكفخهاااااا واجلس من النوم اقول اشوى كان حلم ..
سؤالي .. ... لو اكتشفتي انها تحب واااحد من ربعها يعني اندونيسي في اندونيسيا ينتظرها وكل مره تبي تكلم عشانه وترسل مسجات هل تتقبلين الوضع مكالمات ومسجات ؟؟(بالتالي تفكير وسرحان ) والا رح يكون عندك نظام معين مثلا في الشهر مره للمكالمات .. والمسجات كم مرره تفضلين ترسل ؟؟خااصه ان عاارفه انها ترسل له ...

 

[برونزية رشيقة]

انا كثييير رفعت ضغطي واتمنى ان مايجي يوم ارفع يدي عليها مااتوقع اسويها ,,,,لكن من كثر القهر حلمت اكثر من مره اني اكفخهاااااا واجلس من النوم اقول اشوى كان حلم ..
سؤالي .. ... لو اكتشفتي انها تحب واااحد من ربعها يعني اندونيسي في اندونيسيا ينتظرها وكل مره تبي تكلم عشانه وترسل مسجات هل تتقبلين الوضع مكالمات ومسجات ؟؟(بالتالي تفكير وسرحان ) والا رح يكون عندك نظام معين مثلا في الشهر مره للمكالمات .. والمسجات كم مرره تفضلين ترسل ؟؟خااصه ان عاارفه انها ترسل له ...

سيلانيتي أللي قعدت عندي 5 سنين ونص كانت كبيرة بالعمر وسمحت لها يكون عندها موبايل وأنا سمحت لها تكلم أهلها وإعيالها بكيفها دام الكروت من معاشها ..
الأندونيسية طحسسسسسسسسسسسست تبي موبايل ما رضيت .. وآخرتها شرته من وراي وطحت عليها .. وسوت لي مشاكل .. حسبي الله ونعم الوكيل عليها ..

الجواب يا ياسمينة : ما أسمح لها بالموبايل .. خدامتي اليديدة لها مكالمة وحدة بالشهر .. بس يننتني خليتها تكلمهم 3 مرات مو موبايل زوجي يعني مكالمات دولية وتتكلم أقل شي ربع ساعة عاد انتوا حسبوووووا ؟؟؟؟ آخرتها زفيتها قلت لها : لج مكالمة وحدة بالشهر هذا الاتفاق من البداية في المكتب .

سؤالي للي بعدي : تلبسينها يونيفورم في كل مكان ؟؟؟ حتى لو راحت معاج مطعم أو سوق أم مجمع وألعاب حق اليهال؟

وشنو لبسها بالأعياد ؟؟؟؟؟؟

 

[french`coffee]

اي اليونيفورم تلبسه بكل مكان .. ما ودي افتح لها المجال تلبس على كيفها وشعرها دايما مربوط ما اخليها تفله .. ولبسها بالأعياد يكون جينز وتيشرت شوي طويل وناعم .

سؤالي ..
تزفين خدامتج اذا غلطت من غير قصد ....... ؟