سين وجيم عن الخدم ؟؟؟؟؟؟

[برونزية رشيقة]

اي اليونيفورم تلبسه بكل مكان .. ما ودي افتح لها المجال تلبس على كيفها وشعرها دايما مربوط ما اخليها تفله .. ولبسها بالأعياد يكون جينز وتيشرت شوي طويل وناعم .

سؤالي ..
تزفين خدامتج اذا غلطت من غير قصد ....... ؟

هلا في فرينش كوووفي منوررررررة الموضوع ههههههههههههههههههههه :eh_s(6):

الجواب : والله صراحة السيلانيات كنت أزفهم قلبهم أبيض ما يحقدون .. بس الأندونيسية كنت أخاف منها .. خفت تحقد وتسوي سحر فكنت أكلمها بهدوووووء بس ماكو فايدة ما تحترم وترادد و أهي أللي كانت تصارخ علي تخيللي ؟ صج أني خسرانة فيها 550 دينار وفوقهم راح أقط فلوس التذكرة هذا شرط علينا وشرط الكويتية حسب قانوووون وزارة الداخلية اليديد :0bee2e8d89: بس الله فكني من شرها ... حسبي الله ونعم الوكيل عليها :eh_s(14):

سؤالي للي بعدي : تعطينها هدايا في الأعياد إذا مسلمة ؟؟؟ وفي الكريسماس و راس السنة إذا مسيحية ؟؟؟

 

[أغلى حبيبه]

اعطيها بالاعيااد عادي مسيحيه ولا مسلمه


تفصلينها مشتغله من قبل وعندها خبره

ولا اول مره وتعلمينها على ايدج

 

[برونزية رشيقة]

قبل كنت أدور المشتغلات ومرتاحة من شي إنها تعرف كل الشغل .. وفيه لغة للتفاهم ..

بس ساعات تعااااانين من شي مع ( المشتغلة ) عادة نفسها كلللللللللللش مثلا إذا عطيتيها ملاحظة تقولج : ( يعني شنو أنا ما يعرف سوي شغل !!! ترى أنا مشتغلة 4 سنين في الأردن وقبلها بالسعودية 3 سنين .. شنو ماما كله شغل أنتي يقول مو زين .. خلاص أنا يبي سافر أنتي قرقر واجد على شغل ) هههههههههههههههههههههههههههههههههههههه

المو مشتغلة ما تفهم الحجي .. تتحلطمين ما تفهم .. تزفين تبقق عيونها ومو فاهمة شي ( هالشي يريحج نفسيا أنها ما ترادد لأن ماكو لغة ) :eh_s(6):

بس عيبهم ... غبااااااااااااااااااااااااااااااااااااااااااااااااااء تكمل سنتين يلله هاه هاه توها بادية تتعلم الشغل .. يبيلهم بال وسيع وصبر ..

وبشر الصابرين

سؤالي للي بعدي : يبتي وحدة على أساس عمرها 24 سنة .. واكتشفتي إن عمرها 16 سنة :eh_s(14): راح تخللينها عندج إذا تعرف شغلها .. ونظيفة .. وتحب إعيالج ؟ وإلا راح تردينها المكتب ؟؟؟

 

[شمعة الماس]

لا اخليها عندى مو فاضية روحة وردة للمكتب
سؤالى للى بعدي
لو خدامتج تقوليلها شغلة وماتسويها كيف تتصرفين معاها؟

 

[أغلى حبيبه]

اخليها جدامي تسويها وغصبن عليهااا

ياكره هالحركه اذا ماسوت اللي تبين


اذا كسرت جم شغله بالبيت تخصمين من معاشها ولا عادي؟؟

 

[برونزية رشيقة]

لأ ما أخصم .. بس أمد البوز وأسوي نفسي زعلانة.. علشان ما تسويها مرة ثانية ..

سؤالي للي بعدي :

إذا حنت عالطلعة الشهرية .. تخلينها تطلع ؟

وإذا تبي طلعتين بالشهر تخلينها ؟؟؟؟

 

[HearT ChocolaTe]

لااااااااااااااااااااااااااااا لو تموت ... تبيني جذي وإلا ما تشوف شر

شنو جنسيتها ؟ وكم راتبها ؟

 

[عيالي غناتي]

هنديه وراتبهاا 50 دينار


....


اذا شكيتي بأخلاقهاا تطردينهاااا على طول ولا تعاقبينها؟؟؟؟؟؟؟؟؟

 

[HearT ChocolaTe]

أتأكد وإذا عندها شي أسفرها
اللي عندها خرابيط ما أأتمنها على بيتي وخاصه إذا ما ألتمست الندم بعيونها
شنو رأيج باللي يضرب العماله ؟؟

 

[برونزية رشيقة]

حرااااااااااااااام حراااااااااااااام حراااااااااااااام .. ارحموا من فر الأرض يرحمكم من في السماء ؟؟؟؟

سؤالي : تخللينها تستعمل تلفون البيت ؟؟؟؟ وترد على التلفون إذا دقيتي من برة ؟؟؟

وعاد إدق على أختها أو بنت خالتها بالكويت ؟؟؟؟

 

[الصابرة المحتسبة]

أخليها تستعمل التلفون وعادي ترد عليه

سؤالي نفسه؟؟؟؟

 

[يااسمينه]

للان لا ماخليها تستعمل تلفونا ولا حتى ترد
هل تحطين لها نظام معين لمكالماتها ؟؟؟؟يعني مثلا مره في الشهر وهل تمنيعنها لو تبي تكلم اخر الليل من الساعه 1 في الليل ؟؟؟؟

 

[مديرة بيتي]

والنعم فيكم ياكويتيات سؤال يسدح نفسه بالله كل الكويتيين عندهم خدم واكثر من خدامه في البيت يعني للطبخ وحده والتنظيف وحده ثانيه
اللي عندي كانت في الكويت عليها شغل البيت فقط
استغرب منكم الشغالات بشعورهم في البيت وجينز والله هذا اللي باقي حدهم ثوب عادي وقماشه واقف ومنديل وتنوره وبلوزه في المناسبات
ربي يزيدكم ويكفيكم شرهم يارب
اختكم من المدينة المنوره

 

[يااسمينه]

انا من السعوديه وشغالتي كانت تشتغل في الكويت وهذا طلبي لاني سمعت ان الي تشتغل في الكويت تكون صح شغيييله وتعرف ترتب وتقدم للضيوف وغيره وللاسف الي عندي جت ماااتعرف تشتغل والله مع انها 8 سنوات على كلامها في الكويت ولاااا تعرف شي انا الي علمتها على التنظيف وبعدها مو حقت شغل يعني كثيير تنسى وكثير تهمل لانها مو متعوده على الشغل ولا فيها قوووه مافيها الي تركز على تبي جوال وتبي ........مافيها الا دلاعتها .....الله يعين
لااااتنسون عاد سؤالي ....

 

[برونزية رشيقة]

ياسمينة : طبعا لأ ..ما أخلليها تتصل 1 بلليل .. ونظام المكالمات .. مكالمة وحدة بالشهر تدق من موبايل زوجي بكرت بو 5 دنانير على حسابنا .. وأول ما يت خليتها تدق يومين ورة بعض وعلى حسابي .. وبعد 3 أيام سوت فيلم أنها تبي أمها في موضوع مهم .. وعقبهم بأسبوع دقت 3 مرات يوميا ربع ساعة تتكلمهم ...

طلعت كذابة لا فيه موضوع ولا شي .. تدق تبكي وأبيكم .. وأنا ليش ييت الكويت ؟؟؟؟؟؟؟؟؟؟ شنو أنا طاقتج على إيدج وقلتلج تعالي الكويت ؟؟؟؟ هذي رغبتج أنتي تبين تشتغلين وتبين معاش ..

والمرة الخامسة همن خليتها تدق ... بكت وقالت لي أبيهم يفتحون لي حساب بالبنك وتقعد تتكلم ربع ساعة كل مرة والحسابة بتحسب .. مو من كرت داقة من خط ريلي سيدة .. لحد ما خلليت المكتب يزفونها .. لأن الاتفاق بالمكتب مكالمة وحدة بالشهر .. ..


وياسمينة : منوووووووووووو هذا أللي بتتصل عليه 1 بلليل ؟؟؟؟؟؟؟؟؟ مالتج للحين على دلعها ما تابت من عقب القمل أللي براسها ؟؟؟؟ مال 1 بلليل ؟؟؟؟ ولا تعطينها جوال .. ترى خراب حق الأندونيسيات تتعرف على السواق والبتغاليين و مالوت البقالة .... أقل شي تتعرف على مصري من وراج ..

وشنو هذا الموضوع المهم بو 1 بلليل سبحان الله ؟؟؟؟؟؟

 

[برونزية رشيقة]

سؤالي للي بعدي : شلون تتصرفين إذا ما تاكل من الأكل العادي مال البيت ( طباخكم مال الغدا والعشا ) .. وما تبي تطبخ لها بروحهها (( مع أنج قلتي لها الماجلة والثلاجة تحت أمرج سوي لج أي شي تبين طبخي عادي بأي وقت ............. ؟؟؟؟ ))

وتروح تخللص أكل ولدج الصغير من كرواسون وبسكوت وشيبس وبفك وحلاو ... مو مرة ولا ثنتين ولا ثلاث كل مرة جذي ؟
وتخلص عصيرات الكي دي دي مالوتكم ؟؟؟؟ كراتين كراتين !!!!

والله مو سالفة بخل .. بس هذي أشكره ما تاكل عيوش وإيدام .. لأ ما تاكل إلا بفك أعيالج .. وبسكوتهم .. الصبح حق الحضانة والمدرسة ما تلقين شي تحطينه لهم .. لهالدرجة !

ملاحظة : تخافين تزفينها لا تنتقم في إعيالج ؟؟؟؟

السؤال : شنو التصرف السليم معاها ؟؟؟

 

[برونزية رشيقة]

نسيت أقولكم .. أنا شلون أكتشفت أنها مخلصة البفك والبسكوت ..

لاحظت ريلي شاري من الجمعية :

كرتون بسكوت كامل .. فيه 48 جيس .. ( كل جيس 4 حبات بسكوت ) بحط حق ولدي الصبح وإلا تقوللي : ما فيه !

مخلصته في 3 أيام والله العظيم ..

................ وجيس كامل بفك ( بو سفينة ) يمكن يحطون 20 أو 25 جيس .. بالجيس العود ..

ما بقى فيه إلا 6 بفك ؟؟؟؟

وااااااااي مع إنها عصلة جنها عصاة بتنكسر :dddds: وين يروووووووووووووح ؟؟؟؟


السؤال : شنو تسوون ؟؟؟ أنا أسألكم لأن خدمي الأوليين ياكلون اكل طبيعي ( مع أنهم متروسين ) وهالعصاة مخلصة سوالف الخفايف هذي ( عصاير كي دي دي - بساكيت - كرواسون - كيك الصغار - ميني تارت - بفك )

شالحل ؟؟؟؟

 

[يااسمينه]

مكرر.......................................

 

[يااسمينه]

برونزيه ههههههه للحين تذكرين سالفة قملها ؟؟؟؟؟ لما سألتها ليش هالمكالمه اخر الليل تقولي عشان في اندونيسيا يصير الساعه 5 الصبح .. وامها تجلس من بدري والله العالم ...هي لو على كيفها اي وقت تبي تكلم ومسجات بعد عندها حبيب في اندونيسيا ان شاء الله مايكون طمعان في فلوسها بس_03ba: .......بس سالفة الاتفاق من المكتب على مكالمه وحده بالشهر هل فيه في العقد يعني والا انتوا من نفسكم اتفقتوا في المكتب ؟؟..احيان اخاف لا اكون ظالمتها لما احدد لها عدد معين من المكالمات يمكن تبي تسأل عن امها حقيقي الله العالم ..بالنسبه لسؤالك لو انا صار لي هالشي بقول لها باسلوب هاادئ ( ينخاف من بلاويهم اذا عصبت) عندك الاكل الي في الغدا والعشا كلي تتعودين مع الفتره وبتحبينه ..واذا هي مصرره على انها تاكل اكل اولادي اقول لها اشتري من فلوسك كرتون شيبس مثلا وكرتون بسكويت ..الخ وشوفي شنو تقول ...انا صراحه شغالتي لاااحظت عليها في البدايه ماتحاسب ماشوف الا بعلب الاجبان مخلصه مامدانا ناكل الا القليل ... وكلما نشتري يخلص وكذالك الحليب ...اضافه الى قهري من حركاتها فقلت لها خلاااااااص بعض الاكل من فلوسك اخليها تروح البقاله وتشتري الي تبيه لكنها مااااسكه على نفسها ماتشتري لها اصلا الا اشياء مرره بسيطه ...اما الاكل الي من غدانا وعشانا تاكل معنا
على فكره الان ماعندي سؤال ... ياريت الي بعدي ترد على سؤال برونزيه[/quote]

 

[برونزية رشيقة]

لأ ماقدر أقولها إشتري من حسابج !!!!!!!!!!!!!!!!!! ما سويتها ولا مرة مع خدمي .. وأهلي ولا وحدة سوتها .. ولا أهل زوجي .. أحنا نشتري لهم كلشي .. حرااااااااااااااااام هذولا يايين من فقر ويترزقون الله ..

بس هذي أول مرة تشتغل بحياتها في مكان .. مو مشتغلة من قبل .. وعمرها ما شافت الكاكاو ولا البسكوت ولا البفك .. ديرتها فقر ..

وأول يوم وصلت قلتلها مثل ما أقول حق خدمي الأوليات : الثلاجة تحت أمرج .. كبتات الماجلة تحت أمرج لا تستأذنين أي شي تبين أكليه عادي ...

بس ما توقعتها تهد الوجبة الرئيسية وبس تعيش على البسكوت والعصاير والكاكاو والحلاو والبفك ..... هذي عايشه عليهم ألحين ..

مادري شسوي معاها ؟؟؟؟

سمعوا شنو سويت ؟؟؟

اليوم شريت حق ولدي .. جان أفرغ لها في كيس .. 3 بفك و 6 أنواع من البسكوت وحبتين كرواسون وباكيت كامل عصاير كي دي دي ..
إيه وشارية كرتون معمول بالتمر حقي حق الدوام فرغت لها نصه ..

عطيتها الكيس جان أقولها : يا فلانة هذا الكيس كله حقج .. وهذا الكيس حقي حق الدوام .. وهذا حق ولدي حطيه بالكبت .. عرفتي يا فلانة ؟؟؟؟؟؟؟؟؟؟؟؟

جنها نغزة غير مباشرة لها .. أنج آفة ما تشبعين هههههههههههههههههههههههههههههههههه


خل تفهم أن هذا نصيبها وخلاص .. كلته بالطقاق مو كل ساعة بشتري .. الواحد يصرف على إعياله وإلا عالخدم