شاركوني بتأثيت البيت بليز

[ملامح ناعمة]

هلا بالكويتيات الذويقات

حبيت اطلبكم بما ان قاعدين نبني بيت جديد عندي كم استشارة وابي رايكم

اول شي}..
الصالة مفتوحة وكبيرة عبارة عن ثلاث صالات مع بعض ابي اسوي ستايلها مغربي حديث تقريبا مثل هالستايل الي بالصور { قولو لي رايكم }

افكر احط النص الي تحت بالجدران موزاييك بيج وذهبي وابيض على كبر الصاله بس اخاف يصير زحمة

ثاني شي}.. الحوش صغير شوي يعني تقريبا مساحتة 6*6 و يصير ع الزاوية عندكم اي اقتراح للزرع

ثالث شي }..في قبة بالبيت ع الصالة شسويها زجاج ولا شغل جبس

واخر شي}.. لو عندكم اي فكرة لغرفة الطعام

إن شاءالله انزل لكم الصور و كل شي جديد يصير بالبيت بس ابي مساعدتكم لي​

 

[بنت العقربيه]

مبروك مقدما

اللوان الموزاييك معروفه في الستايل المغربي تكون ملونه

يعني احمر واخضر وازرق يسوون دمج مابين لونين او اكثر

لكن لون ذهبي وبيج مقارب لبعض اذا تحبين لون ذهبي وازرق او ذهبي واحمر بيطلع واو

القبه سويها زجاج اذا مافيه درايش في الصالون



الحوش جيبيله اصيص افضل من انك تسوين حديقه بيعطي منظر حلو وويوسع المكان

غرفه الطعام اذا كانت مفتوحه على الصاله يفضل تكون فيها لمسه عربيه مغربيه عشان تمشي

مع ديكور الصالصاله بالتوفيق يارب