شاسوي انا حساسه وبجايه وعرسي قريب ما ابي ابجي بالصاله واخرب ليلة عمري ؟؟

[ساره 1992]

بنات انا حساسة المشاعر ابجي بسرعه لاتفه الاسباب مدري ليش جذي !!! والمهم ما اتحمل اشوف ابوي وامي بيودعوني خلاص وانا شسوي عشان اصير بطله شجاعه عشان ما ابجي واخرب ليلة عرسي وما اضايق امي وابوي واتحمل نظراتهم ؟؟

 

[ساره 1992]

بليز انا ما اتحمل نظرات امي وابوي انهم بيودعوني شلون اتحمل ؟؟؟

 

[اهذريبك~]

شوفي ياعمري اقعدي بغرفتج قبل العرس و طلعي كل البجي
بعدين لا تصيرين بايخة و تخربين مكياجج و جنج ورع!

حبيبتي يخرب مكياجج وتصيرين شبح قبل لا يشوفج المعرس
و ابجي من الحين لين يجي العرس بتجف الدموع ولا تفكرين ان بودع امي و ابوي تسوين فلم هندي ههههههههه


انتي رايحة رايحة < شوفي انا اكتب لج وانا اصلا خايفة كل ما اشوف جم بقى قلبي يرقع و ارجف

الله يستر

 

[اهذريبك~]

و اذا مشيتي بالصالة لا تطالعين امج فكري بشي ثاني مثلا شوفي الكوشة الوانهااا خزيتها خز شوفي اللي حولج ابتسمي شي بسيط

و خلااااص و صدقيني اذا بجيتي قبلها اكيد ماراح تبجين بيومها

 

[حناينq8]

بسيطه حبيبتي
حطي في بالج شغله وحده من الحين ليمه العرس

ان هالليله ماراح تتكرر ابدا بحياتج - ليله العمر وحده
اذا قزرتيها بالبجي خربتيها وخربتي مكياجج

فالخيار لج بتستانسين وتفرحين والا تدورين على الزعل والبجي

واهلج مصيرج بتزورينهم بتشوفينهم ويشوفونج تالي

 

[لمى الهاجري]

وي وي انت عروس يبا فرحي استانسي وانتي ما بتهاجرين بس بتروحين بيت ريلج وتقدريم تزورين اهلج اي وقت فكري بالكوشة وبفرحة الاهل وبزوجج شلون بتستقلبينه والبجي لاحقه عليه

 

[sooso19]

شوفي فديتج انتي لاتفكرين كلللللش وقتها ،،،،امشي عادي جنه يوم عادي ويمر ،،،يعني لأْْٰٓآ تفكرين بفراق اهلج وانج بتبدين حياه جديده ،،،عشان ما تخرب ليلة عمرج وقبل لأْْٰٓآ تدخلين الصاله اذكري الله وتوكلي ع الله

 

[sooso19]

والله يوفقناا اجمعيييين

ويمر هاليوم علينا كلنا ع خير

 

[ساره 1992]

اللهم امين وفقنا وتمم علينا بالتوفيق والحياه السعيده والفرحه والسعاده بالدنيا يارب العالمين

 

[M!Ss Smart]

نا سووويت كل شي عشان ما ابجي بس بجيت وكملت بجيتي بشقه هالشي موبكيفنا مشاعر مانقدر نتحكم فيها

 

[omaseel]

حصلت معايا بس بعد ما دخلت غرفني اتصلت بامي وبكيت

 

[الشامخــه]

هو البجييه بتييج بتيج ..
بس انتي اقري اذكارج واذكري الله قبل لا تطلعين حق النااس ترى هالشي وااايد يعطيج طمأنيينه والله
ونفس ما قالوا البنات لا تفكرين في هلج او انج بتفارقينهم لا حطي اهتمامج حق اي شي ثاني
"وان شاء الله بتقدرين اتقوين قلبج"
والله يهنييج ويسعدج ان شاء الله​

 

[نوفاتي]

الله یتمم علی خیییر

 

[@محبه الرحمن@]

ربنا يسعدك

 

[مس كارولينا]

يمااااا عيل من اللحين يعني لازم ابد بالبجي عشان حزتها ما ابجي *

 

[عسل سل]

خلاص يبا فركشي الزواج شرايج هههههه
صرااحه دلع ماصخ هذا !!

 

[احسااس طفله]

صراحتن انا ماالومج
انا املجه بس للحين ماتحدد العرس وحساسه وبجايه مثلج
بس شنسوي هذا الشعور كل العرايس يجيهم يبون يبجون
ماتقدرين تتحكمين بدمعتج المهم اختي قبل عرسها بيوم بطتها بجي
عند امي وابوي وبيوم عرسها راحت الصالونه والصالونه اسالتها تبني
احط لج قطره لدموع العين وحطيتها بس مسكينه شكلها خايفه وبعيونها مبين انها
تبي تبجي بس مانزلت الدمعه عالقه بالعيون من القطره اللي حطتها فااحسن شي تسوينه
اذا جيتي تحجزين الصالون اساليهم اذا فيه عندهم قطره لدموع العين اذا ماعندج اشتري
والله يعينا ويعين جميع العرايس

 

[غلاوي التربيه]

يويلي الله يعينش :eh_s(22):

اجل منتي منهن الامهات اللي نعالها تكرمون بيدها وتفرك ايدها وتجيج معصبه وانتي تبجين <<<<<<<<تسال شيبجيج نعنبوج خربتي مكياجج وانتي تكملين بجي ويجي شين ما يسر الصديق اللي طاير من عندها ولا هافتش بنعله ههههههههههههههههههههههههههههههههههه كل هذا عشان ماتخربين المكياج وشكلش <<<<<<<<<والله الشرهه علي الي ابجي عشانكم:krkrkr::krkrkr::krkrkr::krkrkr:​

 

[الغنج والدلع]

استغفري ربج كل ثانيه وادعي ربج يعينج ع القوه والصبر

 

["حلاوه"]

يما خفــت!! وعيوني من الحين تدمــــع
الله يسستررررر ويتمم على خير
يارب
​