شاكة بواحد انه.. والمشكلة يبي يتزوج

[د.أطفال]

السلام عليكم بنات شخباركم
الموضوع باختصار اني شاكة بتصرفات واحد من أقاربنا انه مش اوكي.. نزين بتقولون شفي.. اقولكم.. شاكة انه غاي شاذ استغفر الله.. هو عمره الحين 32.. مستأجر شقة مع اصحابه..ويزور بيت اهله مرة مرتين بالأسبوع واصحابه ما احد يعرف من هم ولا مكان البيت.. يلبس مثل اليهال ويسوي شعره مثلهم صج يفشل.. يسافر بروحه يقول انه مع اصحابه بعدين ما يشوفنا اي صووورة فيها اي احد معاه.. مرة زوجي وصله المطار.. ولا ينزل من السيارة وما يقبل ان زوجي يمشي معاه داخل المطار..لأه ما يريد يشوف اشكال اصحابه اللي مسافر وياهم.. ويهتم بشكله زياادة عن اللزوم.. اول ما يشوف منظرة يقعد يلعب بشعره.. اوكي للحين كله تصرفات طايشة مافيها شذوذ واضح.. الموضوع اني انا شفته بعيني جالس مع اولاد صغاار عمر 9 و10 و11 سنة وشافني وخبا ويهه..اهله مو بالوادي وما يدرون بشي.. انا قلبي حاسسني ان في شي غريب

اوكي هو الحين خطب وحدة بنت ناس.. وانا والله خايفة عليها تنظلم..
للعلم هو ما طلب لا يتزوج ولا شي.. امه هي الي سعت للموضوع
وشغله ثانية هو مش ملتزم وايد بالفروض الدينية..
المهم انا شسوي؟ صراحة مستحيل اكلم البنت او اقلها اي شي..

بصراحة انا ما اقدر الا ادعيلهم واتمنى تكون كلها شكووووك يارب
شنو تتوقعون من هالمعطيات؟ ولو مكاني شنو بتسوون؟
الله يهدي شباب المسلمين يارب

رايكم يهمني
​

 

[نـوت الحلا]

ربي يهدية
دامج مو متأكدة ولا شايفة بعينج ابتعدي عن المشاكل ولا تقطعين بنصيب أحد اهوا حر باللي يسوية ربج فوق و يشوف واذا ع البنت ربج يفرجها عليها يمكن هالزيجة ما تتم بس نصيحة بعدي عن الشر وغنيلة​

 

[غلآ نوآف]

حركاته مشكوك فيها ما الومج
انا ماشفت وشكيت فيه
وخاصة انه ماطلب يتزوج
وعايش حياته بطيش للحين وهو عمره 32 سنة
مفروض يكون عاقل وواعي اكثر من جذي

 

[sosowaty]

و عليكم السلام

يمكن الله يهديه بعد الزواااج

 

[Miley-Cyrus]

اووووما عاااد ... مبين من كلامج انه Gay بس المشكلة مو صغيره هي كاااارثه وتخيلي لو كنتي غلطانه راح تظلمينه وتظلمين البنت حيل ... انا اقول ادعيلهم وادعيله بالصلاح ولو كان فيه شي فعلا انشالله هي بتؤجر عليه .. الله يستر

 

[Aloolah]

تآكدي اول شي و لا تتسرعين

 

[granted]

اوك اكيد اهل البنت بيسالون عنه
والناس حالهم حالج اذا في شي غلط بيقولون لهل البنت
ولو اهل البنت سالوج قولي الي تعرفينه والي يبري ذمتج عند ربج

 

[Patcholli]

على كل هاذا وشكوكج بس ماعندج دليل ملموس يعني خوفج تقطعين نصيبهم ويطلع ظنج مو بمحله
اتوقع البنت عندها اهل واخوان ودورهم انهم يسئلون عن الولد عدل قبل يزوجونه بنتهم
فأنتي لاتحطين روحج بموقف محرج وباجر الناس يلومونج وتطلعين انتي الشينه بنظرهم ترى الناس ماتلتمس حسن النيه بهالوقت على طول بيقولون غيرانه وتبي تفرق

 

[أبله أريج]

اكيد الناس بيسإالون عنه ,, لا تحاتينهم

 

[د.أطفال]

مشكورين بنات
اهل البنت بسيطيين شايفينه واحد كووول ويلبس ويتكشخ و مايبان عليه العمر ويسافر ويحب الوناسة..
ما ادري
يـــارب الله يهدي أو يبعده عن البنت اذا كان فعلا غاي..
ويـــــارب اكون غلطانة..
للعلم بنات.. هو اصلع من جدام بس قاعد يحط باروكة.. واهل البنت والبنت ما يعرفون ..جدااام عيني يسألونه شلون شذي شعرك كثيييف (( اهم ما يعرفونه من قبل ولا شافو شكله قبل)) يقلهم استعمل بيرت بلس.. ويقعد يضحككك و هم بعد يضحكون..
يجذب عليها حتى بشعره..
ما ادري لو كان العكس انه البنت صلعا وقاعد تقص عليه شو بيكون موقفة
الله يهديهم ويهدي يارب

 

[شوشو الشقيه]

سلمو
حرام عليج معناته هو يلعب مع الاطفال يعني خلاص هو شاذ
استغفري الله
ما يحط في ظنه جذيه يمكن هو شخصيته طفولية والله فديته بصراحة
شخصيته حلوة
اشحلوها شخصيته يلعب مع الاولاد دليل انه روحه حلوة و طفولي و مرح

اما بالنسبة لعمره 32 للحين ما تزوج
معروفة اكيد صايع
الرجل الي يوصل عمره ثلاثينات ولا يتزوج
معناته هو يلعب واايد من كثر لعبه ما عنده وقت يتزوج ياخذ بالحلال تعود على حرام
واايد يسافر معناته يستمتع بالسفر مسكين زهقان تعبان لازم يرفه عن نفسه مع الحريم كل بلد اشكال وانواع
شوفي اثنين ادلة ان وجدت بالرجل معناته صايع
1- اذا وصل عمره بثلاثينات هو مقتدر بالمال ولم يتزوج .
2- اذا كثرة سفراته وحبه للسفر بذات بلدان تايلندا بانكوك دول الاجنبية او حتى الخليج
عرفي انه صايع وبدرجه اولي
3- اذا لاحظتيه حبه وشغفه للتكلم والتحدث مع النساء حتى لو كانت المواضيع تافهه ما لها معنى فقط يريد يتكلم معاهم يضربها سوالف فقط دردشة معاهم سوالف عادية ليست حب وغزل
عادية او سطحية حبه للسوالف مع الحريم معناته هو صايع بدرجه كبيرة

ولا يستحق الزواج به تزوجي خمام بلدية ولا تزوجينه
تزوجي هندي شوارع ولا تزوجينه على الاقل الهندي بيصونج ولكن هذه صايع
كل يوم بيغربلج بسبب لج قهر

 

[nour el denya]

تأكدي أول من الموضوع إذا صج شذوذ قولي حق أحد من طرف(خالاتها - عماتها -صديقاتها- ربع أخوها) البنت يوصلهم هالمعلومه
حرااام تنظلم البنت معاه

 

[ناتشوو]

شوشو مو شرط كلامج اللي قلتيه
لا تاخذين الامور ع ظواهرها

بالنسبة لصاحبة الموضوع احس هذا دور اهل البنت يسألون عدل
اذا سألوج قولي شكوكج

 

[قلبي وينك]

امممم ما ادري شو اقولج يمكن شكوكج تكون بمحلها ويمكن لا وبهالحاله تكونين ظلمتي ناس
بس مثل رائ الاغلبيه هنيه انج تتركين الموضوع هذااا ولا تحاتين ولا حتى تفكرين فيه
البنت ذنبها على اهلها وواجب اهلهاااااا انهم يسالون على الريال واكيد بيحصلون ضالتهم سواء من قريب ولا من بعيد

على فكره الشخص الشاذ حتى بدون سؤال عنه يبين من مياعته وكلامه واسلوبه ورغباته
ويمكن هو شخصيته طفوليه وعقله صغير مقارنة بعمره ياما ناس وصلت اعمارهم بالاربعينات وطالع وتصرفاتهم وتفكيرهم تقولين بو 16 و 20 وما تصدقين انهم وصلوااا لها العمر

ولي تقول اذا وصل الريال لثلاثينات وما تزوج معناته انه صايع اقولها لا يا ماما مو شرط حتى لو كان مقتدر من الناحيه الماديه يمكن مو متقبل الزواج من ناحيه نفسيه وياكثر الشباب الحين الي يتزوجون على كبر ومن خيرة الشباب بعد ومعيشين زوجاتهم بنعيم

 

[MSA]

اللهه يهديهه انششاللهه


حبيبتي اهوآ من حركاتهه ، اكيد فيهه شذوذ ، او انه عقلهه لي الحين ع انه طفل ، واللهه اعلم
وبعدين اهوآ داشش الثلاثينياتت وتوهه يخطب ، وسسفراتهه وايد ، وماتعرفون ربعهه ، اكيد ربعه شاذين ولا يمكن اهوا يطلع مع بنات واللهه اعلم ، انا ماابي اظلمهه ، وانتي لاتعلمين البنت ، يممكن يطلع زين ويتغير ، اللهه يهديهه انششاللهه ...

 

[د.أطفال]

امممم ما ادري شو اقولج يمكن شكوكج تكون بمحلها ويمكن لا وبهالحاله تكونين ظلمتي ناس
بس مثل رائ الاغلبيه هنيه انج تتركين الموضوع هذااا ولا تحاتين ولا حتى تفكرين فيه
البنت ذنبها على اهلها وواجب اهلهاااااا انهم يسالون على الريال واكيد بيحصلون ضالتهم سواء من قريب ولا من بعيد

على فكره الشخص الشاذ حتى بدون سؤال عنه يبين من مياعته وكلامه واسلوبه ورغباته
ويمكن هو شخصيته طفوليه وعقله صغير مقارنة بعمره ياما ناس وصلت اعمارهم بالاربعينات وطالع وتصرفاتهم وتفكيرهم تقولين بو 16 و 20 وما تصدقين انهم وصلوااا لها العمر

ولي تقول اذا وصل الريال لثلاثينات وما تزوج معناته انه صايع اقولها لا يا ماما مو شرط حتى لو كان مقتدر من الناحيه الماديه يمكن مو متقبل الزواج من ناحيه نفسيه وياكثر الشباب الحين الي يتزوجون على كبر ومن خيرة الشباب بعد ومعيشين زوجاتهم بنعيم

مشكوورة حبيبتي :eh_s(17):
بس ترا في وايد شاذين ما يبان عليهم حسب هو اخذ دور منوو وعععع عليهم
الله يهديهم يارب

 

[د.أطفال]

مشكورين بنات الله يزيكم الخير
انا ماراح اقول اي شي الا اذا تأكدت 100% وغير شذي بكتفي بالدعاء
حتى موضوع الشعر المستعار ماراح اقول شي..

 

[سري الدفين]

من تدخل فيما لا يعنيه نال مالا يرضية .....
الناس يفهمون ومحد يزوج قبل لا يسأل هذا زواج مو لعبة وليش تتدخلين بالسالفة

 

[عادت ذكرياتي]

بس لي تعقيب على حجي اللي قالت اللي يوصل الثلاثين وما تزوج يعني صايع !!!!



أقولها :::: بعد عمري لا تحطين بذمتج بعضهم لاهيين بأمهاتهم أو أبهاتهم وشايلين بيوت أهلهم شيل ولما تسمحلهم الظروف يتزوجون وبعضهم يكملون دراستهم آنا اعرف ناس جذي ^_^

 

[د.أطفال]

من تدخل فيما لا يعنيه نال مالا يرضية .....
الناس يفهمون ومحد يزوج قبل لا يسأل هذا زواج مو لعبة وليش تتدخلين بالسالفة

الله أعلم بنيتي اني خااايفة عالبنت
وانا ما اتدخلت وكتبت اني مارح اتدخل الا اذا شفت شي صريييح
بس سؤال انتي بنظرك كل وحدة تزوجت وطلع نصيبها مريض نفسي (وياااا كثرهم) ولا معتوه بيكون السبب اهلها ما سألو زين عنه؟؟
لا يا بعد جبدي في بنات واااايد ينظلمون
وللعلم بس الأهل مهما سألو ماراح يوصلون لشي الا اذا رب العالمين أراد
لأن الي يسوي شي غلط راح يسوي بالخفا ورا عيوون العباد

وللبنات الي قالو يمكن الله هداه
اقول يــــــــــــــــــــــارب
بس وش الي يثبت انه ما يكون انتقله امراض وبلاوي والبنت المسكينة تمرض معاه وتنظلم

الله يستر علينا وعلى بنات وشباب المسلمين