شالحل مع عصبية الأطفال ؟

[Um Tuki]

سلام عليكم بنات ..

شلونكم عساكم بخير و مرتاحين و عيالكم بصحة و سلامة .. :yaaaaaarb:

بنات عندي مشكلة والله شاغلة تفكيري ومتعبتني ..

ولدي عمره 11 شهر .. برمضان يتم السنة ان شاء الله :eh_s(9):

عصبي عصبـــــــــي عصبـــــــــــــــــــــــــــــــــــــــــــي .. :rgewrg:

يطق في روحه و يسحب أذونه والله حتى أذونه كبرت .. و يطق روحه بتلفون .. بالرموت .. بكل شي جدامه ..

يصير أحممممممممر من العصبية .. يصررخ بس بقهر .. يقط روحه على ورى ..

شاقول أكثر والله وايد عصبي ..

لما يشوف اي ياهل يصيح يععععععععععصب وايد .. مايبي احد يصيح مع ان احنا مانصيح ولا نسوي اي شي جدامه .. بس انا ساعات اصرخ عليه بس بالعدال موب بحمق لأن اخاف عليه يطيح والا يعور روحه ..

فأناديه او اقوله عيب بعصبية خفيفة ..

مادري شالحل وياه والله ..:eh_s(10):

احاتيه :eh_s(16):

اهوه بجري .. :eh_s(17):

ربي يخليه لي و يحفظه يخلي لكم عيالكم ويحفظهم يارب

 

[dantella]

تشكين لي ابجيلج
ولدي عمره سنه و3 اشهر وااااااااااااااويلالالالالالالالالالاه من اعصابه بس اهو مايطق نفسه يطقني وابوه والخدامه هات يا طق وتشمخ وتعضض
والي يبيه لازم يسويه وان حقرتيه يقعد يصااااااااارخ صريخ يعور القلب يخليني اين بمكاني واقعد ابجي من شكله واهو يصارخ
ولي كنت عند الناس يفشلني حتى شيلتي يشدها ويفشلني
وتعالي شوفي لي بغيت ابدله الحفاظه ولا هدومه يصير انفجااااااااار زلزال بركااان ولازم انا وابوه والخدامه نكون موجودين
انا مثلج اعاني من هالسالفه

 

[Um Tuki]

تبديل الحفاظة و الثياب معاناة ثانية

حسيتي فيني شلون انتي قلبج يعورج واعصابج تتلف تحتارين اشفيه وشنو السبب

 

[om MaRyooM]

ههههههههههههه ظحكت من الوصف والله
الله يخليه لكم انشالله

بس يتراوالي وراثه
وحاولي تشبعينه بالحنان راح يطخ بعد فترة .. وقبل لاينام دهنيه بزيت جونسن واقريه عليه
خل يسوي ريلاكس

 

[Um Tuki]

أأأأأأأأب


ع الأقل رفعوا الموضوع اذا ماتقدرون تفيدونا بالموضوع ..

جزاكم الله خير

 

[Um Tuki]

uuuuuuuuuuuuuuuuuuuuuup!!!!!!!

 

[نـعـومـه]

كلمي اخصائي اطفال

شوفي هنيه واتوقع بالمواضيع المثبته في اختصاصي سلوك شي جذي

استشيريه

 

[أم ميميتو]

وييييي عندي و عندج خير انا ولدي بكمل سنتين الله يحفظه
عصبي وايد بس ما يطق نفسه الحمدلله يخاف على نفسه بس يصرخ و يحذف
كل شي يمه بس انا السبب لاني لما كنت حامل في عصبت و صرخت و كسرت مافي شي ما سويته و هالشي انعكس على ولدي بشكل واضح و في
مره كنت معصبه و اخذت الريموت و خذفته جدامه من يومها قام
يسوي نفسي الحين قمت امسك اعصابي واذا هو حذف اي بيده اشيل الي حذفه
و احطه مكانه و اسوي نفسي ما شفته الله يهديهم و يحفظهم يارب

 

[عالمي المجنون]

جنج تتكلمين عن ولدي

حتي نفس العمر بالضبط

ولدي بأجر يكمل ١١ شهر و الشهر الياي يكمل السنة

و نفس عصبية ولدج يقط راسه باي شي و يحذف عمره لي ورا بس هالفترة ما قام يسويها

و يطقنا طراقات و يمجع شعري و الحين هاب لي بالعض :/ مادري شسوي معاه

مع ان شخصيته عسل عسل دمه خفيف و اجتماعي و يموت بالناس بس لا يعصب :/

و تغير البامبرز يصير إعصار أبدله و اهو واقف

و هم اهو بجري لووووول

بس اتوقع مني وأيد كنت أعصب و أنا حامل بس براجع استشاري أطفال عشان اعرف اسيطر عليه

 

[سارة ة]

هههههههه ياحلو الجهاال الله يحفظهم

 

[غنوة ستايل]

الظاهر الكل نفس المشكله
شهر 8 يصير ولدي سنتين
ونفس الحاله يعض اصابعه وايده ومره عض الطوفه !!
و يطقني . ويجر نقابي والملفع مرات اصارخ عليه لما اشوفه يسوي جذي
جنني وابي حل .
المشكله اني ما اعرف اهوا شنو يبي !!!

 

[miss_uk]

بنات بنصحكم لله
السالفه يبيلها صبر
الياهل اللي يسوي حذي يعني فيه نقص حنان واهتمام يا من الام او الابو
الحل ثلاث ارباعه بيديج بعد الله

غرقييه حنان ومسحي على راسه
حاولس تتجنبين الاشياء اللي تنرفزة ليين يخف الطبع

اذا بدا يصرخ حقريه شوي خصوصا اذا كان من غير سبب
اذا فية تفاهمي معاه لا تقولين ياهل

انا بنتي تعصب واتصرخ مع انها كانت هاااااااديه اكتشفنا غيره من اخوها الكبير من فهمنا السبب بطل العجب والحمدالل حييييل افرقت معاي

 

[Um Tuki]

و الله صاجين

بس شلون احصل استشاري اطفال ينفع حق هالسوالف بالبحرين

 

[غلاتي غلا]

لاوالله مو نقص حنان الا دلع
ولدي الله يحفظه حنان مني ومن ابوه ومن امي وجدته شي شي موووطبيعي واللي يبيه ياخذه
بس صاير اعصاب موطبيعيه وبس صراااخ وانا ماااااحب الصراااخ كلللللش

الله يهديهم بس

 

[ككوته]

الله يهديهم ان شاء الله بس انا اتفق مع الاخت الي تقول في نقص حنان واحيانا من الدلع الزايد الله يعين

 

[ام علي الصراف]

عندنا وعندج خير انا بنتي بعد ايام انشاء الله تكمل ثلاث سنوات يعني تفهم بس عصبية بصورة مو طبيعية اهو يمكن دلع وساعات تغثني ودي اطقها بس جربت من قبل وما نفع غير تأنيب الضمير بس قمت ساعات يوم اشوفها تصرخ من غير سبب اخرعها بابرة او القطوة لانها تخاف لان ماكو ساعتها تسكت و تغير الموضوع بس ماقول هذا صح لان بليل ساعات تحلم مسكينة وتشوف كوابيس بس والله من عصبيتها صرنا احنا اعصاب ومانتحمل الله يخليهم يارب ويهديهم ويهدينه وياهم.

وقمت وايد اطنشها واحاول اكلمها بشي ثاني اغير لها الموضوع كاني ما فهم انها عصبية وتتجاوب معاي واعتقد هذا الحل الانسب طبعا غير اني قبل النوم اقرا لها قران كل ليلة اية الكرسي والحمد والاخلاص والفلق والناس والقدر واخليها بالفراش.

 

[هدفي الفردوس]

عندج ابراهيم الخليفي تكلم عن هالمشكله حطي علي مدونته

 

[فيض الأنوثة]

انا بنتي عمرها 5 شهور واحسها بتصير عصبية واايد تصارخ .. و خايفة عليها :eh_s(2):

الله يهديهم و يعينّا على تربيتهم ​

 

[washwoshh]

نفس ولدي مادري اشلون


نتعامل معاهم الي عندها تجربه ونفعت معها تقولنا

 

[نوناتي حياتي]

انا ماتوقع ان نقص حنان لان بنتي مدلعه وكل شي عندها بزززود وبروحها وطولت علي ماحملت عليها ولمن ولدت زادت بجي وصراخ واعصاب الله يهديها ويحفظها