شالحل مع ولدي كل ماشاف شي حطه بحلجه و بعدييييين .....؟

[لازوردي]

السلام عليكم ....


بنات انا دايما احاتي ولدي بالبيت و حتى وانا طالعه و السبه انه كل شي يحطه بحلجه و الله تعبت و ترا مو يوعان بس يبي يلعب و يعضض مع انه اسنانه اسمالله عليه كلهم اطلعوا الا اللي ورا بس ما طلعوا ... شسوي انا احاتي عسى ماشاف شي بالأرض ياكله ولا يحطه بحلجه و يلعب شسوي ساعات اقول ابي احط شي مر على كل شي يمسكه علشان ان حطه بحلجه اتلوع جبده و يمكن يتوب و مايحط اي شي بحلجه .... بلييز اللي عندها الحل اتفيدني بلييييز :0bee2e8d89:​

 

[السنعه]

وييييييييييييييييييه اختي نفس حالتي انا بنتي عمرها 10 شهور وسم عليها تحبي واي شي تشوفه بطريجها تاكله المسكينه معدتها انسدت من الكلينكسات والله وحتى مرات ما الحق عليها بس شسوي واللي عندها حل ياريت تفيدنا مع ان ماكو حل بس لعل وعسى

 

[لازوردي]

ايه و الله يابنات ناطرين الحل انا و سنعه و قبل لا انسى ترا ولدي الشهر الياي يكمل سنتين ...​

 

[الحزن عنواني]

أنا أقول حطولهم شي مر بالارض عشان تلوع جبدهم ومايخمطون أي شي

والله احسن شي

لول

 

[أم شواقه]

ما راح تقدرين تمنعييينه

اهوا في مرحله الاستكشاف يبي يتعرف على كل شي ،،، فيحطه بحلجه ،،،

 

[نواره الدنيا]

ما راح تقدرين تمنعييينه

اهوا في مرحله الاستكشاف يبي يتعرف على كل شي ،،، فيحطه بحلجه ،،،

مثل ماقلت الاخت
بس احتاطو انكم ماتحطون شي بالارض

 

[وردة نقية]

حبوبة شئ عادي كل الاطفال بالسن هذا يحطون كل شئ بحلجهم جنهم يخمون الارض هههههههههه

انا مثلج اعاني من بنتي نفس عم بنتج وموصية الخدامة تدير بالها وتنظف الارض من كل شئ قبل لاتقعد معها

ومع هذا اي صدفة والقاها حاطة بحلجها شئ ياحلاتها ولاتنحاش مني بعد

والاكل ماتبي تاكل بالغصب اوكلها وللخمام تركض.

توكلي على الله لاتحاتين.

 

[باونتى]

الحال من بعضه يا قلبى .. انا بنتى عمرها سنه وشهر كل شى تحطه بحلجها أهو كلنكس , جريده , اى شى تشوفه على الارض تحطه بحلجهااا

 

[عنايد]

والله نفس حالة بنتي اسم الله عليها تعبت منها الحين عمرها سنه وثلاث شهور لا بعد بنتي مو بس تحط بحلجها مرات تحط بأذونها او خشمها يعني اي شي مفتوح فيها تدعس فيه ههههههههههههه

 

[AFRoDiT]

أكبر غلط انج تدورين شي يمنع ولدج ..


خليه على راحته

واهتمي بنظافة الارض

ولما تطلعين تأكدي من نظافة الارض و وصي الموجودين في البيت لايكون في شي وصخ ع الارض


هذا نمو طبيعي حق قدراته الذهنيه .. من الخطوره انج تمنعينه

بالعكس .. قطي ع الارض العاب مطاطيه معقمه على حيوانات
عشان أي شي يحطه بحلجه تقوليله اسمه ..



عيل لو اقوللج اني لما كنت كبره حاطه زهيوي بحلجي لوووووووووووووووووووول
امي مهددتني اول يوم ملجتي بتقول حق ريلي هـ السالفه

 

[لازوردي]

مشكورين يابنات على الردود الحلوه و ماقصرتوا بس يا بنات ترا انا احرص على نظافة غرفة الألعاب دايما بس اهو اي شي يشوفه على طول بحلجه مثلا العاب اقلام اي شي يشوفه على بالحلج ....

AFRoDiT لوووووووووووووووووووووووول بدعتي عيل انا ماكله ميد ني :cxxxp: بس انا عكسج امي قالت حق ريلي و انفضحت و انقص ويههي :dddds: بس عادي اقوله شسوي كنت بيبي :tomato2:



عنايد ايه الله نفس حالة ولدي اي شي يحطه يا اما بخشمه او حلجه او اذونه انا بس لاعت جبدي و تعب من كثر ما ازف ....:0bee2e8d89:


وردة نقية ايه عاد عند التنحش اليهال زاهبين اسمالله عليهم و يحفظهم انشالله .....​

 

[a7la_3thab]

حبيبتي عادي خليه يستكشف كل شي عاد لو اقولج انا يوم كنت صغيره رايحه مع ابوي الديوانيه ولا اكل زقاير هههههه

 

[AFRoDiT]

لووووووووووووووووووووووول
يبيلنا موضوع حقنا بروحنا كل وحده شنو ماكله وهي صغيره

عشان جذي اقوللج بس نظفي الارض ومالج شغل بالباقي .. خليه يستكشف

هده خله يتحدى