**- شاللــي علمـــتيه عـيالج و تفتخريـن فيه ... قبل لا يحوشنا غزو ثاني -**

[متميـ بكل شي ـزة]

ودامج كويتيه وناط فيج العرج بدال لاتقولين عيال ديرتي ماعليهم قاصر خليتي عيالنا مو متربين ومافيهم رجوله وكاتبه موضوع تقولين عيال الكويت مافيهم خير


الحين بتقولين مو كلهم بس بعضهم


انا اقولج ولااااااااااا واحد منهم احنا نرضى ينكتب عليه هالكلام

اذا انتي صغيره وما وعيتي على الغزو خلي الي وعوا على الغزو يسولفون لج منو عيال الكويت

الي البنات صاروا رياييل


تبين تكتبين هالمواضيع ناقصين احنا تفتح عيون علينا وان احنا مو ايد وحده ومانشكل قوه وسهل يسطرون علينا


ما دعيتي انا اعدلج الجمله فااولتي

اشلون قلبج طاوعج تكتبين هالموضوع وخيالج الواسع يتخيل ان ديرتج بيصير لها غزو مره ثانيه


قالولج الغزو مثل روحه الافنيوز نسولف اذا رحنا شنو بنشتري من هناك


ما ادعي ولا اقول حسبي الله عليج لانج كويتيه

بس اقولج انتبهي


اذا انتي ماتعرفين بالحياه الا عطله نهايه الاسبوع وما شفتي شي بالكويت طول الاسبوع فلا تتعممين وتكتبين كلامج حتى لو على ولد واحد من عيالنا


فال الله ولافالج

بالاول و الاخير انا كاتبة هالموضوع توعية حق الامهات هذا شي
ثاني شي قولي من الاول ما نبي نفتح العيون علينا لا تلفين و تدورين و حركات عيالنا مسكتين
اسلوبج بالنقاش نفس (,,,,) هذا كل اللي اقدر اقوله الصراحة
اذا ما عندج اسلوب حلو تردين فيه عالموضوع
منتي ملزومه
حياج الله ماما

 

[softlady]

اهي تعطيكم موقف لو لا سمح الله حصل شي طارئ


شنو راح يسوون الشباب الي باخر الاسبوع سهر وهيصه


الله يحفظ الكويت ويحفظ اهلها..

لا شي طارئ لا شي


بدون طوارئ وبالاوضاع العاديه وبعطيج حوادث توها صايره


روحي دوري بقوقل منو سوا حمله اقسم الي تشوفينها بالشارع وبدون ولا دينار تبرع وبس

روحي دوري بفوفل شوفي الحمله الي طلعوها شباب الكويت بالانتخابات الاخيره عشان يوعون الناس ان الصوت امانه واكبرهم كان عمره 27 وبتبرع وبدون ولادينار


بس الي يبي يكتب الزين ويبرزه بالنت والمنتديات يقدر والي يبي يدور الشين ويخلينا مسخره للاجانب الي يدشون المنتديات هم يقدر


واذا اعلنوا وقالوا حجز وفال الله ولا فال صاحبه الموضوع كل الشباب يدخلون الحجز وبتشوفون المنتديات والمواضيع واللجان والتجمعات والدواوين على قلب واحد


هذول اهل الكويت الي يبيلهم غزو ثاني حبيبتي

 

[softlady]

خليت الاسلوب والوعي والادراك والمواضيع الحلوه لج

تبي تعلم الامهات يربون عيالهم سبحان الله بعد 20 سنه غزو توه الحريم بيتعلمون يربون عيالهم



باااااااي

 

[barrora]

شالسالفه؟؟؟؟

عسى ماشر؟؟؟

الواحد ما يتكلم؟؟؟؟

والا تفهمون المواضيع على كيفكم؟؟


بالله في احد يبي الشر حق ديرته؟؟؟
المرا قاعده تقول (لو) .صار هالموقف اللي الله لا يعوده شبيصير؟؟

وهي ما غلطت وهي صاجه!!

الشباب كل مالهم للاردى

لا من الثقافه (شوفو مسابقاتنا كلها اختيارات لا ويجاوبون غلط بعد!!)
ولا من الخشونه!! (اللي البنطرون سكني!! و لو وست!! والبدي الضيج!! والشعر المسشور!! ويع!!)
ولا من شنو بعد!!!

في شباب والنعم فيهم بس الله يستر من الغالبيه لا تاكلنا (الفساد زايد) :0bee2e8d89: