شايفتني جايه أسلم عليج ؟ ماتقومين ليش على رأسجج ريشه ؟

[$ بنت علمي $]

السلام عليكم ورحمه وبركاته ~

شلونكم ~

طرإ على بالي هالموضوع وقلت أشوف آراء عضواتنا الحلوات ~

لما أكون بجمعه وعزيمه يعني ناس ~

واكون متكشخه «أهم شيء

وأجي أسلم في بعضهم حريم كبار فوق ال50 وال 60. يحليلهم يقومون ويفزون ويسلمون «

وبعضهم يبوني إدنق ظهري انكسر ظهري ؤالله «فيس يبجي

يعني على الأقل احترميني وقومي غيرج حريم أكبر منج فزوا وقاموا «

إنتي شايفتني جايه أسلم غليج قومي على رأسج ريشه مثلا ؟

عيب بحقج وفشله بحقي ~

أدري موضوع عادي بس بشوف آرائكم ~

شرائكم باللي جذي ماتقوم للي يسلمون عليها ؟

وعندكم مواقف ~

وحياكم الله ~

 

[نهى الأحمد]

وعليكم السلام

هلا حبيبتي بنوته


هالشي اعتبره عيب بحق الناس اللي قايمه بالواجب وقاعده تسلم على الناس

بس لازم نحط في بالنا شي:

انه ممكن اللي تسلم واهي قاعده عندها عذر بس اهم شي يكون عذر قوي
مثلا ريلها تعورها او ظهرها يعورها

واذا كانت اللي قاعده وييت اسلم عليها اذا كانت كبيرة في العمر من واجبي اني ما اخليها تقوم واسلم عليها


بس البعض اللي مايقومون يسلمون وماكو عندهم اي سبب يمنعهم يقومون ناس ماعندهم سالفة ولا ذرة احترام حق غيرهم

سبحان الله

لو هالشي صار معاهم ياترى رح يتضايقون؟؟


اكيد اي


الاحترام واجب على الجميع

 

[نهى الأحمد]

مشكوره لطرحج مثل هذا الموضوع

 

[عبالي حبيبي]

انااللي يفزلي اسلم عليه

والي مايقوم عشاني طاف والله ماانحني اسلم عليها لوتمووت

الااذامره عوده وصعبه عليها القومه والقعده

اما وحده ماعليها شي وتبيني انحني معــــــــــــــــــصي امر يمها بابتسامه وطاف

يسلمو حبوبه على الموضوع

 

[ya al3rosa]

انا اللى توقفلى اسلم عليها واذ لا ما ادنق لو شنوو من تكون عشان اعور ظهرى عشانها

 

[&*(جروووح)*&]

حلو حبيبتى موضوعك
بالنسبه لي لو حريم كباراو وحدة اعرف انها تعبانه اسلم عليها انحنى عليهاابس والله لو طلع مافيها شي بس كسل مافيها تقوم
والله ماينكسر ظهري لاجل عيونها اسلم بيدى واروح واعطيها طاااف
وثاانكس ع موضوعك ياعسل

 

[كيكه توفي]

عاد صج صج وايد انا اتضايق من هالشي وجم مره اقول المره الثانيه اذا وحده سوت معاي جذي بطوفها بس والله ماقدر ماعرف انزلها واسلم بعد شسوي فشله امر يمها واطوفها المفروض اهيه اللي تقول فشله وتقوم بس في ناس للاسف ماتعرف الاحترام !

 

[((غلاي))]

اممممممممممممم

موضوع دايم يصير
الحريم الكبار مو مشكله انزل اسلم عليها اصلن فشله تقوم لي انا ما ارظاها
بس الي مو كبيره ليش ماتقوم؟؟؟؟؟؟؟؟؟

غيره مثلن
ماتحبني؟؟؟؟؟؟؟؟

حلو الموضوع

 

[مرره كيوت]

حلووو موضوعك
بالنسبه الي رائيي مثل راي الاخوات اذا كانت حرمه كبيره عادي بالعكس مابيهاا تقوم انا اللي انحنني لها واسلم عليهاا واذا كانت شابه خير ان شاء الله ليش ماتقوم صراحه اللي تسويهاا احسها بنت مومتربيه ولا عندهاا اخلاق !!

 

[$ بنت علمي $]

صح إذا كبيره ؤمريضه ؤاااجب علي ماخليها تقووووم ~


وحيياكم الله نورتواااااااا ~

 

[ميونة الحلوة]

موضوع حلو

اذا حريم كبار او اكبر مني مو شرط كبيرة حيل يعني حتى و لو بجم سنه اسلم عليها و اصير احسن منها لكن اذا صغيرة طقتي او اصغر لا طبعا عيب الا اذا كانت لاهية بشي ما انتبهت لي او تعبانة يعني ممكن يكون لها عذر

 

[منو انت]

اللي ماتقوم لي يعني ماتبي تسلم علي بعد ليش انزل عليها واحرج عمري معاها

منو اهي علشان انزل اسلم عليها

 

[$ بنت علمي $]

وعليكم السلام

هلا حبيبتي بنوته


هالشي اعتبره عيب بحق الناس اللي قايمه بالواجب وقاعده تسلم على الناس

بس لازم نحط في بالنا شي:

انه ممكن اللي تسلم واهي قاعده عندها عذر بس اهم شي يكون عذر قوي
مثلا ريلها تعورها او ظهرها يعورها

واذا كانت اللي قاعده وييت اسلم عليها اذا كانت كبيرة في العمر من واجبي اني ما اخليها تقوم واسلم عليها


بس البعض اللي مايقومون يسلمون وماكو عندهم اي سبب يمنعهم يقومون ناس ماعندهم سالفة ولا ذرة احترام حق غيرهم

سبحان الله

لو هالشي صار معاهم ياترى رح يتضايقون؟؟


اكيد اي


الاحترام واجب على الجميع

حبيبتي نهوي ~

صح لازم نلتمس لهم العذر واذا مريضه ماخليها تقوم ~


بس إذا مؤمريضه شنؤ عذرها ؟


حبيبتي نوووووورتي

 

[G!RLooNa]

مادري انا عندي عادي خصوصا اذا اهلي و ناس اعرفهم يعني مو متعمدين ما يحترموني لا ساعاات يكونون لاهين بالسوالف و لا عادي على ضحك تقولي مالي خلق اقوم و ساعات من الزحمه و المراعص ما تقدرين حتى توقفين ،، و الحمدالله ما صادفت نوعيه اللي يتعمدون يطنشون و اذا صادفتهم و تأكدت انها متعمده تستهبل اتوقع بطنشها

 

[*السكب*]

وعليكم السلام ورحمة الله وبركاته​

احنا المره العوده نحلف عليها ماتقوم , ونسلم عليها وهي جالسه ​

وان قامت من نفسها نشفط مخها بالبوس كاااك , لانها من طيبها قامت ​

واللي بعمرنا ان قامت لنا سلمنا وان كانت جالسه مصافحه بس ​

سبحان الله وبحمده ... سبحان الله العظيم​

:33_1185028183:

 

[q8yah]

يمكن تعبانة بس صج عيب الا اذا كانت مره عوده او عندها عذر :eh_s(4):

 

[manoooram]

اذا وحده من الحريم الكبار شفتها قاعده سواء بدون عذر أو بعذر تعبانه او مريضه وصعبه عليها القومه
عادي ادنق واسلم عليها احتراما لها ولسنها
اما اذا بعمري واصغر وما فيها شي وما تقوم تسلم علي هذي وقاحه وقلة ذوق
اكتفي بالسلام وانا ماره او مدة اليد وبس

 

[برستيجي مآركة]

اذا لاحظت انها متعمده ماتقوم اسوي الواجب اني اسلم عليها بيدي وامشي مثل بنت عمي اصغر مني باربع سنوات وشايفه نفسها مدري وش عليه هي وخواتها بعد امهم الكبيرة تقوم لي لما اسلم وهم شايفين نفسهم استغفر الله بس مدري شعليه عاد انا امد يدي اسلم وانحاش بعدها...
وفي البعض متعود يقوم لما تسلمين عليه بس احيانا يكوون مشغول انه تكون منومه وولدها او بنتها في حضنها ماتقدر تقوم تستاهل اني انزل عشانها...

شاكره لج طرحج حبيبتي...

 

[طويقْ]

الحمدلله و لا مرّة مرّت علي هالحركَة
بس إن كانوا حريم كبار أكيد راح أنزل و أسلّم عليهم
بَس إن كانوا بناتْ أكمّل و لا أسلّمْ لأنها ما قامتْ يعني
مهي مسلمَة فعادي بكيفها = )

 

[PuPa^^SWeeT]

مرة صارت فييني العكس



بمناسبة اجتماعية



ييت وقفت اللي بتسلم مشت عني و سلمت عاللي يميي


حطييت ايدي على جتفها شدعوا فلاانة ناسية عدساتج ولا شنو ...


استحت و قالت ماشفتج

شنو ماشفتج و انا يم البنية اللي سلمتي علييها

و يالييتج اتعرفيينها بعد قلتيلها انا شايفتج بمكان بس ناسية انتي اللي كنا بالسفرة الفلانية




هههههههههههههههه



عالعمووم انا حطييتلج هالمثاال


كل واحد و وحدة يعكس تربيته و اصله


للاسف انه واايد مايعكسون تربية زيينة


معنهم عيال نعمة و خيير و تربية


بس الظاهر مايبون تربيتهم الذهبة