هلا وغلا فيج يالغالية
دام فضلج حبيبتي ومشكوووورة عالجاي
عرفينا عن نفسج لو سمحتي؟
انا ام عبووووود عندي 3 اطفال (الكبير بالصف الخامس ، وبنتي بالصف الثالث واصغر واحد بالثاني ابتدائي ) وفي واحد بالطريج :wqedqw: الله يثبته ان شالله
ودلوعة امي بعد :dddds:
واذا بتعرفين شي بعد عادي سأليني واجاوبج
- المستوى التعليمي وهل انتي موظفة؟
انا عندي دبلوم حاسب الي وموظفه
- موقف مؤثر في حياتج؟
والله يالصابرة المواقف واااايد وسبحان الله اغلبها حزينه فمالموقف اللي في بالي وماراح انساه ابد وفاة ابوي الله يرحمه ويغفر له تأثرت حيل لان مرض بسرعه وتعب بسرعه ومات ربي يغفر له بسرعه
- أمنية وتحققت؟
امنيتي قديمه بس ما انساها كنت ابي بابا جابر الله يرحمه يكرمني والحمد الله يبت امتياز مع مرتبة الشرف والاولى عالدفعة وكرمني الله يرحمه
- سبب حرصج على تقديم كل ما ينفع الأمهات من تلخيص وغيره؟
لاني احس بمعاناة الامهات وقت الامتحانات والايام العادية والضغط اللي عليهم
وسبحان الله يالصابرة احس براحه غريبه اذا حطيت شي او نزلت شي
وتستاهلون كل خير والله
- عضوة توجهين لها كلمة؟
الصابرة احبج في الله وغلاتج مايعلم فيها الا الله اني اعدج اخت ولا هانوا باجي الخوات
- ثلاث وردات حق منو؟؟
لعيالي ثلاثتهم الله يصلحهم يارب :tek:
- كلمة أخيرة؟
مشكوووورة حبيبتي الصابرة عالدعوة الحلوة والاسئلة الحلوة والخفيفة بس سامحيني جاوبت عليها بسرعه :eh_s(7):
خوش موضوع
يعطيج العافيه الصابره
وام عبود يعطيج العافيه على مجهودج الواضح بالقسم
