شبتسون مكاني وللعلم وهالبنت بتقرا الموضوع ردوو عليها

[بنت ابوهااااا]

السلام عليكم >>>>
بالبدايه حبيت اقولكم انا رفيجت >>>> بنت ابوهااااا
بس ماحبيت ادخل بالنكي الصجي عشان اكتب الموضوع براحتي وبالضبط وبشوف شنو ردكم علي​

الي ابيه منكم تقولون الي سويته صح ولا غلط وشرايكم بالموضوع >>> للعلم بس اهي بتدخل ع
الموضوع هذا وبتشوف ردودكم اذا انا غلطت قولو بتقبل واذا معاي حق هم قولو خل تقرااا​

السالفه ومافيها انا عندي رفيجه احبها وامووووت فيها بعد وحييييييييييييييل معاها
بس شصار >>>>>> ارسلتلي فيديو خايس بالغلط >>مو لي <<كانت بترسل شعر وارسلت الفيديو بداله بطلته ع اساس انه رابط عادي
انا اول ماشفته سكرته وحذفته عصبت وزفيتها ___ انا مارضي ع صوره بوسه اخرتها رابط فلم جد جد طاحت من عيني عمري كله ماشفت هالشغلات وبوم شفتها من وحده حيييل معاي بغض النظر بالغلط ولا متعمده ​

قلتلها بالحرف شالقلت ادب صراحه طحتي من عيني قالت :: ماكلم وحده انا طايحه من عينها؟؟
وعقبها
تتوقعون شردت فعلها قالت خلاص لاتكبرين الموضوع>>>> لاتعليق اكبر الموضوووع :bbbiu: حده مايستاهل صاراحه معاها حق اسفه اني فكرت فيهااا​

مارديت عليها اذا هي حاسبه هالشغله عاديه عندها انا لاااااااااا​

عقبها بيوم قالت بتفرقنا روابط ؟؟؟
قلتلها لا الي بيفرقنا قلت الادب الي صارت >>>>> قالت بس بالغلط ارسلته لج مو ناقصه ذنوووب
انا الي منرفزني بالموضوع انه عندها الموضوع عادي ولا جنها مسويه شيء عادي تطالع بس بالسر
وانا الي حارني اني احبها ومابيها تاخذ ذنووب ع جم فيديوو كلنا بنموت وبنتحاسب وماتبين الي تحبينه يتعذب ع فيديوووو >>>> والي سوت هالشغله تسوي اشياااء اكبر منها صح ولالا؟؟
اذا ماهمها فيدووو مايهمها شيء غيره __ ماستبعدهاااا​

اخر شيء قلتلهااا انتي اذا رفيجاتج خمه انا مو قليلت ادب مثلهم ​

>>>>> ردت علي احترمي نفسج رفيجاتي مو خمه >>>>
انا ادري اني غلطت يوم قلت خمه بس شيسمون الي يطالعون هالافلام الخايسه ؟؟ قدوه مثلاااا
وبس قالت اذا تبينا نفترق براحتج ؟؟؟
مارديت عليهاااا
؟؟
تكفون بنات لو انتو مكاني شبتسون >>>>؟؟؟؟؟؟
وهذي اهي تطالع الصفحه قولوها منو الغلطان >>> حتى لو انا غلطانه قولوي مو مشكله بتقبل
>>>> كلام مني لها مدامها تشوووف ====
صراحه بس الحين انا اقولها لج >>> اخر وحده توقعت انج تطيحين من عيني انتي
وانا ما ابي منج شيء الي ابيه تتركين هالسوالف وتردين لعقلج والله يهديج
ولج مني وعد جدام الكل ماراح اتدخل بولا شيء يخصج وراح اختفي من حياتج ولا عاد بتشوفيني بعد بس تاكدي محد حبج كثري >>>>:eh_s(2):
:eh_s(2)::eh_s(2):
؟؟؟​

المايك لكم..........................​

 

[بنت ابوهااااا]

شدعوه 13 ومحد رد ع الاقل عطيني رايج ؟؟؟؟

 

[معلمة شيسمونه]

اختي حبيبتي انتي مو غلطانه

وهي يمكن محد علمها ولا تنسين اللي يقعد فاضي وعنده وقت فراغ ينجرف ورا شغلات وايد

انتي صح واذا هي تحبج تبتعد عن هالشغلات وتقوي العلاقه اللي بينكم

لكن اذا هي عادي عندها وعاجبتها هالاشياء محد يقدر يمنعها لكن الناس الزينه امثالج بيبتعدون عنها
واصلا بيسبب لها الموضوع امراض نفسيه هي في غنى عنها
والله يهديها ان شاء الله ويصلحها
وترى اللي تسويه حرام وما يجوز وربي بيسد باب الرزق عليها
ولا بيوفقها
وان ترككتها حتى ربي سبحانه بيعوضها باشياء ما تتوقعها
وعسى الله يوفقكم اثنيناتكم وكل من قرا

 

[سعوودية]

بالعموم الافلام ذي وضيعه ومنحطه اذا هي افلام وسخه وقليله ادب
اول شي حرام ثاني شي تمحق البركه
بالنسبه لردت فعلك انتي حره فيها
وبالنسبه لها الله يصلحها ويهديها
ماتوقع ان من مشاهده افلام مثل كذا فايده مرجوه غير كسب الذنوب وغضب الرحمن
استغفررك ربي واتوب اليك لا اله الا انت سبحانك اني كنت من الظالمين

 

[مُخملْ]

حبيبتي ،
هي اللي سوته اكيد انه غلط ، بغض النظر اذا بالغلط ولآ

وانتي مالومج ان رديتي عليها جي ، بس بعد لو هديتي شوي وعقب كلمتيها باسلوب حلو ونصحتيها بتقتنع

/

المهم :

كلميها قوليلها انا ماقتللج جي الا من خوفي عليج ، وانا عمري ماشفتج جي ومااتمنالج الا الخير
والطريج اللي تمشين فيه غلط ، وهالفيديوات بتنشرين فيها اثام وذنوب الله يعلم شكثرها

وذكريها بحديث الرسول صلى الله عليه وسلم [من سن في الإسلام سنة حسنة كان له أجرها وأجر من عمل بها من بعده لا ينقص ذلك من أجورهم شيئا، ومن سن في الإسلام سنة سيئة كان عليه وزرها ووزر من عمل بها من بعده لا ينقص ذلك من أوزارهم شيئا)) اخرجه مسلم في صحيحه.

وبينيلها الخطأ اللي وقعت فيه وآنج ماسويتي جي الا لانج تحبينهآ


الله يهديها لكل مايحبه ويرضآه

 

[ارماني]

اذا هي تقولج انها ارسلت لج الفيديو بالغلط يعني مو متعمدة مو قصدها انه تدزه لج
الصراحه انتو الثنتين غلطانات ...
هي لانها عندها مثل هذي المقاطع ..وانا عن نفسي اكره هذي الاشياء والمفروض على طول خلاص من شافتهم وعرفت شنو فيهن تحذفهن على طووووووووووووووووول
لانه بيصير عليها ذنب او ممكن ذنو وممكن يجي اي شخص ياخذ جوالها او يضيع جوالها
ويشوف هذي البلاوي بتصير عليها ذنوب ..

وانتي بعد غلطانه المفروض تنصحينها مو تغسلين شراعها ..
حتى لو كنتو صديقات بالتفاهم كل شي يصير وهي قالت لج انها ارسلتها بالغلط مو متعمده
المفروض خلاص ترضين باللى قالته ..
مو تقولين لها انج طحتي من عيني او ان صديقاتج خمه حتى لو طلعت كلمه خمه من دون شعور منج
هذي الكلمه بروحها تجرح الشخص ...

انا اقول انتو الثنتين صفو القلوب ..وان شاء الله ترجع علاقتكم مثل اول واحسن

هذي وجهة نظري




تحياتي​

 

[عاشقة_الجمال]

دامها راح تقرا كلامنا عيل انا بوجه كلامي لها

حبيبتي ياللي تشووفين الافلام الوصخه ديري بالج ترى ربج فوق يشووف ويحاسب على كل شي
ودامج على قولتج منتي ناقصه ذنوب عيل استغفري ربج والله يهديج

لا تنسين شصار فينا يوم اليمعه يوم الغبار والله الكل تروالهم ان يوم القيامه
شراح تقوولين لربج اذا واجهتي وانتي كلج ذنوووب

 

[مواصله]

اكيييد البنت صارت بموقف محرج لانها انفضحت وسواد وجه صراحه،،وانتي معاج حق بس المفروض كلمتيها

بأسلوب تخلينها تخجل من نفسها مو تغلطين وهي تغلط عليج بس والله ماتنلامين من حبج وخوفج عليها

لو هي ماتهمج كان حتي ماكلفتي علي عمرج تكلمينها

الخوات يصير بينهم تش بس مو معناتها يقطعون بعض

الله يهديها ويهدينا اجمعين

 

[*** كويتيه ***]

اختي حبيبتي انتي مو غلطانه

وهي يمكن محد علمها ولا تنسين اللي يقعد فاضي وعنده وقت فراغ ينجرف ورا شغلات وايد

انتي صح واذا هي تحبج تبتعد عن هالشغلات وتقوي العلاقه اللي بينكم

لكن اذا هي عادي عندها وعاجبتها هالاشياء محد يقدر يمنعها لكن الناس الزينه امثالج بيبتعدون عنها
واصلا بيسبب لها الموضوع امراض نفسيه هي في غنى عنها
والله يهديها ان شاء الله ويصلحها
وترى اللي تسويه حرام وما يجوز وربي بيسد باب الرزق عليها
ولا بيوفقها
وان ترككتها حتى ربي سبحانه بيعوضها باشياء ما تتوقعها
وعسى الله يوفقكم اثنيناتكم وكل من قرا

صح لسانج والله يوفقج ويهدي الجميع :yaaaaaarb:
​

 

[ليلو جبريت]

دام بالغلط ليش تكبرين السالفه كل انسان فيه عيوب هاذي لو كانت تشوف الفيديو القليل ادب
واذا ماكانت تشوفه وبالغلط اجاها رابط كان لازم ماتتسرعين وتتهاوشين مع صديقة عمرج عشان هالموضوع وفي اسلوب افضل انج تقولين لها ان هالشي ضايقج وتنصحينها دام انج رفيجتها بدلا من تتهاوشين معاها ​

 

[عيش و مرق]

سامحيها واهى الله يهيدها واتوب عن هالشي

 

[ترانيم القصيم]

يا سلام عليك و على مبادءك ,, كفو يا محترمة أنا أشهد إنك بنت أجودية و متربية أحسن تربية ^_^

و كبرتِ بعيني حيييييييييل مع إني ما أعرفك , لكني ما أقدر أخفي احترامي و إعجابي بالبنت المحترمة الخلوقة

آللي يقشعر بدنها من الأمور الإنحطاطية آللي تمس الدين و الأخلاق و تئد العفة و تقتل الحياء ,

ردة فعلك طبيعيّة جدًا و أنا شخصيًّا أتوقعها من كل بنت محترمة و خلوقة , و هذا المفروض أصلاً

أن يمتقع وجه المؤمن حين ورودهـ على حياض المعصية و أن ينأى بنفسه عنها و يلوذ بالفرار منها إلى الله

غضبك في محله ,

تضايقك في محله ,

شعورك بالتقزز تجاهـ المقطع شعور طبيعي جدًا ما نحاسبك عليه و لا يعطينا الحق في التعنيف عليك , :eh_s(9):

و لا تنسين إنّ الرّسول صلى الله عليه و سلّم كان يقاطع الصحابة مُقاطعة تأديبيّة ( من باب الردع و الزجر )

إذا ما فرّطوا في جانبٍ من جوانب الدين , لا لذات الهجر بل لذات التأديب المهذب الجميل الذي يفصح عن أسمى آيات الرقي و المنهجيّة الحميدة

فـ تصرفك في محله و ما أؤآخذك عليه , طيب وين الغلط ؟

( أسلوبك في النصيحة ) ^_^ ,, هذا الغلط , يعني كلمة ( خمة و طحتِ من عيني ) بالحيل قويّة

و الأفضل لو إنك نصحتيها بأسلوب هادئ و أكثر تعقّل و حكّمتِ الهدوء في حوارك حتى تكون عندك القدرة على استمالة قلبها

و دفعها بالتي هي أحسن و حتى تكون عندها قابليّة الإستجابة لنصيحتك ..

ذكريها بالله , أعطيها فتاوى و أحاديث و مقاطع فيديو تُبيّن حرمة المقاطع الإباحيّة

و الجرم آللي هي ارتكبته في حق نعمتين منحهما الله لها ( ألا و هما نعمة العينين و نعمة اليدين )

إذ قيّضتهما في معصية الخالق جلّ في علاهـ , فالعينان حين مشاهدتها للمقطع , و اليدان حين أرسالها للمقطع

أ ترضى أنّ ذلك يبقى بعد مماتها ؟ أ كان يرضيها أن تقف بين يدي رب العباد يوم تشهد الأشهاد

و في صحيفتها مقطعٌ إباحيّ مخل قبيح ( قذر ) و على ظهرها أوزار الناس الذين شاهدوا المقطع إزاء نشرهـا له بينهم ؟

يقول الله سبحانه و تعالى :

{ إنّ الذين فتنوا المؤمنين و المؤمنات ثمّ لم يتوبوا فلهم عذاب جهنّم و لهم عذاب الحريق } ,

أ ليس الله بقادرٍ على أن يسلب منها نعمة الإبصار , نعمة اليدان ؟ أ ليس ذلك بهيّنٍ على الله ؟

أهديها و الجميع هذا المقطع المهم للشيخ الدكتور عبد المحسن الأحمد :

http://sub3.rofof.com/03ckvxp10/YouTube_-.html

احترامي و تقديري

ترانيم القصيم

 

[نفهمها صح]

اعوذ بالله الله يهديها يارب
انا مع ترانيم القصيم

 

[بنت ابوهااااا]

مشكووووووووووووورييييييييييييين بنات ماقصرتووو >>>>>> انا باجر بعطيها الرابط تشوف ردودكم

بس تعليقي ع ارماني >>> حبيبتي انا مو القصد من الموضوع ارسلتلي ولا لا
الغلط غلط >>>> تطالع جدامي ولا وراي <<<< اكيد اني بتنرفز شيء بحياتي ماشفته وعسا الله مايوريج الي شفته
بتلووع جبدج شيء يكش جسمج منه شلون فيه ناس تطالع هالسوالف ..........
يعني حز بخاطري انه انا احبها واعزها >>>> ((((واحترمها ))) فجااه تلوث عيني بهالمانظر حتى لو مو مرسلتها لي ومو بالقصد
شكووو ناسختها بالاساس لو صج ماتطالع جان حذفت الرابط مو انسخته

ولو اني ماحبها وابيلها الخير جااااااااااااان ماتعبت راسي مع هالسالفه وكتبتها بالمنتدى عشان اوريها ردوودكم
بس الله يهديه لنفسها مو لي انا............​

 

[&جااامعية&]

مابقول لج شتسوين لاني انا طبعي شوي حاد بالصح والغلط
خل اقولج صارلي مو قف مشابه لموقفج
بنت خالة رفيجتي واهي مرات اتيي معانا والبنت تدق علي مرات ونسولف وعادي والا مره اتطرشلي مقطع صوتي عالفون عباره عن اصوات انتو تعرفونها بين الريال ومرته انا فار دميييييي مع اني ماعمري شفت ولاسمعت بس اول ماسمعته عرفت ولاعت جبدي وزفيتها واعتذرت تقول انا ورفيجاتي عادي نتبادل هالاشياء قلت لها رفيجاتج نفسج انا غير ولا ابي اسمع صوتج بعد قالت لي ستري علي لاتقولين لبنت خالتي قلت لها اوكي بشرط ما اشوفج ولا اسمع صوتج بعد صج كنت عنيفه معاها بس انا اتحمل كل شي الا الوصاخه والقذاره .
والله يهديهم ويرفع نهم ولايبلانا الحمد لله الذي عافانا مما ابتلاهم به وفضلنا على كثيرا ممن خلق تفضيلنا

 

[غيابك حلم]

الله يهديها يارب باب التوبه مفتوح

 

[بنت ابوهااااا]

جااامعيه تقريبا نفس حالتي بس انتي اصوات وجذي سويتي لو مكاني احتمال تذبحينها ..:eh_s(2):

 

[Un!QuE G!RL]

انا اقول انج مو غلطانه
اللي تشوف جذي افلام وعندها هالشي عادي هذي ما تفكر بالحلال والحرام وكل شي مختلط معاها ما تفرق بين الصح والغلط
والصداقه لازم تنبني على اساس الصديق مثل المرايه يعني اي شي يطلع غلط منها راح يضرج بيوم
ويقولوج اذا بتسأل عن شخص اعرف صاحبه منو اول . ؟ وانا لو مكانج ما راح ازعل على فراق انسانه يطلع منها غلط وما تعترف فيه
انا اذا صديقتي طلع منها هالشي راح اكلمها واقولها هالشي غلط وما احبه يطلع منها لانها بعيني كبيره وافخر فيها جدام الناس وافعالها اتعلم منها الصح ونتعلم من بعض الصح واللي يقربنا من الله سبحانه مو صديقه تطيحني بالغلط وتخليني ابتعد عن الله
بالنهايه محد راح يندفن معاي بقبري الا اعمالي ما راح يندفن صديق ولا زوج ولا عيال اللي تشوفينه غلط فيها نصحيها واذا ما سمعت منج تركيها لانها ماراح تفيدج لا بالدنيا ولا بالاخره .. وهذا رايي :/​

 

[زنقه زنقه]

انا ضد الاغلبيه منكم بغض النظر اذا الشئ هذا حلال او حرام يقول المثل صديقك من اصدقك لامن صدقك المعتى المفروض عليج مو تخلين عن صداقتج لها بس كان عليج تجينها بالكلمه الطيبه والموعضه الحسنه صدقيني الكلمه الطيبه تفك الحديد وتلين القلب والكلمه القاسيه تعور القلب وتخلق البغضاء وتخلي الواحد يصر على رايه حتى لو غلط وانتي انهديتي على البنت هواش وتهديد انج بتخلين عنها مع ان المفروض تكون صديقتج الي انتي تعرفينها من زمان يعني مو اي شئ يفرقكم وبالنهايه حنا بشر مو ملائكه كل واحد فينا عنده جانب مضلم من حياته يحاول جره لنور علشان يرتاح والله يهدينا ويهدي الجميع

 

[ترانيم القصيم]

جااامعيه تقريبا نفس حالتي بس انتي اصوات وجذي سويتي لو مكاني احتمال تذبحينها ..:eh_s(2):

شوفي حبيبتي , بغض النظر عن صديقتك , بردي هذا أتكلم بشكل عام و ما أخص أحد فيه ,

لازم تتعوّدين إنك تصادفين ناس بخلفية ثقافية تربويّة تختلف بالمرّة عن خلفيتك الثقافية التربويّة

ما أقول لك ( لازم تتعوّدين تجيك مثل هالمقاطع ) لااااااااااااااااء , قصدي بالتعوّد إنك تعتادين على وجود ناس

بهالتربية هذي عشان تعرفين كيف تتعاملين معهم و توجهينهم التوجيه السليم ,

أنتِ ما تعيشين بمجتمع مثالي , و لا أنا أعيش بمجتمع مثالي , حتى أفلاطون الذي تقطعت به السبل

بحثًا عن المدينة الفاضلة أوشك أن يسلّم بالأمر الواقع - بل فعل - و سجّل ملف القضيّة في دفتر الأحلام ,

لا تنسيها من صالح دعاءك ^_^

و الصاحب ساحب يا الغاليـة ,, الزمي صحبة الرفقة الصالحة و إياكِ و الإبتعاد إلى دونها :eh_s(17):

احترامي و تقديري

ترانيم القصيم