شبتسوون بالعطله ؟؟ ماتحسون بالملل ؟؟

[Pwincess]

انا امس مخلصه دوام و من اليوم حاسه بموووووووووووت من الملل ..!!!

احس ماكو شي نسويه غير السفر .. و ملاقه ترا اذا سافرت بروحي لازم مع احد , اونس .. بس منووووووووووو ماكو احد !

 

[ما بقى حي ما خان]

مااااااااااااااااااااا ابي عطله

 

[om deaj]

دشي دورات على النت
خواتي داشين دورات الفوتوشوب وما شاء الله عليهم صايرين بروفوشينال

 

[عيونك اخر آمآلي]

لوول لطوفي خوش حل :dddds:

افاا عليج بيتي ​

:016:

 

[عرق الطيب]

مالكم إلا النت جابلوه 23 ساعه والساعه إللي بقت شوفوا المسلسل التركي على الراي الساعه 8 إسمه ويبقى الحب كله رومانسيه


تعبت وآنا أعطيكم أفكااااار

ههههههههههههههه

 

[خوش وحده]

مالكم إلا النت جابلوه 23 ساعه والساعه إللي بقت شوفوا المسلسل التركي على الراي الساعه 8 إسمه ويبقى الحب كله رومانسيه


تعبت وآنا أعطيكم أفكااااار

ههههههههههههههه

لوووووووووووووووووووووووووووووول ضحكتيني

بس ملل ولا نقعد ندرس ياحلاتك يا الملل بس ماندرس

 

[دلع روز]

السفر

 

[ŚnfôôRă ŽǒǾŏ`3ǎ]

اي والله زهقة وملل انا 24 ساعة رايحة
عند بنات عمي امي اتقولي خو روحي نامي عندهم احسن
وددي اشترك بمعهد انقليزي بس كلش ماكوو تشجيييعععععع

 

[syda-ml38a]

اي والله حده ملل ..
اللي بيسافر خل ياخذني معاااااه

 

[{ شيوخهـ ~]

أقــولج شي عبقـري ويكسر الــروووتين كسر خيالي

شوفي حق الي ماراح يسافرون

روحو حجزوا لكم فنـدق لآيام على قد ماتقدروون

وروحـوا شوفو معـالم الكويت من يد ويديد جنكم أول مره تيون الكويت

راح تحسون احساس غريب ويديد و راح تستانسون >> سألوا مجرب

صوروا واستانسوا

خصوصا ان وايد من الناس ماشافوا كل معالم الكويت

شي ثاني يكسر الروتين.. تخافين من المرتفعات ؟ لي متى ؟

روحي الشعب وركبي اللعبه الي يربطونج بحبل ويقطونج من فوق .. راح تستانسين انج وآخيرا تغلبتي على خوفج

لآتقولون تخآفون هذي لعبه آمنه .. لآنها لو مو آمنه جآن صكروها من زمان

وركبوا بعد الــدبوووس بعد

آحسن طريقه لكسر الروتين بتجربه شي عمركم ماجربتوه انكم تسووون الي تخافون منه

 

[al7anona]

نصيحتي لج اخذي دورة انجليزي منها تستفيدين وتضيعين وقتج والعطلة قصيرة مافي مجال تسوين شي غير الدورة

انا ودي بدورة انجليزي

 

[عنزية والهيبه وايليه]

انا اقوولج


اذا عندج بنات خاله ولا بنات عم ولا عماتج روحي نامي ابيتهم

وروحو الجمعيه مشي << هههههههههه ترا حده وناسه خاصة اذا لبستي نقاب وعباية راس ويصير شكلج مبهذل جنج راده من البر عشان محد يتعرضلكم بالطريق

المهم
روحي الجمعيه واشتري حلويات وتمشي شوي وبعدين اشتري فلم

وردو البيت واسهرو على الفلم والاكل

وطبعا تكونون جمعة بنات اكيد وناسه وسولفو بالمكياج وبدلات العرس

واذا عندكم شريط عرس شغلووه

ترا وناسه هههههههههههه

واذا تبين تطلعين روحي السينما حده وناسه وفي شكثر افلام حلوه

فرفشي وونسي عمرج ترا العطله تهوووون عن المدرسه كافي انج ماتشيلين هم الامتحانات وانتي نايمه​

 

[الاسطورية]

استانسي سوي كل بخاطرج تابعي مسلسلات اقري قصص روحي ملاهي ترى تستانسين روحي لعبي لين تقولين بس روحي سينمات عزمي رفيجاتج رتبي اغراضج وغرفتج غيري ستايلها

 

[ღلولي الحسآويهღ]

:denya:



نوم :ch12:+اكل:botetoo: +والنت :wqedqw:= وتصير الحياه حلوووووووووووة:lololoe:​

هههههههههههههههههههههههههههههههههههههههههههههههههه
اي والله وانتي الصاجه
بس ودي اروح المدينه المنورة :yaaaaaarb:

كم يوم العطله عندكم بالكويت؟

 

[فجوره]

صح والله ملل

بس أنا رايحه عمره باجر وبقعد أسبوع
وان شاءالله بعد ما أرد أروح الشعب الترفيهيه سينما مجمعات
وأنزل أفلام من النت وأتابعهم تكون جديده وألحين بس قاعده وأنزل
عشان اذا رديت أشوفهم

وفي شغلات وااايد تسوينهااا اقري قران احفظي جزء منها حضري ندوات
اشتركي بدورات طلعي تمشي روحي مكان ودج فيها مطاعم ملاهي سينمات
رقصي بالبيت ..

وايد شغلات تضيع الوقت

 

[جوريه^الكتكوته]

والله من ناحيت ملل فهو ملل انا ما قمت اطلع من البيت كلشششششششششش بس اشتري اغراض وبالغصب بعد ارد من الدوام نووم بس وتلفزيون ونت
مافي مكان تروحيله حلوو ووناسه

 

[CHANNEL]

اول شي وايد افكار ممكن تستغلين فيها يومج وتغيرين الروتين


1-مثلا طلعي تغدي برى ويا اميمتج الجو اينن ولاتريقوا ولا روحوا جلكت بار وهالسوالف الطيبه.

2- روحي الممشا خلي ساعه معينه باليوم تمشين فيها ترا تغير النفسيه 180% ؟

3-رتبي دارج اذا عفيسه وغيري من شكلها يعني غيري مكان السرير والتسريحه وصبغي الطوفه او غيري البرده وجذي وسالف.

4-انتي دشي المطبخ تعلمي تسوين الاكل حق روحج وايد متعه او دوريلج شي تحبينه يعني تقرين كتاب مثلا.

5-اذا ماكو سفر سويلج جدول ويا بنات خالتج عمج امج اي احد كل يومين مكان مره غدا مره سينما مره المركز العلمي ومره يمعه ببيت فلانه..ألخ.

6-حني على الوالد تروحون كشته :lololoe: الجو اينن اخذوا سوالف شوي وجذي حده كول.

7-اذا انتي تداومين وتدرسين زهبي دفاتر يدد وسوالف الاقلام والفناتق تونس واذا كنتي مادرسين وتشتغلين راجعي حفظ القران سمعي القران وحفظيه واقري التفسير..ألخ

8- اذا عندج دين صوميه ماكو لايوع ولا عطش وبسرعه يأذن المغرب.

9-تحركي وايد بالبيت وغيروا من صالة المعيشه اقترحي على الوالده تتغير نفسيتكم وتكسرون الملل وتطلع وايد مشاوير على هالسوالف.

10-لاتقعدين بدارج وايد وحاولي تقعدين مبجر وتطلعين الضحاوي او تقعدين بالبيت البرامج وايد حلوه بالتلفزيون الضحى.



اتمنى افدتج وهذيله كلهم بسويهم لاني باخذ اجازه وبسافر بأذن الله واذا ماكو سفر بسويهم :050103nbh_prv:

 

[brettey]

بروح سفره حول العالم
طللللللل كلش ما اتحلم
بقزرها مجمعات وقهاوي

 

[frfr]

لو انا مكانج اممم
- اشترك اب نادي صحي سباحه بس و رقص شرقي حق الوناسه
- اروح حق اي محل للدي في دي اشتري فيهم حلقات واتابعهم ومن الحلقات اللي صج راح تندمجين فيها prison break - يمكن اروح الترفيهيه والشعب وعندج حديقة الحيوان بعد
- اكيد السينما حلوه عاد هل ويك اند حاطين جم فلم حلو

 

[يــاغربـــالي]

جانيل// ماقصرتي حبووووبه

والبنات كلكم والله ماقصرتوا


مافكرتوا تسجلون البرامج والمسلسلات بورقه نفسي وتلزقونهم ورا الباب << عبيطه والله وناسه

لا وازخرف الورقه وأزينها واتعب عليها


اما عن شلة البنات والله عندي خوش شله << وسوالفنا عجيبه نحط شريط عرس ونطلع الفضااايح