شتسووووون بأمريكا؟

[mamanoonaa]

ربي يعين الكل على الغربه

مهما كانت اسبابها جاااايده

 

[Snow angel]

انا علاج ودراسة

ولاية نبراسكا

الله يصبرني ويصبر كل مغتربه

 

[<miss botamba>]

حلم حياتي اهاجر امريكا

 

[رفرف]

غربتي خلصت الحمدلله والله لا يعودها ..

علاج ريلي ..

ولاية مينيسوتا .. روشستر

 

[Snow angel]

رفرف الحمدلله على سلامتك وسلامة زوجك

 

[بنت الديرة2009]

انا في بوستن
خوش منطقة وهادية والناس حبوبين ومحترمين
ووطبعا رايحة علاج حق ولدي

 

[mamanoonaa]

عسى ربي يوفق الي مغتربين دراسه
ويشافي الي مغتربين علاج يارب وينهي غربتهم على خير
ورفرف الحمدلله على سلامة زوجج وعسى ربي لا يوريكم ولا يورينا الطياره الا حق سياحه

 

[رفرف]

سنو انجل وماما نونا مشكورين الله يسلمكم ..

ماما نونا اميييييييييين يارب يشفي كل مريض ويقر عينكم بشوفة اخوج سالم متعافي يارب

 

[ام دونه]

انا بولايه اوهايو للعلاج\\بنتي وولدي\\
حمدلله على سلامه زوجج اخت رفرف وان شاءالله الفال لنا ونرجع ويا مرضانا بالسلامه يارب صارلي سنه ونص بغربه ولاعت جبدي
الله يشافي مرضانا جميعا ويشافي اخو ماما نونا ويرجعلهم لابس ثوب الصحه والعافيه ويحفظ عيال \\انسانه واكثر من كل شر\\جارتي بامريكا خخخخخخخ

 

[De3La^85]

انا دراسه ريلي بولايه كونكتيكت !!



للع يعينا

 

[مشغوله]

انا في بوستن

علاج لبنتي عسى ربي يقر عيني بشوفتها طيبه بعد عيووووني
شقولكم شحكليلكم انواع الاكتئاب عساكم ماتذوقونه ولا لعزيز عليكم
ماشتهي اطلع ولا اكل ولا البس ضايق خلقي على بنتي كله عمليات من اول يوم طلعت فيه لهاالدنيا يابعد امها


ادعولها يابنات الله يعافيكم بعد شهرين عندها عمليه يارب اتكون اخر الاحزان ياااااارب
ويتمم الشفا على بنتي وتتم طيبه طول عمرهاااااااااا

على فكره هذي ثامن عمليه فتح بطن لها

والا سباب مجهوله ومحيره الاطباء حسبي الله ونعم الوكيل

 

[mamanoonaa]

انا في بوستن

علاج لبنتي عسى ربي يقر عيني بشوفتها طيبه بعد عيووووني
شقولكم شحكليلكم انواع الاكتئاب عساكم ماتذوقونه ولا لعزيز عليكم
ماشتهي اطلع ولا اكل ولا البس ضايق خلقي على بنتي كله عمليات من اول يوم طلعت فيه لهاالدنيا يابعد امها


ادعولها يابنات الله يعافيكم بعد شهرين عندها عمليه يارب اتكون اخر الاحزان ياااااارب
ويتمم الشفا على بنتي وتتم طيبه طول عمرهاااااااااا

على فكره هذي ثامن عمليه فتح بطن لها

والا سباب مجهوله ومحيره الاطباء حسبي الله ونعم الوكيل

الله يبرد قليبج عليها ويشافيها رب العزه ويفرحج فيها وانتي اتشوفينها مثل الملاك قاعد عالكوشه ياااارب
ماكوشي بعيد عند رب العالمين
بس انتي وسعي سدرج ولاتشيلين الهم ياقلبي ارمي حمولج على رب العالمين رب العزه ابصر بعباده
واهو سبحانه ارحم منج ومن ابوها عليها استودعيها الرحمن ولا تحاتين ربي مايقصر

 

[مشغوله]

8
8

مشكوره الله يريح قلبج دنيا وآخره عسى عمرج طويل

 

[طوق الياسمين]

انا ان شاء الله بتغرب قريب وبكون في بوسطن...زوجي بيدرس في هارفرد..ممكن تعطوني معلومات عن المنطقه اللي ممكن اسكن فيها قريب من الجامعه وشلو المعيشه هناك حلوه؟وغاليه ولا رخيصه؟؟وايش اقرب الولايات لبوسطن؟؟واماكن الشوبنغ والاماكن الترفيهيه ايش فيها؟؟
اسالتي وايد بس حابه اعرفها بالتفاصيل قبل السفر

 

[مغتربة 2006]

دراسه ريلي في فرجينيا نورفولك

 

[dreaming heart]

تينسي

والسبب دراستي

 

[mamanoonaa]

طوق الياسمين ياليت اقدر اساعدج حاولي ادورين بالنت اكيد راح تلقين شي يفيدج

 

[loolat^mady]

انا في ميزوري بعد منطقة ساينت لويس.. انا وريلي ندرس ومعاي ولدي.. والغربه ماشي حالها.. صج زهقه بس تأقلمت ورضخت للأمر الواقع

 

[نـونا]

انا بايداهووو .. بويزي ..
السبب دراسة ريلي واللحين عندي بنوته
ملل وزهقه والله لا يراويكم

وربي يشافي مرضي المسلمين جميعاا يا رب
ويفرجها علينا اجمعين ..

 

[mamanoonaa]

اللهم اااامين يارب
وبالنسبه للملل حاولي تشغلين وقتج وانتي ماشاءالله صار عندج بنوته يعني ماعندج وقت فراغ كبير
دخلي دوره لغه او اي شي ممكن تستفيدين منه عشان يمر الوقت