شتسوووووووووون اذا؟؟؟؟؟؟؟

[honey moon]

سلامو









شلونكم بنوتات


بغيت اسالكم شتسوون عشان الملابس القطنيه البيضا الداخليه ما تصير صفره مع الغسل


واذا صارت صفره شنو يوخر الصفار


مرسي بنوتات

 

[النوالنو]

اي والله نفس السؤال احط كلوركس بس ماعاد ينفع

 

[honey moon]

شدعوا ولا رد مفيييييييييييييد

 

[نسكافيه بالحليب]

غسلي الملابس البيضا بروح يعني مو مع الملابس الملونة واذا صار لونها اصفر جربي الكلوركس وذا ما نفع قطيهم واشتري غيرهم هههههههههه
اتغشمر معاج اتمنى البنات يفيدونج اكثر

 

[[]نهاوند[]]

اللي يصفر الملابس البيضا الماي الحار
غسليهم بماي دافي مو حار حيل​

 

[سويتي الحلوه]

خوش معلومه


عاد ليش يصفرهم الماي الحار؟

 

[نووووونا]

الملابس البيضاء تنغسل ياحلوه بماء حار بالغساله وحطر عليهم شوية

كلوركس وصابون تايد بدون مبيض اوى اى صابون تفضلينه !!

سلاموا :: يعنى السلام عليكم ولرحمة الله وبركاته

ولا لها معنى اخر وشكرا ياعسل!!!!!!!

 

[supermarket]

مارثا تقول الابيض غسلوهم بماي بارد ولاتحطونهم بالشمس

 

[honey moon]

سوبر ماركت انا اغسلهم بماي بارد بدون كلوركس لانه استخدامه يصفر الملابس البيضا

طيب تستخدمون فانيش صج امن ع الملابس البيضا ولا نفس كلوركس

 

[honey moon]

سلاموا :: يعنى السلام عليكم ورحمة الله وبركاته يا نجد

 

[@ الرسامة @]

نقعيهم بماي حار وغسليهم كذا مرة بالغسالة

 

[نووووونا]

مشكوره حبيبتى هونى العسوله عالتوضيح !!!!!!!!!!!!!

(( يعنى ماادرى ))

 

[دانــــه]

لو تبين الملابس بيضا


اغليهم بماء حار بدون كلوروكس


الكلوروكس يصفر الملابس لو تكرر استخدامه بدون سبب ( بقع )

 

[توته الحلوة]

حطي عليهم الزهر الازرق (جوتيهم ) يعطيهم لون حلو

 

[ضوى العيون]

احطها بكلوركس

 

[ebleeesah]

عيل بنات ابي رايكم ..

و تكفوووون .. طلبتكم المشوره

ريلي عنده اللاكوست البولو .. اللي تمساحها كبير .. ((لمتد ادشن))
و الحين ماكو منها ..

المهم اهي لونها ابيض .. بس مع اللبس و ريلي ذابحني الف تهديد اني ما اغسلها لا تخترب .

مصوفره الحين بدون غسيل .. و مالبسها وايد يمكن بس 3 لبسات

و تمت بالكبت ((ادري اني قرقه ))


بس شسوي فيها لان هالبلوزه بالذات لو تخترب .. راح يجحتني ورا الشمس

اخاف كلوركس و تخترب
و اخاف فانيش و تنعفس
و اخاف جويت و تقلب زرقه

انا شريت اليوم Oxi Clean

http://www.seenontvproducts.net/oxiclean/Oxi%20Clean.jpg

اللي مجربته تفيدني

و يزاااكم الله الف خير

 

[أغلى حبيبه]

والله مافي على فانش عجييييب حق الملابس البيضه

والملونه

 

[دندونة]

عادي حطي جويت السائل......... صبيه اول بالغسالة مع الصابون وخليه يدور كم دورة ........ تالي حطي الملابس المصوفرة وبتصير رزقة فاتحة كنها جديدة

 

[زخارف]

والله انا سمعت في منتدى ثاني يقولون ينحط اشوية خل ابيض مع الملابس في الغسيل