شتشورون علي أشتريأي سيارة ؟؟

[espresso]

استخدامه عجـييييييييييييييييييييييييييييييييييييييييييييييييييييييييييييـب صج صج حلوو وسعره 16 وشي:s

اهو في نوعين انا خذيت fx

ex اصغر منه يمكن ارخص مادري والله بس وايد حلوو ومواصفاته وايد حلوه هذا 2009 ,, 2008 نفس الشكل بس مادري جم سعره والله روحي سأليهم احسن بس وايد حلو وناعم وفيه ديفيدي وكاميرات عال4 جوانب ونافيقيتر وايد شغلات حلوه

شوقتيييني ... بروح .. بروح ...بروح


بشوفه و اقولك انشالله :eh_s(6):

و عليك بالف الف عافية انشالله سيارة مباركة و محللة يارب

 

[espresso]

وااااو ..

يهنيكـ ربي ..

مالي خبرة بالسيارات ..

لانى ماانسوق ..

بس ..

الله يوفقكـ ..

وتتهنين فيها ..

يسلمووووووووووووووو :tek:

 

[espresso]

ميزانيتي نص ونص يعني عالله وعالمعاش خخخخ شرايج ناخذ برادو اوباجيرو او نشوف جي ام سي عندهم شي او لا بعدين نقرر لان باجي

السيايير غاليه عالفاضي لاتنسين لها صيانه غاليه واذا لاسمح الله صار عليها شي ندفع اللي ورانا واللي جدامنا وهم مانقدر نصلحها فكري جدام

انا ناويه اروح شركه جي ام سي واشوف وانتي اذا رحتي قوليلي

خخخخخخخخخخخخ ... الحال من بعضه ياختي

و كلامك درر

بس الله يهديهم البنات شيشوني .. لوووووووووول

و آنا تشيشت _03BA: بس عن خاطري عن خاطري بطل طلة على الكزس و الانفينيتي

وهم بروح الجي ام سي
وبرد على الباجيرو و الفورد الإدج بس اتأكد من سياقتهم !!

و بفكر زيين


تدرين ألحين صار لي تقريبا اسبوع من مريت الوكالات ... قاعدة أخز السيايير في الشارع و أتخيل نفسي في الباجيرو مرة و مرة في الإدج و مرة في البرادو ... الباثفيندر


ماأدري أحس نفسي قنوعة ... جنه عادي أي وحدة :ggdw:

 

[espresso]

سورييييييي انا كان قصدي البرادو, تويوتا برادو

يه يه يه ... عاد البرادو ماوراه كلام


شي عجيييب .. الكل يمدح

بس مو حساافة عليها 11 ألف يعني مو لهدرجة اهي كشخة

 

[espresso]

الطوارق حلو

امممم .. فعلا حلو .. بس سيرفسه توو مش:0bee2e8d89:

 

[espresso]

الجيب الجمس اليديد شفته اين شكله واختي تقول اكو نوعين كبير وصغير

اكاديا اعتقد شي جذي

اللكزس السيارات الصالون تبدا اسعارهم الكاش من 11 والاقساط تبدا من 13 وطالع

بس والله تسوى من قلللللللللللللب

موفقه والله يهديج للسيارة الزينه وآنا وياج

أقوول اللكزس الصغيرة الصالون يعني حجمها مثل البي ام 350؟؟؟

 

[espresso]

رحت المارينا أمس .. ولا عارضين الأكاديا
قلت فرصة وسألت عنه ..


قالت لي الموظفة الفل أوبشن 12 ألف ونص ولو تروحين الوكالة في عرض !!


و المفصخ ب 8 ... وفيه فئات ما بينهم !!

 

[تلفوني رن]

ها شصار ههههههه ترا انا شايشه معاج وللحين افكر الظاهر بنقعد على هالحال بس صج خاطري اروح ماعندي وقت

ذكرتيني بنفسي لما تقولين اتخيل نفسي مره ببرادو ومره باللكززس ومره بالانفنتي ههههههههههه والله يستر من اخرتها

 

[TuTTi^FruTTi]

بشري شسويتي لوووول

 

[بشورة الأمورة]

واااي بنات انا كنت نفسكم ابي جيب و ناعم و قوي و شكله ذرب و شكثر حسسسسسسسسسسسسسسست بالوكالات و عندي 11 الف كاش

المهم بغيت اخذ لكزس اي اس صالون ب 11 و 400 بس قلت عيالي حرام يضايقون انا نيتي جيب وانا اصلا عندي صالون لازم يرتاحون اهم بعد

ورحت شفت البرادو واللاند بس حسافة ما اقدر اخذ اقساط ليلحيني طالبة مادري شسوي متتتتت من القهر على اللاند كروزر

المهم وايد حست حتى الفورد ادج محد مدحها حقي يقولولي حرارة و موشي وامريكي وسعرها مو فيها

واخر اخر شي خذيت لي جيب CX-9 جيب مازدا صجججججج ناااعمة وذربة و خذيتها ب 10 و600 كاملة حتى شاشات حق عيالي ورا و كل شي اوتوماتيك حتى الدبة وماشالله مكيف بارد لأنها يابانية

هاذي صورتها روحي شوفيها بالوكالة

 

[espresso]

هلا هلا و الله بالجميع

أشكر اهتمامكم

أليوم رحت أكمل فرارة على الوكالات ... رحت الجي ام سي و رحت الجييب ورحت الكزس و رحت الانفينيتي

نبدي بالجي ام سي ... الصراحة آنا رايحة ومو متشوقة ذيك الزود عليها بس الصراحة يوم شفتها دخلت مزاجي

حدها كووول من داخل ... قمة الفخامة ... واهي طبعا 3 فئات اللي ركبتها كانت أنزلهم بعد الخصم ب 8400
ووايد حلوة من داخل ... يعني مو تقولون مفصخة وردية .. لا شحلاتها الصراحة صفيتها مع اللي في بالي و بتنقى منهم



اللكزس وااايد حلوة طبعا لكزس ... قالوا لي المفصخ ب 13 وشوي يعني خام من داخل .. إي نسيت أقولكم على طاري من داخل الأكاديا من داخل نص قماش نص جلد هذي أم 8و400

انزين انكما الكزس ... الصغيرة اللي جنه اسمها اي اس ... ب 11 و شوي ... بس واااااااااااااااااااااااااايد مجكنمة ... ضييق من داخل

ورحت الانفينيتي ... آآآآآآآآآآآآآآآآآآآه يالانفينيتي ... عذاااب الصرااحة ... ماكو عندهم فل اوبشن ولا مفصخ لا فئة وحدة من كل نوع

اللي أبيه ب 16700 الصرااحة ما أقول ما يسوى لالا ... بس ما عندي ... اهو يسوى حق اللي عنده و عليه بالف الف عافية

كلش مو ميزانيتي ... آخ عليه من داخل ما ودج تنزلين .. ماشالله

ايه انيي حق الجييييب .........

ريلي قطني واح يصلي ... دق علي قال ها أنزل ؟؟ قلت لالالالالالا شنو تنزل ... الله يخليك آنا يايه خل نروح السيايير زبالة


و الله الناس أذواق ... بس آنا من دخلت غمته و ضيقة خلق و السيايير ما عجبتني

طبعا آنا رايحة حق بهبهاني عندهم في المعرض جيييب و كرايسلر و دودج

ريلي قال لا تطالعين إلا الجييب على الأقل شوي يمدحونها !!


ما عجبوني كلهم ... من داخل ... فراااااااغ ماكو شي زين اكو سكان !!



الخلاصة .... بقت الاختيارات على الآتي :


فورد إدج ... 9600دينار .... حلوة وكتوكتة وذربة وأعرف ناس ماخذين فورد يمدحون بالفورد واعرف وحدة ماخذه ادج من سنة ونص وتمدحه

نيسان باثفيندر...3فئات تتراوح ما بين 10 وشي إلى 8وشي ..... لابأس بالشكل و الداخلية الميزة الأعظم انها ياباني وسيارة سعرها فيها وعاجبة ريلي ومحد ذم لا في النيسان ولا في الباثفيندر

ميتسوبيشي باجيرو ... 8600 .... الشكل مقبول و المساحة حلوة و موديل 2009 و فل أوبشن و ياباني

جي ام سي أكاديا ... أقل فئة ب8400 الشكل كيوت و الداخلية حلوة بس أمريكي !




ها ألحين شرااايكم ؟؟؟



أروح بعد الهوندا ؟؟؟ آنا ما احب ال سي آر في ... يمكن الأم أر في ؟؟؟

أروح المازدا ... الجيب الل قالت لي عنه بشورة الأمورة من زمان أشوفه بالشارع و مستلطفته !!

بس أبوي مرة قال آنا المازدا أخاف منها يقولون ماكينتها تطط مرة وحدة

ورفيجتي تقولي لا شوفي أمي من مازدا لي مازدا ماشالله !!

شرااايكم ؟؟

 

[espresso]

إهيئ إهيئ

زعلانة ... من كثر ما آنا محتارة

 

[سحيله_الحلوه]

حلوه المازدا

 

[espresso]

خلااااااااص
كع الأمريكي كع ...!

كنسلت الفورد الإدج !!

وكنسلت المازدا ... ما تسوى قيمتها




الاستفتاء ألحين على الباجييرو و الباثفيندر

 

[تلفوني رن]

انا رحت شفت الباجيرو اليديد 2009 كامل المواصفات قالي 7600 وعليه عرض ليما الاربعاء الياي وبعدها يرد سعرها يعني يزيد 400 دينار

بصراحه حلوه وشكلي باخذها بس بشوف الانفنتي خاطري فيها

 

[كندريه حليوه]

حبيبتي صلي استخاره إذا جذي محتاره والله يوفقج يارب

 

[baby johnson]

موراااانوا تهبل
الباثفايندر
جيب انفنيتي
طوارق
جيب فولفووو يهبببببببل
انفووي


احب الجيباات

 

[أميره بلا قصور]

ماااكو ع اللكزس

سعرهاا فيهااا

سوااء الجيب بناااتي شحلاااته

واالصاللون فخمه وتحسين انج ملكه بالشاااارع

 

[espresso]

انا رحت شفت الباجيرو اليديد 2009 كامل المواصفات قالي 7600 وعليه عرض ليما الاربعاء الياي وبعدها يرد سعرها يعني يزيد 400 دينار

بصراحه حلوه وشكلي باخذها بس بشوف الانفنتي خاطري فيها

نصيحتي إذا ميزانيتج على الباجيررو ... لا تروحين الانفينيتي ... إوعي

لأنها تينن و حلوة ومن داخل كشخة كشخة ... إذا شفتيها تعافين الي أقل منها

هذا اللي صار لي رحت الكزس و الانفينيتي دوخوني ... الانفينيتي ال اف اكس ب 16 و 700 و ال اي اكس ب 13 و نص
واللكزس الجيب الفل اوبشن ب 16 و شي و اللي مو كامل ب 13 و شي طلبية يوصل بعد اسبوعين

عجبتني الانفينيتي .... عذااب


:0bee2e8d89:

 

[espresso]

كندرية حليوة ... صليت أمس وما ادري ؟؟!!