شتعشووون عيااالكم؟؟ اليهاااال من سنتين و طااالع

[رفرف]

انا وايد ذابحة روحي بالتنويع بالاكل وهم ماياكلون بس لما افنتق لهم شوووي الشهية تصير احسن ..
وترا الياهل مايحب ياكل بروحه جنه قطو يعني الافضل انكم تقعدون كلكم ع الطاولة وتاكلون يميع تنفتح نفسه ..
واذا بياكل بروحه لا تغصبين عليه لبسيه صدرية وحطي الصحن والقفشة جدامه وخليه يلعب تلقينه كلا بروحه بدون حنة ..


وبالنسبة للعشا بعطيج جم فكرة يمكن تعجبه ...



1- بيتزا بيض وااااايد حبوها بناتي وصحي ومفيد .. وحتى لو ماياكلون شي معين احطه لهم وياكلونه ..

اول شي تحطين نتفة زبدة بالمقلا وفوقه البيض طبعا مخفوق عدل مع ملح وفلفل اسود شوية وتقصرين الجولة كلش وتغطين المقلا علشان يستوي كله حتى من فوق ..
تالي تخلطين كتشب وصلصة بيتزا جاهزة تدهنين فيه البيض من فوق ..
تحطين كل اللي عندج .. زيتون شرايح اسود .. سوسج مقطع .. مشروم .. فلفل اخضر بارد .. طماط .. كيفج شتحطين بالبيتزا حطيه ..
تالي جين موزاريلا واتردين تغطين المقلا .. لين يسيح الجبن .. شكله يصير جنه بيتزا ..
بناتي غرااااامهم هالاكله وترا سهلة ماتاخذ وقت كلش ..


2- توست واحشيه لهم بأي شي بس استخدم قطاعات التوست على اشكال قلوب او ديناصورات او دوائر واحط طبقتين بينهم جبن وزعتر مثلا او اي شي ..
وادهن التوستة اللي فوق بلبنة او جبن وازينها بجزر مبشور وزيتون شرايح ومرتديلا وبقدونس مفروم طبعا مو كلهم مع بعض على حسب ..
بس الياهل يحب الاكل اللي فيه الوان وشكله يشوق ..


3- تونا وليمون وبصل وكزبر هذا بناتي يحبونه بس الله يعينج على الريحة ماعطيهم اذا وراهم مدرسة

4- عرايس


5- صينية توست مع جزر وفلفل بارد او بيتزا توست ..


6- البطاط انا اخذ ودجز والناقتس احطه بصينية تيفال وبفرن الكهربا بدون زيت .. وايد اصح


7- اصابع جزر وخيار اسوي معاهم صلصة روب ونعناع وليمون ويغمسون فيها لأن ما يحبون النعناع والخضرة

8- بيض بكل أنواعه مع كجب ..


9- بسكوت مالح المدور (كراكرز) ادهنه بجبن او لبنة واكون حاطة اماعين صغيرونات ففيهم جزر مبشور - بقدونس - مرتديلا مقصص صغار - طماط مقصص صغار - فلفل بارد - زعتر وزيت زيتون - زيتون شرايح
واهمه عاد كل وحدة تخبص ابسكوتتها وشوفي العفسة والخلطات العجيبة الغريبة بس المهم ياكلون

 

[نطوووعه]

رفرف ياااحيااااتي

ماشاااء الله علييييج .. افكااارج حدهاا عجييييييييييبه ماااقصرتي يااااقلبي صرااااحه عطيييتيني خوووش افكاااار

و الله يخليييلج بنياااتج و يخلييج لهم و يبلغج فيييهم ياااارب

 

[جرح الليالي]

ما شالله البنات ما قصروو

جربي بعد الحليب بالزعفران او حتى العادي ويا درابيل وبقصم <<< خليها ليلة تراثية ههههههههه

 

[حب من طرف واحد]

والله انا والمزاج اذا لي مزاج عشيتهم مكرونه بشاميل والا مرقوق والا عيش ودجاج يعني من هالاطباق الدسمة
على فكرة هم كبار شوي من 4/7
والا اذا مالي خلق صمون بيض طلبت وجبة او اندومي
بيض ..ويليت ياكلون الله يصلحهم ومامن صحة
الحمدلله على النعمه

 

[رفرف]

نطوع عندي بعد اكلة لج اخذي صمون كيفج المدور او الطوال الهوت دوق وقصصي بصل صغااار مفروم وبقدونس وطماط كله مفروم صغار حطيه فوق الصمون ..

تالي دهنيه بجبن قلاص بس مو مالح شيدر لا الابيض احلى .. غطي فيه البصل والخضرة لأن اذا ولدج مثل بناتي ما ياكلوون ..
وفوقه جبن موزاريلا ودخليه الفرن يتحمر الجين شوي ..




وهم تقدرين تسوين له شوربات فريش ما تبي شي اذا مستعيلة سوي شوربة جاهزة ماجي او كنور ..
وفوحي كوسا او جزر او بروكلي ااو قرع مع بصل اللي اهوه او طبخيه بالبخار اسهل بعد ..
وحطيه بالخلاط مع الشوربة ومع خضرة كزبر او بقدونس تختفي معالمها عدل ..
(تحسين مبين من الاكلات ان بناتي ادعل بالاكل)

 

[ابلة رسم كتكوته]

بان كيك
شوربة شوفان مع دياي اسويها خاثره تصير جنها هريسه
بيض مقلي يحبونه عيالي مع كتشب
ولازم العيش يكون موجود لانهم على غفله يطلبونه

 

[virgo_kw]

حاولي اتدخلين ال 4 مجموعات الغذائيه بالوجبه يعني مثلن بيضه مفيوحه وقلاص لبن وخبز او توست و حبة فاكهه

 

[نطوووعه]

لوووول رفرف حدككككم زوووغه انتي ويااا بنااااتج

عجبتني افكااارج و افكار البنات ماقصرتو بصراااحه بطبقها باقرب وقت ممكككككككككن

تسلموون بناات كلكم عالمروووور

 

[ياوحشة غيابك]

الصراحه ماقصرتوا يابنات استفدنا حيل

مشكوووووووورين

 

[أم مشموش]

اسويلهم معكرونه عيالي وايد احبونها بعد ماافوح المعكرونه اشخلها واكون مزهبه خلطه قيمر وجبن الجره الذهبيه مال البقره الضاحكه واخلطهم عدل عدل واضيفهم عالمكرونه واخليها 10 دقايق على نار هاديه وقلي يمها بوب كورن او نقت او نقانق وفوحي ذره و مره كرواسون الصغار الخالي احشي لهم مرتاديلا وجبن سلايس ومسحه من داخل بشوي مايزنايز وايد احبونه هم بعد احبون هذا الكرواسون الصغار اذا حشيته لهم لبنهوزعتر واشتري الجباتي المثلج اقلبه المقلاه بدون دهن و دهنه بجبن جلاص مع حليب كاكاو هم اليهال احبونه ان شاء الله اكزن فدتكم

 

[بدويه دمار شامل]

اب

اب

 

[<< أزيان >>]

ماكو احسن من اكل البيت

سويله شوربه كويكر لذيذه ومفيده

سويله كلوب ساندويش وصغري حجم التوست يعني بدال لاتقصين التوسته 2 قصيها 4 او قطعيها على اشكال كارتون تلقين القطاعات بالسوق

بطاط شبس هريس ويريش

معكرونيه

بيض

بسكوت وحليب او كورن فليكس

 

[فروحة الكويتية]

ررررررررررررررررررفع

 

[فرح العجرف]

ذره مثلجه...اطبخهاا مع زبده شويه....ويشرب غلاص لبن بعدهااا.....علشان ينوخ بعدهااا......:016:.@@

ساعات العشا..يكون هريس من مطعم نخي وباجيلا...يحب الهريس....@@

ولا بيض مفيوح اقطعه واخلط معاه جبن المراعي مع زيتون وخيارمفطع صغار...واحشيه صمون.....ويشرب عصير المراعي برتقال ومنجااا....@@

بطاط ودجز المثلج....مع حمسة كوسه وجزر وذره...واحط الصلصه الفرنسيه قفشه وحده....@@

واذا ماكل معاناا عصاري فطاير وحلو.....أخلي عشاه بقصم وحليب......@@

 

[chocolate cake]

نطوووعه

حبيبتي اسفه دشيت عرض على موضوعج

بس عيزت و انا احاولادزلج رساله خاصه موراضيه تندز مااادري لييييش

ا\ا ما عندج مانع ارد عليج هني؟؟

و هم سوري عالتأخير لاني الاثنين اللي طااف رديت الكويت و لووويه ليلحين كل شي معتفس فينا


سامحيني حبيبتي

--

و على موضوعج

تشيكن نجت
باستا
اسباغتي
شوربه

 

[رايقة1980]

خوش موضوع

بس الله يخليكم خففوا لعيالكم النشويات

وكثروا من مجموعة الحليب ومنتجاته
والفواكه الخضروات


.


ترى أكلنا عادات غذائية اذا الطفل عودتوه على نوع معين بيتعود عليه ويحبه



..

اتمنى اضافتي مفيدة لكم...