شخص خانج ولجأ لج للمساعدة هل تساعدينه ؟؟؟

[ام احمد_26]

بسم الله الرحمن الرحيم


السلام عليكم ورحمة الله وبركاته


طبعاً تعرفون عن الخيانه ومشاكله والكثير من منا ان يتأثر بهذي الظاهره


والكل يتمنى من زوالها صح ؟ والكل لا يحب من هذا النوع


من الاشخاص لأن ابصراحه ماينوثق فيهم والسبب كل هذا هي الخيانه


السؤال هو :


شخص خانج ولجأ لج للمساعدة هل تساعدينه ؟


وكيف تكون ردة فعلكم عندماا طلب منكم المساعدهـ ؟


وهل تنسين الألآم الذي سببها لج ؟




بانتظار ردودكم ​

 

[Ibtisama]

على حسب ظروفة

اذا كانت ظروفه تهدد مستقبلة ممكن اني اتناسى و اساعده لوجه الله و مو علشان سواد عيونه اما اذا ظروف ثانية لا ما اساعده ولا كأني اشوفه اصلا

 

[زقرتيه]

لا واللله نصيحه لا و اللف لا صارتلي بس اب مجرد تستقر حالتها او حالها بتنسى جميلج فوق الي سويته فيج ^^ فصدقيني اذا كان ذكر لا تساعدييينه

 

[Spoildish]

لاااااااااااااااااااااااااااااا ولااااااااااااااااااااا
مااساعدها لو تنقلب الدنيا على راسي ,يمكن المصيبة الي صارتلها حوبتي و تستاهل

 

[ام احمد_26]

كويتيه بصراااااااااااااااااااحه عجبتينى لووووووووووووووووووووووووووووول

 

[nwayeer]

وااااااااااي أحب هالسواااااااااالف يااااااااحبيييييييييي اني اقهر شخص خااااااااااانييي اقهره قهررر ابردددددد قلبييي وحرتتييي عدل

 

[puppet]

اي , بهالطريقة تخلينه يستحي

ويفكر انه ما يسويها .. والعفو عند المقدرة

من شيم المسلمين

 

[nwayeer]

بس انه اكوون اصووون واهو يخووون اي عفو يا قلبي

النفس تعيفه والله

 

[A7la-SmiLe]

بصرااحه ئي اساعده
مهما كان هذا انسان ومحتااج بغض النظر عن اللي سواه
يعني بهاللحظه انسى اللي صار دام انه لجأ لي يعني محتاج ..​

 

[نداااوي]

أنا بساعده صراحة

لإنه لو مومحتاج ومضطر ما بيطلب مني أنا بالذات

 

[Judy abbott]

على حسب نوع المشكله

وبالعموووووووووووم اذا حسيت هالشخص نادم ممكن اساعده

بس اذا لااء ما اسااعده لاني ما احب التمصلح وياما تمصلحو علي هههههههههههه

 

[& دلوعه زوجها &]

الحمدالله ماق تعرضت هلموقف لكن على حسب ضرووفه

 

[[[ عيون جابر ]]]

لااااااااااااااااااا لااااااااااااااا ما اساعد وخل يتحمل الي اييله >>>> مو هو لعب وياي خلوه يتحملني >> اشعندها احلام لوووووووول
يعطيج العافيه يا قلبي

 

[ScarletteO'Hara]

بكل بساطة ما راح اساعده, انه بهذي المساعدة ممكن يفهم انه انتصر علي او انه نزل راسي بالارض, و انا عمري ما انسى الي يجرحني و اتفوق عليه بالطناش

 

[pretty sarona]

أساعده و اكسر عينه , انا اعامل الناس باخلاقي مو باخلاقهم , بس مستحيل انسى الحركة اللي سواها و بتم في بالي حتى لو ردت العلاقات

 

[نتاشا الجميله]

صراحه اي اساعده
صعبه عليّ اخلي شخص لجأ لي مهما سوا !!!

وعلى فكره مو عاجبتني هالصفه ,,,, ياما خلت ناس تستوطي حيطي ^_^
وما انصح احد يتصف فيها بتاتا بتاتا

 

[جـــواهر]

ام احمد موضوع مميز ويسلمووووووووووو

واسمعي سالفتي ...ايام الثانويه<< ياحلوها ماتعوض ... المهم انا كان عندي صديقه بس مو اي صديقه احبها واموت فيها امرض اذا مرضت واتعب لتعبها واحزن لحزنها وهي نفس الشي وماصدق فيها شي بالمره ...
يوم من الايام هي بنفسها اعترفتلي انه خانتني ,,, بشغله انا بالنسبه لي مو خيانه الا فاجعه على قلبي لان خيانتها وقحه وبينتلي معدنها الحقيقي... بتقولون زين منها اعترفت لا المشكله تعرف وهي تضحك مستهزءه فيني تحسين انها منتصره علي بهالشي .... انا تركتها ماتكلمت باي كلمه لان هالاشكال تركهم خير .... مرت 3 شهور ماكلمتها ....والمشكله عادي عندها ليتها تاسفت ع سواد وجهاا لا ابد ولا هامتها.... يوم من الايام هي طاحت بمشكله ونادوني انا يسالوني وكل شي يعتمد علي يعني محدد بينقذها غيري انا ... لوتشوفين عيونها شلون واااااااااثقه اني بساعدها وبطلعها من المشكله ...( سبحان الله الحوبه صعبه ) ... وانا والله ماااااااقدرت اساعدها كلش ماااااااقدرت وخونت فيها مثل ماسوت .... الكل قام يعاتبني والبعض كش مني ع اللي سويته بس هم مايدرون هي شسوت فيني ..؟؟؟ وانا ماقتلهم خفت يلوموني ع غبائي وثقتي العميا فيها ....

وبس سلامتج ,,,

 

[حقوقيه زوغه]

اي اساعده (( وبكل تأكيد ))


مو عشان شي ..بس عشان انا زينه وانسانه طيبه وابي الشخص اللي جدامي يتحسف على هالخيانه..وبهالطريقه راح يتحسر مليوون مره على الخيانه صدقوووني ..

 

[(كويتيه عسل)]

شخص خانج ولجأ لج للمساعدة هل تساعدينه ؟

مع الاسف ايه

وهل تنسين الألآم الذي سببها لج ؟

لا ماانسى ومن داخلي مومسامحته بس اساعده من كل قلبي
ادري انا ماادري شلون صايره كلهم يقولونلي جذي

 

[نواره الدنيا]

اساعده بكل ضمير بس بعدها خلاص لان المؤمن لاينلدغ مرتين ابتعد عنه