هاي بنات
شلونكم
.
.
.
أكيد كلكم مرت عليكم هالنوعيه
و يمكن بعد انتي تكونين جذي لوول :23_asmilies-com:
ناس تتحسف تسلم
جنا بينقصها ايد ولا ريل لي سملت
ما تبون تسلمون متحسفين ؟؟ لا تسلمون بس ردوا السلام عالأقل من باب الذوق
خل اقوكم جم موقف صاروا معاي ..
لما كنت بسنه اولى و تعرفون طلبه سنه اولى مساكين على بو انهم مستجدين ملوت القوائم يتلاقطونهم من سبق لبق جنا نمل متيمعين على حلاوه
عاد هذي بنت استلمتني
تدق علي من اول يوم بالكورس بسنه اولى لما اخر يوم بالكورس الثاني
لالا استغفر الله مو من اول يوم
من قبل لا نداوم واهيا مستلمتني تدقدق علي
و بدا الدوام
كل يوم ماسكتني
اهيا سوالف ضحك عن كل شي والله
حتى اذا مريت يمها واهيا تتكلم بالتلفون مثلا تقعد تأشر و تسلم و الكشره شاقه الويه
احنا سنه اولى ما نصوت حق رابطه الكليه لانه سنه تمهيديه ما نكون تبع كليه معينه بس نصوت حق الاتحاد عقب بسنه 2 نصوت
البنت بالطب وانا تخصصت صيدله
يينا سنه 2
امر يمها قوه فلانه شلونج شخبارج
تبتسم ماترد و تمشي !!
ميخالف البنت مشغوله في شي شاغلها
مره ثانيه هلا شخبارج شمسويه
_ _ _ تقولون اسلم على صنم
لا بعدين قمت لي مريت تسوي روحها مو شايفتني تلف ويهها ولا تنزل راسها تقولون اطالبها و ماتبيني اشوفها !!
اهيا مره مرتين 3 - 4 ... عقب قلت يا عمي بالطقاااااااااااق ميته على سلامها انا !!!! ماتبي تسلم ما تبي ترد تقعد تستهبل علي ام ويهين حتى سلام مستخسره تسلمين
لا والبنت ملتزمه ترا لفتها توصل لي ظهرها وعبايه اسلاميه و هذي اخلاقها الحمدالله والشكر
_ _ _ _
موقف ثاني بنت كانت معاي بالثنوي و انا بالبدايه علاقتي كانت زينه وياها سلام سوالف ضحك مو رفيجتي بس عادي مو عدوتي لما اكتشفت اني انا اللي عدوتها و ما تبلعني مادري على شنو ماكله حلال ابوها يمكن .. بس اتوقع والله اعلم ان عشان الدرجات انا وياها كنا نفس المستوى والاوائل عالدفعه يمكن عشان جذي معني ماشوف هذا سبب عيب مره شكبرج تفكرين جذي
المهم تخرجنا و دشينا الجامعه انا وياها دشنا نفس المكان مركز العلوم الطبيه
شفتها اول يوم اهيا و جم بنت كانوا معاي و هلا شلونكم و نسلم وسوالف و ضحك وانا اللي بديت سلمت عليها بالبوس بعد مو سلام شفهي لول و قلت بس سوالف يهال الثنوي راحت و تخرجت البنت كبرت و كبر عقلها
لي شفتها بممر اسلم شلونج فلانه تبتسم ما ترد ولا هلا هلا جذي يعني يبين نفسيه
اجذب روحي اقول مادري شفيها البنت بعد يمكن عندها شي صاير لها شي
و كل مره جذي وكل مره انا اللي اسلم لما عقب قامت تسوي نفس اللي سوته اختنا بالله اللي قبلها
تمر تسوي روحها مو شايفتني تنزل راسها تلف ويهها
المشكله ان اهيا دشت كليه وانا كليه يعني لو سالفه منافسه و درجات سوالف يهال هم خلصنا منه ليش كل هالنفسه مادري
تخيلوا بنات موذاك الزود وياهم بس صادفتهم بسنه اولى لي شافوني هلا شلونج شخبارج منزمان ما شفناج تعالي خنسلم عليج وتخيلوا وايد مرات يكونون ماشين واهيا وياهم كلهم يوقفون يسلمون علي وسوالف و اهيا الوحيده اتنعز توقف بعيد ولا تنخش ورا بنت ولا تكمل طريجها بس عشان ما تسلم الحمدالله والشكر شهالعقول الصغيره هذا واهيا بتصير دكتوره بس عقلها اخس من عقل الياهل
_ _ _ _
والله انغث من هالناس اللي مستخسره السلام
ترا السلام لله يبا :sfg:
