شراء منزل استثماري وتأجيره

[بنفسج]

يا بنات اللي عنده خبرة ياليت يفيدني انا ودي اشتري بيت من بيوت خيطان او الفروانية اللي يكون نظام استديوهات ويتأجر علي عوائل او عزابية واستفيد من اجاره بحيث يكون لي مدخول شهري شنو رايكم تنصحوني بهذا الشئ في الوقت الحالي ولا لأ وابي مكتب عقاري يضمن لي البيت بحيث ما فكر بسالفة مؤجرين او ماي او كهرباء المكتب يتكفل بكل شئ هل هذا مشروع ناجح ولا لأ وشنو تنصحون تري انا ما عندي خبرة في امور العقار يس شفت ناس وايد سووا جذي اللي عنده خبرة ياليت يفيدنا ولكم مني دعوة حلوة بظهر الغيب

 

[S.O.S]

ما عندي خبرة بهالسوالف
بس حبيت ارفع الموضوع لج حبيبتي

 

[كويتيه قيرل]

اي والله وانا بعد ابي اسألكم بهالموضوع

 

[بطوووطة الكويت *-*]

للرفع للإفاده

 

[james546613]

رفيجتي اشترت شقة في حولي ب27 الف وتاجرها ب200 وشي ....حبابينا العرب يشترون في ابو فطيرة والمنقف على 36 الف او 64 الف في فحيحيل ويسكنون فيها ومن بعدهنم عيالهم ..وبعدين يبيعونها باغلى من شراءها ...واحد يشتري بيوت الجليب القديمة ويصبغها وياجرها واذا يي لها سعر حلو باعها ...بس لازم تكون بيد مكتب عن المشاكل والسولافمالت المؤجرين والله يسهل لك والمسلمين

 

[bint_looda]

,,up

 

[( 彡] سحر الوله [ 彡 )]

للرفع

 

[بنفسج]

مشكورين بنات انا فكرت في الشقة بس حسيت ان مدخولها شوية بس ما يمنع الواحد يفكر فيها البيت مدخوله أعلي بس انا كنت خايفة من مشاكل المؤجرين بس لما عرفت ان في مكاتب عقارية تضمن البيوت كأني تشجعت شنو رايكم

 

[أحلى ريماس]

جم ياااخذون المكاتب ؟عموله؟

 

[متجولة *]

للرفع
بس ديري بالج بكرا لا سمح الله تتطلقيين مايكون لج حق سكن في بيت الزوج كله يروح له مدام عندج ملك سكن (شقة)

 

[نعم لاسقاط القروووض]

هلا حبيبتي
انا عندي خبره وحابه افيدج
اي في بيوت بالجليب ومنطقه (الحساوي) تقريبا 70 الف او اكثر اشوي ويتاجر على عزاب ويجيبلج بالشهر الف دينار واقل شي 850 دينار والله يوفقج انشاءالله وعندي رقم مكتب شاطر وتخصص بيوت الاستثمار ومادري يصير احط رقمه او لا مادري دزيلي على الخاص اذا بغيتي الرقم والله يوفقج

 

[Featured Lady]

هلا حبيبتي
انا عندي خبره وحابه افيدج
اي في بيوت بالجليب ومنطقه (الحساوي) تقريبا 70 الف او اكثر اشوي ويتاجر على عزاب ويجيبلج بالشهر الف دينار واقل شي 850 دينار والله يوفقج انشاءالله وعندي رقم مكتب شاطر وتخصص بيوت الاستثمار ومادري يصير احط رقمه او لا مادري دزيلي على الخاص اذا بغيتي الرقم والله يوفقج

حبيبتي
ممكن رقم المكتب على الخاص
ولج شكري

 

[رشة مسك]

حبيبتي حاولي تسإلين رجال تعرفينهم عن الموضوع لأني مثلج بقيت أشتري بيت ونصجوني بعدم الشراء لأنه البيت يكون مشاع أي مشترك معاج كذا شخص وذا تبين تبيعين راح تحوشج مشاكل وهذا كلام صاحب مكتب عقاري فأرجو إني أفدتج والله يوفجج