شرايــكم بالدكتور فهاد العنزي ؟؟! //بليـز ساعدونـي "مستجده :")

[SHoSHoWa.PiNKYa]

قوه بنآت شلونكم ؟

بغيـت اسألكم عن الدكتور فهاد العنزي "تاريخ الكويت"
شرايكم فيه ،امتحاناته سهله والا لا ،شلون تعامله معاكم ؟؟!

انا مستجده وسجلت عنده بس توا شفت بالنت محد يمدحه
حبطوووني :"(

 

[3la-q8']

مستجده ماكو فايده ماتقدرين تسحبين انا ورفيجاتي نفسج مستجدات طحنا بدكاترة قشرين خرعوونا بس حمدالله طلعنا منهم بقريدات زينه
درسي ولاتسمعين كلاهم تعبج مايضيع ان شاء الله

 

[FOOSHA]

و الله مـآ أعرفـــه و لآ خذيـت عنده بس رفيجتـي تقول يحب اللي تشآارك معـآه و نظآمي (دقيق بالحضور) !

و هـذآ رد وحده كـآتبـه عنه قبـل :

دكتور غريب !! احسه خذآ الدكتوراه وتخرع :/

دقيق حضور ,
عنده ميدتيرمين و فاينل , كمية الميدتيرم مبالغ فيها
فصلين حق كل ميدتيرم :/ و كله تواريخ واسامي ومعلومات دسمة
وامتحاناته موضوعية وبين السطور والي مو متوقعه يجيبه اهو الي يجيبه

بالسيكند ميدتيرم صدمنا بسؤالين مقالي مع انه قال امتحاناته موضوعيه

أسلوب × × ×
نظام انا الدكتور الضغيط الي امشي واضغطكم لانكم طالبات
والي بس يلمح بملامحها انها مو عاجبها يا يشتغل عليها يمصخرها يا يطردها

يحب الي تشارك و يحب الي تحب تنضغط
مزاجي مزاجي مزاجي بالتعامل , البنت الي تدش مزاجه يعاملها صح
والقريدات مأدري اذا يزيد بمزاج او بحق

و هذآ رد ثآنـــي :

الدكتور يحب اللي يحضر يوميا ويشارك

امتحاناته مباشره بس يحب اللي يكتب وايد

كميه الامتحان معقوله

بس اهم شي التحضير اليومي والمشاركه

وعنده برزنتيشن

إنتــي عليـج إنج تدرسين للمـآده و تحضرين الكلآسـآت و مهمـآ كـآان كل بنت ووجهه نظرهـآ يمكـن طريقة الدكتور تعجبج !
و بالتوفيـــــق ي قلبي

 

[SHoSHoWa.PiNKYa]

مشكوووورين عالمرور فديتكم :**
الله يستر قاعده احاتي
ان شالله تعجبني طريقته 

 

[FOOSHA]

العفــووو

؛

هـذآ بعد رد وحده قبل جم يوم كآتبتـه :

بتكلم عنه بالتفصيل...

اول شي انصحكم بالمادة للصيفي لان يحذف منها ..
الكتاب 12 فصل جنه .. درسنا 4 كان قايل 5 بس لان ما يمدي
2 للميدتيرم + 2 للفاينل
واللي بالميدتيرم ما دش بالفاينل

فالاكيد ان نظام الصيفي غير عن الكورس العادي

الدكتور فيه عيب حيل قوي
وااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااااايد
وااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااااايد
يعلللللللللللللللق يعللللللللللللللق و يتطنز و ما يخلي احد بحاله


عددنا بالكلاس 60 طالبة يوميا يعلق على وحدة وحدة حتى لو غبتي ولا سحبتي يظل يعلق
السيكيوريتي يدش و يعلق عليه
يعلق على الناس بالشارع
يعلق عالطلبة عالدكاترة عالفراشين على اهله على الكاتب " ابو حاكمة"
ما يخلي احد كلش والله يعينكم عليه

وعادي فجاة تسوين اي شي يفشلج و يزفج و يقولج طلعي برا ولما تيين بتطلعين يقولج لا اتغشمر
بين قوسين ( غشمرته ثقيلة)

صج دمه خفيف وايد وايد و يضحكنا و هون علينا الصيفي بس الشي ان زاد عن حده يصير" مصاخة"


نظامه يتاخر عن الكلاس 10 دقايق
ما يرضى بالتاخير كلش ولا يسمح فيه .. اخر الايام صار يسمح لان صيفي و عرفنا عدل
وكان يحب شعبتنا حيل يقول اول شعبة مرت علي جذي فتساهل ويانا...

لو تلفونج مو سايلنت و دق لازم تطلعين من القاعة سيدا و اخر المحاضرة تعطينه اسمج يسجلج حضور
ان تكررت الحركة غياب + ينقصج
و هم نفس الشي في بنات عذرهم اخر الايام

وايد يسولف اول ثلث ساعة .. و يحب المناقشات وايد .. ويسمع جميع وجهات النظر
لكن هالمشاركة وهالسوالف ما تزيدج درجة !! يعني ما يعتبرها مشاركة فعلية


الزبدة
تقسيم الدرجات
10 غياب و حضور ( لو غبتي يوم ممككن تاخذين فل مارك , بس لو ما غبتي يعطيج بونص)
20 بحث ( البحث تكتبين عن تاريخ تخصصج مع بنات بالشعبة من نفس التخصص)
35 ميدتيرم ( امتحانه 15 سؤال صح و خطا + 20سؤال اختياري ) + بونص سؤال سخيف واهو يجاوبه بعد ههههههه
35 فاينل موضوعي و نفس طريقة الميدتيرم بس بدون بونص

في مشاركة بونص 5 درجات .. كل مشاركة بدرجة
المشاركة انج تحضرين الدرس الياي و انتي بمكانج تقولين اللي فهمتيه واهو يشرحه
وكل مرة على بنيه.. وغالب البنات حصلو درجة

يكرررررررررررررررررررررره الواسطات

يحب اي مبادرة او نشاط .. اي معلومة من النت و تعطينه المصدر ؟

وصج نسيت ترى ما عنده سالفة الا الجهرا... راح تحسون انها سويسرا الكويت ! تحملو

يعطيكم ايميله لو بتغيبون او تتاخرون تبلغونه قبلها بيوم ..

امتحاناته فيها خدعة يعني ممكن السؤال نفسه بصح و خطا اهو نفسه بالاختياري.. فراح يشوف ويقيم اللي دارسة واللي تشير ...

بس تبون الصج ترى اهو وايد طيب وقلبه نظيف وابيض .. على الرغم من انا نقعد بالقاعة على اعصابنا من التعليقات

صوته بالشرح واطي .. يفضل تقعدين جدام ... و انصحكم بالتحضير والتركيز بالذات اول المنهج عن تاسيس الكويت
لان تاريخ قديم فروايات وايد و راح تتخربطون ما تعرفون الصح من الغلط

وشغلة وايد مهمة !!!!! اللي تحب تسأل انصحها تسكت .. انا كنت اختار اسئلة حيل عامة بالنسبة لي و اترك التفاصيل
ومرة كل 5 محاضرات اسأل ! يقولي ترى وايد اسألتج ! لا تصيرين دقيقة
نفسه ضيجة ما جنه يايين ندرس و نتعلم

ممكن تفاصيل وايد يطوفها بالمنهج..يقول انتو طلبة اقرو و احفظو

كل شي حفظ كل التواريخ و مرة فصل علينا قال حتى الهجري حفظوه p; بس ما حفظنا
والاسامي والمناطق بعد

نهاية الكورس عنده كيرف حلو .. يعني عادي وحدة c تاخذ b

بالنسبة للمنهج بنات
والله حلو بالذات الفصول الاخيرة .. حيل ممتع لو تدرسونه كحب للكويت و ثقافة عامة
مو عشان قريد .. لاتتخيلون انها صعبة والله انا ما احب التاريخ بس لان فخر تعرفين تاريخج صج بتحبين المادة وتدرسينها

و بعد هـذآ

ترى اهو احسن دكاترة من الموجودين.. وعلى قولتهم دكاترة التاريخ يا ابيض يا اسود

وللامانة اهو ييقول : انتو طلبة مفتحين باللبن و عارفين ان انا من احسن الدكاترة ..

و الدكاترة الثانين يعطون 3 كتب ..

بس اللي عليج ( حضري للدرس + قعدي طول المحاضرة ساكته + ولا تفكرين تغيرين مكانج لان بيعلق + حاولي تكتبين شرحه لان وايد ارتب من الكتاب لو كنتي محضرة + ودرسي للامتحان مبجر ) تضمنين الايه ان شالله

الكورس اخف ضغط من الصيفي .. بس ميزة ضغط الصيفي يخليج ما تنسين شرح المحاضرة .. لي امتحان الفاينل كل شي راكز بمخج ما يمديج تنسينه


عموما انا انصحج بــ : 1- نواف المطيري 2- فهاد العنزي

عند غيرهم لا تاخذين !

و أتمنــى أفدتج ؛*

 

[SHoSHoWa.PiNKYa]

مشكووووووووره حيآتي :***

ريحتيني حيييل الله يريحج دنيا واخره قولي آميـــن ؛**

 

[طْـهر]

Foosha ما قصرت

 

[ms mooka]

اب

اب

اب

 

[SHoSHoWa.PiNKYa]

مشكورين عالمرور.. ،

 

[FOOSHA]

مشكووووووووره حيآتي :***

ريحتيني حيييل الله يريحج دنيا واخره قولي آميـــن ؛**

العفووو ي قَلبي ؛
آممميـــن ي رب ، تسسسلمين :eh_s(22)::eh_s(17):

 

[اوطان 1]

مرحبا انا مسجله معاج عنده
بس اسمعي بحكم خبرتي بالبنات انا ما اسجل ماده الا مستشيره مية بنت
بس اكتشفت البنت اذا الدكتور عطاها a مدحته وطيرته للسما واذا العكس يعني العكس لا تعتمدين اعتماد كل
علي البنات

 

[gala q8]

نصيحه لآ تسآلين , إنتي عرفي طريج الدكتوور هذأ .. شووفي شنو يبي ؟ و فهميه عدل تقدرين تييبين بالمآده a



الله يسهـــــــــلْ عليج يآرب .. و تييبين بآلمـآده a ,,

الله يوفقج يآرب ,

 

[ورور92]

انا اللي كاتبة رايي بالتفصيل عن الدكتور ..

تطمني حياتي .. تقييمي كان حقاني

بس هالدكتور يحتاج تشدين حيلج معاه

لان يعطيج حقج بالمللي ..

بالتوفيق..

 

[قدساوية 99]

آنـآ ماخذيت عندهـ
بس حضرت لـه إستمممآع مع رفيجتـي ..
آللي لآحضتـه يحب يسوولف وآآآآيــد
ويخلي البنــآت يقرون
ومآشآءلله يعرف اشكـآلهم بعد
وحتـى كــآن يقولهم بنروح رحله بس اختآروا بسيارآتكم ولآ بـ ألباص
يبي يوديهم القصر آللي بـ آلجهـرا
ومآيحب آللي ماتحب الجهــرا

وشكله حبوب بس مادري عن امتحآنـآته

 

[SHoSHoWa.PiNKYa]

اوطان: هلا حبيبتي اختي قالتلي نفس الحجي ..، والله يستر :S

غلا : ان شالله حبيبتي.. ،

مشكـوره حبيبتـي عالدعوه الحلـوه ♡
اللهّـ يسهل عالجميع

ورور : ثانكـس حيآتي ؛
اجمعيـن ان شالله 

قدساويه : ههههههـ الله يعينا عالجهرآ :krkrkr:
:eh_s(22):

 

[ارتباك العاشقين]

موفقه ايتها المستجده ههههههههه


ان شاء الله تاخذين الa بكل موادج

 

[SHoSHoWa.PiNKYa]

ثـانكـس.. ،
:eh_s(17):أجمعين ان شالله

 

[ZaiN Kw]

نصيحححه لايغرج الي يقولونه انا بالاول خفت من تعليقات البنات عنة بس والله خوش دكتور ويعطيج حقج وزيادة وامتحاناته كانت سهله