شرايكم ؟؟

[Om_Ksha]

انا اذكر قالولي سالفه واحد يصيرلنا شاااف مرته واهي تولد وعافها .. يوم شاف المكان شوسعه كرهها .. وطلقها
وعقب الطلاق ياا واحد شايب عود حط جدامه صحن عسل ومرر صبعه عليه قاااااااله هاا شوف شنو صار انه افترق بس وخر الا يلتم العسل مره ثانيه ففهمه انه المره جذيه .. بس عقب شنو عقب ماطلقها ..

وماكو انا ريلي يقولي بدش بس ادري فيه اسمله عليه قلبه رهيف ومايتحمل .. وانا بالاساس مابيه معاي احس راح ااخاف عليه اكثر من لا اخاف على نفسي .. بس اول شي يكون معاي شوي بعدين خلاص ينطرني بره.. الله يسهل علينا

 

[angel_soul_1989]

رد : شرايكم ؟؟

والله انا ودي ريلي يدش وياي بس ماتوقع يرضى لانه مايحب جذي حتى من اسوي السونار يقولي ليش ادش ?!?!

 

[.،:"$الـعـوبــــة$":،.]

رد : شرايكم ؟؟

والله يمكن كلامها فيه من الصحه الريايل مايحسون اهم اذا اتعبوا بس نشله يطيحون ويتعبون اما احنا لا ماعليكم الا العافيه
يعني حلو يحس بالتعب وخاصه الولاده اللي عساني اجربها يارب ويهونها عليج يارب
انا بأمريكا مرات اشوف التلفزيون خاصه برامج تلفزيون الواقع الريال يدخل مع مرته واشوفه جنه يتألم معاها والله بس ما ادري احس السوالف هذي مو حق الريال العربي
وشكرااا

اي والله زوجي بس اذا نشله ، تعالي شوفي ، يطيح من طوله !! واقعد عنده واداريه،
الله يرحم الحال بس ،​

لا والف لا
لا والله ماودج يدش معاج ..
اوكي يكون معاج قبل الولادة بالغرفه .. بس لاجت الصجيه والطلوووق والعوارات والفحص اجباري يطلع ..
انتي وانتي الوالده واتعذبين .. تلوع جبدج من نفسج ..
شلون الرجّال ؟؟؟
عاد رياجيلنا نفوسهم خايسه ..
أذكر امي قالت لي سالفة مرة ان رجّال ايام البر قببببببببل شاف مرته وهي تولد وشاف الهوايل وعافها وحلف مايدخل عليها مرة ثانية ..
وجته امه وكلمته وهو كان مصمم انه يطلقها ومابإذنه ماي ..
عاد شوفي حكمة الحريم قبل ..
قامت امه وجابت قطعة شحم كبيرة وحذفتها بالنار فقامت الشحمة تصغر تصغر تصغر لين اختفت ..
قالت له ياولدي هاذي الشحمة نفس اللي انت شفته .. عقب الأربعين والنفاس الزين ترجع مرتك نفس قبل واحسن ..
وتوته توته خلصت الحتوته

اي هنيه المشكلة ، انا اذا حسيت بالالم والتعب ، مالي خلق احد حتى يتنفس عندي ! وهو قرقه ! ويحب يسأل ! يعني بيزهقني بحياتي ! وبعصب واطلع الحرة فيه ،
والسالفة هذي قد سمعتها قبل بعد من الحريم ، وهذا اللي خلاني ماافكر ادخله معاي !​

شوفي بالعكس اذا دخل عليج وشافج لو مة وحدة ترى قلبة يحن عليج الله سبحانه يحنن قلبة عليج اشلون تألمين عشان ولدة او بنتة الصراحة بالعكس كلامه في شي من الصحة

انا مرات مرااااات اقول بس وانا بالغرفة نفسها يعني تو اول العذاب اخليه معاي ! بس غرفة الولادة لألألألأ !
للحين مومتقبله دخوله معاي !​

تقريبا كلامها صح
آنا ريلي يقولي بدخل معآج بس آنا رافضه مابيه يشوفني جذي مآاحب

: )

اي هنيه المشكلة ! اني بالاساس مو مقتنعة بفكرة دخوله معاي !
​

مادري شنو قصد رفيجتج بالضبط يعني تبي زوجج يحس المعاناه الي تحسين فيها ؟؟؟؟ !!!انا بس بسياره من كلامى مخترع مايصدق يقطنى بالمستشفي من التلوي والبجى والتخرع والوصيه <<اخاف اموت اوصيه اسم الله علي... من غير المغص بعد الولاده يشوفني اتعصر واتالم وكافي 9 شهور يالله اقوم يالله اقعد والوحم <<<شغلات واااااااااايد يقدر يحس فيني وعن معاناتى مو لازم وقت الولاده انتى اللي صححححححححح<<<صفقه صفقه صفقه ههههههههههه بعد اشتبين

لا انا عرفتي اللي حتى بالسيارة لما احس بشي ، تلقيني امسك الباب حييييييييييل واغمض عيييييييني ! لين يفك ،
بس مااصيح واون ! ساااااااااكتة،
وبالحمال ، بس يتطنز ، يسميني البطريق ، ويضحك لما انشب اذا انسدحت ومااقدر اقلب !:krkrkr:
يعني زوجي حاله خاصة !:denya:​

.., شوفي عن نفسي ولامره دخل لا بالحكومه ولا بالخآص الصراحه استحي
مع انه اللي سمعته يخلون الزوج واقف على راس زوجته يعني مايشوف الاحداث كامله
بس ع الاقل يحس بالتعب والخوف والاحلى انه يشوف ضنااه اول ماينولد

انا ابوي الله يحفظه كله يقولي انتي الوحيده اللي شلتج وانتي مو مغسله لاني انولدت برا الكويت
فكلما يشوفني يقرص خدي ويذكرني مع الحين صار يد الله يخليه ويطول بعمره بس ما نسا هاللحظه ابدا

فخلي هالتجربه اذا كانت في بالج وصدقيني ترا ماراح يشوف اغلاطج بالولاده بيشوف كل شي زين فيج
والله يسسهل عليج ياارب وعلينا
\\

انا مشكلتي بسرعة انقرف ! وشكل البيبي اول مايطلع مقرف الابيض والاحمر والاخضر يعععع !
واخاف يشوف المشيمة لما تطلع !
مدري فشلة !!!!​

انا طول فترة حمالي ماكان يخليني .. معاي بكل لحظه ويوم يت حزة الصج ..كان معاي حتى بالفحص بس ماكان عندي .. بس كان يسمع صياحي وصراخي والبجي ..
واصلا قبل لا اروح الولاده كنت متسبحه ومستشوره شعري ومكحله عيوني .. وحاطه الدهن العود .. وكحلت حواجبي ..
ويوم طلعت من الولاده كااااااااااان شكلي يخرع وويهي امنفخ .. وحالتي حاله .. ولا بقى في وجهي شي وشعري كشه ..
عاد الحين يقول ارتاحي سنتين بعدين احملي بس انا بقعد سنه وبعدها ان شاءالله انجيب الثاني .. لان عايش معاي بكل شي .. عسى الله يخليه يارب . . ولا يحرمني منه ..

اي والله بقوله ، بقوله يقعد ينطرني لين اولد ! لايروح ! مع اني ماظن بيقعد ! لأني قبل اقوله روح واذا ولدت بيبلغونك !
وتدرين بولدي ، قعدت 12 ساعة طلق ! دخلني 10 بالليل ومتوقع ان الفجر بيدقون عليه ، ولما جت الساعة 10 الصبح جا المستشفى يسأل عني ، قالوله ماولدت ، قال بدخل عليها ، وانا اسمعه برى ! تخيلي ومن اليوم طلق وعذاب ! والكمام بوطقه ! بس اشوى السسترات جوا سألوني أول شي ! وارفع ايدي وأأشر لألألألألألألألألأ ! راحوا قالوله لأ !
وقعد ساعتين بس الا انا والدة ، ونفس الشي لما دش ، السسترات ملبسيني ومتضبطه ! وعلى ماجابوا الجاهل متسبح ونظيف وملبسينه اللبس اللي جبته !:eh_s(4):
​

لا اهو مايكون مقابلج وقت الفحص والولاده لا شكووو
رفيجتج قصدها يكون متواجد ... مو يقطج ومايرجع الا وانتي والده وخالصه
بالعكس لو يقعد معاج ويسمع صراخج يحن قلبه عليج ..
انا زوجي فبجري كان موجود برا عند غرفة العمليات وكان يسمع كل صراخي كنت اطلق 15 ساعه
تعب نفسيا قعد يبجي على صدر امي ..
والله من طلعت من النفاس واهو يقولي خلاااص مابيج تحملين ..
ولمن اشتاق اني احمل قالي لاتولدين طبيعي سوي عمليه ..
وبولادتي الثانيه والله ماقدر يتحمل انحاش .. وماقدر رجع وانا للحين اطلق قعد عند غرف العمليات من سمعني اصيح
انحاش .. عاد لمن ولدت تقول اختي رحت ادوره لقيته برا واقف بالشارع اللي مقابل المستشفى ..
لا والله الرجال لازم يسمعج ويحسج وانتي تطلقين ..مودخلينه عاد لا خليه قريب يمج ..
اذكر زوج اختي لمن كانت تطلق ماسك ايدها ويبجي حبيبتي انا اااسف ..لوووووول اسف ع شنو ؟؟

أخاف يدخل علي اذا سمع صوتي ! انا مااضمن ردات فعله صراحه ! وبالذات اني ماجربته بهالمواقف !
وانا مو متقبله يدش علي وهم مرفعين رجولي ومتجمعين تحت ! وهو فضولي ! اخاف يروح يطل !!!!!!:krkrkr:
ياويلنا ! لأ ماراح أغامر !​

انا عن نفسي اايد الزوج يكون يم زوجته وقت الولاده اقسم بالله راح يتغير 180درجه انا بكل حمالاتي بالسونار معاي وبالولاده معاي يتعب ويكون سهران ويشوفني اتالم واتعذب لازم يشوف هالشي عشان يعرف انا انا اتعب واشقا واتالم ووووالخ عشان اكون حامل واولد وافرحه بضناه
عرفتي والله انا نسيت الم الولاده وين كان بس زوجي موراضي ينسا احسن والله
حاليا والله اي هوشه حتى لو اكون انا غلطانه تلقينه يراضيني او مايعصب ليش؟؟قالي يمر علي شريط ولادتج وانتي تتالمين وتتعذبين وتدعيلي وتوصيين فتشوفيني اطخ لازم يعرف شكثر انا تعبت وتالمت ووالخ احسن بس عاد مو يطل تحت هههههههههه لا يم راسي يروح ويرد علي ولا لاطلع اقسم بالله من الله ارجفف بالولاده ولا رد ارتاح كلمه وحده اقوله له وفعلا صاجه بهالكلمه قلتله ابيك يمي بالولاده اخاف اموت الا انته اخر واحد تشوفه عيني والمك واشمك واموت واكون موصيتك على بناتي
ولا بعد مصورني كاميرة فيديو وانا اتالم ومع الدكاتره والسسترات بس مو تصوير من تحت لااااااااااااا
والله بين فتره وفتره لما اكون مظايقته يروح يشوفه ومايقولي
انا مع اللي تخلي زوجها يدخل معاها بغرفة الولاده بس هااااااااا مو اي زوج لا اللي قلبه قوي واللي عنده صبر ومايطالعها من تحت لا يم راسها اما الزوج اللي يرجع يطيح غشيان لا هذول اصلن يضحكون هههههههههههه
احسن من اللي يقط زوجته يرد يلقاها والده وخالصه مايحس شكثر تالمت تعذبت ومايدري اشكثر دعتله عادي عنده يكون ليش لان ماشافها تتالم واللي تقول فشله استحي ارد واقولها هذا زوجج وانتوا مع بعض عالحلوه والمره
وسلامتج يالعوبه ياحلو مواضيعج
وعيدج مبارك

فديتك والله ياحلو ردودك الحلوة ،
وزوجك هذا حالة نادرة ، اللي عنده احساس ويقدر ! الله لا يغير عليكم يارب ،
اللي عندنا تناحة الله يحطنا بعافية !​

ان عن نفسي ريلي دخل معاي الولاده ترا في اوقات تحتاج المراة حق ريلها واهيا بهالموقف خليكم من التفهات شكلي وخرابيط ترا الريال اللي يحب مرته يتقبل شكلها وهذا مو وقت تكشخ كلش الحمدالله رياييلنا شايفينا واحنا تارسين عينهم هذا الوقت يفكر بسلامة المولود والام بس ولاحقين على كل شي

هو لو عالشكل الخارجي ، سهالات ! المشكلة البلاوي الثانية اللي ممكن يشوفها !!
فعلا أرف ! أنا عن نفسي كم مرة يقولون لي البنات عندنا فيديو ولادة طبيعية ! وربي أتقزز وأشمئز ومااشوفه !
​

العوبة...كل مرة يشوفج مزيونة ومرتبه...خليه هالمرة يشوف الشوشة والمسكرا السايحة شرايج؟؟؟؟؟ ههههههههه
لا والله لا يدش ولا شي وجودة شبيقدم ولا يأخر...ووقت الولادة الوحدة ما تدري شنو يصير معاها ولا شتقول فماله داعي يدخل من الأساس....
بكل ولاداتي يكون زوجي معاي بكل مراجعة ويشوف السونار ويسولف مع الدكتور عن وضعي حتى مرة ماراح معاي كان عنده ظرف وبعدها شافه الدكتور وزفه وقاله مو عوايدك دايما معاها....ووقت الولادة محد يدري عني غير زوجي أروح بسكاااااااااااات ويتم معاي لين أدش غرفة الولادة تالي يطلع برا ويسمع الصراخ بس و يقرا قرآن ويدعي ودموعه أربع أربع...وعلى ما أطلع إلا هو جدامي ونسوي فلم هندي كالعادة...وهو من نفسه يحب يساعدني بتبديل ملابسي وترتيب نفسي وتالي يبلغ أمي إني ولدت ما نحب نخبصها معانا لأنها لحظات خاصة بين الزوجين...وهو قلبه رهيف ما يتحمل كلش والله يطيح من طوله لو يدش معاي...آنا على ما يوديني المستشفى شوي ويغمى عليه كأنه هو اللي بيولد هالمرة يدش الولادة!!!!!!!!!
يعني الزوج اللي مع زوجته بكل لحظة من اتحمل عارف وشايف معاناتها مايحتاج يدش ويشوف بعيونه كل شي يمكن تلوع جبده من مرته وولده بعد...يعني موحاط في باله إن آدمي بيطلع منها؟؟؟؟
وتبيني أشيل من بالج فكرة دخوله معاج؟؟؟؟ في وحدة دخلت معاها أمها وزوجها...وبحملها الثاني أمها قالت لها لا ادخلين زوجج لأن المرة اللي طافت كان يطلع منج أصوات من كثر التعصر فششششششششششششششششله.......

اي مراجعات السونار يدش معاي ، وعادي ، بس الولادة والفحص وهالسوالف لأ !
وعجبتني فكرة انه ينطرني لين اولد ! عالاقل يحس ان الساعات طويلة !!
وأما سالفة اتطلعين اصوات !!!! عاد هذي صدق قصة وجه وفضيحة !!!
تسلمين يالغلا ،​

 

[كـ غلا ــلي]

انا من رايي ما فيها شي يدخل غرفه الولاده هالشي يخليه يصير حنون وينكسر خاطره عليج بسرعه

بالنسبه لي انا دخلته لاني تميت اطلق صناعي 12 ساعه وكان معاي شافني اشلون اتعذب ووجوده

عطاني دعم عاطفي وقعد يصبرني ويسمي علي بس حزه نزله الراس اهنيه طلعته من غرفه الولاده

 

[لوازم العائلة]

رد : شرايكم ؟؟

اقول خليه وقت الطلق
ووقت الولاده
اوت

 

[لحظة شوق]

ياحظي شنو يشوف

المنظر الخلاب

لا كلش ما أييد

شفايدة دخوله تولدين وتكسرين خاطرة وتالي يحن يبيج تحملين

كلش ما أييد

رفيجتي دخل معاها وتقول يوم ولدت جبدة لاعت

حتى كسر فيها يقول لوعتي جبدي ماتسوى عليها والله

 

[_Pure_]

انا زوجي فولادتي الاولى كان معاي بكل مراجعات الدكتوره و كل سونار
و بالولاده معاي من اول لي اخر لحظه و شاف كلشي
مع انه كان واقف عند راسي بس يقول شاف الدكتوره و اهي تخيطني من تحت
و يقول ان كان منظر يخرع و ما يبي يشوفه مرة ثانيه و قص الحبل السري مال بنتي بس يقول لاعت جبدة من منظر المخاط و الدم و مايبي يعيد التجربه تجربة قص الحبل السري


المهم
هذا الحجي توني ادري عنه بعد 3 سنين!!
لاني قلتله ابيك تكون معاي لآخر لحظة و تقص الحبل السري و اهو رفض ان يكون موجود لاخر لحظة

بس وجوده معاي وقت الطلق مهم جداااااااا جدااااااااا اهم من وجود امي
و راح يدش معاي ان شاءالله لان لازم لازم يشوفتي و انا اتعذب ضروووووري
والله يسهل عليي و على كل حامل

 

[.،:"$الـعـوبــــة$":،.]

رد : شرايكم ؟؟

انا ولد عمي طلق مرته لان شافها بوقت الولادة و عاافها مع ان البنت تطيح الطير من السمااااااا

انا ريلي يقول انسي ادش معاج لان ما يحب يشوف هالوضع

؟؟؟؟؟؟؟؟؟؟؟؟؟؟؟؟؟؟؟؟
موخوش سالفة ياويله من الله ! طلقها مرة وحدة ! هذا وهي تطلق بضناه !!!!!
نفس زوجي لما اضحك معاه واقوله اشرايك تدخل معاي ! يقول انسي !
انا مهمتي ادخلك لي غرفتك بعدين ماتشوفين شر !​

هلا العوبه ايامج سعيده وانتي بخير
تصدقين مافكرت فيها مادري اذا تبين الصج اذا ابي احد
معاي يدخل ابي امي تكون معاي

آمين أجمعين يالغلا ،
لا لا لا ! انا لما هه بغيت هه افكر ان احد يدخل معاي ، ابي زوجي عشان يحس بمعاناتي وماينشب لي عقب كم شهر بسالفة الحمال ! يعني يشوف تعب الولادة والطلق !!!! وللحين اصلا مو مقتنعة بهالفكرة بعد !
تبيني ادخل خواتي والا مدري منو !
لأ مااحب ،
وعسى الله يهون عليك يارب ،​

انا مو مع انه يدخل معاي الولاده
طبعا مو علشان شكلي
لأ
اخر شي افكر فيه الشكل
بس انا اعرف ريلي قلبه رهيف مايقدر يشوفني اتعذب
وطبعا كل وحده حسب شخصية ريلها و طريقة تعامله معاها
اللي تبي تحنن قلبه تخليه يدخل واللي من الاساس قلبه حنون و رهيف الحمدلله
مو محتاجه بعد
ادري هذرت وايد بس الموضوع شدني

لا لو زوجي يدخل معاي ماظن بكل سهولة بيتأثر ،
وللحين محتارة !​

 

[.،:"$الـعـوبــــة$":،.]

رد : شرايكم ؟؟

انا من رايي ما فيها شي يدخل غرفه الولاده هالشي يخليه يصير حنون وينكسر خاطره عليج بسرعه

بالنسبه لي انا دخلته لاني تميت اطلق صناعي 12 ساعه وكان معاي شافني اشلون اتعذب ووجوده

عطاني دعم عاطفي وقعد يصبرني ويسمي علي بس حزه نزله الراس اهنيه طلعته من غرفه الولاده

اي هذا اللي ودي فيه ، انه يشوف معاناتي بعينه ! مو كل ماولدت دش علي لابسة ومرتبة ومافيني شي !!!!
​

اقول خليه وقت الطلق
ووقت الولاده
اوت

والله ودي ! ودي اتنح له هالمرة وامسكه غصب وياي !!!!
مع اني والله انا اللي دايم اطرده ! واقوله خلاص لا تقعد عندي روح !​

ياحظي شنو يشوف
المنظر الخلاب
لا كلش ما أييد
شفايدة دخوله تولدين وتكسرين خاطرة وتالي يحن يبيج تحملين
كلش ما أييد
رفيجتي دخل معاها وتقول يوم ولدت جبدة لاعت
حتى كسر فيها يقول لوعتي جبدي ماتسوى عليها والله

اي والله كسره !! وودي فعلا عالاقل يقدر ، ويسكت عني لو سنتين مايحن ويطلع عيني !!
يمكن على قولة البنات ، بس حزة الطلق ، والولادة اقضبه الباب !
​

انا زوجي فولادتي الاولى كان معاي بكل مراجعات الدكتوره و كل سونار
و بالولاده معاي من اول لي اخر لحظه و شاف كلشي
مع انه كان واقف عند راسي بس يقول شاف الدكتوره و اهي تخيطني من تحت
و يقول ان كان منظر يخرع و ما يبي يشوفه مرة ثانيه و قص الحبل السري مال بنتي بس يقول لاعت جبدة من منظر المخاط و الدم و مايبي يعيد التجربه تجربة قص الحبل السري

المهم
هذا الحجي توني ادري عنه بعد 3 سنين!!
لاني قلتله ابيك تكون معاي لآخر لحظة و تقص الحبل السري و اهو رفض ان يكون موجود لاخر لحظة

بس وجوده معاي وقت الطلق مهم جداااااااا جدااااااااا اهم من وجود امي
و راح يدش معاي ان شاءالله لان لازم لازم يشوفتي و انا اتعذب ضروووووري
والله يسهل عليي و على كل حامل

لا عاد والله انك بايعتها ! يشوفني وانا اتخيط ! لا ويقص الحبل السري بعد !!
لا يع ومالومه !!
انا بس ابيه يشوف حالتي حزة الطلق بسسسسسسسسسسسس
وكل قصدي انه يحس فيني لو شوي !!
وعسى الله يهون علي وعليك يارب ،​

 

[بدوية بملامح كشميرية 86]

نصيحتى لج لايدش فشله وشكلج بيكون غلط وانتى تصارخين وتشدين

لا لا يمااااااااااااااااااااااااااااا مستحيل اتخيل زوجى يشوووووفنى جذى

 

[اشتياق]

اهلين ياقلبي وانتي بخير وصحة وسلامة

ودي اعرف شنو الحكمه لي دش؟؟

يعرف الولاده تعب بعد شحقه !

انا عن نفسي ماتحمل وقت العوار يمكن اسبه واطرده خخخخخخخخخخ

 

[احب المنتدى]

رد : شرايكم ؟؟

مستحيل يدخل لي الولاده

شوفي يوديني المستشفى و يقعد معاي بالغرفه ئي بس الولاده لا
مجنووووووووووووووونه ادخله معاي

 

[ملكه الحطب]

انا مو مع انه يدش يكون معاها بالمستشفى ايي يسمعها ويكون معاها بالطلوق ايييييي بس بالولاده قوووووووووووووووويه يييييييييييييع

انا اقوله الحين حط ايدك شوفه اشلون يتحرك يقولي لااااااا ماحب ماادري اشلون مايحب كلش

ومره قلت له اوريك البيبي اول مايطلع ع اليوتيوب يقولي لااااااا وييييييييييييييييع اذا يقولي حتى ماراح ااذن في اذنه بخلي ابوي او ابوج اول شي ينقرف اللي عندي حده مع انه بالسونار يكون معاي

 

[فلة قطر]

انا أأيد انه يكون معاي بالمستشفى بس برا الغرفه ينطر برا

مب شي يكون داخل الغرفه هههههه

 

[توته سعوديه]

اتمنى يدخل معي
انا بكر
وابيه يحس فيني وانا اتالم
بس هو بديره وانا بديره حاليا يعني مالي امل

 

[مس لوتس]

على حسب نفسيه الزوج

 

[نورهـ]

لا والله شبي فيه انا لايعه كبدي من نفسي بعد هو يدددش لاااااااااااا

كفايه عليه صراخ السياره من البيت للمستشفى وصياح الفحص وهو عند الباب ههههههههههههههه

وتعب الحمل بكبره حزين منه يعني كفايه عليه خخخخخخخ

الله يهون علينا ياااارب

 

[أحلى الألماس]

الاحسن انه يدش في البدايه ويشوفج تتألمين
بس وقت الصجيه والولاده الفعليه لا والف لااااا
لانه راح يشوف شي مايسروتلوع جبده منج

 

[.،:"$الـعـوبــــة$":،.]

رد : شرايكم ؟؟

​

 

[^الاسود يعبر^]

انا اتفق مع اهات الليل بكلامها

بس بعرف شكو اذا الريال دخل مع مرته يطلقها

الحمدالله والشكر شنو هالعقليه