شرايكم ان نسوي تجمع حق محبات طلعات البر

[ألوان الطيف]

السلام عليكم ورحمة الله وبركاته معاكم اختكم- بنتكم ألوان الطيف ( طيوفة )<< أحلى

انا وااااااايد استانس على يمعة البر والقعدة على الشبوب والوناسه والألعاب اللي تطلع عفوية منا مثل ولا كلمة وتلفون خربان والقصة اللي نكملها فشرايكم نفتح خياااامنا ونطل على بعض _03BA::ggdw:عااااشوا وكل من يقول لنا سوالف البر واحسن اماكن اللبس المريح والعدة والسلال وما إلى ذلك من أمور ويا ليت لو يدعم الموضوع بالصور والفناتق


هالله هالله بالمشاااااركات الفعالة ترى انا ما احط مواضيع إلا بالسنة حسنة:tek:فشجعوووني بنات خالتي سباجة وتفاخية اللي امتعتينا بالشواي ورنين و:tek: وقهوة فرنسية ملح الدنيا اخيتي حياااااكم الله وبحاول قد ما اقدر احط لكم صور حلوة :ada:

ابي موقع تحميل زين الله يعافيكم



ولكم المايك يا حبايب قلبي

:klhfl:

 

[tolay]

اتوقع اغلبنا نحب البر

البر حلووو وتغير جو واحلى شي فيه نتمشى بالظلمه وهدوووووء وكل وحده تقول لنا سالفه والمشكله سوالف البر عجييييبه يعني قصص وجرايم ههههههه

وغير البقيات شي عجيييييييب

والبر كسر روتين ملل الزواره كل اسبوع بنفس البيت

 

[ألوان الطيف]

اي والله صاجة حدده ملل تغير من قلب تسلمين على المشاركة:ggdw:

 

[اتكيت]

يعطيج العافيه ياقلبي موضوع راائع ولي عوده مدعمه بالصور

 

[ألوان الطيف]

اتكيت والله انتي الروعه تسلمين انطر عودتج ان شاء الله

 

[& حبات اللولو &]

ااااااااااام البر جتكم وهبت الرريح يالله وياكم
بس عفيه قولولي شلون انزل صور والله ماعرف
بروووووح برد بعد شوي ان شالله مايعلق
لأن طفارتي لعلق المنتدى لووووووول
خوش فكره

 

[عتيبيه ناعمه]

شحلات موضوعج ألوان الطيف عاد انا غرامى البر




واحلى شي فيه شبت النار بالليل بعد ما نطفى الماطور وتحلى سوالف التخرع :dddds:




ولا البقيات بالليل عشان ما في احد يشوفونا بنطلون جنز وبالطو طويل وشماغ ومنو يوصل المخيم قبل :ggdw:




وفى شي مهم ما يحلى البر الا فيه البرتقال الافندى ناكله ونتحاذف بالقشر :tomato2:




وطبعا الحلويات والحلو لزوم القهوه والجاى




واذا جا مطر بالليل وصار يطق على الخيمه يما شحلاته


مو شكلى اندمجت بالموضوع اشتقت للبر متى تجى العطله

 

[& حبات اللولو &]

حيالله العتيبيه
عفيه ساعديني شلون انزل صور تراني احتريت من صورج خخخخ

 

[الـديـمـة]

حلوة سوالف البر

وما ينمل منها...أحب أجواء المطر..والنهار في البر حده عجيب...


ألوان الطيف موضوعج وايد حلووو


وان شاء الله لي عوده ثانيه له

 

[جنات الورد]

موضوعج حلووووووووووووو

بس انا مااحب البر ماادري ليش

 

[عتيبيه ناعمه]

حيالله العتيبيه
عفيه ساعديني شلون انزل صور تراني احتريت من صورج خخخخ

حبات اللولو كنت طالعه وقريت ردج قبل التعديل وخذتنى الحميه


شوفي يالغلا سيفي الصور اللي تبين يعنى كليك يمين وحفظ وبعدين ادخلى الموقع اللي بحطه لج واضغطى على كلمة Browse ويطلع لج مربع الصور مالج اختارى الصوره اللي تبين اضغطى عليها وبعدين كلمة open تحت هم اضغطى عليها يصير عنوان الصوره بالموقع انزلى تحت واضغطى على رفع الملفات تطلع لج الصوره ويمها تحت نسخ الكود لوضعه بالمنتدى سوى له كوبي وتعالى حطيه اهنى بالموضوع حلو الكلام


واذا ما عرفتى ارسلي لي


وهذا الموقع

http://up.qatarw.com/

 

[L A W E R]

ياااويييل قلبي .. يالبى البر يانااس .. والله اني انطر كل ويك اند على نار عشان نروح المخيم ..

الله شعور مو طبيعي وانتي طالعه من الكليه يوم الخميس .. واهلج ينطرونج بالبيت عشان تروحون المخيم ..

طبعا قبلها بيوم مجهزه العده ككاويات وحب شمسي وخرابيط ..

ونمشي المخيم والجو خيااال وغدانا ويانا .. نتغدى هناك وبعدها وين البقيات هههههههه ..

ونتمشى ونلعب بلاي ستيشن لحد وقت العشا .. نتعشى وبعدها تبلش السوالف عاد .. وهذي سوت وذي حطت ويا نعنبا فلانه وياكرهي كرهاااه هههههههههه .. ومثل ماقلتي نلعب ولا كلمه .. مخترع هاللعبه بينتحر بسبتنا حللناها ههههههههههه .. وبالليل والكل نايم نقعد بخيمتنا وتبلش سوالف الرعب والتأليف ههههههههههههه .. والله متحسفه ان هالويك اند خلص بس مو مشكله هانت باقي 4 ايام عالويك اند الجاي ههههههه ..

يعطيكم العافيه عالموضوع ولي عوده مع الصور ..

 

[& حبات اللولو &]

حبات اللولو كنت طالعه وقريت ردج قبل التعديل وخذتنى الحميه


شوفي يالغلا سيفي الصور اللي تبين يعنى كليك يمين وحفظ وبعدين ادخلى الموقع اللي بحطه لج واضغطى على كلمة Browse ويطلع لج مربع الصور مالج اختارى الصوره اللي تبين اضغطى عليها وبعدين كلمة open تحت هم اضغطى عليها يصير عنوان الصوره بالموقع انزلى تحت واضغطى على رفع الملفات تطلع لج الصوره ويمها تحت نسخ الكود لوضعه بالمنتدى سوى له كوبي وتعالى حطيه اهنى بالموضوع حلو الكلام


واذا ما عرفتى ارسلي لي


وهذا الموقع

http://up.qatarw.com/

اوكييييييييييييه:eh_s(6):
بحمل الصور واشوف
يسلموووووووو

 

[& حبات اللولو &]

سويتها ماظبط معاي سويت حفظ الصوره ودخلت الموقع وضغط على استعراض
وبعدين تبطلنة النافذه حقة صور وضغفط على الصوره وبعدين فتح بعدين رحت ورفعت الملفات
وطلعلي اربع مربعات مكتوب عليها نسخ الرابط الصوره المصغره ونسخ الصوره في الهوتميل
ونسخ ووضع الرابط على المنتدى ماطلعلي كود عشان انسخ

 

[اتكيت]

باااااااااااااااااااااااك

انا بحط صور وانتم من الصور بتفهمون هههههههههههههههههههههههههههههههههه مااعرف اعلق

هذي فرشه البر شاري نفسها رفيج اخوي من السعوديه تجنن

تسوَقوا ههههههههههههههههههههههههههههههههههههه

 

[اتكيت]

هذي حركه حلوه منها فرشه ومسند وداخلها مثل الدرج تحطين فيها اغراضج فيه منها بالكويت بس خل اتاكد من وين لاني انا بشتري وحده وموصيه ناس عليها

هذي صور حق شنو تاخذون معاكم واشلون تضبطون قعدتكم ومكانكم انتظروني بالجزء الثاني خاص باكلات البر والشوي
اتمنى عجبتكم الصور واكرر شكري لصاحبه الموضوع فديتها والله

 

[ياحظي]

واااااااااااااااااااااااااي بمووووووووووووووووووت آنا
ابي منهم حق الاستراحه
البر اخاف يجينا غبار ولا مطر ونغرق ولا هوا ونطير احنا وخيامنا خخخخخخخخخ
لا استراحه وبوسطها خيمه ودوة وسدو كافي هههههههههههه
عاشوا الحبايب

 

[اتكيت]

اكله بريه

هذي التجهيزات والاستعدادات

هذي الفحم مولعين عليه قبل كل شي

بعدين جابوا صحون قصدير وحطوا عليها اول شي بطاطس بعدين بصل وطماط وكوسه وثم البهارات والملح والفلفل الاسود ومعجون الطماطم

وهنا تجهيز الدجاج عشان يحطونه فوق اللي قبل شوي حطيناهم

وهنا وهي في القصدير

ثم نغطيها بالغطا بعدين القصدير

والحين جا دور الفحم نحط القصدير على الفحم وتراهم كثيريثن عشان كذا القصادير واجد صارت

واخيرن طلعت من الفحم وزانت شوفوها تدخن بعد

والمرقه يقول عليها طعم

واخيرن انتهيت​

 

[اتكيت]

نحط الصاج على على الجمر ويوضع تحته قطعه خشب ( ممكن على الفرن )

مقادير العجينه :


الكميــة مفتوحـــه ( )



1- دقيق


2- ملح


3- ماء



الطريقة :


1- تعجن العجينه وتكون سائله


2- إذا حمى الصاج تنصب العجينه عليه



ملاحظة :- ممكن تسوي خبيزات صغار أو خبزة كبيرة على قد الصاج نصب عجينة بالكمية الي نبي.



بعد ما نخلص ندهن الخبز بالسمن البلدي أو العسل

ااااايـــه الحين جاء وقت شاى الجمر ( تلقيمه ) له طعم مختلف يعنى تقدر تقول انك لرجعت البيت بتعاف الشاهي مره

اترك الماء يغلى ثم حط السكر والشاى

 

[اتكيت]

كبسه غير شكل *8

اول شي يتم تحضير الخضار

التقطيع شرايح مثل ما بالصورة

بعدين نجي لتبهير الدجاج
اولا : نعصر ليمونة على الدجاج .
ثانيا : نضع الكركم < -- العصفر
ثالثا : نضع الزبادي
رابعا: نخلط المزيج على الدجاج باستخدام الملاعق

بعدها نكون مجهزين قصدير ملفوف ومغلق من ثلاث جهات
يدهن القصديير بزيت الزيتون
ثم يصف الطماط
ويوضع الرز ووالدجاج وباقي الخضروات

قبل لا تنتهي تعبئة القصدير لازم يكون الحطب مجمر صح
ومولع قبلها بفترة

اذا تقفيلك للقصدير صح
فتراه بينتفخ زي الي في الصورة

وبعد ساعة الا ربع أو ساعة على حسب جمرك
تطلع القصدير من النار وبالهنا والشفاء

واذا نسيتوا تجيبون الصحن هذي فكره حلوه *4

​

وهذي طريقه طبخه الاندومي بالبر

*4​