شوفي يا الغالية
بالنسبة لي ,,
أحيانًا ما ألوم العضوات على الهجوم و العصبية و انقلاب الموضوع إلى حلبة مصارعة
و السبب إن الأخت آللي منزلة الموضوع فيها جرأة و تجاوز على المبادئ و الأخلاق
أنـا ما أتكلم عن البنت آللي سووت غلط و تبي نصيحة و توجيه
أنا أتكلم عن البنت آللي مسووية غلط و مصرة عليه و ما تتقبل نصيحة من أحد
و جاية تجاهر و تتفاخر بمعصيتها و منزلة الموضوع كامل عشان البنات يشوفون سواتها آللي تشرف ( هذا من وجهة نظرها طبعًا ) !!
بهالحالة ما ألوم البنات لو مسحن فيها ,, هي آللي حدتهن على الشي هذا ,,
هذي نقطة ,, النقطة الثانية ,,
فيه بنات يعصبون في الردود و يهاوشن ,, بس هوشة عن هوشة تفرق = )
فيه هوشة تحسينها نابعة من قلب أخت ناصحة تغار على أختها المسلمة ,, نابعة من قلب أخت محبة للناس و تبي الخير بس ما خدمها الأسلوب
فلازم ما نسمح للشيطان إنوهـ يدخل فيما بيننا و يثيرنا على بعض و يشككنا في نوايا الأخت الناصحة و يعزز الظنون السّيئة في أذهاننا
ما ينبغي لنا التركيز على القشور و ترك اللب ! ركزي على لب الرد أو الموضوع و افهمي الأخت وش قصدها ؟ ( نصيحة )
خلاص ركزي على النصيحة و خوذيها و استفيدي منها ,, أما الأسلوب لا تركزين عليه و تجاهليه تمامًا
يا ليت نطبق في تعاملنا مع الناس مبدأ ( المائدة الفكرية ) .. و هالمبدأ يتلخص في مقال مبسط قرأته قبل سنتين في أحد المنتديات
و راح أشرحه بأسلوبي :
لما تروحين عرس تلاقين بوفيه مفتوح ,, و تشيلين معك صحن و تمرين عند أصناف من الأطعمة
هل تآخذينها كلها ؟ لا طبعًا ! و إنما تنتقين منها ما يناسبك و يتفق و ذائقتك !
الشي آللي يناسب ذوقك هو آللي تاخذينه ,, و آللي ما يناسبك تتركينه ,,
قد شفتِ بحياتك هوشة صارت على بوفيه مفتوح ؟
قد شفتِ واحد يتهاوش مع النادل و يقول له : هيييييييي أنت هيييييييييي وشوله حاط كريم كراميل أو ليه حاط كذا و كذا ؟
لا ما شفتِ ,, صح ؟
لأن بديهيًا فيه أكلات ثانية ,, بحيث لو ما أعجبتك الأكلة الفلانية ففيه مليون غيرها ,,
و تقدرين تختارين من الأكل آللي يناسبك من دون لا تسووين شوشرة أو مشاكل مع الناس !
لو نطبق هالشي مع المواضيع ( بحيث إننا ننتقي منها ما يخدمنا و يفيدنا و يناسبنا )
و نغض الطرف عن آللي ما يفيدنا راح نكون بخير و بالتأكيد راح تقل نسبة الهوشات و المشاحنات ( آللي على غير سنع ) !
لكن لا ينفهم من كلامي إننا نترك النصيحة أو التنبيه على خطأ صدر من العضوة صاحبة الموضوع أو الرد من باب إننا إننا نغض الطرف عن أغلاط غيرنا حتى ما تصير مشاكل !
لا و ألف لا بل لا بد من تفعيل مبدأ النصيحة و ترسيخها في جميع معاملاتنا شريطة أن تكون نابعة من قلب محب صادق غيور و مخلص
و متى ما كانت النية منزّهة عن أغراض الدنيا و حب الظهور كان لقرارها رسوخًا في أذهان و عقول العالمين ..
بارك الله فيك
احترامي و تقديري
ترانيم القصيم
