شرايكم بالاقتراح ..

[Beverly Hills]

السلام عليكم
شلوونكم حبايبي

عندي اقتراح بسيط
الي اهو
اذا عضوه حطت موضوع ياليت يحطون لها امكانية حذف الردود المو زينه مو بس المشرفات فاهمين علي
يعني محد يقدر يحذف شي من موضوع الا صاحبته
لاني وايد اشوف هوشات اكثرت
وردود تجرح صاحبته وتفشلها عند العضوات عرفتوا
ودي احط استطلاع بس مادري اذا يضبط ولالا

-----
وشي ثاني برى الموضوع ..
بلييييز لاتردون على المنحرف اللي يحط مواضيع صور وفلاش جنسيه عشان ماتبردون جبده وترفعون له موضوع
كله فايروسات

ويعطيكم العافيه

 

[Stylista_Q8]

مادري احس بيصير لووويه :×

يعني في بنات ياخذون رايناا ولما يكون راينا ما يعجبهم يقوومون يعصبون ..الخ

فاذا سووا هالشي بتمسح ردي وبتخلي لردود اللي تعجبهـآاا يعني مادري احس مو شي

وهالشي راجع للاداره فليش ما تحطين هالاقتراح بقسم الاقتراحات او إدزينه لـ بنت الكويـت ^^

 

[Beverly Hills]

يعطيج العافيه عالمرور
وانا ماظنتي كل عضوه بتحذف كل شي مو زين ولو احذفت يبين انها حاذفه
ممكن قلييييييييل اللي تحذف
هذا الاقتراح ماحبيت انزله هناك قلت بشوف شرايكم وبس

 

[أبله^زوزو]

انا اوافق لو العضوة كانت ناضجه وفي حال غياب المشرفه تقدر تاخذ قرار بديل لها .
لكن المشكله لو العضوة غير ناضجه بتحط الردود الي تعجبها والبقيه في اعداد الوفيات!!

 

[Beverly Hills]

مشكوره عالمرور

 

[جوزائيه مغروره]

انا ما اايد

لانه بجذي ماراح نعرف منو من البنات الزينه ومنو الشينه

وماراح يدرون الاداره

 

[تنـــاســـانــي]

والله جان زين ،، لان في بنات اسلوبهم ينرفز صراحه ،، جنها داشه ركن النجره و الهواش مو ركن المناقشات الجاده ،،

و على اشياء صغيره يصكونها هوشه و ينحذف الموضوع ،، حرام

انا بعد ودي محد يرد عليه ،، لانه قاعدين يرفعوله الموضوع ،،

مشكووره خيتوو

 

[ابداع كويتيه]

فعلا آنا لاحظت كثرة الهواش على أتفه الأسباب

عيييييييب بنات

لاحظوا الحين أي وحده تكتب موضوع سواء كويتيه سعوديه إماراتيه بحرينيه
لو موضوع لعبه مثلا أو طبخه :dddds:لااااازم يكتبون ( بس بنات من غير هواش أو من غير الردود الجارحه )
أمبييييه يعني الناس ملاحظه إنا كل موضوع نقلبه نجره

آنا أؤيد ولكن لو العضوه مره ثبت عليها إنها تحذف ردود الراقيه ولكنها تخالفها بالرأي
تنسحب منها خاصية مسح الردود


وجااااان زين نقدر نمسح مواضيع بعد عشان نمسح مواضيع هالمتخلف مره وحده
لأن ملاحظه يقعد الموضوع ساعتين ياااالله ينمسح

 

[Tutti-Frutti]

امـمـمـمـمـمـمـمـم لا انـا مـا اوافـقـج بـهـالاقـتـراح

لانـه راح يـصــيـر خـرابـيـط

ويـمـكـن صـاحـبـه الـموضـوع تـحذف الـلـي مـا يـعـجـبـهـا .. حـتـى لـو مـاكـان فـيـه تـجـريـح او اسـاءه .. بـس لانـه الـرد مـا دش مـزاجـهـا
وتـخـلـي الـلـي يـعـجـبـهـا ويـرفـع لـهـا مـوضـوعـهـا

فـأحـسـن نـخـلـي قـرار الـحـذف بـيـد الـمـشـرفـات بـس .. لانـه اهـمـه الـمـسـؤولات

تـقـبـلـي رايـي :eh_s(6):

 

[Beverly Hills]

مشكورين عالمرور
--
صار في تعادل

 

[موت وميلاد]

لا اكيييد ما ايد

الي بتحط موضوع لازم تتقبل كل الاراء

واذا رد في قلة ادب اكيد المشرفات بيحذفونه

ترى احنا بالكويت دولة الديموقراطيه خلونا نتكلم ونقول راينا بصراحه

 

[::: بنت جابر الخير :::]

ما أؤيد :tomato2:

 

[قدساويه مصرقعه]

ما ايد لانه جذي مو قاعده تتقبل اراء العضوات

 

[راحيل العبدلي]

..

مرحبــا بالديــموقراطيه .. : )

ما أؤيد كلش ..

خل نشوف المستوى الفكري لـ الطـرف الآخـر ..

.

 

[@البتووول@]

ما أايد شالفايده حاطه موضوع وتحذف الردود!!!!

والردود اللي موزينه تنحذف من قبل الإشراف أحسن...

 

[انامل الفضة]

الراي والراي الاخر​

 

[كوكب الدرر]

وانا أقول ممكن إن صاحبة الموضوع إذا شافت رد مو زين تطلب من المشرفة تحذفه حقها
ونقصد بالرد المو زين اللي يكون فيه تجريح أو يسوي فتنه
والمشرفة تشوف إذا فعلا يحتاج لحذف تحذفه
وبهالطريقة نضمن إن مو كل شي ينحذف