شرايكم بالخطوط الكويتيه حق أمريكا؟

[ام الشيخه]

هاي بنات

شلونكم

شرايكم بالخطوط الكويتيه على الدرجه السياحيه حق أمريكا؟

احنا مظطرين لانها فري من جامعه الكويت وعندي عندي بيبي بعمر السنه وشهرين

عندهم كرسي واكل خاص للأطفال ؟؟ وفي شاشات لكل كرسي ؟

وشكراااااااااااااااااااااااااااااااااااااااااااااااااااااااااا

 

[keeka]

صراحه وعن تجربه لمسافات طويله ما انصح فيها كلش لان كراسيها مو مريحه السياحيه الا اذا دفعتو الفرقيه ورحتو بزنس اوكي

 

[زيـنـه]

الكويتيه لو فري ما انصح فيها .. روحي على طيران ثاني و بفلوسج اشتري راحتج
و انصحج بالاماراتيه .. صج خدمه و اهتمام .
الكراسي مريحه و الوجبات لذيذه .. و اليهال لهم وجبات خاصه و تتوزع قبل الناس .. و خدمات الطياره ممتازه .. الشاشه شغاله و فيها برامج و افلام خاصه لليهال .. و الحمامات نظيفه دوم .

انصح فيها .

بس الكويتيه .. لا و الف لا !

 

[marine girl]

وييييييييييييييييييييييييييييييييييييييييييييييييييييييييييييع كلها هنود ومحد محرك لاين الكويتيه غيرهم ديري بالج ترا والله تندميييييييييييييييييييييييييييييييييييييييييييييييين

 

[أمواج البحر]

لا يبا ابداااا موشي واذا تبين دفعي فرق الفلوس و روحي على البيزنس

بس على السياحيه كلش ما انصحج فيها لا خدمه و لا راحة

ومثل ماقالت زينه روحي على الاماراتيه صج راااحه

 

[ام الشيخه]

شكرا بنات لا يبى مالي داعي الكويتيه نحجز بروحنا وايد أحسن

 

[شندوخه]

لا مستحيل اسافر لامريكا عالسياحيه والله انتحار اذا تبين الاولى وتتعبين بعد فاشلون السياحيه
ترى الاماراتيه حلووه وكراسيها مرييييحه

 

[Dalo3a in Texas]

والله صراحه احنا دايم عليها بس كله بزنس بس والله مراات التلفزيون مايشتغل تخيلي 12 ساعه طيران

وانصدمت انه عند السياحيه مرات شغال والمشكله كله هنوووووووووووود تلوع الجبد

وبالنسبه للهنود اخذي وخلي الله يعينكم سدي خشمج اول ماتدشين

 

[rawona]

حبيبتي انا عندي بعد تذاكر فري على الكويتيه وكنت اسافر فيها يوم كنت طالبه قبل لا اتزوج وكنت كله على الفيرست كلاس وهم ما سلمت من الهنود ولا المعامله الشينه وياوييييلييييييييييييييييييييي على التأخير مو شي

عطي عمرج العافيه وسافري على اي طيران ثاني مريح لج ولعايلتج .. سمعت من البنات ان الاماراتيه عجيبه ودي انصحج باليونايتد الامريكيه بس ما تنفعج ليش عندج بيبي ومايعطون للبيبي سرير او وجبه خاصه فما تصلح لكم ..

موفقه انشالله
:tek:​

 

[ام الشيخه]

شكرا ياقلبي على الردود

الله يعينا على المصاريف مو حاطين هالشي فبالنا

 

[انا كويتية]

امريكا على طول البريتش ايرويز مايبيله تفكير... والحين بعد صاروا احسن من قبل 100 مرة .. الكراسي مريحة والترفيه ممتاز اقصد الأفلام والوجبات 6ستارز

 

[ياشايل الظبى]

سافرى على الاماراتيه

او على اللوفت هنزا ... وايد احسن من الكويتيه

 

[دمـوع الشـموع]

اذا انتي فري حرام تدفعين تذكره ثانيه
ادفعي الفرق بس وخوذي دلرجه اولى
انا بصراحه ماجربت الخطوط الكويتيه
لكن خوذيها قاعده سفرات طويلهاكثر من 5 ساعات
احسن شي الاماراتيه انا جربتها لامريكا
مره حلوه وكراسيها حق طيارات الرحلات الطويله مريحه بالمره بالنسبه للسياحيه عاد اذا تاخين بزنس عاد انواع التسدح سرير وحركات
وتلفزيونات وناسه
ويمدحون القطريه بعد صايره تنافس الاماراتيه واشوف اعلاناتهم بمطار واشنطون

 

[ام الشيخه]

شكرااااااااااااااااا بنات ماقصرتوا على الردود ويارب يقوم حظ الخطوط الكويتيه ويعدلونها مع الايام..أقصد السنين

 

[موزة ام فارس]

الا الكويتية لاتقربونها تسد النفس :cxxxp:


استغفر الله يارب

 

[Venice]

نصيحة من القلب لا يحوشك الكويتية البريتش او الاماراتية لكن افضل البريتش انا قعدت 3 ايام في لندن تالي رحنا امريكا

 

[غيـ الناس ـر]

اذا وجدت اللوفتانزا مالت المانيا انصحج فيها

الكويتيه لا يحوشج


رحت الامارات فيها وتحسفت

 

[بنت البحر]

لو تروحين على ارده طيران هم احسن من الكويتيه انا سالفتي قديمه حيل انا راده من علاج مسويه عمليه حق ولدي براسه وحده معدته وعمره 3شهور وخبرناهم عند الكاونتر ومحطونه جدام على شان الكرسي وما حطونه وريلي سوى صيحه ومخلها الطياره تطير فضحنا ليمن كويتي جزاه الله الف خير بدل معاي

 

[ام الشيخه]

ياااااااااااااسااااااااااااتر امبيييييييه الله يعينا ليش خطوطنا جذيه؟ والله حرام المفروض عندنا أحسن طيران مو الأردى

مشكووووورين بنات وماقصرتوا

 

[tofy]

إذا الموظف مال الحجز حط يم حجزكم ركوست فيرست رو

فالموظف مال البوردنق يحطكم جدام بكل الرحلات

انا جذي اسوي وبكل الرحلات لنا الاولية نقعد بالفيرست رو


وبالنسبة حق الكويتية مو ذال الزود بس ريحي بلندن وعقب كملي من الكويت لي لندن 6 ساعات ومن لندن لي نيويورك

6 ساعات