شرايكم باللي تدق رنه وتسكرنه ؟؟؟

[SaN3aaa]

خوش موضوع يعطيج العافيه

انا عندي وحده من رفيجاتي كله دق رنه علي وسكره وادق عليها عادي اقول يمكن صج ما عندها رصيد

بس وايد اسويها وكل ما اسالها تقول ما عندي رصيد

عاد انا قطيتها بويهااا بس علي انا ما عندج رصيد اشدعوااااااااا

ومشكله اذا تبي مني شي بتسال عن شي ادق علي لين ارد اقولها زين صار عندج رصيد اثاري مو داقه تسال عني تسال عن

عطر او شي اهي تبيه وانا صراحه ما احب هنوعيه معنها بنت خير ونعمه ومتوظفه ومو متزوجه فاستغرب منها بصراحه

وبعدين قمت اسكبها لاني ما احب هالنظام انا حلات الواحد نفس ما يقدرج تقدرينه

 

[واشوقاه]

اييي مااحب الي تسووي الحركه هذي ..

بس ساعات اذا كنت بيتنا ووحده دقت اصكره بوجهاا وادق عليهاا من البيت ..

بس مثل ماقالوا البنات اذا امون عليها عادي ..

 

[pure heart]

فيه بنات يسوون هالحركه معاي ولما ادق عليهم يقولون مانبي شي بس دقة سلام .....بس بوضح لج انج على بالي حزتها......واما هالحركه بايخه الا مع الناس اللي تمونين عليهم اظن عادي......

 

[نـ(المطيري)ـازكـ]

ههههههههههه سوالفكم ضحكتني ..

بس اذا كانت الوحدة مو موظفة ومجبورة انها تدق دقة وتسدة ترى مافيها شي ..

يمكن ماعندها الا 50 فلس خخخخخخ عاد انتوا راعو ..

بس اذا مصختها عاد هذي صج سخافة هع

 

[البنفسج]

..

اي دام السالفه فيها رنه .. فجأه كل البنات يتبرون من الرنه !..

ماشالله وكلمن يذمها !.. هههههههه .. أنا أمي وأبوي من أدق يسكرونه على طول ويدقون علي ..

وخوي نفس الشي ..

أما رفيجاتي .. """ كلهم """ يدقون على رنه أيام الكليه .. خخخخخخخ .. والمشكله مرات

جدامي يعبون رصيد !..

 

[kuwaitya_zoGaa]

والله تبين الصج انا ماقط صارت فينى الا نادر
بس مرات اقول داقين على وسكروا (( يعنى هونو او صار ظرف ))
لانه مرات انا يصير معاى جذيه اتصل بأحد واسكره قبل لا يرن عندى ويطلع داق
وانا الحمدالله ماقط سويتها بأحد ولا عمرى راح اسويها لانه خطي فواتير :dddds:

 

[SeLf^CoNfiDeNce]

اكره هالنوع من الناس و لا بعد ما تستحي داقه رنه و تبي منج شغله استحي على ويهج ما عندج رصيد دزي مسج بس 24 ساعه رنه ما احب هالحركه

 

[tolay]

اذا سوتها مره مرتين عادي

حرام يمكن تبيني ضروري وماعندها رصيد

بس اذا تسويها دايما لااااااا فشله تقهرني

 

[انونا]

ويععععععععععععع ما احب ولا اتقبل الا اذا كانوا رفيجاتي حيل حيل

وميانه مني اوكي بينا وبين بعض

 

[Preity]

خخخخخ احس الحر كه تفشل انا مااسويها كلش الا مع اللي امون عليهم بس طبعا اذا صج ماعندي ر صيد بس عاد اسويها وانا عندي رصيد هاذي بخل بصر احه

 

[خوآطر خفوقي]

شدعوووووووه اشفيكمـ .. !


انا بكل صراحه ادق رنه ..

ع اهلي واخواني .. ورفيجاتي اذا ماعندي رصيد وابيهاآآ ضروري ..
واذا ماكنت ابيهآ ضروري وضايق خلقي ادق دقه يعني دقي من البيت .. واذا مافهمت ودقت من نقالهآ اسكره بوجهـآ .. لين تستوعب ...ومرات ادق رنه ع رفيجتي .. وعقب اعبي لهآ ..

واذا وحده دقت على دقه عادي ادق عليهآ .. ولا اعصب او ازعل .. واذا تلفون البيت موجود دقيت منه ..

ومن صار فون البيت ببلاش صرت اذا كنت بالبيت ادق من تلفون البيت .. واذا احد دق على تلفوني حتى لو وحده ماامون عليهآ .. اسكره بوجها وادق من البيت

لاني كروت واحس بمعاناتهمـ .. الكرت مايقعد يوم .. وماشاء الله الشركات نهيبه .. يعني شحقه نربحهمـ زيآآدهـ ؟!

 

[sweet dashttya]

اي حتى انا ما احب هالنوعية من الناس يعني يا انج اتعبين رصيد وتدقين او يا انج ما اتدقين والله عيب

هالحركة والله انا استحي اسويها برفيجاتي او ادق عليهم رنه معني للحين طالبة وما اشتغل وابوي متقاعد

وما احب اطلب منه فلوس يعني كافي اهو مو بس يصرف علي انا بس يصرف على خواتي عشان جذي

ما اخذ منه فلوس اهو بعطيني بس قلبي يعورني ما احب اخذ منه شي وتخيلو بنات يعني على الله وعلى

100 دينار كل شهر بس يعني فشله اسوي هالحركة ​

 

[! بــدويه وآآيــد !]

:~




هههههههههـآي ضحكني العنـــوآآن ..~


انا من نآآحيتي لآ والله اذا انا ميآآنه مع الشخص الي يدق رنه عآآآدي ..~


بس مو ميآآنه كلش كلش أحــس مآدري فشله !! بس انا من نوعي والله عآآدي مآ انقــد بس اذا تكررت مع الي مو ميآآنه لآ مآدري شلون لوووووول ..~




:~​

 

[^عنقود عنب^]

وااااااااااااااي ياااكثر مااتصير فيني عاااد انا فواتير مو تعبئه وعلى ابو فواتير خلاااااااص كلمن ادق دقه علي بس اللي اموون عليهم عاادي ارد ادق عليهم بس اللي مااادري عنهاااا صااارلها شهووور لااايباااا طاااااااااااااااااااااااااااااااااااااااااااااف ..

 

[Be colorful]

اذا عندها فلوس هذي جعاصه
وع

 

[بحر هادي]

وحده من البنات كانت تسوي كذا معي..وكنت مارد على بالي غلطانه..
بعدين صارت تقولي ليه ماتردين..
صرت ارد..
بس طولتها كله رنه وتسكر..ماعمرها دقت لين ارد..صرت احقرها..مستكثره علي مكالمه لاتدقين يختي..
هي تقرق وانا ادفع..خيررر!!

 

[دلوله_العسوله]

يمكن تبيني ظروري وماعندها رصيد ...... يمكن متوهقه وماعندها رصيد

بس تدق علي رنه وتسده واخر شي تبي تسوولف هني السالفه تتحر وتبط الجبد وتحر ... بس تدرون شلون تدقرونهم اتصلو عليهم وسلمو عليهم وبعدهااااا قوليلها هلا والله خير .. امرني ...شبغيتي حبيبتي...هني راح تفهم انه ماكوو رنه الى لمن تكونين ممفلسه وتبين شي مهم

اما الناس الي تموونين عليهم عادي

 

[(كويتيه عسل)]

مشكوووووورين على المشاركه نورتو الموضوع

 

[miss abrar]

وحده من رفيجاتي دايما تسوي هالحركه بالبدايه على بالي ماعندها رصيد وفيه شي ضروري بعديم مليت لقيتها تبي تهذر على حسابي مع ان عندها تلفون فواتير واهي موظفه وراتبها قوي وانا كنت ادرس وماعندي راتب ... عقب قمت اطنشها اذا اتصلت رنه دامها اهي اللي تبيني وتبي تقرق تتحمل تكاليف هذرتها ... بس صج هاذي وقاحه مو بس بخل

 

[om al ghaleen]

فعلا مو حلوه الحركه ولااحب اسويها حتى مع خواتي "
واذا احد دق علي رنه اضظر ادق عليه لانه مافيني صبر انتظر تدق مره ثانيه
ان كان قصدهم رنه وحده او انقطع الاتصال

مافيه مشكله عندي ..,,

\