شرايكم بتقسيم الشغل بين الخدم؟

[miamy]

عندي خدامتين وتدرون لازم كل وحده تقط الغلط على الثانيه

ف شرايكم؟

منو تقسم الشغل بين الخدم

وشلون الطريقه؟

 

[الكاس الذهبى]

هلا حبوبه ..طبعا لازم تقسمين الشغل بين الخدم ..أنا عندي هم ثنتين اللأولى عليها تغسل حمامي وملابسي وملابس زوجي وعيالي التوام وتكويهم

والطبخ والثانيه تغسل حمام عيالي الباجين وهدومهم وتمسكلي اليهال التوم لما أكون مشغوله باجي الشغل اللي هو تنظيف الصالات والدرايش وغيره مع

بعض وما فيه مانع يتساعدون لما يكونون فاضين ..يعني يمسكون اليهال مع بعض أو الثانيه تساعد الأولى في المطبخ..وبس أتمنى أكون أفدتج وياليت

البنات يقولون خبراتهم عشان نستفيد.

 

[احبج يا الكويت]

انا مقسمه عشان النجره والتبلي
وحده مخليتها لغرفتي والطبخ وحمامي وحمام عيالي وتنطيف الصاله
والثانيه الغسيل والكوي وتنظيف دار الغسيل ودار عيالي
بالنسبة لغرفة الملابس واللي احط فيهاالاغراض يوم هذي ويوم هذي
واثنينهم يتعاونون على عيالي اذا انشغلت
الله يكفينا شرهم

 

[M!δδ Cu†e]

احسن شي كل وحده لها شغلها المعرووف ولا تخلينهم موعارفين مسؤليه كل وحده فيهم اللي راح تحاسبينها عليه مثلا:وحده عليها شغل المطبخ والدور الارضي والثانيه عليها غرف النوم والملابس

 

[كما تدين تدان]

انا مقسمه الشغل بين الثنتين000وحده عليها الطبخ وغسيل الملابس والكوي000يعني من تقعد الصبح تغسل الملابس والضحى تجهز للغدا 00وباجي وقته تكوي أوتي00
والثانيه تنظيف الغرف والحمامات طبعا من الصبح 00واذا قعدوا اليهال تجابلهم000

 

[miamy]

شوفو تقسيمتي:

انا ليلحين ماقلت لهم بشوف رايكم اول :

الطابق التحتي كله ( صالات الاستقبال والحمامات والمطبخ )والطبخ على وحده مع كواي الغتر لانها شاطره بالكواي وعليها نص الدري التحتي

الثانيه عليها الطابق الثاني( الغرف والحمامات) مع غسيل الملابس والكوي والتصفيط والدري النص والفوقي.

والطابق اللي فوق بينهم لانها فيها الغساله والنشافه وغرفتهم وغرفه وحمام.

ها تمامووو؟

شرايكم تمام؟