شرايكم بشوارعنا ايام الدوامات الساعه 7:30 الصبح

[(كويتيه عسل)]

شرايكم بهالمواقف ؟

(1) اشوف شكل السيارات جنهم قطار ورا بعض

ومن بعيد اشوف سيارة تمشي سرعة 40 وجدامها 20 متر فاضي

(2) الشارع زحممممممممه ومسكر ولما توصلين صوب نقطة الزحمه

تشوفين سيارة خربانه ولا دعمه والدعمه بسيط والسيارات تمشي شوي شوي علشان تتطمش

ماادري ليش ساعات احس ان الناس ملقوفه خير ياطير سيارة خربانه شنو الغريب @!@

(3) اللي تحسونه فاضي طالع الصبح يتمشي ويتطمش حزت الدوامات الساعه 7:30
ويمشي شوي شوي ولا يمشي باليسار وشكله دايس 50 التمشي مايحلو الا حزت الدوامات

(4) اكثر شي اشوف السواق يسوون هالحركه >>>> لا اهوا بالسيار ولا على اليمن
منتي عارفه بيروح يمين ولا باليسار يمشي بالنص وان طقيتيله هرن يخز بعد موعاجبه

(5) اذا لفيتي على سيارة تلحقج تسوق سرعه بعد شوي وتدعم السيارت بس علشان تلحق عليج وتلف عليج
كل هذا لان انتي لفيتي عليها وساعات يسبون

(6) النجده اذا كانت واقفه في شارع بدال لا تخفف الزحمه وتكون السيارات منظمه
تلقون الفوضى تزيد وتزيد الزحمه
ولا بعد اذا كانت النجده مبطله التريكات الزرق والحمر تزيد الزحمه لوووووول

(7)الباصات الصغار القرنبع اللي تمشي حيل واحسها بعد شوي تنقلب
ولاتسوي بتوينات بين السيارات شكلها مو صج لوووووول

(8) حارة الامان تصير حلوة الساعة مابين الساعه 7:30 لي 8

 

[shayom al-q]

لوووووووووووووووووووووووول اي والله صاجه
الشارع ملييييييييييييييق الصبح ما تقدرين تطالعين احد كل من يخز شدعوه عليهم يا حافظ

 

[Miss.6Mo7]

اووف يالزحمه .. يبيلج تطلعين قبل دوآمج بسآعه عشان بس توصلين

 

[قلبي ابيض]

انتي خلج من الصبح انا كرهت الظهر والسبة شوارعنا ويا ترميماتهم حتى نفق دبي ماطول مثلهم ماااااادري متى بيخلصون

 

[AbRo0oH Q8]

انا افتكيت .. من هالمنظر ......
دوامي .. صاير جدام بيتنا .......لا و اتأخر بعد لوووووووووول

 

[katko0ota]

ههههه ايي والله و انتي صاااجه

بس انا قمت اطلع مبجر عشان ما اعكر مزاجي من الصبح و اوووصل مرتاحه

 

[سمسمة كويتية]

اي والله الوضع مأساة الصبح عشان جذي قمت اطلع مبجر وايد واوصل اول وحده بس اهم شي ما انزرع بالزحمه فوق الساعه

 

[blue diamond]

الشوارع موووووووووووووووووووووووووووصج
اكره نفسي اذا طلعت
والحمدلله هالسنه ما عندي محاظرات الساعه 8 رحمه من رب العالمين

 

[8yoona]

لوووووووووول ضحكتيني بمواقفج عااد تصدقين ولهت على الطلعة هالحزة متخرجة من شهر 5 من زمان مو طالعة
عااد ولا الباصات القرمبع حدث ولا حرج اهمه والتكااسي مااوااطنهم

 

[sweet dashttya]

اي والله زحمة والشوارع تلوع جبد الواحد استغفر الله

انا كل يوم عندي محاضرة الساعة 8 واطلع من البيت تقريبا 6 ونص

ومع الزحمة اوصل 7ونص يا ناس يعني متى نطلع من البيت 5 الفير

قطيعة ولا الباصات ودي اطق الهندي يقعد ينام على الناس مالت علية

ويسوي روحة مو شايفج ولا غير الي يمشي بطئ والناس معصبة ومسوي

زحمة والي باط جبدي يعني طول العطلة ما عدلوا الشوارع ولا هم يحزنون

وقت الدوامات والزحمة يعدلون الشارع ليشششششششششششششش احنا ناقص

وااااااااااااااااااي اكره نفسي اصلا بروحة على ما اوصل الكلية

احس طاح حيلي كأني داومت معني قاعده بالسيارة الله كريم بعد شنسوي

مع الشوارع التعبانه

 

[كريستال ليدي]

اي والله صاجة انا كرهت الشوارع و السبة هالسوالف

 

[tolay]

ههههههههههههه عاد انا تعودت على الشارع حزه الدوامات !!! لازم كل وحده تسوق تتعود



(5) اذا لفيتي على سيارة تلحقج تسوق سرعه بعد شوي وتدعم السيارت بس علشان تلحق عليج وتلف عليج
كل هذا لان انتي لفيتي عليها وساعات يسبون


هذي صارت فيني صج انقهرت منها

 

[الباسمه]

اكثر شي يغثني لما الباصات القرمبع على قولتهم تمشي على اليسار اموت من القهر
مادري وين الدوريات عنهم
لاهين لاهين الله يهونها علينا

 

[اوراد العشق]

وااااااااااااااااااااي افتكتيت من زحمة الصبح والتاااخيرات فـــــــــــــكـــــــــــه

حولت دووامى عصر حلو وماحس بالزحمه

 

[المكسيكيه]

الله يعينـ

 

[حرية رأي]

اشوف الزحمه في الصبح ارحم من الزحمه في الظهر مع الحر


انا بالسعوديه لمن اروح الجامعه ابوي يوصلني فأول ما اركب السياره انزل المقعده>>>ماخذه راحتها

واناااااااام لحد ما اوصل بوابة الجامعه ويصحيني ابوي

اقعد اتمغط هههههههههههههه الين اوصل البوابه

وفي الظهر نفس الشي نوم لحد ما اوصل البيت

عاد ابوي متحمس يشغل التبريد اعلى درجه

 

[حلا طيبة]

يووووووووووو ياحظكم بجرب

انا بالبيت لاشغل ولامشغله ولادراسة ولاعوار راس

 

[Whisper ~]

إيه والله الصبح معاناه
محاضرتي تكون الساعه 8 واطلع من البيت 6 ونص عشان ألحق .. ومع هذا اوصل حده حده
مايقهرني الا مثل ماقلتي زززحمه وناس واقفه والحاله حاله وآخر شي تطلع الزحمه عشان التطمش على سياره مبنجره !
ايه وبعدين قعدتوا تخوززون سياره مبنجر شاستفدنا ؟؟ يا الله يقهرون
والمشكله الشرطه وجودهم زي عدمهم .. ذاك اليوم واحد منهم مخلي الزحمه وقاعد يتضحك بالتلفون .. لاحق ع التلفون أخ شرطي وظيفتك أولى

 

[Whisper ~]

up

up

 

[داريني]

اخخخخ سكتي بس انا كل يوم بس احاتي الطريج ما احاتي الدوام كثر الطريج
انا ساكنه بصباح السالم وداومي بالديره
يعني طريجي من باب بيتي لي الدوام زحمه مووووت

وايام العطله ماكو مدارس نرتاح من الزحمه