شرايكم بماليزيا بعطلة نص السنة ؟؟؟

[سفيرة العشق]

مساء الخير


انا سبحان الله بعد ماكنت مستعدة اني أسافر لماليزيا هالصيف قبل السفر باسبوع تكنسل كل شي :lkmnkl:
قدر الله وزوجي قالي خلي سفرتنا لماليزيا تكون بعطلة نص السنة
ويكون ولدتي تكونين خفيفة حق الطلعات والتمشي

سؤالي حق اللي سافروا ماليزيا بعطله نص السنة شلون الجو هناك هم رطوبة ؟؟
يكون زحمة نفس الصيف؟؟
تكفيني 10 ايام انا وزوجي ؟؟
وشنو أحسن اماكن اروح لها ؟؟

 

[نور الكويت$$]

رد : شرايكم بماليزيا بعطلة نص السنة ؟؟؟

نفس سؤالج ونفس الحاله كنت بسافر وتكنسل كل شي..
بسافر بعطله نص السنه..
جم يكفيني انا وزوجي والجو شلون صااير..

 

[مليانة حب]

أنا سافرت بشهر 2 اللي طاف...والله ارخص من الصيف خاصة الفنادق مو اسعار موسم...ومو زحمة طبعا" بس فيها خليجين شويه ...
وروحوا والله وناسه وان شالله تستانسون...

 

[Hello_kitty]

حبيبتي انه سافرتلها شهر 11 الجو زوووووووين مو رطوبه وعموما ماليزيا طول السنه تقريبا نفس الجو بس بالصيف الرطوبه والغته تزيد

تكفيج عشر ايام روحي صن واي لاقون يومين اذا تحبون السباحه لا تطوفينها حيل وناسه لأنها دوله اسلاميه والحجاب والمايو الإسلامي حيل عادي هناك,,,,بيننغ رووووووووعه 3 ايام....كوالالمبور5 ايام ويوم روحوا جنتنغ

واذا بتزيدن يومين روحوا لنكاوي

 

[& مــشــايــخ &]

اي اذكرج سفيره كنتي تجهزين للسفر

يالله الخيره فيما اختاره الله واحسن لج والله ريحي روحج الحين

وبالنسبه للشتا يقولون الجو ألطف من الصيف يعني ان شاء الله تستانسين

وترا يكفيها 10 ايام أهم شي لاتضيعين وقتج بكوالالامبور

روحي جزر روحي لنقاوي بييننج

 

[*احلام*الدجى*]

خيره ان شاء تكنسلت السفره

ترى وااايد احسن لج بعطلة 15 بالصيف ماليزيا رطوووووبه موووت بعطلة نص السنه يبرد الجو يعني جنه الكويت شهر خمسه وهالحزه ابرد شي يكون

عشر ايام تكفي وتوفي عدل وزحمة كويتين واايد نفس الصيف

روحي الجنتق ,, افاموسا ,, مجمع سوريا وفيه تحت اكواريم ,, حديقة الزهور والفراشات ,, مزرعة الفراوله والفواكه

وتتهنين يا رب

 

[أباجورة محترقه]

رد : شرايكم بماليزيا بعطلة نص السنة ؟؟؟

والله انا رحت لها بشهر 9 حلووووووو الجو مافي رطوبه حيل وامطااار تهبل
ورخيصه وهاديه وقعدنا اسبوعين والله ملينا هههههههههههههههه كل شي شفناه تكفيج 10 ايام وزيادة
وكلفتنا تقريبا 1500 الى 1800 مع اني شرييييييت واااااااااااااااايد وماخليت شي بخاطري رحت بجنطتنين ورجعت بخمس لووووووول

 

[العود الأصلي]

احسن لج بنص السنة والله اريح من زحمة الصيف

 

[نوونيئ :$]

رد : شرايكم بماليزيا بعطلة نص السنة ؟؟؟

مساء الخير


انا سبحان الله بعد ماكنت مستعدة اني أسافر لماليزيا هالصيف قبل السفر باسبوع تكنسل كل شي :lkmnkl:
قدر الله وزوجي قالي خلي سفرتنا لماليزيا تكون بعطلة نص السنة
ويكون ولدتي تكونين خفيفة حق الطلعات والتمشي

سؤالي حق اللي سافروا ماليزيا بعطله نص السنة شلون الجو هناك هم رطوبة ؟؟
يكون زحمة نفس الصيف؟؟
تكفيني 10 ايام انا وزوجي ؟؟
وشنو أحسن اماكن اروح لها ؟؟

هلأ فيج خيـتو ,, اي حلوو نص السسنه واحسن لج بعد والده وخآلصه عشآن تستآنسين مع زوجج اكثر ~

اي والله اشوفهاا تكفي وزوود ,, انا رحت لهآ بسس الي صج عجبني فيهآ جنتنغ هذي منطقه فوق جبل وبآردهـ حييل انصحج فيهآ ~

 

[أم حمودي**MALL**]

انا اول ماسافرت ماليزيا كان بعطلة نص السنه وقعدنا 10 ايام
ونااااااااااااااااااااااسه
اول شي ماكو زحمة خليجيين الاسعار رخيصه كانوا يتلقفونا بس يبون نركب تكسي او نشتري لان ماكو احد
وكانت عندهم بداية السنه الصينيه وناسه احتفالات وتنزيلات بالمحلات

بالنسبه للجو زوين مو برررررررد لانه جوهم اهو نفسه طول السنه بس مطرت جم مره
جان زين قاعدين اكثر من 10 ايام

المره الثانيه رحنا اخر شهر 6 مووووووشي زحمه وعرب وايد والاسعار غاليه
فرق عن اول مره

 

[وجودالسعودية]

احلا جو في شهر فبراير وانا ان شالله بسافر شهر فبراير اشوفك هناك ان شاالله

 

[جوديے... كيوت]

مساء الخير


انا سبحان الله بعد ماكنت مستعدة اني أسافر لماليزيا هالصيف قبل السفر باسبوع تكنسل كل شي :lkmnkl:
قدر الله وزوجي قالي خلي سفرتنا لماليزيا تكون بعطلة نص السنة
ويكون ولدتي تكونين خفيفة حق الطلعات والتمشي

يفضل عقب الولاده لانه اغلب طلعات تاخذ وقت وايد وتتعبين فيها اماكن صعود ونزول وتمشي

سؤالي حق اللي سافروا ماليزيا بعطله نص السنة شلون الجو هناك هم رطوبة ؟؟

احنا سألنا الي عايشين يقولون هذا جونا كلا رطوبه

ويوم قعدت هذا الي شفته والميزه الحلوه كثرة المطر
يكون زحمة نفس الصيف؟؟
ان شالله البنات يفيدونج

تكفيني 10 ايام انا وزوجي ؟؟
تكفي تروحين لنكاوي تقعدين يومين ويفضل تسكنين عالبحر احلى واونس وترى جولاتها روعه عندج رحلة المانغروف وفي تلفريك بس حظنا صيانه ما كان موسم
والشلالات واهي منطقه بسيطه وعنده الاكواريم الميزه في ان في بطريق بس ولا بكوالامبور احلى واذرب

وعندج جزيرة بينق تشوق وناسه وسكني به هلتون اسعاره معقوله وقريب من البحر مميز فيها بينق حديقة الفواكه سوق الصيني وحديقة الفراشات احلى شي بينق لانه راح تحصلين بكذا مكان بس ما يسوى تروحين واجواء حلوه على البحر الجت والبراشوت وهضبة بينق ورحلة الشاطئ الخاص

وكوالا خليها ثلاث ايام تسوق عندج مميز فيها حديقة الطيور والاكواريم ومجمعاتها ماتسوى الفراشات

تقدرين تروحين يوم كامل وانتي بكوالا حق افاموسا وايد حلوه حديقة حيوانات وبليل عروضات وكرنفال

وجنتق تقدرين تروحين لها يوم واحد كامل وتردين انا قعدت لانه كنت مطوله وهذي المنطقه حلوه وبالجبال مدينه العاب كبيره

حدها تشوق وفيها العاب داخل المجمع وتسوق
وخلي اخر محطه صنواي لاقون لانها المنطقه قريبه من المطار وعندهم شاليه وايد حلو لانه في حوض خاص كنت باخذه بس
يتني دوره وخربت الاجواء وفيه مدينه مائيه والعاب وسبا عجيب صج هالمنطقه حلووووووووه

ورحت كاميرون بس مادري يمديج الوقت ولا لاء

مدينه عالجبال وبسيطه وشوي بارده وهاديه وعيبهاا دوخه بطريج حق الصعده فيها شغلات حلوه وخاصه حديقه الفراوله

وشنو أحسن اماكن اروح لها ؟؟

قلت بعض الي عندي واي سؤال انا حاضره واذا مارديت دذيلي رساله عالخاص وان شالله افيدج

 

[fay fay]

اي شهر يصادف عندكم نص السنه ؟؟؟

شوفي انا سافرت لها

بشهر 7 كانت تنزيلااااااااااااااااااااااااااااااااااااااااااااات تذبح بس غاليه في التذاكر والفنادق
بشهر 1 و 2 كان ونااااااااااااااااااسه تنزيلات بعد وعيد راس السنه الصيينيه والدنيا حمرا من زيناتهم وفي كل مكان اغنيه مشغله اوشن شااااااا او شن شااااا او شن شاااااا هههههههههههههههههههههههههههايي
بشهر 3 و4 كانت اروع اروع اروع سفره سافرتها من ناحيه المطر\\\ على طول مطر صج تشبعنا ونااااااسه وبعد كان عندهم تخفبضات بس صج احلى شي كنا ننام ونصحا على صوت الرعد والمطر ووووااااااي وناسه
وبشهر 10 كانت مو ذاك الزود لاتخفيضات ولاموسم مطر قوي .. يعني مطر بس قليل حبتين بس حلااااات السفره ان كانت بنتي وياي وخلت كل شي حلوووو

 

[سفيرة العشق]

رد : شرايكم بماليزيا بعطلة نص السنة ؟؟؟

مشكورين وماقصرتوا والله يسهل علي هالسفرة

 

[بتوتة توتة]

رد : شرايكم بماليزيا بعطلة نص السنة ؟؟؟

انه سافرت لها في ربيع حلوه استانست وايد حبيتها حلوه ديره اسلاميه رخيصه اكلهم حلو مطر ماركات ديره راقيه جدا مو غاليه عاديه روحي وشوفي عندهم تطور عجيب انه ودي اروح لها بعد

 

[رووووفان]

رد : شرايكم بماليزيا بعطلة نص السنة ؟؟؟

سؤالي حق اللي سافروا ماليزيا بعطله نص السنة شلون الجو هناك هم رطوبة ؟؟
شوفي حبيبتي هي دايما رطوبه وأنا رحت شهر 2 اللي فات كان جوها حيييييل زين ويومين يطق مطر رش حلو وخفيف
يكون زحمة نفس الصيف؟؟
والله في خليجين وكويتين شفت شكثر صراحه الفندق كان شكثر كويتين وكل مارحت مكان لقيت
تكفيني 10 ايام انا وزوجي ؟؟
كافيه
وشنو أحسن اماكن اروح لها ؟؟
خليج يومين بينيغ يومين لانكاوي والباقي كوالالمبور
لا طوفين جنتغ تهبل وبعدين كان شهر 2 في تنزيلات شكثر

 

[مطربه اعراس]

رد : شرايكم بماليزيا بعطلة نص السنة ؟؟؟

والله يااختي خوش دوله ورخيصه جدا جدا
انا رحت لها وشريت جناط ماركه درجه اولى ومكياج كلهم ماركات ماطلعو على بـ100 كويتي
والله العظيم يمكن سبع جناط كبار من مكياج وجناط ماركه شغل عدل والله وبالنسبه للجو جوهم مايتغير وحلو

 

[Turquoiseya]

رد: رد : شرايكم بماليزيا بعطلة نص السنة ؟؟؟

شكثر بنات يمدحونها
اوتقع بنص السنة يكون جوها احل من الصيف

 

[3eonmalaysia]

رد : شرايكم بماليزيا بعطلة نص السنة ؟؟؟

السلام عليكم
اختي كوالالمبور موسم واحد طول السنه والامطار تقريبا كل يوم وبعض الاحيان يومين وبالنسبه للعروض والاماكن لا تشيلين هم ممكن تزورين هذا المكتب يقدمون افضل الاسعار المعقوله والعروض جدا جميله شامله التوصيل من والى المطار سواء داخلي او خارجي +تذاكر الطيران الداخلي+الجولات السياحيه
المكتب في كوالالمبور وهذا عنوانهم
kuala lumpur -suite 1.26 1st floor plaza berjaya,jalan imbi 55100
مقدم ومنسق العروض السياحيه:تركي عبدالله
رقم الجوال:0060176681750
وللمزيد من العروض الرجاء زياره موقعنا
www.3eon-malaysia.com