شرايكم بنات ..الحمل مباشره بعد الزواج والا ننطر

[أإلع ـشق دلع ـهـأإ]

ليش تآخلرون الحمل ؟؟

حق الونآسه !!


ليش آنتم متزوجين علشآن الونآسه ؟؟؟

ومن قآل إن الطفل يحرمكم الونآسه بالعكس هم الونآسه ..

عندي تحمل بسرعه آحسن ع الأقل ترتآح وتظمن إنه مآفيهآ شي

 

[مروة الكندري]

انا افضل الوحده تنطر .. على الأقل 7 شهور 9 شهور .. طلعات ووناسة سفر .. لما تحمل على طول .. ويا النساة بتتملل من روحها من بداية زواجها .. ولما تولد وتبون تطلعون البيبي لازم وياكم ومرات يحرمكم من طلعة مثل السينما وانتو توكم تبون تستانسون

وطبعا في الأول والاخير كل شي بكتبة رب العالمين ويرزق من يشاء

انا عن نفسي .. كنت ادرس فطولت فترة الخطبة لي سنة وشهر .. ولما عرسنا هم قلت ننطر جم شهر .. وسبحان الله كل تأخيره فيها خيره .. ربي كتب اروح الحج وانا لا احاتي عيال ولا حمال .. تاريخ 15 هذا الشهر بيصير لي سنة متزوجه .. واحين محاولات حق البيبي لأن اشوف ان احين الوقت المناسب .

والله يرزقني ويرزقج ويرزق كل وحده الذرية الصالحة

 

[iLLuMinaTion]

خليها عالبركه
بس حلاتها تستانسين بالسفرات والدلع جم شهر بس مو سنه احسسسس مده طويله وبعدين تحملين

بس اللي يجي من الله حياه الله فديتهم البيبات بيسون لكم جوو اكثر

وبعدين سالفه اللي تقضب زوجها باليهال سوالف ماخوذ خيرها اذا مو مغليج لنفسج وحابج ماراح يرد ع عياله اللي منج واذا الوحده مو مرتحه لا تكود اليهال وبعدين تتطلق شيلي نفسج من الاول <<< قلبتها طلاق اعووووذوا بالله

على البركه يعني بدون تخطيط

شرايكم

 

[shmoo3 alamal]

خليها على الله انتي ضامنه روحج من تتزوجين تحملين على طول
اذا الله راد ان تتاخرين ببتاخرين
والله مايسوي شي الا في صلاح للاثنين

 

[barbya_q8]

انا بالنسبه لي اقول مو من اولها حمال حلاته بعد السنه منها تستانسين منها تعرفين الريال اكثر

 

[english muffin]

احنا خليناها على الله
وحملت بعد 6 7 اشهر بعد الزواج الحمدلله

 

[moz3eja]

الافضل انج تخلينها بيد رب العالمين ولا تفكرين ..
متى ما ربج كتب قولي الحمدلله

وايد بنات يقولون لا مابي احمل وبنطر سنه ولا سنتين
عقب هالسنين تكتشف انها لازم تعالج وحملها صعب شوي

 

[ثنايا الورد]

اول شي كل شي على الله لو صار


خلاص بعد تعايشي مع الوضع حتى لو كنتي


مو عاجبج مافي شي احلا من الامومه


بس رأيي الشخصي تزوجتي صغيرة

عيشي حياتج سنه سنتين لاحق الواحد

على العيال خصوصا اذا كان التاخير من الله

ولا في موانع الحرية حلوة وايد

اما اذا الوحدة كبيرة لا والله

الحق عمري اجيب لي لو ياهل واحد

وبالاخير كل وحدة وضروفها ووضعها الصحي والاجتماعي

 

[bloody a]

قبل لا اتزوج كنت اقول انا مابي اييب عيال بسرعه عشان اخذ اول سنة زواج طول بعرض وهالسنه قابله للتمديد
عموما عقب الزواج ب3 شهور حملت بس الله ماكتب وطاح (( ضاق خلقي يوم طاح بس مو وايد )) وعقب الطراح ماشالله صار عندنا مواليد وايد بعايلتنا وتبارك الرحمن كانو يولدون ورا بعض وكنت لازم اوجب وادخل عليهم , فاشتقت حق الحمال وطولت على ماحملت بالثاني لمدة 6 شهور يالله حملت وكانت فرحتي فيه اكثر من فرحتي بالاول والحمد الله انا الحين بالشهر التاسع والله يسهل علي وعلى كل حامل ويرزق كل متزوجه
نصيحتي خليها على الله ولا تحطين فبالج هذي نعمه من رب العالمين واذا تخافين يعني انج ماراح تعرفين تربين او مسؤولية كبيره عليج ترا الوقت اهو الي بيعلمج والتجربه اهي الي بتعودج مو شي ينزرع فيج بيوم وليله

 

[PinkCherry]

من ناحيتي آنه صار لي سنتين وشوي مع زوجي ومتعمده ما احمل لاني كنت صغيره لما تزوجت 19 سنه وكنت ابي استنانس اول معاه نسافر نروح نرجع على راحتنا وتوني هالشهر بديت المحاولات ادعو لي

 

[دلال و غلا]

احنا خليناها ع الله
و ما طرى ع بالي تأجيل الحمل
بالعكس كنت حابه احمل و اصير ام
والا ليش متزوجه 

 

[fate17]

انا اول ما تزوجت كنت ادرس اجلت الحمال سنه بعدها قمت احاول صارلي سنتين احاول و ليلحين ما صار حمل
صج تحسفت ليش ما خليتها على الله من الاول و تحسفت ليش منعت الحمل بس حتى لو ادري انها خيره هالتاخيره
و بالنسبه لي استانست وااايد باول سنه سافرنا لين قلنا بس
ادعولي بالذريه الصالحه ​

 

[SWiiiRZ]

والله على الله
الرزق من الله محد يكتب متى رزقه

 

[قلبي مملكه]

انا خليتها على الله

لاانه ملكتي كانت 8 شهور وانبسطت فيها

وبعد الزواج جلست 4 شهور وبعدها حملت

يعني يعتبر انبسطت وسافرت وجيت فجاءه وقت الاطفال والمسؤليه

 

[بريق الفضة]

حبيبتي هذا الشي بيد الله ورب العالمين يعطي الانسان الرزق بالوقت المناسب
حلو تتعودون ونعرفون اطباع بعض اكثر لأن زوجج إذا عرف اسلوبج وتعلق فيج راح يكون له خلق يصبر عليج وانتي حامل والنفسية والويه معفوس وقت النسات ..
عيشي حياتج ولا تفكرين بشي الي يجي من الله حياه الله
لا تتضايقين اذا حملتي بدري ولا تحاتين ان تأخر شوي
و حلاته الريال يتشفق عالياهل شوي علشان يفز فيه ويستانس
وااايد اعرف حملوا من ليلتهم ورياييلهم تضايقوا يقولون ما استانسنا على عكس الي طولوا شوي
وموفقة يااا رب

 

[iLLuMinaTion]

احنا خليناها ع الله
و ما طرى ع بالي تأجيل الحمل
بالعكس كنت حابه احمل و اصير ام
والا ليش متزوجه 

بس في بنات يفضلون ينطرون شوي

 

[iLLuMinaTion]

انا اول ما تزوجت كنت ادرس اجلت الحمال سنه بعدها قمت احاول صارلي سنتين احاول و ليلحين ما صار حمل

صج تحسفت ليش ما خليتها على الله من الاول و تحسفت ليش منعت الحمل بس حتى لو ادري انها خيره هالتاخيره
و بالنسبه لي استانست وااايد باول سنه سافرنا لين قلنا بس

ادعولي بالذريه الصالحه ​

الله يرزقج الذريه الصالحه يارب

 

[iLLuMinaTion]

حبيبتي هذا الشي بيد الله ورب العالمين يعطي الانسان الرزق بالوقت المناسب
حلو تتعودون ونعرفون اطباع بعض اكثر لأن زوجج إذا عرف اسلوبج وتعلق فيج راح يكون له خلق يصبر عليج وانتي حامل والنفسية والويه معفوس وقت النسات ..
عيشي حياتج ولا تفكرين بشي الي يجي من الله حياه الله
لا تتضايقين اذا حملتي بدري ولا تحاتين ان تأخر شوي
و حلاته الريال يتشفق عالياهل شوي علشان يفز فيه ويستانس
وااايد اعرف حملوا من ليلتهم ورياييلهم تضايقوا يقولون ما استانسنا على عكس الي طولوا شوي
وموفقة يااا رب

اجمعين يارب

 

[حب1985]

يعتمد علا اتفاق المرا وزوجها لازم يكونو متفقين وراضين اثنينهم
بس بالنسبة للحمل في اي وقت لازم يكون له تخطيط يعني لاتتركها للصدفة علشان الوحده اذا حملت تتفادى مخاطر الحمل .. ضروري تجهز له وتاخذ حبوب حمض الفوليك قبل الحمل بشهرين وتستمر عليهم نفس الشي اذا مفكره تحمل لازم تبتعد عن كل شي بامكانه يضر الجنين مثل الاشعة والمواد الكيماوية واخذ ادويا من غير استشارة طبيب
واسفة علا الاطاله حبيبتي

 

[Galb.sh]

اممممم حلاته بعد 3 شهور جذي بس كل وحده واللي الله كاتبلها