شرايكم بهالحركة ؟؟

[.،:"$الـعـوبــــة$":،.]

مرحبا حبايبي ،:tek:
اليوم عندي موضوع ودي اسمع آرائكم فيه ،:gathering:
عادي عندك اذا زوجك يفتش تلفونك ؟؟ وبدون استئذان ؟؟ وقام يمسح صور مو عاجبته ؟؟ او رسايل مادشت مزاجه ؟؟
واذا جاك مسج يسابقك عالتلفون ؟؟
وعادي عنده اذا فتشتي تلفونه والا يعصب ويتضايق ؟؟:eh_s(14):

أنا طبعا زوجي يحب يفتش تلفوني ويقرى مسجاتي ويشوف الاستديو وحتى السجل مرات !!:jumpon:
مدري هو شك والا استعباط ؟؟ لأني أدري ومتأكدة ألف مرة إن زوجي مايشك فيني نهائيا !!
بس فيه فضول مو طبيعي !!

ويزهقني اذا مسح شغلات بالاستديو مع اني من النوع اللي لا يمكن اصور نفسي بالنقال ولا اصور بنات كبار ، مثل خواتي أو رفيقاتي ، مو بس اخاف زوجي يشوفهم ! لأ أخاف حتى أضيع نقالي بمكان عام وايطيح بايدين واحد أو وحدة مايخافون ربهم !

وما أحب مرات إنه يفتح مسجاتي قبلي ! يعني مهما كان فيه شغلات خاصة ! مثلا مرات تكون وحدة من خواتي أو رفيقاتي دازين لي شغلة خاصة ، استفسار ، سؤال ، طلب ! أي شي بس يكون خاص !!
وأتضايق ! بس الحمدلله ماوصلت انها تصير مشكلة !:eh_s(13):

ماحبيت أسوي قفل لنقالي ماحبيت هالحركة ! لأنه هو ماسواها ! وعادي عنده ، نقاله أصلا دايم محذوف وأنا آخذه أخشه من عيالي لا يلعبون فيه أو يخربونه !


فيه بنات يقولون والله تصيرلنا مشاكل من هالحركات ؟؟! يكونون حاشين بأحد ؟؟ أو طالبين شي ومايبون أزواجهم يدرون !! وشغلات والله ناسيتها !!:cxxxp:

أنتوا شرايكم ؟ وهل صارت لكم مواقف أو مشاكل من هالحركة ؟؟:080402ask_prv:​

 

[عيون-المها]

وناسة اول وحدة ترد

ولا مرة مسك نقالي

مقابل شنو لا تمسكين نقالي 0000واصلا طبع فينى ماحب اشوف رسايل لحد حتى اختى

 

[آم آحمدو]

عادي انا ريلي يمسك تلفوني بس مو لان يشك لأ جذي بس لاا ويعصب اذا دقواا على رفيجاتي او اذا تلفوني رن وايد
لوول

 

[تنايفـ]

لووووووووووووووول يحليله ريلج يمسح على كيفه

شوفي تلفوناتنا انا وزوجي عادي نفتحها يعني انا ادش على مسجاته مرات وعلى الصور اكثر شي لانه يحب يصور .. وهوا يدش يشوف الثيمات الي عندي والنغمات هيك يعني .. لي هني عادي وكل شي تمام
بس اني امسح شي من موبايله ولا اهو يمسح شي على كيفه لأ ما ارضى .. لقافه ما احب جذي
موبايلي ممنوع احد يقرب منه الا زوجي عادي .. بس مايمسح شي على كيفه

واهوا عادري عنده العب بموبايله بس مايرضى امسح شي
​

 

[TbOoLa_77]

انا اشوف انها عادي ان الزوجه تشوف موبايل زوجها اول العكس

لكن صعبه انه يمسح شي من موبايلج يمكن تكونين تحتاجينه

الله يهديه لج يارب :*

 

[*ريما*]

انا الا امسك تلفونة
وافتش فية
مو شك بس فضول

 

[.،:"$الـعـوبــــة$":،.]

حياتي فديتكم وفديت ردودكم الحلوة ،،
بس انا مو هذا قصدي ،ن
يعني لو انا اخاف لو زوجي يفتش تلفوني كان حطيت له رقم سري !!
بس مثلا لما يقرى مسجات خاصة بينك وبين خواتك أو رفيقاتك مايعصب او يناقش ؟؟
مثلا خل أعطيكم مثال ؟؟
مرة انا ووحدة من خواتي بنروح مكان ، وللحين ماكلمته بالموضوع ، ودزت لي مسج جيبي معاك هالشغلة قبل نروح لفلانة ! عصب وطنقر ! قال على كيفك تقررين وتروحين وماقلتيلي !
يعني انفتح علي باب انا مالي خلق عليه !
قلتله المشوار بعد اسبوع وناوية اكلمك بس ماجت فرصة ! يقول لا ترقعينها !
فهمتوا قصدي !!!!!!​

 

[NauGhty nuRse]

هههههههه انا انانيه
احب اشوف شنو عنده بالتلفووووووون واقرا مسجاته وساعات فديته اهو يقراهم لي
بس ويااااااااااااويل الي يمسك تلفوني

 

[انتظر حبه]

لا اشوف تلفونه ولا يشوف تلفوني
بس مرات يتلقف وانا بصراحه ماحب انه يشوف رسايلي فجذي اعصب

 

[فـلـفـلـهـ]

مالي شغل بتليفونه وماأرضي يشوف تليفوني

شكوووووووووووووووووووو

 

[(المباركيه)]

هي الحركة عادية جدا بس اتنرررررررفز

 

[انوووني]

مرة انا ووحدة من خواتي بنروح مكان ، وللحين ماكلمته بالموضوع ، ودزت لي مسج جيبي معاك هالشغلة قبل نروح لفلانة ! عصب وطنقر ! قال على كيفك تقررين وتروحين وماقلتيلي !
يعني انفتح علي باب انا مالي خلق عليه !
قلتله المشوار بعد اسبوع وناوية اكلمك بس ماجت فرصة ! يقول لا ترقعينها !
فهمتوا قصدي !!!!!!​

يا شين هالمواقف مرات تصيرلي بس احاول اوضح قصدي ليمه يقتنع

 

[++MesK++]

؛
؛

زوجي ما يلمس تلفوني كلش

حركه بايخه بصراحه ,, يعني ساعات تسولفين مع خواتج ولا رفيجاتج من خلال المسجات و في اشياء ماله داعي يعرفها!!

انتي فهميه ان هالحركه تضايقج و تنرفزج

؛
؛

 

[.،:"$الـعـوبــــة$":،.]

؛
؛

زوجي ما يلمس تلفوني كلش

حركه بايخه بصراحه ,, يعني ساعات تسولفين مع خواتج ولا رفيجاتج من خلال المسجات و في اشياء ماله داعي يعرفها!!

انتي فهميه ان هالحركه تضايقج و تنرفزج

؛
؛

قلتله والله قلتله !!
قال ليش انتي تقولين شي غلط ؟؟ قلت طبعا لأ ! قال خلاص ماهمني سوالف الناس وأنا تلفوني 24 ساعة عندك ! عمري رديتك ؟ واحب اشوف تلفونك حرام ؟
انا هنيه أسكت ؟! شقول ؟​

 

[العذّر َ~فاتكـَ]

السلام عليكم ورحمه الله.....
انوني فهمتج ما يحتاج
العوبه موضوعج حلو ومناسب بس ما يصير احد ياخذ تليفوني او اخذ تليفونه وين قاعدين شهالمياانه يمكن ايكلم من تليفوني ويخلص رصيدي وانا ما ادري ما يصير خخخخخخخخخخ
بس لازم الواحد برايي ايكون عنده خصوصيه ويراعيها ولحد يدخل بخصوصياته علشان ايحس انه بني ادم شوي له كيان مستقل وبس وانا عضو جديد ان شاء الله استمتع معكم

 

[ريماس77]

هههههههههه
عوبه انا ريلي من يدش يسكر جهازه ومن اطلع انا ينفتح الجهاز وساعات اللقافه شغاله موعلى طول خل يشوف مادري شعندي عاد خخخخخخ وفيج خير مري صوب تلفونه الحمدالله والشكر

 

[TbOoLa_77]

ماكو االا تمسحين المسجات اللي جذي

انا مسجات السوالف ماخليها بتلفوني دايما امسحها

 

[krkooora]

انا مو متزوجه

بس هالشغله عاااديه بس اتبط الجبد يحسسج جنه يفتش و يحيرج هل اهوا شاك ولا فضول و انتي تضيعين بين هالكلمتين

 

[الجود دهن العود]

السلام عليكم ورحمه الله.....
انوني فهمتج ما يحتاج
العوبه موضوعج حلو ومناسب بس ما يصير احد ياخذ تليفوني او اخذ تليفونه وين قاعدين شهالمياانه يمكن ايكلم من تليفوني ويخلص رصيدي وانا ما ادري ما يصير خخخخخخخخخخ
بس لازم الواحد برايي ايكون عنده خصوصيه ويراعيها ولحد يدخل بخصوصياته علشان ايحس انه بني ادم شوي له كيان مستقل وبس وانا عضو جديد ان شاء الله استمتع معكم

انت عضو ولا عضووووووه :eh_s(13):

 

[حكستار]

عادي ما فيها شي
بيجي يىم وراح يمل
انتي لا تكبريها براسه