شرايكم بهالحركة ؟؟

[ديحانيه ذووق]

وااااااااااي انا مجنني بها الحركه

الله يهديه

 

[سارووونه22]

اصلا ريلي مايحب يفتش بتلفوني بس انا ساعات اطالع مسجاته اخذ منهم موقصدي افتش وعادي انا ساعات اقول له شوف منو متصل ولا من منو المسج بس عمره مادش على الصور الى اذا انا اقول له شوف هل صورة ومن هل حجي

 

[ام شموخ]

ماله شغل بتلفوني

 

[قلبي سلومي]

قبل ما يفتش الحين يووووه اذا دق او وصل مسج من منو او ساعات التلفون يكون عنده واذا جا شي من مسج يفتح على طول
واليوم الفجر مسح كل الصور اللي بالاستديو يقول ماله داعي هالصور وطفارته اذا لقى صور فنانين وخصوصا تامر حسني يوووووووووه يطنقر ويقول روحي اتزوجيه شتبين فيني وانا اقعد اضحك وعندي وحدة من رفيجاتي يكرها حيييل لان رفيجتي نكتة وعليها حركات مثلا تطرش مسج هاي حبي او فديتج ولا هاج بوسة اول شي شك بعدين يوم سمع صوتها طنقر يقول هاذي بوية وانا اقول حرام عليك هي تحي تنكت ومن هالموال والحين بدا ببنت عمي عشان صايرة تدق وايد علي والله يستر من الجاي

 

[غاية مرامي]

شالحركات.....اصلا عيب في شي اسمه خصوصيه حتى لوكان ريلي؟؟؟؟؟؟؟؟؟؟

شنو يصابقني عالمسج او المكالمة؟؟؟ في شي اسمه احترام وثقة

انا ريلي ولا عمره سواها

 

[ريتااجي]

والله يأخذ تلفوني وأخذ تلفونه عاادي

مافي فرق بينا بس أنا السوالف اللي جذي حافظتها في حافظة وهوه يعرف إن عادي يروح أي مكان في التلفون

ماعدا هالحافظة مايفتحها لإن هالشي أسرار صاحباتي وخواتي وماله حق يطلع عليهم

فإنتي سوي لج حافظة وحطيهم فيها وقولي له هالحافظة لاتقربها لإن هالشي أسرار وإذا قال لج إنتين ماتسوين شي غلط

قولي له إنت ترضى أطلع سر من أسرارك لخواتي أو صديقاتي وبس

 

[الهندية]

هههههههه انا انانيه
احب اشوف شنو عنده بالتلفووووووون واقرا مسجاته وساعات فديته اهو يقراهم لي
بس ويااااااااااااويل الي يمسك تلفوني

نفسها

 

[meme318]

والله مو حلوه لا اهو يفتش ولا اهي بعد !!

 

[أم فصول وطلول]

انا اشوف انها عادي ان الزوجه تشوف موبايل زوجها اول العكس

لكن صعبه انه يمسح شي من موبايلج يمكن تكونين تحتاجينه

الله يهديه لج يارب :*

 

[++MesK++]

قلتله والله قلتله !!
قال ليش انتي تقولين شي غلط ؟؟ قلت طبعا لأ ! قال خلاص ماهمني سوالف الناس وأنا تلفوني 24 ساعة عندك ! عمري رديتك ؟ واحب اشوف تلفونك حرام ؟
انا هنيه أسكت ؟! شقول ؟​

؛
؛

قوليله انا ما اسوي شي غلط بس رفيجاتي ساعات يطرشون مسجات فيها سوالفهم و اسرارهم و جذي

مايصير انت تقرا هالاشياء

لووول ريلج ما يشك فيج بس اهو فضووولي

؛
؛

 

[::كيك وعسل::]

الله يعينج حبيبتي عليه
بعض رياجيل عسر ويدور الزله والهواش
@@

 

[مطيرية والعزليه]

تصير دايما و عادي مافيها شي

 

[@ام ضاري@]

عادي فديتج خليه يشوف شنو في تيلفوني مع انه مايمسكه الا قليل

بس سالفت يحذف من التيلفون هذي ماحبيتها ابد

ولا حتى الكمبيوتر يحذف فيه

لان ها الشغلات لي مو له

<<--- جابت طاري الكمبيوتر

يقولي بدل الضغط اللي عليه وبدال لا احذف اللي فيه

حطي كل شغلج بمرري

وفعلا سويت ها الحركه عشان مايحذف من وراي @_^

 

[الماسه.80]

عادي فديتج خليه يشوف شنو في تيلفوني مع انه مايمسكه الا قليل

بس سالفت يحذف من التيلفون هذي ماحبيتها ابد

ولا حتى الكمبيوتر يحذف فيه

لان ها الشغلات لي مو له

<<--- جابت طاري الكمبيوتر

يقولي بدل الضغط اللي عليه وبدال لا احذف اللي فيه

حطي كل شغلج بمرري

وفعلا سويت ها الحركه عشان مايحذف من وراي @_^

لا موعاااادي بعدين ماله حق يمسح من وراي شنو الي عندة طوفـــــــــــه هبيطــــــه

 

[3emya_Berry]

انا ريلي ييمسك تلفوني بين فتره وفتره للاستعباط هالشي يضايق بس عادي دامه ماكو شي اخشه اما عن فوه لا والله ما يخليني حتى اييبه له لي رن واهو بعيد عنه

 

[بحر الذكريات]

يووو مرات يسابقني على تليفوني واخاف يكون مسج وحده من رفيجاتي تحش بزوجها والا شي بس عااادي ما اهتم وادري انه واثق بس لقافه

وهو تليفونه قفل وينجن لا لمسته خخخخخخخخ

 

[.،:"$الـعـوبــــة$":،.]

انا والله ماعندي اسرار ولا عندي مشكلة انه يشوف تلفوني ، بس مايفتح المسجات قبلي !
لأني أنا أمسح المسجات أول بأول!
ومرة وحدة من رفيقاتي دازتلي مسج تقول ( العوبة ودي أتطلق من رجلي وأرجع عند أهلي مع إنه مو مقصر معي بس أنا مارتحت معاه ) وكانت عروس مالها الا 6 شهور تقريبا !
وهو طبعا فتح المسج قبلي وعصب ! قال ( أنا مابيك تعرفين على هالأشكال ؟)
أنا انصدمت أي أشكال ؟ قال هذي اللي الطلاق عندها لعبة ومو كفو زواج !
صدق تضااااااااااااااايقت ! وقلتله هذي خصوصيات حريم والبنت تشتكي تبي اللي يهديها !
قال خل تولي بس الشرهه عالحمار اللي متزوجها !
وأنا أدري إنه فهم انها ماهمها الزواج وعادي عنده الطلاق وخايف انها تأثر علي !
بس جد شي يضايق ! ومو راضي يخلي هالعادة ! وكل ماقلتله لا تفتح مسجاتي ! قال أنا عمري مارديتك عن أي شي لا تلفون ولا بوك ولا غيره ! وأتفشل وأسكت !​

 

[ام بديير]

شوفي حبيبتي يبي يفتش كيفه شتسوين بعد ما تقدرين تقوليله لا اتفتش لان بيقوم القيامه ليش وليش اما يمسح شغلات مو داشه مسجاته لا !!

قعدي معاه بهدووء وتفاهمسي معاه ..

 

[مجنونة بس عاقلة]

والله على طول افتش تلفوووونه بس ما اشك فيه حب استطلاع
وهو قليل يطالع تلفوني واذا طالع يكون زهقان ويحب يتسلى بس

ذكرتيني بوحدة اعرفها كانت متهاوشه مع زوجها وبينهم مشاكل وواصلة للشيطان الرجيم
الا تدق عليها وحدة من صديقاتها ولا ردت وارسلتلها رسالة تعتذر فيها انها ماتقدر ترد وقامت تسب
زوجها سب عند صديقتها وضغطت الارسال اثاريها ارسلت الرساله لزوجهااا خخخخخخخخخخ

 

[دنيتى زوجي M]

هلا والله العوبه شلوونج

عاد تدرين انا تنرفزني هالشغله وماحبها كلش

وانا من النوع اللى مالي شغل بتليفونه وحتى اهو بس مرات ياخذه

ويشوف النغمات وجذي سوالف بس وسالفه ان يمسح ططيقولى بمسح هالاغنيه موعاجبتني

انا اتنرفز اقوله ليش يقولى جذي ( تكون الاغنيه عن الخيانه وجذي سوالف ) هههههههههههههه

يقولى ليش انا خاينج ؟؟ هههههههههههههه استغفرالله بس

وسلامتج ياعسل