شرايكم تأيدوني ولا لأ

[فلنتينو]

مرحباا كؤيتيات شخبااركم
اليوم حبيت اطرح موضوع اشووف رايكم فيه
بصرااحه انا اشوف في بناات يكون اعمارهم 13 و14 و15و 16 يعني بمتوسط هالعمر
الاحظ لما اطلع مكان اشوف هالبنات يكون معاها بي بي او ايفون
او حتى تقعد علي بالنت واشووف اهني بنات معانا بالمنتدى بهالاعمار واوقات يدشون قسم الزوجيه
ويقروون او في شغلات بالنت اقوى واعبر وفي منتديات منحطه وحتى برامج اللي بالتلفوون
وصار الحين كل البنات اللي بهالعمر يامعاها تلفون او لاب توب
والله كذا مره اواجهه بنات بهالعمر القها بقسم الزوجيه وتشارك
طبعا من وجهة نظري والله حرام البنت بهالعمر تسلمم تلفوون او نت لا نها بعمر مراهقه وماتعرف مصلحة نفسها متى ماخلصت دراستها ممكن يشترولها تلفون او لاب توب وطبعا تحت رقابه
تلقينها بهالعمر وتعرف كل شي والسبه هالشغلات اللي مادري الام او الاب راضي يسلم بنته تلفون اولاب توب
شرااايكم بالموضووع اللي عندها بنت بهالعمر عادي عندها هالشي
واللي ماعندهم بنات لو عندج بنت بهالعمر رضيين
واترك لكم المايك

 

[مــلائكيه]

انا معااج غلط البنت بهالعمر تاخذ حريتها بهالطريقه
لازم عليها مراقبه ,, حتى الولد
بس بما انج تكلمتي عن البنات فبرايي المراهقه مالازم يكون عندها هالاشيا
الا اذا خلصت مدرسه اووكي
لاني اشوف اغلب بنات هالوقت على طرييف يعني عطيها سبب وتنحرف ,,
ماكو خووف ماكوو وازع ماكوو ثقه

سلام

 

[تذكر خافقي رمحك]

أأيدج بسالفة التلفون
اما بسالفة ادش قسم المتزوجين مافيها شي
اتثقف روحها بعدين بهالعمر ينقعونج بالبحر ويطلعونج ناشفة
وما وقفت على قسم المتزوجين

 

[سمسمة كويتية]

انا ماخذيت التليفون و لا اللابتوب الا لما دشيت الجامعه و لو عندي بنت بهالعمر طبعا ما اعطيها تليفون و لا اخليها تطلع بروحها اصلا شكو بنات مراهقات طالعين بروحهم يتفرفرون بالمجمعات و كل وحده عينها بهالبيبي و لا الآيفون و الله ترى هالاشياء قعد تقفل مخوخهم و تلهيهم و تخلي تفكيرهم سطحي و سخيف
انا معاج و مشكوره على الموضوع المفيد

 

[فلنتينو]

مشكوررين بناات على الردود الطيبه
سمسمة الكويت حتى انا نفسج
الله يستر على بناتنا

 

[الرأي الآخر]

أنا بالنسبه لي اشوف ان الموبايل صار ضروري بهالايام ,, يا ما ضيعنا بعض بالسوق (ساعات المحل الواحد شكبره وحده تكون بقسم و الثانيه بقسم و نضيع بعض!!) و بالنسبه للكمبيوتر .. انا افضل ان يكون في كمبيوتر للعايله كلها الكل يستخدمه ولا يكون بغرفة الولد ولا البنت ..
و انا اراقب الولد و البنت .. حتى الاولاد قاعدين يعرفون على اشياء حساسه ما تفيدهم بعمر المراهقه ..

 

[كارلوفي فاري]

لا والله مو عادي ومشكوره على الموضوع وعل وعسى يجيب فايده

 

[عواطف2000]

هو غلط لكن التكنلوجيا طغت علينا والاهل مساكين شيسووون هذا جيل ماينقدر عليه الله يهديهم

 

[ام ميميتو]

انا اهلي ما شتروالي تليفون الا لما صار عمري 16 و تليفون بدون كاميرا ولا بلوتوث بس معاج حق البنات صارو وااااااااااااااايد متفتحين مو مثل قبل الله يستر علينا

 

[الأميرة كيرارا]

أنا معاج و الله يستر على عيالنا اذا صاروا بهالعمر
بنقدر عليهم ولا لأ

 

[شذى2007]

صحــــــــــــــيح البي بي كلش لالا لانه راح يصيراستخدام شخصي ماتقدر الام تراقبها دايم اما ت اللاب تحط برنامج تراقب بنتها وماتقدر تفتح اشياء

 

[๓ίşś зśŏłả..!]

صاجه بكل كلمه
بصراحه انصدم وخصوصا من سالفه الـ bb
يعني ياهل وتعرفين هالسوالف !
او انه البنت تكون بغرفتها وقافله الباب وشابكه ع النت
ولما تسألين امها تقول شدعوه عادي لازم ع الاقل تراقب بنتها

 

[عذبة الاطبآع]

صـآجه والله غلط

آنـآ لمآ كنت كبرهههم آهلي الصرآحه مآ يرضووون بهالشغلآآت <<< من كبرج

و المصيبه حتى الجهـآل الاصغر منهم مرآآآت آشووووف معـآهم بي بي

الله يستر من الجيل الجــآي

 

[(كويتيه عسل)]

انا ضد البنيه يكون عندها فون بهالعمر المفروض تاخذه لما توصل الجامعه

واللي يشوفهم واهما مجابلين الفون يقول تجارتهم بتغرق في البحر

يا مجابلين الالعاب والواتس اب والفيس بوك

 

[عمرها السعودية]

معك وبقووووووووووووووووووووة بعد حنا ماخذنا جوال ولاب الا لما خلصنا ثاني ثانوي وبالموووووووت واذكر

ذاك الوقت جوال الدمعة هدية من ابوي وصار احتجاج من الوالدة واخوي بين فترة وفترة ياخذه يشوف الملاحظات والاستوديو

وعاذرتة لما افكر فيها الحين ذاك الوقت كان يخاف علي لان اللي اشوفة الانحراف مايجي الا بسبة هالتلفون من اللي يدقون

غلط ويزعجون لاسمعوها بنية

 

[منو انت]

جبتيها على الجرح واللله معاج حق انا اعرف حريم تتكلم عن التربيه وعن سلوك الطفل وعن المراقبه واهي بنتها عمرها 14 سنه ومعاها اي فون وبعدها بفتره شفت البنت تحط مكياج ؟؟؟

وغيرها وغيرها والمصيبه يقولون يووووه بنات فلان ماادري شلون يلبسون ضيج وماادري شنو اقل شي بنات فلان مايتكلمون عن الناس مو انتي اللي قاعده في عزيمه وتتكلمين عن الناس وتقطع فيهم بشكل اعوذ بالله بعد فتره بنتها مراهقه بالسوق وبعز الظهر وحاطه حمره حمرا :rgewrg:
ابي اعرف وينها عن بنتها ؟؟؟؟؟؟؟؟؟؟؟؟؟؟


ومشكوره على الموضوع الحلو

 

[فلنتينو]

يشرفني مروركم
اي والله اللحين بالمجمعات تشوفينهم حراام مهوله بعمرها
وتلفون معلقته علي رقبتها انا مادري ماوراها رقيب
والمشكله يقولج البي بي لو تدخل موقع وتمسحه ماتقدرين اطلعينه
الله يهديهم

 

[Fa6omy]

.​

لآ عاادي وحده عندها فون
بعدين كل وحده على حسب تربيتها
انا امي ماعطتنا اللاب والفون الا اهي واثقه مننا
الفون هالايام شي ضرووري
وانا اخذته كان عمري 16 ​

واذا على قسـم الحياه الزوجيــه ترا يعرفون كل شـي​

 

[غير كل الناس]

تكنولوجيا فرضت نفسها

كل شي بمراقبه

 

[F A R A W L A]

شوفي حاليا احنا بالزمن التكنوولجيا
وانا وحده ماشروولي موبايل الا وعمري 15
وحاليا انا 17 وتوني داخله الجامعه
من موبايل ارتاح لان اذا ضعت ولا في شيء اقدر
اتصل ع احد يعني انا الحمدالله مااطلع بروحه
بس الضرورة واجب

وانا من صغري ادخل النت وجذي
بس الحمدالله اعرف حدوودي وكل هذا يعتمد على التربيه
وانا مااقولج ادخل قسم الزوجيه بس ادخل عشان استفيد
ماادخل عشان افتح عقلي على الاشياء ولا شيء
وانا ان شفت موضوع مااكمل اقراه ولااطلع

كله يعتمد على بنت واخلاقها وتربيتها