شرايكم جمعيه ولا قرض من البنك ؟؟؟

[xxx]

مشكورين على المشاركة

 

[تمنيتك]

انا اشتركت وكنت صغيره بالتعش وحصلت 500 شتريت طقم ذهب انا واختي 1000 نص بالنص

وشتركت هم 550 العام

وهالسنه 200 او 300 ماذكر لانها بين اهلي


والصراحه حلوووه توفير ملبغ

 

[zrzooorah_q8]

نصيحه مني لج والله الجمعيه أحسن
القرض مشاكله وايد

 

[blue diamond]

الجمعيه وايد احسن من القروض الربويه

 

[xxx]

نورتو الموضوع


بنات شنو اكثر مبلغ دشيتو فيه جمعية ؟؟!

 

[blue diamond]

حبوبه انا طالبه ما اشتغل فأكثر مبلغ دشيته 50 ومره دشيت ب 50 و بجمعيه ثانيه ب 20

يعني لو انا اشتغل جان دشيت ب 100 عشان ايمع واوفر حق بيت

 

[أميرة الحلا]

الجمعية اكيد احسن

 

[Cup-Cake]

الجمعية حلوه اذا انتي محتاجه وعطوج نفس الشهر اللي انتي محتاجه فيه
واحسن من القرض لانها بدون فوائد
لكن لازم يكونون مضبوطين ولا ياويلج

 

[منارة الإيمان]

حبيبتى بنت الكويت

أنا أفضل الجمعية عن قرض البنك

خاااااصة لو كانت المجموعة حلوة وعلى قلب ويلتزمون بالدفع وقت التسليم

ومن مزايا الجمعية أنها بدون فواااائد

بينما البنوك تاخذ فوااااائد .. ونكون أحنا أولى فيها

والمحتاااااجة أول تاخذها أول شئ وهكذا

والله أعرف ناس يدشون فيها بالميااات علشان ياخذونها بالألاف

على حسب المجموعة ألي عندج وعلى حسب أستطاعتهم لدفع المبلغ

وكلما كان المبلغ كبييير وأختصر على أشخاص قلة وأشهر قليلة .. أنا عندي أفضل

يعني الأفضل المكسمم 10 شهور

وموفقه إن شاء الله

 

[um_yoyo]

انا عندي الجمعيه احسن طريقه اتجمعين فيها بس احب اكون دايما اخر وحده و لما استلمها على طول بحساب ثاني مافيه كرت علشان ما اسحب منه

 

[^kloOot^]

الجمعيااااااااات عجيبه

انا داشه وحده ثنتين كل وحده وحده على 100دك
ووحده بس جذي عبط استلمها اخر شي بو20 دك واااااااااايد تنفع احسن من القرض بس اهم شي نااااااااس ثقه

 

[حساويه]

انا مره دخلت جمعيه وطلبت ان انا اخذها اخر وحده
وكانت الجمعيه اسبوعيه بس انا كنت ادفع حج شهر يعني اربع اسهم مره وحده مالي خلج ادفع كل اسبوع
بس يوم جا دوري الله لايوريكم ذلوني على ماختها
عطوني اياها بالتقسيط المذل المريح
تجولو جاعده اطرهم ماجنه حجي
وبعدها تأ دبت وحلفت اني مااعيدها ثانيه

 

[q23ew1]

بخاطري ادش جمعيه بس ابي ناس ثقه وويكون على 100 دينار الاني محتاجتها صج

 

[شهد ستايل*]

ما شاء الله الموضوع قديم يتجدد....
وصح موضوع الجمعيه قديم يتجدد.....وراح تبقى الجمعيه افضل من القروض ....
لكن القروض شر لا بد منه ..
المهم

انا طبعا مع الجمعيه ....واحسن من القروض.....
وانا على طول ماسكه جمعيه السهم 100 والوحده تاخذ الف ...على 11 شهر علشان تكون 1000 كامله
وبصراحه الحمدلله انا جمعيتى مضمونه ومع ناس مضمونين ..واستلم الاسهم من المشتركات معاى وانا اللى افتر عليهم واجمعها عندى بظرف واخر الشهر اروح اسلمها حق صاحبه الدور ..واللى تساعدنى بهالشى جزاها الله خير وتجيب سهمها عندى ,,,, ومرات انا اروح بيتوهم ..واذا وصل اخر الشهر وفى سهم مو دافع ادفع من جيبى علشان اللى دورها ما تاخذ جمعيتها مقطعه ..
وصار لى اكثر من 10 سنوات الحمدلله على هالطريقه...وشهر 12 راح تخلص الجمعيه الحاليه ونبلش فى اليديده بس نريح شهر او شهرين ,,,
والدور حسب الحاجه ..
ودمتم سالمين .........................ادرى طولت ...بس مستانسه من الجمعيات ....مضبطتها حق السفر....

 

[xxx]

ياحلوكم وياحلو مشاركاتكم

شهد انتي مثلي انا القايد خخخخخ

ماغير احسب واقط بالاظرف واوزع

 

[memy-08]

اكيد الجمعيه افضل من القرض اللي عليه فايده تعور القلب

 

[Dress Me Up]

ودي ............ بس أهم شي ناس ثقه ...... وتكون بين 5 والسهم 100 عشان مانمل ...............

شيشتوني ،، سألت خواتي ......... زفوني قالولي انتي (-----) من الجنسيات ... قلتلهم بوفر ،،،،، واهما يموتون على الصررررررف ******


الله كريم شكلي بكلم رفيجاتي ...... يمكن يعطوني ويه .........​

 

[xxx]

نورتو الموضوع

 

[malekatsabaa]

السلام عليكم

انا مره دشيت جمعيه>>الغرض منها التوفير<< وحلت عقبها ان ما ادش ...مو لان الناس الي معاي مو مضمونين لا والله كلهم قد المسؤوليه..
بس حسيت اني انا موقد المسؤوليه.. انا ما احب فكرة اني اجبر نفسي عن طريق الالتزام بالناس للتوفير..
احب اني اذا قررت اسوي شي اسويه ..وخلاص ..الشغله حدها سهله وما يبلها تعقيدات.
يعني اذا انا مقتنعه اني لازم اوفر وان في مبلغ قاعده اسرف فيه ..التزم واوفر واعاند روحي وما اخلي الشيطان يقص علي.

تر احنا بنات اغلب مشترياتنا مو محتاجينها...الله عطانا نعمه ولازم نحافظ عليها..

اما اذا الجمعيه عشان باشتري شي وما عندي حاليا..فطبعا اسويها وانا مغمضه عالاقل ما يصير علي فوايد البنوك ..

والقروض ..تكون الملجأ الاخير .. لما تنسد كل البيبان..الله لا يحوجنا لاحد..ويباركلنا برواتبنا وعيالنا..ويرزقنا الحلال ..

مشكوره

 

[صمت الروح]

بصراحه انا سويت جمعيه مع البنات في الدوام وستفدت وايد منها انصحكم فيها