شرايكم شنو اونس السفر الي سويسرا او ماليزيا او الصين هونج كونج

[adriana]

ابي رايكم بنخطط لسفره ومخيرني زوجي وحده من هالدول سويسرا ومع كم يوم في المانيا ماليزيا الصين ابي مكان حلو وحق تسوق باسعار رخيصه ومعقوله وفي نفس الوقت جو حلو وطبيعه باختصار مكان يونس وشو تشورون علي من هالدول الي قلتها واذا في دوله ثانيه في بالكم قولو لي عناه بانتضاركم

 

[أم وصايف]

هلا حبابه

بصراحه هذا اختيار صعب

لان الجو الحلو والطبيعه عند سويسرا والمانيا

وماليزيا والصين هم دوله حلوه وتتميز بالاسعار المعقوله والرخيصه

بس المانيا وسويسر دول غاليه

وبالتوفيق حبابه

 

[حمام شاقني فنه]

سويسرآ حلوة بس غـــــــــآليه

الصين الطبيعه وأسعآرهم رخيصه

أفضلج الصيــ،ن

تروحين وتردين بالسلآمه

 

[yassoo]

سويسرا روعة بس واااايد غالية انا رايحتلها اكثر من مرة بحكم وظيفتي انا مضيفة طيران
من ناحية الجو والطبيعة شي وااااااو خيااال
الصين رخيصة وحلوة حق تسوق بس الجو الله بالخير خيسة والاكل هناك صعبة انج تاكلين باي مكان
ماليزيا حلوة حق وناسة
المانيا تجمع كل شي
جو وطبيعة ووناسة وترى رخيصة والاكل وايد نظيف بس الشعب نحيس مايتكلمون انكليزي حتى لو يعرفون يردون عليج بلغتهم
موفقة انشالله واي استفسار انا تحت امرج