مساء مونترو
New member
جنوب أفريقيا أكثر من روعة...رحنا شهر العسل هناك..
أول شي لازم تسوين تطعيم قبل ما تسافرين بأسبوعين علشان ياخذ مفعول، هذا الطعم يسوي مناعة وياج ل 10 سنوات.. وما يدخلوج هناك من غير الكرت الصحي اللي تسوينه هني بمنطقة الشويخ... الطعم هذا حق اذا رايحة مناطق مفتوحة فيها حيوانات وحشرات وتبي تسوين سفاري.. تكثر بالجهة الشمالية الشرقية من جنوب أفريقيا...
1) نبدأ ب: Sun City هذي منطقة بروحها بوادي فيها فندق رائع The Palace واهو نفس الفندق اللي صور فيه أحمد السقا ومنى زكي فيلم أفريكانو.. شوفي الصور... ويسمونها lost city أو المدينة المفقودة علشانها بروحها وفيها بحيرة صغيرة وأمواج صناعية تحسين أنك تجابلين بحر مو بحيرة وهذا فريد من نوعه .. وبعد فيها محمية صغيرة تشوفين فيها بعض الحيوانات وصغار الأسود داخل أقفاص تقدرين تلعبين وياهم ما يأذون اهم وصغار..وطبعا حدائق جميلة ومطاعم وترفيه.. وفيه وسائل نقل خاصة داخل هذه المدينة علشان تتنقلين فيها كلها مجانية..
2) اذا تبين تسوين سفاري.. رحنا منطقة اسمها سينغيتا singita تينن ! عبارة عن محميات بمنطقة غابات ، غرفتنا كانت عبارة عن أكواخ ، كل غرفة أو كوخ منفصل عن الثاني وتشوفين النهر مجابلج.. وحتى تكرمين الحمام مفتوح وما أحد يشوفج وكأنج عايشة بغابة بروحج، صراحة يهبل، كان فيه رحلتين واحدة الساعدة 5 صباحا علشان تشوفين شروق الشمس ويا الحيوانات اللي في الغابة، وواحدة الساعة 6 مساء علشان تشوفين غروب الشمس، روعة، وخلال السفاري تشوفين كل الحيوانات اللي ممكن تخطر ببالج.. زرافة،،شاذي، فيل، الـ 5 حيوانات الضخمة (The big 5) اللي اهم الفيل، وحيد القرن، الفهد، الجاموس البري، والأسد طبعا، وتكونين محظوظة اذا شفت الأسد...هذولي الـ5 بس موجودين بجنوب أفريقيا وبهذه المنطقة تحديدا، ترى احنا شفنا الأسد، ويينا يمه ويت اللبوة تشم السيارة المقتوحة وما أبي أخفي عليج كانت مغامرة رهيبة !
3) Cape Town أكثر من رائعة على البحر وفيها رأس الرجاء الصالح آخر نقطة بأفريقيا.. وفيها بعد تلفريك يطلع لآخر الجبل، وفيها مناطق وايد حلوة وجميلة. وفيها مطاعم اسلامية تشوفين حلال Halal ، ويبعد عنها بعد حوالي نص ساعة الجزيرة اللي كان مسجون فيها نلسون مانديلا، Robben Island وتشوفين شلون انسجن ووين وشلون كان ياكل، وعن حياته، الرحلة وايد حلوة بالبحر..
4) جوهانسبيرغ: العاصمة ، اهي عاصمة، يعني مجمعات وما فيها شي مميز !
بالنسبة للأكل كنا ناكل بس أكل بحري، في مطاعم مثل Fish and Chips ،
الجو: رحنا بشهر 3 وكان الجو رهيب واهو خريف لأنهم عكسنا يعني الشتاء عندهم صيف عندنا..
وبشكل عام جنوب أفريقيا مو رخيصة.. بس أكثر من رائعة ! ومثل ما يقول المثل: الغالي سعره فيه..
انشاء الله أكون فدتج ، وأنا حاضرة لأي سؤال..
أول شي لازم تسوين تطعيم قبل ما تسافرين بأسبوعين علشان ياخذ مفعول، هذا الطعم يسوي مناعة وياج ل 10 سنوات.. وما يدخلوج هناك من غير الكرت الصحي اللي تسوينه هني بمنطقة الشويخ... الطعم هذا حق اذا رايحة مناطق مفتوحة فيها حيوانات وحشرات وتبي تسوين سفاري.. تكثر بالجهة الشمالية الشرقية من جنوب أفريقيا...
1) نبدأ ب: Sun City هذي منطقة بروحها بوادي فيها فندق رائع The Palace واهو نفس الفندق اللي صور فيه أحمد السقا ومنى زكي فيلم أفريكانو.. شوفي الصور... ويسمونها lost city أو المدينة المفقودة علشانها بروحها وفيها بحيرة صغيرة وأمواج صناعية تحسين أنك تجابلين بحر مو بحيرة وهذا فريد من نوعه .. وبعد فيها محمية صغيرة تشوفين فيها بعض الحيوانات وصغار الأسود داخل أقفاص تقدرين تلعبين وياهم ما يأذون اهم وصغار..وطبعا حدائق جميلة ومطاعم وترفيه.. وفيه وسائل نقل خاصة داخل هذه المدينة علشان تتنقلين فيها كلها مجانية..
2) اذا تبين تسوين سفاري.. رحنا منطقة اسمها سينغيتا singita تينن ! عبارة عن محميات بمنطقة غابات ، غرفتنا كانت عبارة عن أكواخ ، كل غرفة أو كوخ منفصل عن الثاني وتشوفين النهر مجابلج.. وحتى تكرمين الحمام مفتوح وما أحد يشوفج وكأنج عايشة بغابة بروحج، صراحة يهبل، كان فيه رحلتين واحدة الساعدة 5 صباحا علشان تشوفين شروق الشمس ويا الحيوانات اللي في الغابة، وواحدة الساعة 6 مساء علشان تشوفين غروب الشمس، روعة، وخلال السفاري تشوفين كل الحيوانات اللي ممكن تخطر ببالج.. زرافة،،شاذي، فيل، الـ 5 حيوانات الضخمة (The big 5) اللي اهم الفيل، وحيد القرن، الفهد، الجاموس البري، والأسد طبعا، وتكونين محظوظة اذا شفت الأسد...هذولي الـ5 بس موجودين بجنوب أفريقيا وبهذه المنطقة تحديدا، ترى احنا شفنا الأسد، ويينا يمه ويت اللبوة تشم السيارة المقتوحة وما أبي أخفي عليج كانت مغامرة رهيبة !
3) Cape Town أكثر من رائعة على البحر وفيها رأس الرجاء الصالح آخر نقطة بأفريقيا.. وفيها بعد تلفريك يطلع لآخر الجبل، وفيها مناطق وايد حلوة وجميلة. وفيها مطاعم اسلامية تشوفين حلال Halal ، ويبعد عنها بعد حوالي نص ساعة الجزيرة اللي كان مسجون فيها نلسون مانديلا، Robben Island وتشوفين شلون انسجن ووين وشلون كان ياكل، وعن حياته، الرحلة وايد حلوة بالبحر..
4) جوهانسبيرغ: العاصمة ، اهي عاصمة، يعني مجمعات وما فيها شي مميز !
بالنسبة للأكل كنا ناكل بس أكل بحري، في مطاعم مثل Fish and Chips ،
الجو: رحنا بشهر 3 وكان الجو رهيب واهو خريف لأنهم عكسنا يعني الشتاء عندهم صيف عندنا..
وبشكل عام جنوب أفريقيا مو رخيصة.. بس أكثر من رائعة ! ومثل ما يقول المثل: الغالي سعره فيه..
انشاء الله أكون فدتج ، وأنا حاضرة لأي سؤال..
المرفقات
-
Palace of the Lost City.jpg
لطووووفه
New member
- إنضم
- 11 نوفمبر 2008
- المشاركات
- 502
- مستوى التفاعل
- 0
- النقاط
- 0
اتهببببببببببل
انا مارحت لها بس جتني فتره كنت كل يوم ادخل منتدى العرب المسافرون واقراعنها واقرا التقارير وكنت اتذكر بس كيب تاون لانها عاجبتني
وكلهم يمدحونها ومافيها امرااض
بس العاصمه ناسيه اسمها يعني منطقه تعتبر نوعاا مو موامنه يعني الي يجون يمرون عليها مرور الكرام ويرحون كيب تاون ولا مدن ثاانيه
وعقب اذا بيردون ديره ينامون في العاصمه يوم وعقب على المطاار
خااااااااااااااااطري اروحلها بس ابوي الله يهدهاا لما اقوله جنوب افريقيا يقولي خطر عصابات وماافي امااان عيا يقتنع انه امان
انا مارحت لها بس جتني فتره كنت كل يوم ادخل منتدى العرب المسافرون واقراعنها واقرا التقارير وكنت اتذكر بس كيب تاون لانها عاجبتني
وكلهم يمدحونها ومافيها امرااض
بس العاصمه ناسيه اسمها يعني منطقه تعتبر نوعاا مو موامنه يعني الي يجون يمرون عليها مرور الكرام ويرحون كيب تاون ولا مدن ثاانيه
وعقب اذا بيردون ديره ينامون في العاصمه يوم وعقب على المطاار
خااااااااااااااااطري اروحلها بس ابوي الله يهدهاا لما اقوله جنوب افريقيا يقولي خطر عصابات وماافي امااان عيا يقتنع انه امان
