شرت كفر بـ95ولقته بمكان ثاني بـ35 والله قهر(( عطونا تجاربكم ومواقفكم خلونا نستفيد ))

[جوري الكويت]

شريت علاق ملايس من سناء حولي ب 3 دنانير

والله العظيم رحت كارفور الافينيوز

ادور علاقه

بالصدفه البحتهههههه

لقيت نفسها ب 9 دنانير

و الحين كل ما ادخل كارفور اتذكر سالفه العلاقه

 

[قهوة برية]

خلوني اقولكم شي اللي تحب المظاهر تروح المجمعات تري اسعار المجمعات غاليه دبل السعر روووحي السوقه الثانيه تلقينها نص السعر اذا انتي شاطره خلج فطينه ولا تشترين من المجمعات لانها بالسعر الفلاني لانهم اجاراتهم غاليه وياخذونها من جيوبنا احنا اولا بفلوسنا وعرق جبينا الحين تقولون عني اني بخيله لاااااااااااااااااااااااااااااااااااااااااااااااا بس جربت الاسعار والفرق بكل مكان واعرف من وين اشتري مثل العطور الفرنسيه اخذهم من جمله العطور تكون نص السعر مثلا برتني في معارض العطور 16 دينار وفي الجمله 8 دنانير فرق او لاااااااااا وبعد اشياء واجد حبيت افيدكم بالموضوع هذا وشاكره لكم

وينه هذا المحل الي تشترين منه ؟!

والعطور هذه مو تستر مال المعارض والمحلات ؟.!


ما أجذبج بس معقولة بــ 8 دنانير وبدون مكاسر ؟!

 

[عيالي غناتي]

انا لما كنت اجهز لعرسي فصلت لي دراعه من مشغل مره ماراح اذكر اسمها ب95 ومو راضيه تنزلي حتى بالخمسه وتقولي هذا الموديل حصري عندي انا وبس ولما تلبسينه بتميزين وماراح تلقين احد لابس نفسج ... هالبدله نفسها لقيتها في مشغل ثاني ب 25 دينار ولا بعد ماكاسرتها يمكن تنزلي فيه

 

[مغيب الشمس]

اي والله تعبنا من هالنصب شفت لي جنطة بمجمع منيرة 28 وعجبتني قلت اروح على يوم اشتريها بنفسي ورحت مجمع الدبوس بخيطان والقى نفسهااااااا بالضبط واخذها ب5 دنانييييييير طرت من الفرحه

 

[مزيونه وشقره]

للرفع

 

[داريني]

شريت من تاجره بالمنتدى ملفع تقيلد ماركه بعشرين
وشفته بالمعلم نفسه بالبضبط ب7 وكاسرته قال بخمسه اعطيج ياه
موو قهرررر
بس اول مره واخر مره اطلب شي منها

 

[@sweeeetgirl@]

يووووه هذي وايد
اكثر الكسرات اللي تصير ببرنس تلاقينه يكسر السعر لي اقل من النص ونفس البضاعه مره اختي عزكم الله اشترت منهم جوتي ب19 انا رحت يبته ب1.950 عاد كنت حدي نذله اشتريت من هالنوعيه 4 لاء وكل مااشوفها اذكرها بسالفه
صج بعض الحريم شجعوا التجار انهم يطمعون والله شقولك انا الماركه الفلانيه والسوق العلاني والحين صارت الماركات بيزه ولا فندي او كوتشي بدينار
الله يعين

 

[مغيب الشمس]

للرفع

 

[كل الغلا زوجي]

يزاكم الله خير على هالموضوع المفيد ..

أقترح تثبيت الموضوع حتى لا تنغشون خواتنا اللي ما يعرفون أقترح ذكر الأماكن ونوع البضاعة ..


ومشكورة صاحبة الموضوع ...


رففففففففففففع

 

[مزيونه وشقره]

للفايده

 

[ذهب]

رحت ادور على كفرات لعيالي لقيت كفر 17.5 من سوق شعبي في الفروانية رحت تروفاليو لقيت نفس الكفر بس المفاجئة سعره
15.5 يعني ارخص يعني الدواره و الفر على المحلات هي الحل

 

[Dress Me Up]

مشكورين بنات خوش موضوع والله .. والغلا موجود وفعلا من مكان لي مكان يفرق .. انا قبل فترة شريت ملفع موسكينو من مجمع زهر ب 75 دينار .. ولا بعد كرتونة ماكنت موجودة حطتلي اياه بكرتونة ايس بيرق ,, وبالصدفة لا بسته بالدوام جان تسالني رفيجتي بجم شاريته قلتها ب 75 والله .. جان تقولي اقولج شي وماتزعلين ,, قلت لها قولي ,, جان تقولي انا الصيف اللي فات أخذته من دبي ب 35 .. صج احتريت من داخلي بس مابينت لها وقلت لها عليج بالعافية ... ولا لبسته ثاني يوم عشان اشوفه بعد ..

وبصراحة عندكم بعد جمعية القرين وايد اغلى من جمعيات الباقية ,, يعني ساعات لما اشتري منهم بامبرز ولا حليب لعيالي ,, في فرق بصراحة .. عشان جذي ماقمت احب اشتري منها نهائيا ,,


ومرة شريت بلوزة من انوتا .. ب 30 دينار .. لقيت نفسها اختها بمعرض ب 23 دينار ... وكنت مارة فاشن مل لقيت نفسها اختها ب 15 ......... لاعت جبدي منها وماقمت ألبسها ,, ترا أنوتا أكثر موديلاتهم من الصين وشايلين التاغ وحاطين بداله تاغ أنوتا صج صج ناصبين ,,,, ولا الحين قمصانهم العملية صايرة على 60 و 70 .... الله يعينا على هالغلا ,,,



​

 

[ام رهف]

للفايده

 

[غير كل الناس]

في محلات حرمت اشتري منه الا اذا سووا تنزيلات


ريفا

مانجو

اتش ام

زارا

برنس

شوبوكس

 

[استبرق أم علاوي]

شريت من هوم آر اس كرسي يتصفت ب 19
وشفته بمركز السلطان بتسعه ونص
قهر نص السهر

 

[كتاب]

مشكورين وما قصرتوا

 

[أغلى حبيبه]

شريت كفر من ستي سنتر على 22

وبالجوهره على 11

نصصصص السعر

 

[نور بوبيان]

وااااي شي يعور القلب .... آنا إذا شريت شي وشفته بمكان ثاني وبسأل البياع عن سعره مايرضى زوجي يقول يمكن يطلع أرخص بوايد وتحترين ومايسوى لأنه مافي فايده

 

[كوارين]

انا يامة صار فيني هالمواقف

 

[اوراد وبس]

للرفع