شرت كفر بـ95ولقته بمكان ثاني بـ35 والله قهر(( عطونا تجاربكم ومواقفكم خلونا نستفيد ))

[عطر الشوق]

بنات انا مرة شريت بيجاما من لاسنزا ب19 دينار
والصدمة!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
لقيتها عند وحده تصيرلي قلتلها ماخذتها من لاسنزا قالت لأ من؟؟؟؟؟؟؟؟؟
مجمع النقرة الشمالي بالسرداب ب1.5 حسبو الفرق وتأكدت وشفت اشياء ثانية بعد عندهم بس تعبثو بالأغراض :eh_s(11):
هارد لك

 

[ام العيون السود]

عادى اتعودنا على هذه السالفه

والحواج الى بالقرين صج غالى انا مجربته

 

[omajiad]

حبايبي ياليت تسقولولي وين أحصل كفرات حلوه وقطن 100% لأن زوجي مايحب الأقمشة الثانيه والحين صارلي فوق الشهر كل ما أروح مكان أسأل عن كفر أمريكي أو أسباني يقولولي هذا أمريكي بس مصنوع في الإمارات أو االصين وآنه أبي الأصلي

 

[noty]

عااد صج اتحر السالفه

ولا ثقة قاعدة بالبدله اللي بالقيمه الفلانيه و موجودة برخص تراب

هذا معناته انه انحب المظاهر و اكبر دليل لما انشوفه رخبص اطببح من عينه


انا صارت فيني مره شريت قطعة ذربه حييل و قالت هذي تشكيله يديده


و صدفه اروح مثل سوق جمله ,, و القاها ,, تتوقعين شنو سويت

ماشفت السعر ولا طليت بالمحل عشاااان ما احتر ,, شنو بستفيد راح اقث عمري

و الديرة مو ديرتي اللي بروح اقولها لقيته بمكان ابيع بجمله بس بيوم معين ابيع مفرق


المشكلة بالكويت ماكو حماية مستهلك حتى الماركات مافي ضمانه

في محل بدون ذكر اسامي بالرايه ,, بضاعته اقول ايطاليه ولا شغله كله من الصين ليشش الجذب

شوفوا بره ماكو جذي اذا صيني صيني واذا ايطالي او فرنسي يكتبون


و سالفه المعارض الصراحة طماااااااااشه صج صج

زيدي استربحي بس مو جذي عادي 10 ازيدونها صفر جنها مو امسويه شي و اتصيير 100 بسهااااااااله و يعدين اتسوي خصم تقولج 20 و اهي حتى ما تسوى هالقيمة


شغل الكويتيات ما اخذ منه ما اثق الا مااااااااا ندر


و مشكوورة قلبي على الموضوع المفييد و صج استفدت منكم بناات واايد

لانه واايد بنات ما يقولون من وين ياحذون الاشياء الحلوة و اسعارها زينه كله تفلسف و انه ما يشترون الا من الصالحية :eh_s(3):

 

[مزيونه وشقره]

مشكورين عالمشاركه وحياكم الله ناطرين تجارب



مع تحياتي ياحياتي

مزيونه وشقره

 

[ام الشيخه]

واي الله يعينا ويعينكم

بس عندي سؤال عرض... فاشن مل وين صاير ؟

 

[al7noona]

مره رحت سوق السالميه شفت قميص عجبني ولا يقولي 24 دينار قلت له شدعوه ولا رضى ينزل دينار ماشريته وبعد فتره شفته نفسه اخوووووووووووووووه بمجمع بيروت بفاشن مل على 4.وخرده خل نقول 5 دنانير صج صج فرق شريته وبردت قلبي لو كنت شاريه من قبل ب24 والقاه اقل من 5 صج صج بنقهر وهذا ولا شي من النصب والاحتيال

 

[مسك الغرام]

أسعااااااااااااارنااااااااااا بالسوق بلاااااااااااااااااااااااااااوي..

شي تحصلنه رخيص و شي تحصلينه غاااااااااالي.. بلااااااااااااوي..

و احنا لا رحنا السوق كأن مالنا عقول...
بس أنا درست السوق و عرفتله عدل..بالرخيص و العادي و الغالي...
أأأأأأأأأأأأأأأأي والله قهررررررررررر

 

[ام انس انا]

مرة شريت جوتي تكرموون من شوبوكس الي بسيتي سنتر على 29 دينار وبوقت التنزيلات شفته ولقيته تدروون بجم :eh_s(14):
5 دناااااااانير :krkrkr:

 

[bnt_7waa]

المشكله بعض المحلات بالتنزيلات يطيحوون نص السعر وانتي تكونين شاريه منهم قبل التنزيلات واي قهر

 

[Om 7oo7oo]

قبل سنتين كنت مسافره دبي و شريت جنطة شيروتتي من مجمع ابن بطوطه طلعت علي ب 60 د.ك و كان حجمها ميديوم و لما رجعت الكويت كان قريب عيد الأضحى شفت نفسها بالصالحيه و مجمع الكوت بس الحجم سمول ما عندهم ميديوم ب 180 د.ك حدي انصدمت و رحتلهم ثاني يوم و آنا شايله الجنطه و قالولي ماخذتها من دبي قلتلهم اي و بالسعر الفلاني جان يقولون دايما هناك سعرهم ارخص منا صج ما يستحون بس مساكين اعترفوا بالصجيه ؟؟؟؟؟

 

[^^نـــواره^^]

وحدة كانت شارية من الأسطورة تنورة ب 400 دينار
لقت نفسها بالفروانية على جم تتوقعووون ؟؟؟؟؟؟



4 دنانير

مستحيل هالشي ،، ابيه الاسطوره كله ماركات عالمية مستحيل ينزل سعر الماركة الى 4 دنانير حتى لو كانت مشققة

 

[NeloFaR]

انا بعد مرة شريت بدلة من اكسارا ما ادري اراكس اللي عند الباب بكويت ماجيك ..

اخذتها تقريبا ب 58 و يمكن اكثر اشوية ..

بذمتكم تتخيلون انه بالتنزيلات حاطها بـ 16 و كسور الله لا يخيبني ماني ذاكرة الرقم بالظبط ..

قلت له ليش كاسرين بالسعر جذي .. معناها لما شريتها منكم بالسعر الفلاني كله زيادة عالفاضي

تدرون الرد اللي اقبح من الذنب شنو كان و اللي خلاني ما اطب المحل بعد و لا ادخلة حتى لو خلصت الهدوم من الكويت كلها !!!قال لي اي مدام انتي شريتيها بسعرها الغالي الحين الفقارى يشترونها !!!!

سكت و طلعت و لا طبيت المحل عقبها .. صج ماكو ذوق .. يعني اللي متعني و يايك يشتري منك تقول عنه هالكلام !!

 

["ليان"]

لاتسنغربون عادي ..المحلات تسعر بضاعتها على حسب اجارها ...وعلى حسب المنطقه .....مره رحت الفروانيه ولقيت ملفع ب 12 دينار ....وبعد اقل من اسبوع رحت حولي بلازا ...لقيت نفس الملفع على 20 عند كشك ...يوم سالته ليش غالي ضحك وقالي هذا الكشك اجاره اغلى من محل الفروانيه...اشلون يربحون ....لازم الحين اذا بغيتي تشترين لازم تفترين على المجمعات والمحلات ...على الاقل كذا مكان ...وفي اسواق شعبيه تكون بضاعتها ارخص و جوده......وبالتوفيق

 

[GaZoZiYa]

اححح صج عوار قلب
بس عادي وايد تصير

 

[همسة ورد]

شاريه جوتي حق ولدي من شوبوكس ب 20 دينار تقريبا او 15 ياربي لا تجذبني .

لقيته عند النصر ب2,900 تخيلو .. متتتت قهر

 

[خليج***]

انا مرة اشتريت فرشاة بلشر ب100 فلس
لقيت نفس الفرشاة بالمباركية على ربع دينار,,ههههههههههههههههههههه
يعني اكثر من نص القيمة

واعتقد ان بعض المحلات تغلي الاسعار عالحسب مكان المحل,,

يعني لو محل داخل مجمع بيكون ايجاره غالي وبالتالي يضطر انه يرفع اسعار بضاعته,,والعكس صحيح,,

 

[meen_ana]

عاادي ياماا شفت من هالسواالف بس مانتووب شنو نسوي بعد

 

[دلال82]

اهو صج قهر بس السالفه مو جذي المفروض اتكونين حريصه بالهشغلات يعني تعرفين السوق عدل علشان محد ايقص عليج

 

[^kloOot^]

انا مره شريت لبس سهره من السالميه على شكل حوريه 75دك ناعم بسيط
ولقيته بالمثنى على -------------------------------- (200دك) شصاااااااير

بس اشوه اني شريته من السالميه مو من المثنى