شرت كفر بـ95ولقته بمكان ثاني بـ35 والله قهر(( عطونا تجاربكم ومواقفكم خلونا نستفيد ))

[اميره1980]

بنات و الله العظيم ان اللبس يطلع عليج بالذوق مو بالسعر الغالي قسما بالله ياما شريت شغلات غالية و محد داري بال لها و شغلات رخيصة الكل يمدحها و يسألوني من وين شاريته؟؟ انا شاريه من تاجرة قميص قطن و فيه من جدام صوب الصدر رسوم أسماك ملونة ب 25 دينار وايد بسيط محد سألني عنه من وين بعدها رحت سيتي سنتر السالمية شريت قميص يسواه ب 6 دنانير بعد المكاسر الكل يسألني من وين شاريته و مضعفج وايد (( حطو الف خط تحت مضعفج وناسة قمه الثقة بالنفس ونااااااااااااااااااااااسة )) جني طلعت من الموضوع بس مستانسه خلوني افضفض
و الاكسسوارات تلعب لعب يا بنات باللبس فلا يغركم السعر الغالي اهم شي الذوق و تركيب الالوان

 

[بنت الكويت العسل]

فوووووووووووووووووووووووووق

المحلات اصلا تاخذ الاجار من الناس لهالسبب تزيد سعر البضاعه من مكان للثاني

 

[أحب بابا جابر]

موضوع حلو ومفيد مشكورين بنات

 

[الجفول&]

والله الله يعينكم صج قهر

 

[بنت الكويت العسل]

اثاث ايكيا لاتشترون اي شي من ايكيا الا الاثاث الثقيل او حولوا لبنتا اسعارهم بالارض

 

[بنت الكويت العسل]

لاتشترون لمبات فيليبس مغشوشه كل ماشريت تحترق ماتكمل اسبوع اخذوا اي نوع ثاني الا فيليبس

 

[..HwazN..]

مره بنت خالتي شرت لها قميص من مراا بـ 35 ولقيناه بمحل بالمهلب اتوقع اكسجين مايتعدى الـ10

 

[Om-7soOoN]

للرفففففففففع

 

[درة أهل الطولات]

امبيههههههههه

 

[ذهبيه مرصعه بألماس]

رحت أي توزد و عجبني كفر ب 150 دينار و خلاص نويت آخذه لولا اختي اللي قالت والله شايفته بس ما ادري وين
قلت خل اتركد و لا اشتريه .. و اذا مالقيت شي نفس النظام ارجع له .

و سبحان الله طلعنا من اي توزد رحنا لولو هايبر ..وطلعنا نزلنا دريم مول نبي بو ميه و لا القاه ب 45 دينار اهو نفس التوقيع و نفس الخام بس الفرق ان اللي ب أي تو زد بجنطه كرتون و هذا ببلاستيك و هذا بدون مفارش و بدون تلبيس الكلينكس

خذيته و انا مغمضه و المحل للأسف شال و ما ادري وين طس حسافه ما خذيت رقمهم او كرتهم .

صج فرحت يومها و ما بقى احد ما علمته

هالحجي على آخر شهر 12 اللي طاف.

 

[ذهبيه مرصعه بألماس]

يووووه هذي وايد
اكثر الكسرات اللي تصير ببرنس تلاقينه يكسر السعر لي اقل من النص ونفس البضاعه مره اختي عزكم الله اشترت منهم جوتي ب19 انا رحت يبته ب1.950 عاد كنت حدي نذله اشتريت من هالنوعيه 4 لاء وكل مااشوفها اذكرها بسالفه
صج بعض الحريم شجعوا التجار انهم يطمعون والله شقولك انا الماركه الفلانيه والسوق العلاني والحين صارت الماركات بيزه ولا فندي او كوتشي بدينار
الله يعين

خخخخخخخخخخخخخ على طاري برنس

الصيف اللي فات خميت من لبنان شحاطات و صنادل و جواتي كلهم ستراس على قولة اللبنانيين وصوغه حق خواتي منهم بعد و شكلهم باللبس يهبل و لو تشوفون لمعة الستراس فيهم مو طبيعيه و تبرق برق شي جميل

و حدي فرحانه و هاقيه بالكم شحاطه على كم نعل على كم صندل هقوه

ذاك اليوم اتمشى مع زوجي و عيالي بسوق السالميه و لا محل برنس و شوبوكس مكودين هاللي شريته لا و الوان احلى بعد !!!

زوجي صار جذي :krkrkr: ضحك من قمة راسه علي

و آنا من يومها توووووبه من شغل لبنان الغالي نفس السعر بالمثنى و الرخيص بالاسواق الشعبيه و الوسط كاهو بشو بوكس و ستيبس و نفس القيمه استسلمت خلاااص :eh_s(1):

 

[الغلاااااااكله]

لاحول ولاقوة الا بالله

ياكثر ما انقص عليناااااااا

العيد اللي طاف رحت للحمرا مول وكانوا هابين بشنط كارتير 20010 لقيتها في المحل اللي فوق نسيت اسمه بـ 65
بعد فتره بسييييييطه لقيتها بالوسيط تباع مع بوووووكها 24 : |

فيه وحده بالمنتدى كانت تبيع على ايام الشتى بدل اطفال على دبدوب وارنوب ...الخ

اعجبتني الدبدوب الوردي بس تغاليته اعتقد كان 21 لقيته في اولااااااادنا بـ 3.5 وخذيته طبعا وانا مغمضه

اكسسوارات اللي عند اجيال اسعارها ناااااااار تلقون نفس طقتها على 1.5 عند محلات الفراوله اللي بالفحيحيل ولا بعد اشكال تشوووووق


اما المعارض وما ادراك ما المعاااااااااااااااااااااااارض قصوا علي

شريت بدله استقبال لعرسي ب130 الله لا يخسر رحت للعربيد بفصل دراريع للبيت انصدمت انها معروضه بنفس اللون بـ 21 فقط !!

وشريت من العربيد دراعه كانت لابستها الهام الفضاله من انسام الخلف اللي تبيعها ب400 طبعا ماكنت اعرف سعرها الا يوم قالولي رفيجاتي


انا ماخذتها من العربيد بـ 17 ديناااااااار قاموا يصارخون رفيجاتي يوم قلت السعر هههههههه هذا الشي الوحيد اللي استانست عليه خخخخخخخخخخخخخخخخخخ

والباجي كله مقصوص علي



موضوع مفييييييييييد لي عوده اذا تذكرت شي لووووول

 

[بنت الكويت العسل]

لايوقفففففففففففففففففففففففففففففف

 

[Maryomah_q8]

كملواا لاتوقفووون

 

[غروري بطيبتي]

اثاث ايكيا لاتشترون اي شي من ايكيا الا الاثاث الثقيل او حولوا لبنتا اسعارهم بالارض

وين صاير بنتا؟

موضوع يرفع الضغط :0bee2e8d89:
كله يهون واللي تقول رفيج زوجها بالجمارك يقول الخاتم بـ750 فلس
والكفرات صج صج فرق الاسعار :eh_s(1):

 

[لوازم العائلة]

انا من شهرين شفت غرفة نوم ب245بسنتر بوينت عليها بروموشن استخرت ربي وماكتب اني اخدها
وبعدها قلت خل اطر لما ينزل المعاش هالشهر
شفت نفسها بجملة الاثاث ب174
لما رحنا جملة الاثاث جيكت عليها ولا نفسها حتى الي يبيع قال انا راح اعطيكم ياها 162
قلت خلاص انا بروح سنتر بوينت وارجعلكم
رحت وقلت يمكن عندهم صارت ارخص ولا نفس الشي
رجعناله ولا يعطينا ياها ب140يعني تخيلوا الفرق 105
نصيحه يابنات قولوا دعاء الاستخاره لي بغيتوا تشترون الشي حتى لو شامبو
ودعاء السوق لاتنسونه علشان ربي ايوفقكم

 

[لوازم العائلة]

ومره بمعرض عجبني خاتم ب29حاولت اكسر مارضت تقول انا يايبته من لبنان ووووووو الخ الخ
المهم ماشؤيته بعدها بجم يوم سفت وحده لابسته قلت لها من وين قالت من البسطات الي بتايلند على دينارين

 

[Heaven Light]

مـكان بنتا بالضجيج ..هادي سنتر (بالسرداب)


​

 

[<<لمار>>]

صاجين بنات هالمواقف تحر وترفع الضغط انا يعجبونى المعارض يكون القطعة خياط مبينة والكل يعرف من وين تنشرا الخامات ويبيعونها على 60 و70 ليش يبا موجذى الربح هذا نصب

 

[غروري بطيبتي]

مـكان بنتا بالضجيج ..هادي سنتر (بالسرداب) ​

الضجيج الفروانيه ولا الشويخ <<~~ هذي اللي تنحت

مشكوره حبيبتي :tek: