شرح لوكاتي ...خبرتي بالميك اب ...موضوع تعليمي كل هذا مع ^نونون^

[^نونون^]

صباحكم الخير يابنات






اليوم موضوعي هذا راح يكون فيه شرح حق لوك العرس الي بموضوعي الي طاف ومن اليوم ورايح راح احط كل لوكاتي الي اسويها اهني بهالموضوع مع الشرح ومع مشترياتي وكل شي يديد عن المكياج مع خبراتي فيهم على اساس كلنا نستفيد وهم بيكون الموضوع فيه نقاشاتنا عن كل شي جربناه او كل شي يديد او شنو حابين تعرفون او تتعلمون والي اقدر عليه انشالله اسويه لكم لان مليت صراحه وانا ادور مواضيعي بس للأسف مافيهم صور :0bee2e8d89: انحذفو كلهم
وهم ما انكر ان صاحبة فكرة الموضوع الي فيه لوكاتها حبيبت قلوبنا زيــــــــــــــــــــون عشان لحد يقول تقليد وبالعكس انا ما قلدتها الا لأنها ناجحه بموضوعها وهذا دليل نجاحها وما انكر هالشي :tek: فديتج يا احلا زيووووون











اول شي راح ابلش بلوك العرس واشرحه كثر ما اقدر واحط الادوات الي استخدمتها بس قبل كل شي في بنات سألتوني عن كريم جفنشي الي يوخر الخطوط ترا عجييييييييييب انا احطه حق تحت عيوني لان الخطوط الي عندي مو صج وفعلا نتايجه حلوه وهم ينفع حق الي عندهم خطوط صوب الشفايف وسعره ب 14 بس ترا مو دايم يعني بوتوكس حده يدوم 6 ساعات ويروح ينفع حق المناسبات

وعلى طاري الشفايف هم سألتوني عن اسامي الحمر راح احط صورهم وتحت اسم الماركه ورقمها


يلا انبلش _03BA:
















هذي حمرة اختي
ماركتها مـــاك واسمها up the amb اتينن وحطيتلها الحمره بدون تحديد





وهذي حمرتي
هم من ماك نفس الحمره الي طافت اب ذا امب وحطيت فوقها حمرة ماك اسمها hue هم هذي وايد حلوه ولو تلاحظون ترا بس حطيت الحمره الثانيه بس بنص شفايفي يعني برا غامج وداخل يصير افتح بس حسافه مو وايد واضحه بالصوره






والحين انبلش شرح اللوكات بس اول اقولكم عن الفرش الي استخدمتها بلوكاتي وهذي الصوره








من اليسار لين اليمين

*فرشة الكومباكت والمينرال واللوس باودر
*فرشة البلاشرات
*فرشه استخدمها حق التنظيفات وحق البودره تحت العين
*فرشة الفلويد ( ركزو عليها لانها اهم فرشه حق رسمة العين )(هالفرشه تغنيج عن الايلاينر بس نحتاج فلويد اسود)
*فرشة السحبه
*فرشة الاضاءه والشدو الكريمي
*فرشة الشدو
*فرشة الشدو الاسود بسميها لان ماعرف اسمها واهيا الي راح نستخدمها حق عظمة العين او الي يسمونها البنانا بس مو حق توزيع الشدو بس انحط الشدو ونوزعها بفرشه ثانيه







وهذي صورة المكياج الي استخدمته






بنات مو شرط يكون عندنا نفس هالمكياج يعني اي كريم اساس ترتاحوله واي شدو تبونه من اي ماركه او اي شي ثاني بس نبي نتعلم مع بعض الطريقه

اهني بالصوره كريم اساسي من اف سالوران رقم خمسه بس ماحب احطه بروحه لان مايعطيني النتيجه الي احبها بكريم الاساس واخلط معاه كريم اساس من ان سفن رقم 35 مع الكومباكت باودر ملوته رقم 5 واايد حلو يابناات
شدو نايلون
شدو كريمي من ماك اسمه بيرل
تاتو حواجب من ميك اب فوريفر رقم 4
بلشر وردي او اي بلشر على حسب اللوك برونزي او وردي او برتقالي او اي لون ثاني لان احنا بس بنتعلم الخطوات شلون ونقدر انطبقه مع اي لون ميك اب تبونه
ستار باودر سلفر و وردي
فلويد اسود
ماسكرا لانكوم او اي ماسكرا ترتاحولها
واي كونسيلر ترتاحوله
كحل مسس اند مار من كومار لووول بس سواده عجييييييييب وفيه عيب شرعي بالغسيل مايروح بالغصب =\
حمرتين من ماك اسماءهم كاتبتهم فوق او اي حمره ترتاحولها
وشدوات شرط ان نستخدم 3 ألوان اللون الاساسي الاسود ونختار لونين ثانين انا اخترت من الباليت الوردي اللون البنفسجي الفاتح ثالث واحد من فوق واخر لون تحت البنفسجي المحروق





والحين انبلش بالويه




اول شي حطيت من كريم جيفنشي تحت عيوني حق الخطوط وخليته اشوي بعدها رشيت من الفكس وبعد مانشفته بمروحة كيتي اذا عرفتوها لووول حطيت البيس حق كل ويهي ومو شرط يكون من هالماركه عادي اي ماركه ثانيه ترتاحونلها اما البلوت باودر مال ماك هذي اخر خطوه انسويها بعد مانخلص المكياج انحط منها على الاماكل الي ادهن بالويه او انحطه بفرشه حق كل الويه وانا جذي اسوي بس جد فظييييييييعه يلي بشرتكم دهنيه نصيحه اخذوها


بعدها احط كريم الاساس واوزعه عدل واحط اللوس باودر على ويهي كله بس اوزعه عدل واحب اكثر منه عشان نتيجه احلا

بعدها ارسم حواجبي بتاتو ميك اب فوريفر رقم 4
احط الشدو الكريمي وفوقه شدو نايلون من ماك يطلع روعه او تقدرون تحطون اي اضاءه تحبونها





يتبع


​

 

[^نونون^]

والحين نشتغل على العين وهذي صورة عيني قبل ماشتغل بالشدوات والالوان


لاتخترعون :dddds:







اول شي ناخذ فرشة الشدو ونختار اللون الي راح انحطه على الجفن المتحرك وانا استخدمت البنفسجي وابتدي احطه على الجفن المتحرك بس
بعدها احط كحل اسود داخل عيوني
وناخذ الفرسة الي سميتها فرشة الشدو الاسود الي صاي شعرها خط مستقيم نحط من الشدو الاسود ومن نهايت العين لي نص العين انسوي خط على البنانا بس مانروح اكثر من نص العين لان مع الدمج شي طبيعي راح يوصل الشدو الاسود اكثر من نص العين ونحاول انغمج على الشدو شرط يكون فوقه وبس خط عشان راح ندمجه الحين
بفرشة الشدو ناخذ اشووويه من الشدو الاسود ونبدي ندمج الشدو الاسود ونوزعه عدل راح يصير اموه من فوق العين ونحاول نسحب الشدو لي برا العين وعادي لو انسحب وايد مو مشكله
ناخذ من الستار باودر الوردي ونحطه فوق زاوية العين وانصعده لي الاضاءه عشان يعطينا لمعه حلوه بعدين ناخذ الستار باور الثاني الي اهو الفضي ونحطه تحت الحاجب لي برا العين
والحين ناخذ فرشة الفلويد والفلويد الاسود ونبدي انحط خط فوق العين من زاوية العين ليييين اخر العين ونسحبه لي برااا
وناخذ من الفلويد مره ثانيه بالفرشه ونشتغل على البوز من جدام انحاول ان انخلي ايدنه خفيفه عليه عشان يطله امرتب وهم نسحبه من اول العين لييييين نوصل اخر العين ونسحبه لي برا ونرد انعيد بالفلويد مره ثانيه لان انا امسويته امتين من اخر شي ونسحبه لي برا ونظبط السحبه ناخذ فرشة الشدو الاسود وندمجه معااه بحيث مايبين ان في فرق خط الفلويد والشدو عشان يعطينا نتيجه حلوه
وبعد هالخطوه نقدر انركب الرموش او نستخدم الماسكرا الي نحبها
وبفرشة التنظيفات وبودرة تحت العين ابدي انظف تحت العين من الشدو




وبعد ماخلصنا رسمة العين انحط البلشر الي نبيه وانا احب ارسم خشمي بشدو بني فاتح مات

وانحط تحديد نفس لون الحمره او عندكم تحديد لحمي من ميك اب فوريفر يمشي مع كل الحمر وايد احبه
وحق البنات الي يبون الحمره ادوم اطول عندي لكم طريقه واااايد حلوه
تحددون شفتكم بالتحديد على كل الشفه بعدها انييب شدو نفس لون التحديد او اغمج منه بشوي ونمسحه على كل الشفه بعدها انحط الحمره الي نبيها وبجذي ادوم الحمره مده طوييييييييله انا امجربتها وحبيت هالحركه حق المناسبات

وااااخر شي انحط من البلوت باودر على الويه حق الي بشرتهم دهنيه اما الجافه يكتفون بالفكس بس بعد المكياج

والنتيجه هذي









وهم سويت لوك ثاني نفس الطريقه بس اخف من اللوك الي قبله وبدون ستار باودر بس اضاءه عاديه النايلون والسحبه رفعتها مامديتها وحطيت حمره حمرررررررررره بس لحد يخترع لووووووووول تعرفون هالالوان مانحطها الا حق العروس او الزوارات :eh_s(6):



هذا اللوك



قبل اللوك الخطوه الي قلنا عنها خطوة الكريم الاساس مع اللوس وخطوة التاتو وخطوة الاضاءه


قبل








بعد

























وهذي الحمره لحد يخترررررررع
















اي بنات تذكرون قبل شلون كنت امرتبه مكياجي شوفوه مره ثانيه









وشوفو بعد مانظفته لما رجعت من السفر حده مالي خلق اردهم مكانهم =\







ترا للحين دثره ومالي مزاج ارتبهم لوووول



وخلص لوك اليوم نطروني بنفس الموضوع وبلوك ثاني



ناطره تفاعلكم معاي بهالموضوع

:ggdw:

​

 

[TuTTi^FruTTi]

وااي نووون اللموووووضووووووووووع عجييييييييييييييب ومكياجج ايينن ماشاالله وعيووونج تساعد ماشاه لا اله الا الله اسم الله عليج قل اعوذ برب الفلق وسجليني متاابعه لج لاني احبج من اول نظره لووووووووووووووووووووووووووووووول :$

 

[مس فاشن]

:ggdw::ggdw::ggdw::ggdw::ggdw:
يعطيج الف عافيه ياقلبي انا من متابعين مواضيعج تهبل لوكاتج
روعه لاتوقفين

 

[ابله رشا]

تبارك الرحمن شغلج حلو
استمري بهالابداع
ناطرين المزيد

 

[^نونون^]

توتيييييييييييييييييييي فديتج والله صج رفعتي معنوياتي عاد انشالله يكون موضوع حلو ومفيد
مس فاشن بعد عمري والله اتمنى يعجبج الموضوع

 

[عز النفس يغنيني]

مكيااااااااااااجج يهبل اسم الله عليج والله روعه مكياج لبناااااااني

اذا من اوله جذي اجل بيكون ناجح بإذن الله ... شوقتيني والله

وراح اكون متابعه لج ان شاء الله ... تسلم ايدج

 

[غيدآء]

ماشالله روووووعه,,,

لا تحرمينا من هالابداع

 

[رحاب]

ما شاء الله وايد حلوة خط عينج

ناطرين الباجي​

 

[Fashion Purlieu]

مشاءالله لا إله إلا الله روووعه و مرتب و اينن
انا كثرة الفرش تخربطني لوول .. الي استخدمهم 3 فرش بس!!الفاونديشن و اي لاينر و الشادو ... لا وودي اقلصهم اخليهم 2 انزين ليش يعني هيهيه

 

[بنوته22]

ما شاء االله مره اعجبني


طيب تحمليني تراي مره داااااااااااجه بشغلات ذي بس معاك ان شاء الله اتعدل هههههههه


البلوت باودر هذا شنو كل فهمته الا ذا شنو فايدته وماركته ؟؟


الستار باودر الوردي وهذا بعد


انا قلت تحمليني وااااااااااي متى اكون مثلك واعرف... شوفي هو انا احب هالشغلات لاكن ماتقنها مر,,_ احيانا تصيب واحيانا)=

 

[sosotchino]

مآشآء الله عليج روعه :ggdw::ggdw::ggdw:

ومكيآج ذرب

مشرفآت ثبتوه بليز

عندي طلب صغير اذا تقدرين ع الاقل تسوين لوك واحد بالخطوات يعني شلون حطيتي اللآي شدو ودمجتيه وهيك ^^ <<لأني اضيع بالشرح وافهم أكثر شي ع الخطوآت

لآيوقف بتآبعج دآيم

 

[زهرااا]

رووووووووووووووعه رووووووووووووووعه
روووووووووووووووووووووووووووووووووووووووووعه
ماشالله تبارك الرحمن الموضوع رووووووووعه
و ينفع حق اللي ما يعرفون شي بالمكياج >> نفس حالتي

 

[ناسـفــه^البـرقــع]

ماشاء الله

تهبل لوكااتج ناعمه وذربه حتى رسمة شفايفج تعجبني ورووعه

اذا تعبانه من ترتيب طاولتج عطينياها ارجعها لج نظيييييييفه :dddds: كثرة المكياج تجيب المضره :dddds:​

 

[هدير البحر]

بعد عمري حده موضوعج ينن
احس وايد استفدت من طريقة المكياج طريقة السحبه بحاول اسويها لانها عقدتي

مشكوره حبيبتي وتااااااااابعي مواضيعج

 

[أميرة الورد...M ...]

مشكورة وتسلم الايادي

 

[M!$$.Guzel]

نونون

تسلمين حبيبتي ما شاء الله تبارك الرحمن ...
بجد حبيت اللوك والاداوت وغير كذا المكياج << فاتحة نفسي على الاخر
فديتج تسلمين والله ما يحرمنا من مواضيعج الحلوووة

نتريا منج اللوك الثاني

 

[^نونون^]

تسلمون يابنـــــــات نكا نكااا على الردود التشجيييييعيه فرحتوني


بنوته 22 عادي حبيبتي انا موجوده بهالموضوع عشان افيدكم
البلوت باودر حق الي بشرتهم دهنيه يحطونه عشان يتحكم بالدهون الي بالويه يعني اذا بشرتج دهنيه هذا زين لج
اما الستار باودر هذا مثل الشدو بس فيه لمعه وايي منه الوان وهم ينفع ك اضاءه حق العين


Ṧosoţchino حبيبتي انتي انشالله من عيوني راح احاول احط لوك بالخطوات لان صح كلامج احس لما اشرح بدون صور ماينفهم

ناسفه فديييييتج والله مايغلا عليج المكياج

هدير انشالله اكون فدتج لو بشي بسيط وانشالله باللوكات اليايه تستفيدين اكثر

​

 

[يـــا بعدهـــم]

يعطيج العاااااااااااااااااافية


يهبل اللوك والشرح تماااااااااااااااام



متاااابعينج يا حلوووو انتااا

 

[متغربةبأمريكا]

ربي يحفظج ماشاءالله مكياجج يهبل
وعينج قريبه من نسوره

يعطيج العافيه
الباليت في الصورة الاولى عاليمين ,, من وين ماخذتها ؟ وتنصحيني فيها ؟