شركات التغذيه منو احسن فيهم وجم نزلنى (الجزء الثانى وبالصور)

[om mishaal]

مركز سلطان السالمية في كذا شركة دايت دايت كير وفي شركة ثانيه​

فنار أنا من المدمنين على وجبات دايت كير وآخذها من مركز سلطان السالمية
صار لي شهور طويلة ونزلت أكثر من 25 كيلو عليهم
مركز سلطان السالمية ما عندهم شركات دايت إلا دايت كير بس
أما الثلاجة الثانية هي حق مركز سلطان يحاول يسوي سندويشات دايت
بس سعراتها عالية لانها مو مدروسة

دايت كير مركز سلطان ينزلون أكلاتهم الصبح بين 7 و7 ونصف يوميا
والقديم كله ياخذونه ما تلاقين الا تاريخ اليوم نفسه وهالشي أشوفه
لاني غالبا أروح الصبح عشان آخذ سندويش الفلافل باللبنة لذيذة
والظهر أغلب الايام أرجع آخذ أكلاتهم للغذا

على فكرة جميع باصاتهم اللي ينقلون فيها أكلات دايت كير تطلع من
فندق ريتز السالمية شكله هذا مطعمهم تلاقين كل الباصات صافطة هناك
وبعد السبع يتحركون كلهم مراقبتهم عدل
ينقلون الأكل بطريقة نظيفة جدا وأشوف مراقبين على عملية النقل وبحرص شديد
أكثر من مرة أشوفهم ويلفتون نظري لما ينقلون السلات للباص

أنا مع قطوة بالدايت كوين كير :rerrerek:

 

[فنار الكويت]

فنار أنا من المدمنين على وجبات دايت كير وآخذها من مركز سلطان السالمية
صار لي شهور طويلة ونزلت أكثر من 25 كيلو عليهم
مركز سلطان السالمية ما عندهم شركات دايت إلا دايت كير بس
أما الثلاجة الثانية هي حق مركز سلطان يحاول يسوي سندويشات دايت
بس سعراتها عالية لانها مو مدروسة

دايت كير مركز سلطان ينزلون أكلاتهم الصبح بين 7 و7 ونصف يوميا
والقديم كله ياخذونه ما تلاقين الا تاريخ اليوم نفسه وهالشي أشوفه
لاني غالبا أروح الصبح عشان آخذ سندويش الفلافل باللبنة لذيذة
والظهر أغلب الايام أرجع آخذ أكلاتهم للغذا

على فكرة جميع باصاتهم اللي ينقلون فيها أكلات دايت كير تطلع من
فندق ريتز السالمية شكله هذا مطعمهم تلاقين كل الباصات صافطة هناك
وبعد السبع يتحركون كلهم مراقبتهم عدل :d:d
ينقلون الأكل بطريقة نظيفة جدا وأشوف مراقبين على عملية النقل وبحرص شديد
أكثر من مرة أشوفهم ويلفتون نظري لما ينقلون السلات للباص

أنا مع قطوة بالدايت كوين كير :rerrerek:

ماشاءالله الله يتمم عليج يارب
بصراحة شجعتوني والله بس مشكلتي اذا اخذت حق الريوق والغدا والعشا هل مكتوب جم كالوري ،،، إذا انا اخذ من الشركات 1100 كالوري
ياريت تقوليلي جم كنتي تاخذين كالوري باليوم لما كنتي تاخذين الوجبات من الجمعية وغير الوجبات شنو كنتي تاخذين من عصاير او حليب او سناك
إذا مكتوب بكل علبه جم كالوري عيل العملية سهل بس مشكلتي بالسناك والمشروبات شلون اعرف الحليب خالي الدسم جم كالوري ولا الروب او العصير او الفاكهة الوحده
​

 

[حياة زوجي]

اشتراك دينا ولينا العرض بدون الجمعة انا مشتركة فيه

العرض انا مشتركه فيه 169 كامل مع الجمعه
و170 للمشتركين الجدد اللى تبي اشتراك كامل مع الجمعه
وانا خذيته 169 تجديد اشتراك لانى مشتركه معاهم من قبل
يعنى يعطون عرض خاص لزباينهم
انا تونى دقيت وفهمت منهم اكثر
واالى اول مره تبي من غير جمعه اشتراك جديد ماعندها ملف هم 169
يعنى فنار الكويت لو تبين شهر كامل مع الجمعه يصير 170 لانج اول مره

 

[فنار الكويت]

بعد جبدي حياة زوجي مانتحرمش
يالله بنات اشتركو بدينا ولينا وانا انشالله بشترك بدفع اول ماينزل المعاش واشوف متى ابلش معاهم
​

 

[حياة زوجي]

صباح الخير -___-


حياة ،، عليج بالعافيه ، بس تعالي كالوري كنترول عادة يحطون باكيت للجاي وربعه مع ادوات الاكل ، جربتيهم ؟؟

مو كل مره يحطون جاى لحد الان شفته 3 مرات
وبعدين انا انصدمت اليوم عيش من غير مرق او دقوس ماعرف آكل عيش ناشف على الاقل شويه مرق

 

[فنار الكويت]

حياة زوجي انا كنت مثلج اعاني من هالشي لما يكون عيش بدون شي فعشان جذي احط من عندي دقوس او معبوج وعندج سومطره روووووعه اذا تحبين شي حار انا ماستغنى عنه بصراحة
​

 

[om mishaal]

ماشاءالله الله يتمم عليج يارب​

بصراحة شجعتوني والله بس مشكلتي اذا اخذت حق الريوق والغدا والعشا هل مكتوب جم كالوري ،،، إذا انا اخذ من الشركات 1100 كالوري
ياريت تقوليلي جم كنتي تاخذين كالوري باليوم لما كنتي تاخذين الوجبات من الجمعية وغير الوجبات شنو كنتي تاخذين من عصاير او حليب او سناك
إذا مكتوب بكل علبه جم كالوري عيل العملية سهل بس مشكلتي بالسناك والمشروبات شلون اعرف الحليب خالي الدسم جم كالوري ولا الروب او العصير او الفاكهة الوحده​

فنار أنا ب 3 شهور نزلت 25 كيلو بالضبط
رغم اني كبيرة بالعمر وصعب نزول وزني مو مثلك النزول أسهل
بس لاني قررت وحطيت براسي لازم انزل لاني كنت بحضر حفلة ابني وحبيت ابيض وجهه :d
كل الوجبات مكتوب عليهم عدد الكالوريز
بالنسبة للروب أخذ الازرق اللي عليه زيرو فات اذا مو غلطانة نادك وهذا فيه تقريبا 100 سعرة
ونفس الشي حليب الرشاقة زيرو فات اعتقد اسمه الصافي والكوب فيه اقل من 90 سعرة وأشربه مهيل
اتعشى عليه
انا اتحكم بالكالوريز والنوعية وطبعا كل شي عليه الكالوريز
حتى ما أوصل 1000 باليوم لو أبي
أكل بشراهة الخس المدور عجيب عجيب عجيب بالدايت وتقريبا سعراته شبه معدومة
والخيار بعد وايد زين للرجيم سعراته قليلة
والاهم مو بس السعرات يعني مثل الخس والخيار والطماطم بين الوجبات هذه خااااااالية الدهووووون وهذا المهم عندك انها تكون خالية الدهون عشان تساعد بالنزول
وفواكه كنت أكثر من البطيخ (الرقي) والشمام سعراتهم الحرارية جدا منخفضة وخالي من الدهون
والفراولة بعد سعراتها قليلة جدا و عندك الكستناء مفيدة جدا فيها كالسيوم وحديد عااالي وقليلة السعرات يوميا آكل منها
يعني بين الوجبات طول الوقت آكل بس من هالشغلات هذه اللي سعراتها شبه معدومة وخالية الدهون
والشوكولاته لاني من عشاقها آخذها جناح الدايت سعرها 280 فلس فيها 6 مكعبات آكل باليوم نصهم واحيانا اشتهي اكلها كلها بس اعوض اقلل سعرات شي ثاني .
وعليكم بالعافية

 

[فنار الكويت]

ام مشعل ماشالله حلوه تجربتج وانشالله الكل يستفيد والله يتمم عليج وانتي بصحة وعافية
​

 

[قطوووة]

ام مشعل كفوووووووووووو .. وعلى النهج سائرون





امس جييلت التوست والجبن واللذي منه خفايف ريوق وعشا ..



مشترواتي اليوم .. رحت شريت هالوجبات ..

الله لا يخسر





لان ضاق خلقي رديت 60 وقلت لا ابي انزل
عموما .. الوعد يوم الاحد باذن الله .. لاني معاهده نفسي انزل . وجدامي لين تاريخ 15-2-2012

 

[om_fajer83]

اها

 

[قطوووة]

الحمدالله اليوم ماكو خربطة ..

لحد الان

 

[فنار الكويت]

ماشالله قطوه حلو اكلج ويشوق عليج ب ٦٠٠الف عافية يارب
جم اسعار الطبق الواحد تصدقين بشترك بدينا ولينا وبخلي اشتراكي وبجرب اربع ايام اشتري من مركز سلطان وبشوف نفسي​

 

[فنار الكويت]

صارلي فترة ماوزنت من شفت الميزانً الالكتروني يخبص شوي ومعزومه على حفلة بالويك اند جنه جنه بخبص شوي الله يستر

 

[حياة زوجي]

مرحبا ويوم جديد مع كالورى كنترول




عصير شمام

سندويش روست بيف جبنه

كيوي

العدس المسلوق والخضار

كبه بصلصه الطحينه وعيش اسمر

مهلبيه

بطاطا روسيه

سندويش شيكن لاميزون

 

[فنار الكويت]

صباح الورد جميعا

عليج بالعافية حياة والسلطة هذي اتينن
​

 

[حياة زوجي]

صباح الورد جميعا​

عليج بالعافية حياة والسلطة هذي اتينن ​

حياتى الله يعافيج
تعالى انتى الحين مع منو مشتركه وشلون رجيمج
وشنو مخططه
انا حايا مع كالورى كنترول وجددت اشتراكى مع لينا ودينا
والخطه المستقبليه دايت كير

 

[قطوووة]

فنار ..
انصحج تجربين ..
واسعارهم تتراوح مابين الدينار الى دينارين وخرده ع حسب الطبق ..

بس عفية خلج قوية شوي لا تخربطين

حتى الحفلة لاتخربطين:rgewrg:


ماودج جسمج يصير واو بدون زوائد ؟ ماودج تفتكين من هالشركات وتوصلين لهدفج ؟
ماودج الملابس تصير احلى عليج وتلبسينها بثقة ؟؟


كل هذا ماراح يصير بدون التزام وخربطة .....


فنار برايفت : انتي لو اختي جان لجأت للعنف وخذيت منج الكي نت عشان ماتشترين خرابيط ..



وانا متأكدة انج قدها وقدود بس بلا دلع عاد

 

[حياة زوجي]

قطوه
مسويه حمله ضدى ليييييييييييييييييش
هذا وانتى مشتركه بجم شركه وكنتى مستانسه معاهم
انا بصراحه مرتاحه ومنظمين اكلى وكله دايت ورجيم راحه من غير عذاب وتاكلين كل اللى تشتهين على سعرات حراريه معينه وانتى مرتاحه
ولا جمعيات وروحه ورده
واكلج واصل البيت يوميا بكالورى اللي يناسب جسمج
وما تفكرين شنو تاكلين اليوم وممكن تخربطين ايااااااااااااااام وره بعض لانه اكلج راح يكون مفتوح على كيفج
الشركه اهى تحدد اكلج اليوم كله علي حسب السعرات الحراريه اللي تناسب وزنج
انتى بالبيت وتعتمدين على نفسج ممكن تزيدين بالاكل او تقللين
والقله بالاكل مو زين ممكن جسمج يحتاج اكثر علشان مايكون معاج نقص بالفيتامينات وبالتالى يطيح شعرج

 

[قطوووة]

لالالا حيااااااااااااااااتوووووو انا مو ضدج فديتج
فاهمتني غلط
انا انصح بالتحكم الذاتي < الاخت سيارة ههههههههههههههههههه
لا بس يعني ليمتى الشركات ؟؟؟؟؟؟؟
اوكي اانا مع الاشتراكات للاوزان الي للحين ماوصلت هدفها .. وجذي
ليش لا ..
بس شي حلو الواحد يسيطر ع عاداته الغذائية بالبيت ..
وهذا طبع ان غيريته بيتم معاج وتستمرين فيه مدة طويلة ..


شالفايدة اذا الواحد قط عالشركات المبلغ الفلاني .. وونزل من وزنه وايد ..

وبعد شهر من قطع الاشتراك يرد دبل الي خسره من وزن !!!!!

والله انا اعرف وحدة تصير لي .. جسمها كان كبت متنقل .. البنت مررررررربعه وعريضة
عمرها من عمري يعني 24 سنه وجسمها مو حلوووووووووووووووووووووووو
راحت حق احدى عيادات التغذية ومشت ع رجيم يمكن 4 شهور وتغيرت صارت ملامح انثوية ع جسمها
وقطت نص وزنها يمكن ..كانت ملتزمة 100%
وصج صج تغيرت ..
لكن تالي من وقفت شهر ردت مثل اول ....مو حرام ؟؟؟؟


الخلاصه : التغيير ينبع من داخل .. واللي ناوي الاحسن لنفسه .. لازم تكون عنده ارادة



وشكرا :d

 

[فنار الكويت]

حياتى الله يعافيج
تعالى انتى الحين مع منو مشتركه وشلون رجيمج
وشنو مخططه
انا حايا مع كالورى كنترول وجددت اشتراكى مع لينا ودينا
والخطه المستقبليه دايت كير

أنا كنت مشتركة شهرين بهلث كومبني خلصت شهر وعقب قلت اكسر الروتين شوي وجددت إشتراكي بكالوري كنترول وطبعا باقي شهر اشتراك بهلث كومبني فقلت اخلصه باقيلي تقريبا اسبوعين واخلص وانشالله بشترك بدينا ولينا بجربهم وايد يمدحونهم ومن ضمنهم انتي بس قبل لا ابلش مع دينا ولينا بجرب طريقة قطوه اسبوع وبشوف اقدر اتحكم بنفسي لما اروح الجمعية وامر صوب الكاكاو ولا لأ
ولما تدفعين حق الجمعية وبتشوفين انج بتدفعين وايد حق كذا طبق اتوقع بتحسين بقيمة الفلوس مادري هذا اعتقادي غير لما تدفعين اكثر من 180 دينار مره وحده ماراح تحسين بقيمة الفلوس
أنا اخوي يقولي ليمتى انتي بالشركات وماوصلتي الوزن المناسب روحي فكي نفسج وسوي عملية تحويل مادري شنو اساميهم قلتله لو اموت ما الجأ حق العمليات وانا ضدهم لأن باجيلي اربعه او ثلاثة كيلو هذا اللي ابيه
بس عندي سؤال مهم جدا جدا
أعرف كذا وحده سوت العملية شهر 6 اللي طاف تحويل المسار وبسرعة جسمهم نزل اكثر من 40 كيلو والبطن راحت وبدون رياضة ولا مشي ولا رجيم وانا ذابحة نفسي كل يوم مشي ساعه ونص وبطني مثل ما اهو شنو السر اللي تعرف تقولي تكفون

​