شركات التغذيه منو احسن فيهم وجم نزلنى (الجزء الثانى وبالصور)

[بشوفتك ارتاح]

بنات اليوم اشتركت كالوري كنترول ١٧٥ انصدمت من سعرهم بس اختي مجربه اكلهم حلو وان شالله السبت اول يوم والله يسهل واضعف

 

[Day Dreamer]

جنه هم هذا سعرهم ليش انصدمتي؟ انا اللي اعرفه 180 بعد

 

[بشوفتك ارتاح]

لا كنت ابالي العرض ١٣٩ بس شالوه يالله ان شالله اضعف علي هذا العرض

 

[أمـــــل]

شكلي انصكيت عين انا لا رياضه ولاشي اشري اكلهم من الجمعيه ونزلت 7 الحين لى اكثر من اسبوع مانزلت وصرت اخربط ميته قهر والله وقررت اليوم التزم جود انزل اكثر >>>>>>>>>>>>>>>>>>>> حدى مقهوره وحاسه بذنب ضميري يعورني

 

[Ohoodi Star]

انا مشتركة مع لينا ودينا والله ممتازين ودقيقين
بس ودي أجرب فليكس جورميه وايد يمدحونه

 

[Day Dreamer]

انا مرتاحة على هيلث كومباني و نزلت وايد معاهم الحمدلله ما افكر اغيرهم

 

[Ohoodi Star]

انا مرتاحة على هيلث كومباني و نزلت وايد معاهم الحمدلله ما افكر اغيرهم

رفيجتي إللي معاي بالدوام مشتركة وياهم وانا مع لينا ودينا، أحلى شي لما بوكساتنا توصل الصبح وكل وحدة من شركة ههههه موفقة حبيبتي

 

[Ohoodi Star]

سلام بنات حبايبي انا ابي اشترك بلينا ودينا بنات عفيه قلولي رايكم فيها وإذا في أحسن منها قولولي عفيه

انا معاهم الحين وايد زينين وأكلهم لذيذ
توكلي على الله

 

[Ohoodi Star]

بنات وينكم طخ الموضوع مرة وحده @@

انا المفروض موعدي الثلاثا ماني رايحه لان اساسا باروح ديناز اند ليناز الخميس بيشوفون كل قياساتي


atc
حبيبتي كل هالشركات اكلها هيلثي بس الاختيار على حسب ذوق الوحده

أكلهم لذيذ ودقيقين بالمواعيد وقاعدة اضعف عليهم

 

[Ohoodi Star]

بنات انا اليوم كان موعدي عند لينا ودينا الصراحة صرلي مشركة معاهم اسبوع ونص و الاخصائية وايد مستانسة مني حق اني 3 كيلو 500 جرام قالتلي النتيجة ممتازة وقالتي الزيارة الثانية انشالله اكون نازلة اكثر الصراحة اكلهم وايد زين حبيتة و خصوصا انهم منزلين منيو جديد من السبت الي لطاف و الاخصائية قالتلي بعد في منيو جديد حق رمضان ادعولي انزل بنات انا وايد مستانسة
​

موفقة يارب حبيبتي
اي وايد زينين انا اشتركت معاهم 3 اسابيع قبل رمضان وعقب رمضان اكمل اسبوعي الاخير من غير ويكند طبعا

 

[HDBQ8]

السلام عليكم

بنات اللى تبى تشترك بكالورى كنترول حق رمضان ممكن تفيدنا بالاسعار ؟؟؟
انا بخاطرى اشترك وجبتين بس
اتمنى وحده تفيدنا

 

[Mademoiselle A]

انا من جم يوم خلص اشتراكي مع لينا ودينا
كان اكلهم حلو وخصوصا الريوق والحلو حبيتهم
بس مانزلت الا كيلوين ونص شهر كامل
وبصراحة انا خربطت كليت من شيك شاك وفرايديز
بس مادري احس مو لهدرجة يأثر
بأول اسبوع كنت ملتزمة بالبوكس
وماكنت اخربط ونزلت كيلو ونص
حبيت اذكر تجربتي معاهم كانوا زينين واكلهم حلو
أنصح فيهم

 

[ام الحوراء زينب]

شلوووووووووووونكم
طبعا صارلي اسبوعين لاعبه لعب يوم التزم والباجي لا
بس التزمت 6 ايام اذا مو اقل
يوم السبت موعدي ان شاءالله مو زايده

 

[katkoota 89]

السلام عليكم بنات حبيت اسئل عن شركات الهيلث فود شلون اسعارهم برمضان اذا وجبة وحدة للفطور واذا لتزمت معاهم ودخلت نادي اقدر اضعف 10 لي 15 كيلو بالشهر

 

[أحلى عيون]

بنات منو جربت هيلث كومبني في الجهرا بمستشفي العرف وكم اشتراكهم وهل تروحين لهم عند اخصائي يشوف وزنج


ياليت الي تعرف تقولي

 

[LaDantel]

السلااااااااااااااام عليكم

من نصايحكم بنات اخترت دايت سنتر

رحت لهم يوم الخميس كان موعدي مع د.مريم

و اشتركت ب 215 .. 15 دينار فتح ملف .. و 200 سعر الاشتراك الكامل

اللي هو ريوق و غدا و عشا و سناك .. البوكس يوصل يوميا عالساعه 1 الظهر

عموما اليوم اول يوم و الاكل كان لذيذ و يشبع

الريوق : فطيرة سبانخ مثلثة + عصير تفاح كي دي دي + روب خالي الدسم

الغدا: ستيك دياي بالصلصه الحمرا مع خضار سوتيه و بطاط مهروس بالاعشاب + سلطة جرجير بالفطر و الخردل

السناك : حلو تشوكليت موس بااارد

العشا: ساندويتش باغيت اسمر بالديك الرومي و الخردل و الجبن + شوربة شوفان


انا وزني الحالي 56 كيلو و الهدف 50 كيلو

الوزن المثالي للدهون بالجسم اهو 21 وانا الدهون عندي 35 !!

بالنسبه لسمنة الماي ما عندي سمنة ماي فالنزول راح يكون كله دهون

والله يعين !!

و بالنسبه لوزني .. الاخصائيه قالت لي اني عموما خفيفه ما اعتبر متينه فنزول الوزن راح يكون بطيء

لازم ابني عضل لان نسبة العضل عندي ضعيفة وهالشي راح يكون بالرياضه اليوميه

فحاليا امارس الرياضه يوميا من 7-8 مساء

و يلا شجعوووووني
​

 

[أمـــــل]

بنات نبي انسب شركه برمضان من ناحية الاكل يشبع ويضعف وطعم نبي بنات مجربين الشركه برمضان
تحياتي

 

[أمـــــل]

السلااااااااااااااام عليكم

من نصايحكم بنات اخترت دايت سنتر

رحت لهم يوم الخميس كان موعدي مع د.مريم

و اشتركت ب 215 .. 15 دينار فتح ملف .. و 200 سعر الاشتراك الكامل

اللي هو ريوق و غدا و عشا و سناك .. البوكس يوصل يوميا عالساعه 1 الظهر

عموما اليوم اول يوم و الاكل كان لذيذ و يشبع

الريوق : فطيرة سبانخ مثلثة + عصير تفاح كي دي دي + روب خالي الدسم

الغدا: ستيك دياي بالصلصه الحمرا مع خضار سوتيه و بطاط مهروس بالاعشاب + سلطة جرجير بالفطر و الخردل

السناك : حلو تشوكليت موس بااارد

العشا: ساندويتش باغيت اسمر بالديك الرومي و الخردل و الجبن + شوربة شوفان


انا وزني الحالي 56 كيلو و الهدف 50 كيلو

الوزن المثالي للدهون بالجسم اهو 21 وانا الدهون عندي 35 !!

بالنسبه لسمنة الماي ما عندي سمنة ماي فالنزول راح يكون كله دهون

والله يعين !!

و بالنسبه لوزني .. الاخصائيه قالت لي اني عموما خفيفه ما اعتبر متينه فنزول الوزن راح يكون بطيء

لازم ابني عضل لان نسبة العضل عندي ضعيفة وهالشي راح يكون بالرياضه اليوميه

فحاليا امارس الرياضه يوميا من 7-8 مساء

و يلا شجعووو






​

هلا حبيبتي طولج جم ؟؟ لان اشوف وزنج وايد زين

وانشالله تنزلين بصحه وعافيه

تحياتي

 

[بشوفتك ارتاح]

بنات انا جربت الحين كالري كنترول صراحه اكله حلو ولذيذ ويشبع و بس اخاف ما اضعف

 

[بشوفتك ارتاح]

وينكم يا بنات شخبار الوجبات الي مشتركين